اميرة القصر في خدمتكم

samsouma كتب:

اهليييييييين لبنات

ههههههههههه ضحكتيني على لي ناب لمقطعين يكفي انك نتي مقطعة تزيدي لموبل تقطعيه هههههههه مهبولة صح

اما بالنسبة لليكوات تامني شريت غير اللي براتيك كنت باغية نزيد واحد نتاع سموكس ما كفانيش الوقت
ما تبعتش واش لازم تدي لعروس اللي عجبتني شريتها و خلاص
اما نتاع الكروشي نكرهم نحب لكروشي غير فلي ناب حاجة اخرى نعيفو فيها

ههههههه والله لوكان نلقى فراش ستيل موضة ومقطع ويكون فاشن نشريه هههههههههه

اماجيني البارح نسقسي في ماما

زعمة زعمة قتلها علميني كيفاش نطوي الخزانة ديالي كي نتزوج مكسلين ونتخيلو

ايا قتلها زعمة واش الحاجات لي نعلقهم قاتلي كوستيما وسراول الخ قتلها مايلبسهمش

من بعد قتلها خلينا منو انا واش نعلق وواش نطوي ووين نحط لي درا الخ

نتي تان جاوبي على هاذ الاسئلة ههههههههه

المهم قاتلي يابنتي نتي جهازك قاع مقطع واش رايحة تعلقي يابنتي هههههههههه

حكمني وحد الضحك خلاصة القول لحد الان ماعلاباليش كيفاش رايحة نستف الحوايج ديالي

ههههههههههههههههههههههههه
سارة قتلتيني بالضحك
سامية ايه عندها الحق سارة كيفاه نطويو حوايجنا؟؟؟

هههههههههههه سارة والله كيما انا كيما انتي راني فنيانة نقتل ربي يستر راني راح ندير
القلب

سلااااام بنات
مرحبا بيك لينا راني هنا واش تحتاجي و ان شاء الله نكون في الصورة
////////
هههههههههه ضحكتوني لبنات ياخي عرايس اخزمن ياخي [ندعوك للتسجيل في المنتدى أو التعريف بنفسك لمعاينة هذه الصورة] ههههههههههههه

المهم على التطباق القش اللي يتعلق كيما درت انا القش نتاع الخرجة لي طايور لي روب مونتو لي مونطو و كاين حوايج الراجل كوستيمتو نتاع العرس و فيستاتو و قمايجو

اللي يطبق طبعا كل واحد ليه رف قش الشتا وحدو و قش الصيف وحدو
لي ديزابيي و لي نويزات و حوايج سكسي في جيهة القنادر في جيهة بيناتهم لي فيزو و لي بيستي و خصصو تاني جيهة للبيجامات و جيهة اخرى للجين و لي جيب ميني وكل الملابس المتنوعة هادا كامل في رف ما تخافوش رايح يكفيكم لي شومبر نتاع درك واسعين

اما بالنسبة ليه لي سورفاتمون في جيه لي تريكو نتاع الصيف في جيه و لي تريكو دبو و لي شورط في جيه و قنادر الصلاة تاني في جيه مساكن هدا واش عندهم ماش كيفنا حنا هههههههههه

اه تفكرت تقدرو تخبو قش الشتا و لا الصيف على حسب الموسم في فاليزة و ترابيو عليها صابونة
باش كي تجو تستعملوها تجيكم ريحة مليحة

و خصصو باب اخر للدراوات و الفراشات و المخايد متلا رف فيه دراوات و واحد فيه الفراشات ...الخ

اه نسيت ش التصديرة تقدرة ديريهم في فاليزتهم و تلرابيو صابونة و لا تخصصولهم رف ليهم مي انا نفضل الفاليزة خير

امممم يبالي هدا هو اه اي حاجة نسيتها فكروني

اه نسيت سؤال لينا على الطرابق انا ما كترتش بزاف ديت 3 من موديلات مختلفة مي كاين اللي يشتيو يكترو يقولولك باش نبدلو انا يبالي مالازمش تكترو اكتر من 3 تكرهو منهم تشتيوز تبدلو و الرجال كي يشوفو واش ديتو يقولولكم هاو عندكم ماكلاه تشريو
و كل واحدة واش تحب

سلام سمسومة البلايغ لي راكي تهدري عليهم نتاع النيلو ولا؟
لخطار كاين بلايغ نتاع شباح لقيتهم يدير 60 ألف ممكن بلا وممكن ننلقاهم دومي طالون
ايه فهميني فيجد البلايغ هذو قلبي راح يخرج منهم مفهمتش وش ندير؟؟؟

لبلايغ نتاع الدار راهم اشكال عديدة كاين نتاع النيلو و كاين نتاع واحد المادة تشبه المطاط و كاين نتاع خشب و عليها شبكة نتاع الخيوط يعني نتاع الدار ماش شرط يكونو نتاع نيلو
كيما اللي تحكي عليهم يشبهو لنتاع الدار اللي راني نمعني عليهم

اه خلاص هذا وين فهمت انا حرت قلت وش راح ندي بزاااف مالا هكذا نشري غير 3 ياسر عليا

الحمد لله كي افدتك

سلام أختي سمسومة يا ريت تقوليلنا شحال ديتي من نويزات وواش ستعمتي تاع القطن ولا تاع الساتان والدونتال .ولي روب تاع الدار تاع الصيف تاني قوليلي عليهم

أمينة السطايفية كتب:

سلام أختي سمسومة يا ريت تقوليلنا شحال ديتي من نويزات وواش ستعمتي تاع القطن ولا تاع الساتان والدونتال .ولي روب تاع الدار تاع الصيف تاني قوليلي عليهم

مساء الخير امينة هادي غيبة مرحبا بيك

راهم سقساوني لبنات من قبل هاد السؤال مي نجاوبك في الاعادة افادة

شوفي لي نويزات ديت 8 و نوعت فيهم ديت الحاجة اللي عجبتني ما كترتش

نتاع الصيف ديت 10 وزدت تاني البيجامات 3 و لي بونطاكور جين و راكي تعرفي حوايج الصيف

و زيدي تصفحي الصفحات من قبل درك تلقاي التفاصيل راني حكيت مع لبنات مليح من ناحية اللباس [ندعوك للتسجيل في المنتدى أو التعريف بنفسك لمعاينة هذه الصورة] و اي حاجة راني هنا

الله لا يغيبك حنونتي والله غير كنت حابسة بلا انترنات هذا وين ولات.يا ريت تقوليلي الجبب تاع الدار اديتيهم مشريين ولا مخيطين

يا شكون جات
أمينة منيش مصدقا
مرحبا بيك
توحشناك

الله يسلمك نهولة الغالية انا تاني توحشتكم كامل روحي للتجمع نقصرو شوية

أمينة السطايفية كتب:

الله لا يغيبك حنونتي والله غير كنت حابسة بلا انترنات هذا وين ولات.يا ريت تقوليلي الجبب تاع الدار اديتيهم مشريين ولا مخيطين

كاين اللي شريتو و كاين اللي خيطتو و الا راكي معولة تخيطي غير حطي مندرك
نتي وقتاش عرسك؟؟

عرسي مازال مابان عليه والو بصح راني مخيطة 3 كروشي وراني حايرة في ليمودال لخرين نتيا كيفاش درتيهم

ايه فكرتيني في قنادر التصديرة الا رايحة تخيطي حطي من درك و يا ربي

انا راني تزوجت العام اللي فات يعني ديجا قنادري ديموداو
خيطت بقماش قاطيفة لهوا و قنادر اخرين ستيل متغاير شوفي هنا في المنتدى كاينة مجلة مليحة نسيت اسمها ولا روحي للخياطة اللي تتعاملي معاها تمدلك الجديد

و الا ماكانش روحي للي يبيع القماشات و حوايج الخياطة تلقاي مجلات

سمسومة اسمحيلي هبلتك يا ريت تقوليلنا كيفاش كنتي تتعاملي مع اهل زوجك وهل تسكني معاهم

يعطيك الصحة سمسومة راكي جايبتها

قلتي بلي الحوايج اللي يتخباو في الفاليزة نرابيو عليهم الصابون
مايخسروش؟؟ سيرتو في السخانة يذوب الصابون ويطلق عليهم
ولا بلا مايذوب غير هذاك الفتات نتاعو يخسر الحوايج؟؟

سلاااام

اهلا هاجر هادي غيبة نبدا بسؤالك
نقولك لالا ما يخسروش و ما يدوبش ايماجيني السخانة نتاع ورقلة و مادابش ادا عندكم ما يدوب ماوالو

اما بالنسبة ليك امينة انا ساكنة وحدي الامر اللي ما خلاش المشاكل تنوض بيناتنما
مي ديري في بالك حاجة وحدة مادام تقادريهم و يحكموش عليك العيب ما يكون غير الخير بيناتكم
ما دسريش بزاف و ما تتكبريش احكمي العصا من النص
و يماه ديريها في عيينيك هي معاملتها خاااااصة و عاونيها و ما تبخليش حتى الا سباتك ما ترديش باسك نتي الصغيرة و عقلك هو الارجح
هدا ما نقلك رحم الله امرئ عرف قدر نفسه القدر القدر والقدر و خلاص

يعطيك الصحة سمسومة على النصائح
وعندك الحق الوحدا فينا لازم تخلي روحها مليها مع دار راجلها مهما كان
وانا الحق راني خايفة شوي ممكن العقلية نتاعي ونتاعهم ميش كيف كيف معلباليش كيفاه ندير
بصح مركبا حاجة في راسي الأم نتاعو نحطها في عيني كيما قالت سمسومة والأب ثاني
وخاوتو الذكورا نحتارمهم
والبنات ثاني
وشنو متخوفا من مرت خوه نسمع بلي العرايس في دار وحدا ميتفاهموش

سلاااام
ما تخافي ما والو و ما تروحيش بافكار سلبية باسك هوما اللي يخليوك ما تتهنايش وتتوسوسي
على حساب ما فهمت رايحة تسكنب معاهم و طيبو مع بعض ولا كوزينتك وحدك؟
الا طيبي معاهم اكيد رايح تكون الدالة احترمي دالتك و شاوري عجوزتك و ما يهمكش امر مرت خوه قادريها و ما تخالطيهاش باسك الغيرة اللي بين نسا الخاوا كتر من الغيرة بين العروس و خواتات راجلها

و ربي يهينكم كامل