تجـــمع العـــرائس"الجــــزائريات" العـــدد الثالث مغلق

ع سلامتك اسماء هاذي غيبة الحمد لله لي كملتي تهنيتي منهم

بصحتك الحوايج كلش شباب وعلى النشاط خليها لربي برك بففففففففف


[ندعوك للتسجيل في المنتدى أو التعريف بنفسك لمعاينة هذه الصورة]
---------------


نهال شريتها 140 الف ايه راهي كيما لخرين انا عندي كحلة وحمرة ووحدة صغيرة وزدت هاذي هاذو قاع دياولي بلا تاع ماما لي حاطة فيهم وهكاك والله دوزاني قاع راه مرمي مافهمتش قاع وين نحط وزيد مكانش لي يسلفلك امالا قلت نشري ومانتحي لحتى واحد [ندعوك للتسجيل في المنتدى أو التعريف بنفسك لمعاينة هذه الصورة] والمودال عجبني كي فيه الرسومات

سارة بصحتك الفاليزا هايلة
مافهتش هذا المودال من قبل موالفة نشوف غير السامبل مشي مرسومين
المهم شابة بزاف بصحتك حنونة


على سلامتك اختي دائمة الطفولة بصحتك كي كملتي الاختبارات تهنيتي ان شاء الله تكوني خدمتي شوية
وحوايجك كامل رووووعة بصحتك حنونة


مريووومة رانا عاذرينك علابالنا مابقاش بزاف للعرس وراكي مع الجري ربي يعينك ويفوت كلش كيما راكي حابة

الله يسلمكم سارة و شمعة ضياء ربي يهنيكم،
سارة عندك الحق و الله راني حاااااااااااااصلة منين نجيب فاليزات، كيما قلتي واحد ما يسلفلك و خفت باش نشريهم غالييييين بزاااااااف
والله غير خليها على ربي وخلاص

نهال تعيشي قوليلي، هادوك الكابات تاع باري، قوليلي يتباعو؟؟؟؟؟ حبيت نشري منهم مابيد نشري فاليزات كي يقرب العرس ان شاء الله

نهال حوايج العروسة ديروهم في ساشيات؟؟
حنا نطبقوهم ونشبحوهم بالدبلة كيما قلتي
بصح مافهمتش كيفاش في ساشيات

nehal كتب:

ايه سارة والله عندك الحق ديري في فليزات ومتحتيش هكذاك رانا انا ومريم
هي عندها 2 وانا عندي 3 فرغت 2 درت حوايجي في ذوك الكابات نتاع باري ومديتلها الفليزات تدير فيهم
وكاين تاني نتاع عرايس خاوتي الذكورا
نورمالمو ياسر

مليييح والله الغاشي مايسلفش واذا سلف يقلك رجعيهملي نستقحهم

" longdesc="50" />

شمعة ضياء كتب:

سارة بصحتك الفاليزا هايلة
مافهتش هذا المودال من قبل موالفة نشوف غير السامبل مشي مرسومين
المهم شابة بزاف بصحتك حنونة

مرسي هجوورة تعيشي.. انا شفت لاسيري كنت رايحة نجيب الصغيرة وهاذي المتوسطة من بعد ماما قاتلي وين تحطي جدهم عمرتيهالي غير فاليزات

عجبني الستيل جامي شفتو ديجا غير رفدتهم وحدة جات باش تدي لقاتني ديتها بقات الكبيرة والصغيرة برك

عجبتني الكتيبة الجديدة تاع المنتدى هههههههه اني نحس روحي نكتب فالكراس

السلام عليكم
صباح الفل
منييين نبدا منين هههههههه
نهال بصحتك غير اتعلمي الماكرامي هايل هايل ماما تظل تسب فيا ههه انا نعرف شوي عقدات منو وزيد الكتاب راه مايعلمكش اتعلمي سعا من النت عقدات بعدها تقدري تبعي الكتاب
هدى خدمت حوايج للكوزينة وحوايج للدوش يهبلو يهبلو

ومريم ربي يعاونك ويكون معاك يا اختي والله عمبالنا بالجريات وماكيش لاحقة

هاجر هيه حنا نردوهم كلي هداك وين تشراو في لومبلاج ونزينوهم
بصح نهال كلللللش راح ديروه في اوبلاج ؟ بزاااااف؟
حنا نديرو 2 والا 3 فاليزات خاصة لي راح يوروهم نهار الحنة هدا مكان الباقيمش لازم نرتبوهم برك كيما دارت مرت خو هاجر هكاك


سارة بصحتك الفاليزا عجبتني بزاف و140 والله مليحة
حنا هنا نسلفو على بعضانا فاليزات كيما هدى دات فاليزتي و2 سيري تاعها ياخي صورتهملكم وجابت 2 تاع بنت خالي ووحدة تاع ماما هداك هو


اسماء الحمد لله كي كملتي امتحانات
حوايجك ماشاء الله عجبوني بزااااف
هكاك الفحلة اكي بديتي تخطفي حوايج ههههههههههه
درك توليلك عادة منين تخرجي تشري
ياو مرضنا
انا لبارح شريت 2 ايبا هدوك لي يتلبسو كامل وحدة باج لون اللحم ووحدة هدوك الشبكة الكوحل دخلت ديراكت لحتهم في الفاليزا قبل ماتشوفهم ماما وتندبلي
كانت جداتي تم قلتلها اسناي نخبيهم تشوفني تقتلني ميتة بالضحك عليا ههههههههههه


سارة الخط روعة روعة حتى انا عشقت فيه ههههه يعطيك الصحة

لميس عندها مددددة مابانتش
ولينا ومانو و ايميلي تاني

نور عذبتني النت في بلاصتها ربي يكون في عونها

ŔεÐ ρЄǻŘζ كتب:

nehal كتب:

سلام عليكم
اسما والله معلبالي هوما نورمالمو يتباعو بصح انا مشفتهمش وشنو عندنا من فايت
********************
وش نقلكم اليوم
انا ومريم سقمنا شوي من فليزاتها قنادر الشتاء غلفناهم في صواسي باهين ودرنالهم الدبلة وحطيناهم في فيلزة وحدهم
ونتاع الصيف درنا شوي ومزال شوي والله عيييييت
ظهري راه تكسر
[ندعوك للتسجيل في المنتدى أو التعريف بنفسك لمعاينة هذه الصورة]

ماعليش نهال هكا باش تعاونك الخوف لا كي تكوني توجدي هي تكون اونسانت وتتوحم زقآآت اعليك

يابنتي اسكتي والله غير تزاقى عليا نتاع الصح
حنا ظك راني غير انا وياها متعاونين ورانا حاصلين [ندعوك للتسجيل في المنتدى أو التعريف بنفسك لمعاينة هذه الصورة]
وين ياغدوا كي تدخل وتلحق دالتي
وزيد مكانش لي يعاونك خلاص
[ندعوك للتسجيل في المنتدى أو التعريف بنفسك لمعاينة هذه الصورة]

هاجر ربي يخليك حنونة، والله بفضلكم و نصايحكم لي راني بديت نوجد، و كل مرة كيما قلتي نخطف حاجة هههههههه
سارة دوك نشوف في الحوانت اذا لقيت فاليزات رخاص نشري وحدة، اللي شفتهم كامل من 4000 و طلع
نهال قوليلي وين شريتو الساشيات تاع لومبالاج؟؟؟ حتى انا عندي حوايج شريتهم جدد بصح ماجاوش في ساشيات مادابيا نشريلهم اومبالاج،

لالا نهال هههههههههههههههه مادرتش في بالي الساشيات تاع القضيان
جاتني في بالي كيما قلتي لومبالاج اللي نشروهم فيهم
بصح هاذوك السواشي يتباعو ولا تخبو تاع الحوايج اللي تشروهم

يعطيك الصحة نهال، خلاص ندير كيما قولتيلي و نشوف، ان شاء الله برك ما يحشمنيش خخخخخخخخ

ربي يعاونكم هاجر هكاك قاتلي ماما انت عاونتيهم كل هوما زوجو نهار دالتك ماتلقايش شكون يعاوند غدوة لازم نهبط مع صحبتي تكمل التجهاز ولبارح تاني كي خرجنا من المسجد شرينا حوايج خفاف

اسما عادي قولي لمالين لحوانت اعطوني لا عندكم ولا ديري كيفنا اشريهم راهم كاينين قوليلو سيلوفان لي يحطو فيه القنادر وكذا حنا شريناه من عند لي يبيع الخيوط

الأميرة شهرزاد كتب:

ربي يعاونكم هاجر هكاك قاتلي ماما انت عاونتيهم كل هوما زوجو نهار دالتك ماتلقايش شكون يعاوند غدوة لازم نهبط مع صحبتي تكمل التجهاز ولبارح تاني كي خرجنا من المسجد شرينا حوايج خفاف

اسما عادي قولي لمالين لحوانت اعطوني لا عندكم ولا ديري كيفنا اشريهم راهم كاينين قوليلو سيلوفان لي يحطو فيه القنادر وكذا حنا شريناه من عند لي يبيع الخيوط

شهرة وش راحولك الخيوط قلبتني هاجر

معليش مقبولة منك هههههههههههه
حنا تاني غدوا باذن الله مدينا بابا للعلمة في سطيف تعرفوها؟؟؟؟
العلمة هذي يبيعو فيها حوايج الجملة نتاع العرايس والشنابر كوشي ...
قلنا نروحو لتم كشما نجيبو حوايج

اه اوكي نهال

بصح انا مانحتاجهمش خخخخخخخ حنا مانديروش فيهم
نربطوهم بالحاشية كيما وريتلكم تاع عروستنا

نهال بصحتكم مسبقا ان شاء الله تشرو كامل وش راكم حابين واكثر

نهال ماغلطش فيك باه نرجع للسطر نسيت ههههههه
اني كملتها ديراكت

يعطيك الصحة شهرة خلاص نشوف عندهم
حنا ثاني ما نديروش فيهم، نربطوهم برك بالحاشية
بصح انا قلت زعما نخبي فيهم منا لهذاك الوقت، تشوفي حوايجي ولاو مكمشين كامل [ندعوك للتسجيل في المنتدى أو التعريف بنفسك لمعاينة هذه الصورة]