مشكلة عيد الحب

نعم أقول اسمحلي كي نغلط معاه

حتى هو مين ذاك يطلب السماح بعد ما نطلب أنا السماح
مي اليوم كي ما طلبتش منو السماح
ما هدرتش معاه مي قمت بواجباتي المنزلية عادي كيما احكيتلكم
والله رايحة نتطرطق
كي قلت كان لازم يرفع مستوى النقاش
خطرة نحكيو مع خوه في كندا
نسيت واش قالي قداموا عيط عليا والا نسيت حبسوا خوه قالوا ماشي هاك كنت نستنى منكم تحكيو مع بعضكم بقدر اكثر من هاك
يعني من فضلك ولو سمحت قالو سمعت أستاذ هنا مع زوجتوا غيروني حسبتكم كيفهم مي انت ما تفهمش للتعامل خلاص
وأي مشكل يصرا نلومك انت لأنك 0 في النقاش

أول حاجة نقولهالك اختي ربي يكون معاك ويحل المشاكل لي راهي بيناتكم
من القصة نتاعك مع زوجك ربي يهديه فهمت بلي ميقلكش سامحيني
اختى اعرفي حاجة بلي الراجل يقدر يدير كلش وميقولش للمرا سامحيني
ميش قصة انو ميفهمش ولا موش واعي
الرجال بصفة عامو عندهم هذي العقلية
قليل وين تلقاي واحد تجيه عادي كي يقول سامحيني
..............
اسمحيلي ختى من الشي لي راح نقولولك
انت راكي حساسة بزااف وهذا من حقك منلومكش
بصح مع راجلك حاولي تخلي الأمور طبيعية وفكري بعقلية وكبري قلبك معاه قد لي تقدري
وأعرفي* لي فات على كلمة كلي فات على روح*
يعني حتى واذا مقالكش اسمحيلي عادي
لاه متهدريش معاه بالعطكس احكي معاه وخليها فيه خليه هو لي يحس بالذنب ميش انت
..................
وعلى عيد حبكم من الجاست لي دارها أعرفي بلي راه يحبك ويموت عليك
كون جا واحد آخر كون ميجيبلكش كادو خلاص
ويدير روحو راه ناسي بصح راجلك منساش
تفكرو وجابلك كادو
.......................
وزيد انت لازم تفهمي عقليت راجلك مليح ومتخليش الحوايج الصغار يسيطرو عليكم وديرو مشاكل كبيرة







اسمحيلي راني كثرت الكتبة

نقوللكم أنا نعرف أخطائي ونعترف بيها حتى معاه
ونسيي نفهموا علاش ندير هكذاك مي هو ثاني كيما أنا ما قدرتش نوالفوا هكذا هو ثاني ما حبش يتقبلني هكذا
نقوللكم أني نهدر بزاف وهو من النوع اللي ما يحبش الهدرة بزاف زعما لحق وقت العشاء ما تقوليلوش نوجد العشاء لازم تروحي ديركت توجديه
المشكل ما كانش هكذا
كان يتحملني حتى قبل الزواج كنت هكذا نحكي أي حاجة نديرها نحكي عليها كيما نقولو طبل فضاح
في هذاك الوقت كانت عاجباتوا لأني صريحة معاه ويقدر يعرف عليا اكثر
وضرك ولا ما يحملش والوا
حتى واحد صاحبنا قبل ما نتزوجوا ضرك راه خطب اختي كي قالوا ماشي هكذا كنت تعاملها قالوا تهدر بزاف قالوا من بكري تهدر بزاف واش اللي تبدل ضرك
أنا مرات نكتبها في المراية باش نحاول ننقص الهدرة معاه وباش ما يتقللقش
مي أنا ثاني عندي ضغط عايشة وحدي تصوروا وحدة إجتماعية لأبعد الحدود تلقى روحها في بلاد غريبة ما تعرف حتى واحد غير راجلها لمن تخرج؟
أنا كي نروح لدارهم ننقص شوية خاطر نحس روحي نحيت على خاطري وعندي عجوزتي كي يما وطفلتي كي اختي الحمد الله
مي يسكنوا بعاد عليا بيناتنا 150 كلم نروحولهم غير بالمدة
يعني نكون طميت ضغط كبير
وأنا واش يقلقني اكثر أنو كي يتقلق يسب وهاذي عمري ما شفتها فيه وكي بديت نشوفها كثرت حتى كرهتوا
خاطر أحنا في دارنا تربينا في حياتي ما سمعتش لا بابا ولا خاوتي يسبوا
يعني كي نسمعوا نكرهو ومؤخرا بنتو مالايكة ما عندهاش عامين يسب عليها كي تبكي وما ترقدش أنا الصح الصح يطيح من قلبي
أنا ملقيتش واش ندير قلت في بالي نعيط لباباه يجيني راني كي بنتو وما يقبلش عليا وحذرني يكون كاش مشكل ونعيط لدارنا
مي خفت عليه هو عندو السكر ونخافوا يزعف ونخليه ونعيط لدارنا يزعف مني ثاني
وانا في الحقيقة كنت مستبعدة ندخل طرف ثالث بيناتنا مي ضرك حسيتوا حقرني خاطرش على بالو نراعي سمعتوا قدام دارنا وما نشتكيش منو باش ما يكرهوهش وحتى ويصالحني يعاود يوقع في نفس الخطأ مرة أخرى
وثاني مشكل آخر نعاني منوا أني ننسى وأكثر حاجة تدير مشاكل بيناتنا النسيان يحسها هو استهتار
وثاني أنا متطلبة نحبوا ونحوس عليه في كل مرة نحس روحي مطالبة


حتى مين ذاك نحسوا مريض
ما فهمتش علاش هو يجرح وما يحسش
وما يتقبلش والوا مني إذا قلتلوا اقرا ما تعجبوش كي أنا نقولهالوا وإذا قلتلوا صلي كيف كيف وكأنوا يدير فيا الزكارة زعما يصلي ليا برك
آخر مرة حلفلوا صحبوا قالوا لوكان ما نصسمعكش تصلي ما نزيدش ندخل دارك واش دار صلى نهار جاء برك
وهو يعيطلي ويحلفني نقولوا الصح وأنا نحصل نخبي عليه نكذب وما شي في صلاحوا نقول الصح ندير لروحي مشاكل
حتى الحاجة اللي في صلاحوا ما يحبهاش مني واوالله ما نجيبهاش لا امر ولا تقلال من قدروا مي كي يكون مليح ونسيتت شوية امباعد نقولوا مي نفس الرد
لوكان نزيد نحكي ما نخلصش بالاك أنا حساسة زيادة على اللزوم