۞●●قعدة مع لحباب .... مرحبا بالضيف الكريم .. رمضان 2013 ●●۞

سلام لبنات واش راكم لاباس
سارة والله رانى الكل كيف كيف
كرهة في كرهة وعيى في عيى
لبنات هيا أرواحو كامل نغنو عيد ميلاد سعيد لميس
والا تزعف علينا

شمس واش راكي حنونة
خلاص راني غنيت لميس انشاءالله متزعفش علينا
وعلى الكرهة رانا كامل كيف كيف الحمد لله على الصحة وخلاص

سلاااااام بنات وشراكم
راني طاااااايبة اليوم رحت للمارشي مع ختي
وكي جينا عشية ديراكت للصالون لقيناهم بدلو بلاصة البيبليوتاك
مسحنا كامل الماعن ورجعناهم وعاودنا كامل الديكور تاع الصالون
منبعد نحطلكم وش شريت

سارة ربي يعينك
وعلى لاجولي انا نعرف بلي تخدمي بيها ديراكت ماتسخنيها ماتزيديلها حتى حاجة

صبااااااح الخير بنات وشراكم

انا منيش مليحة
البارح في الليل بايتة نتقا حاشاكم
واليوم الصباح صبحت بالسطر في كرشي واللي ناكلها نحب نتقياها
مافهمتش اذا من البيتزا اللي كليتها برا البارح ولا من العشا تاع البارح كليتو سخون ضرني
راني غير راقدة لوكان نوقف يولي قلبي يدور وندوخ

ياااا وخدي عليك هاجر ربي يجيب الشفاء و ان شاء الله مايكون غير الخير

سرسورة حبيبتي المهمّ حنا نقدرو مجهودك و ديما نشكروك و البرّاني مادخلناش فيه

صح و الله راهو مجهوووووود كبييييييييييييير راكي درتيه على جالنا 

ربي يكتبو في ميزان حسنتاك

أهلا خليدة

كوكي أي راحت باتت عند جداتي البارح و تروّح اليوم العشية

elhamoul khalida كتب:

اهلا لبنات واش احوالكم
سارة واش بيهم العلماوات  البيض واش استسلمتي
نهال واش راكي باينة راكي ميتة بالعيا الله يعينينك صح قوليلي وقتاش عرسك
سمسومة واش راكي

ايه خليدة والله راني ميتة بالعيا
ايه عرسي راهو قريب ان شاء الله في 25 سبتمبر ومنعرف كشما نزيد نوخر سمانة ولا

اسمحولي لبنات مانيش ندخل ياسر والله راني ميييييييييييييييييييييييييييييييييييييييييييييييييييييتة فيني  
البارح لرحت لدار خويا سقمت شوي من حوايجي 
 وبقيت بايتة عندو هذا وين روحت 
والله غير راهي تالفتلي خلاص وملقيتش لي يعاوني عندي ختي الصغيرة نهدر ولا منهدرش معاها كيف كيف واذا قلتلها ديري ذيك الحاجة تهبلني باه تقضيها
 

*******************
مريم اليوم تجي والله نتشوف وش نديرلها بصح كي عادت مع الوحم قاتلي ماما مكان لاه خليها تريح
ففففففففففففففففففففففففف

ربي يعينك نهال ليك ربي تبقاي تعولي على الغاشي و الله ماديري والو 

مالة شدّي الهمّة و ربي يعينك ان شاء الله

امين سمسومة الله يخليك

نهال ربي يعينك
مرت خوك ماتعاونكش؟ ولا كاش وحدة من لافامي تاعك بنت عمك بنت خالتك....

صباح الخير لبنات واش راكم جمعة مباركة عليكم

هاجر واش راكي شوية ان شاء الله زل اعليك شوية ؟؟؟ 


بالاك من البيتزا حتى انا راني بالسطر مي جاوني هاذوك تبا لهم 

باشلفا اعليك حنونتي ومرسي على الرد على لاجولي 


----------------------------------------


شمس نهال اسماء خليدة كوكي اميرة لميس وكامل البنات ان شاء الله تكونو بخير 


شفتي نهال كي تسحقي كاش واحد جامي تلقاي لي يعاونك مي الناس كامل تصيبك ربي يقدر برك والله


انا رااااااااااااااااااسي راه يوجع يومين وهو يوجع فيا وزيد رقاد نرقد ونوض كي العادة والله بديت نعيا بففففففف


--------------------------


اسماء مابقاش للعرس تاع فاميلتك ان شاء الله يجوز بخير وجيبولنا نقرعجو خخخخخخخ


-----------------------

خليدة العلامات البيوضة تاع الاستلام مور المواضيع لي درتهم ههههههه كنت صح فيني  


والمجهود بلا مزيتي واش رايحة ديري لازم عليك تخدمي ولا تقعدي شوماج  


 






-------------------------------


رايحة نتبع مسلسل جديد  

حبيت ندير تغطية مي علابالي وحدة ماتبع يعني نديرو في باطل خخخخخخ


ا" longdesc="63" /> " longdesc="59" />

صباااح النور سارة وشراكي

الحمد لله صبحت مليحة خير من البارح

بنات كاش جديد؟انا بديت نكره

صباح الخير لبنات واش راكم كامل نهال صارة اسماء كوكي هاجر خليدة لميس واللي نسيتها تسمحلي
هاجر وصارة غير الخير لاباس عليكم ان شاء الله
والله يا هجورة رانا كامل كرهانين أنا نتفكر نهار الأحد نبدا الخدمة ان شاء الله نعيا
بصح واش أديري نصبرو وان شاء الله ربي يفرج
دوام الحال من المحال ياك يقولو
صارة هذا وين شفت الموضوع ديالك تع الماكياج راني جاوبتك

اهلا شموسة وشراكي
كنتي كونجي؟؟

جمعة مباركة لبنات واش كاش جديد

انا راهي جاتني هديك المصيبة راني ميتة منها بالوجع
اليوم نضت درت السفنج درتو صدقة علئ بابا الله يرحمو
نهال صح مكانش وحدة من لا فامي تعاونك هادا عرس ماشي حاجة وخلاص مستحيل باه تقومي بيه غير انت واختك برك
الله يعاونك كون جيت حداك كون عاونتك
انا عاونت شحال من وحدة من صحاباتي حتئ للتالي وكي تزوجو نساوني حتئ بابا كي مات وحدة منهم مجاتني معليش ربي خير
المهم ربي يكون معاك

semsouma d'or كتب:

ربي يعينك نهال ليك ربي تبقاي تعولي على الغاشي و الله ماديري والو 

مالة شدّي الهمّة و ربي يعينك ان شاء الله

أمين يارب
لايه اسماء والله ونطاوعهم غير نقعد بلا مندير حاجة

شمعة ضياء كتب:

امين سمسومة الله يخليك

نهال ربي يعينك
مرت خوك ماتعاونكش؟ ولا كاش وحدة من لافامي تاعك بنت عمك بنت خالتك....

ان شاء الله يارب
يابنتي عندي 3 من نساء خاوتي خخخخخخخخخخخخ
بصح وحدا متقول هاتي نعاون حتى نعيطلها ونقلها ارواحي ديري ذيك الحاجة معايا
وعلى لافامي الله لاتربحهم غير يجيو يزيدو عليك ويبداو يشوفو فيك شوفات خرا يمالا كل وحدا تحكم دارهم احسن

وسيرتو بنت خالتي .     الشر يخرج من عينيها نزيد نعيطلها ففففففففففففففففف

*********
كوكمي واسماء نوصيكم على بعضاكم الفايدة متخليوش حتى وحدا تفرق بيناتكم والا تدخل بيناتكم

elhamoul khalida كتب:

جمعة مباركة لبنات واش كاش جديد

انا راهي جاتني هديك المصيبة راني ميتة منها بالوجع
اليوم نضت درت السفنج درتو صدقة علئ بابا الله يرحمو
نهال صح مكانش وحدة من لا فامي تعاونك هادا عرس ماشي حاجة وخلاص مستحيل باه تقومي بيه غير انت واختك برك
الله يعاونك كون جيت حداك كون عاونتك
انا عاونت شحال من وحدة من صحاباتي حتئ للتالي وكي تزوجو نساوني حتئ بابا كي مات وحدة منهم مجاتني معليش ربي خير
المهم ربي يكون معاك

ياو وحدا متجيك ربي يهديهم انا تاني والله فيرعرس بنت خالتي وقفت معاها 15 يوم من قبل ونها عرسها متحكيش وغدوا مي ذاك بسبتها درت عملية على المصرانة الزادية صرا فيا الباطل وباه تعيطي وتقلي يعطيك الصحو ولا اسمحيلي تعبتك معايا مكانش " longdesc="57" />
منا عرفت بلي واحد ميحب الخير لحخوك تخطيك من داركم ويماك وباباك خلات عليك
ايه علبالي والله وجيتو حذايا غير نشيطكم كل وحدا نمدلها تعاوني بحاجة
علبالي كامل فحلات اللله يبارك

أميرة السنيورة كتب:

اهلا بنااااااااااااااات كيف حالكن 

و الله نغيب نهار نجي نلقى زوج ثلاث صفحات كامل واش نقرا واش نخلي 

المهم تكونو برك بخير و على خير

******************************************************************** 

نهال حبيبتي و الله راني نتوجع في بلاصتك ربي يعاونك مابقاش لعرسك ما تعولي حتى على وحدة تقلقي روحك برك

اخدمي وحدي في عقلك و يجي كلشي مرتب خير من كي يكثروا بزاف اليدين و يتلفوهالك و إذا ما كملتيش ما عليش سيّي بالاك كيما

قلتي تاجليه اسمانة اخرى ربي معاك نهال 

***************************************************************************

شمس انا تاني كيفك راه خلص الكونجي تاعي و مادرت والو فيه راح غير في لعراس و التهراس ، السبت ان شاء الله نرجع نخدم

*****************************************************************************

هاجر عاسلامتك ربي يشفيك ان شاء الله هاذي سور البيتزا انا كي ناكلها لازم توجعني ما تساعدنيش

********************************************************************************

خليدة ماعليش ربي يرحم باباك ان شاء الله و تتلاقاو فالجنة ان شاء الله 

" longdesc="18" /> " longdesc="18" />  مرسي اميرة ربي يعيشك
انا كنت طامعة ناجل سمانة لخبر قربولي بسمانة والله مفهمت فيها والو من الخلعة راني قاعدة هك والنوم مكانش  

راني رايحة للتجمع نحط لي جبناهم في عرس مريم وغدوا كي نخرج ونجيب قولولي ويناهي المليحة