للنقاش ... تقاليدنآ اجواءنـآ حياءنــآ اين ذهبوآ

هههههههههههههه أنا الأولى لي رايحة نحلّل

و الله سخفتيني في أيّامات الماضي وقت كنت صغيرة مي راني نشفى لكلش 

كلش كان مليح و حلوّ و عندو نكهة و ذوق مع أنّو ماكانش كاينين وسائل الترفيه تاع درك

كنّا نلعبو بالحبل و بالحجارة نسمّيوها الكرود و كنّا نلعبو بالعضم تاع المشماش

و نلمّو زراعة البطيخ نقشروها و نديرو بيها حلوى تهبّل و و و  و  و ماكنّاش نقولو خلااااه رانا قلقنا 

العكس كنّا نفرحو و نعقّبو بيهم نهار كامل و حنا فارحين و زاهيين

لي غيّر هذه الأجواء هو التقليد الأعمى بسبب التكنولوجيا: البارابول و البورتابل و الآيفون و البلاي و الأيباد 

و الأنترنااااااااااااااااااااااااااااااات لي هبلت الأطفال و فسدتلهم أخلاقهم

درك تلقاي طفل عمرو 6 سنوات عندو بورتابل و واحد 8 سنوات عندو فايسبوك و و و و و فالأخير يقولك راني قلقان

بكري حنا كلمة قلقان ماكنّاش نعرفوها. أبسط لعبة تفرّحنا

درك عادو يتفرجو المسلسلات التركية أون فامي نورمال الأب و الأم و الأطفال يشوفو في مشهد واحد مع بعضاهم

هذا يبوس في لوخرا و هاذي هربت مع صحيبها و لوخرا ولدت قبل ماتزوّز 

و المشكل أنّك تلقاي الأمّ تبكي على هاذيك لي خلاّها صحيبها و يعجبهم المشهد

تقول لا تربّينا فالحرمة و لا كبرنا في وسط عايلة محترمة تقول علينا قوّر

الأم عادت تسمح لبنتها تلبس الفيزو و تلقّط حوابها و ادّير الماكياج و عمرها 17 و 18 سنة مع أنّو هي بكري ماترباتش كيما هك

و كي تهدري معاها تقولك: منها من جيلها و منها من البنات تاع وقتها خلّي تتمتّع

سامحيني يا جاهلة هذا ماشو تفتّح أو حبّ لبنتك هذا راهو تقليد أعمى للأجانب و تسوفيج

أنا نشوف لي راهو كاينين عدّة نقاط و أسباب خلّاتنا نوصلو للحالة الكارثية هذي

في الأخير ندعي ربي يصلحلنا أحوالنا و يسترنا 

هدرت ياااااااااااااسر إليكنّ الخطّ

ااااااااه على يامات زمان
بالرغم من بساطتها بصح كنا عايشين مليح وكلش كان حلو وعندو طعم خاص
دوكا كل حاجة سماطت كثر الهم والتنوفيق وكل واحد عايش لروحو برك وكثرو الامراض والمصايب
ممكن كيما قالت سمسومة هذا كامل بسبة التكنولوجيا والتقليد الاعمى اللي جردنا من مبادئنا وقيمنا ونحى الحرمة والحشمة من مجتمعنا
ياربي احفظنا واسترنا

semsouma d'or كتب:

هههههههههههههه أنا الأولى لي رايحة نحلّل

و الله سخفتيني في أيّامات الماضي وقت كنت صغيرة مي راني نشفى لكلش 

كلش كان مليح و حلوّ و عندو نكهة و ذوق مع أنّو ماكانش كاينين وسائل الترفيه تاع درك

كنّا نلعبو بالحبل و بالحجارة نسمّيوها الكرود و كنّا نلعبو بالعضم تاع المشماش

و نلمّو زراعة البطيخ نقشروها و نديرو بيها حلوى تهبّل و و و  و  و ماكنّاش نقولو خلااااه رانا قلقنا 

العكس كنّا نفرحو و نعقّبو بيهم نهار كامل و حنا فارحين و زاهيين

لي غيّر هذه الأجواء هو التقليد الأعمى بسبب التكنولوجيا: البارابول و البورتابل و الآيفون و البلاي و الأيباد 

و الأنترنااااااااااااااااااااااااااااااات لي هبلت الأطفال و فسدتلهم أخلاقهم

درك تلقاي طفل عمرو 6 سنوات عندو بورتابل و واحد 8 سنوات عندو فايسبوك و و و و و فالأخير يقولك راني قلقان

بكري حنا كلمة قلقان ماكنّاش نعرفوها. أبسط لعبة تفرّحنا

درك عادو يتفرجو المسلسلات التركية أون فامي نورمال الأب و الأم و الأطفال يشوفو في مشهد واحد مع بعضاهم

هذا يبوس في لوخرا و هاذي هربت مع صحيبها و لوخرا ولدت قبل ماتزوّز 

و المشكل أنّك تلقاي الأمّ تبكي على هاذيك لي خلاّها صحيبها و يعجبهم المشهد

تقول لا تربّينا فالحرمة و لا كبرنا في وسط عايلة محترمة تقول علينا قوّر

الأم عادت تسمح لبنتها تلبس الفيزو و تلقّط حوابها و ادّير الماكياج و عمرها 17 و 18 سنة مع أنّو هي بكري ماترباتش كيما هك

و كي تهدري معاها تقولك: منها من جيلها و منها من البنات تاع وقتها خلّي تتمتّع

سامحيني يا جاهلة هذا ماشو تفتّح أو حبّ لبنتك هذا راهو تقليد أعمى للأجانب و تسوفيج

أنا نشوف لي راهو كاينين عدّة نقاط و أسباب خلّاتنا نوصلو للحالة الكارثية هذي

في الأخير ندعي ربي يصلحلنا أحوالنا و يسترنا 

هدرت ياااااااااااااسر إليكنّ الخطّ

ايه ياحسرا على اليامات الزينين والله فكرتيني فالصغر ولاماران والموس والتراب والحشيش لي نطيبوه وناكلوه ههههههههههه


صح كيما قلتي نقمة التكنولوجية اكثر من نعمة لانها ببساطة دراتلنا تفكيك مجتمع من غير تليفون لي رجع وسيلة وسبب في قطع صلة الرحم حتى فالاعياد والمناسبات رجعنا من الدار مانبوجيوش 

وزيد راحو الكبار وبقى غير الجيل المتشرد لي بلا عقل ربي يهيديهم برك

بعدا الامهات رجعو يتعاندو شكون لي تعري بنتها اكثر وشكون لي تكون على الموضة اكثر ماشي شكون لي تقرا ولا لي ساترة روحها 

بلاوي بلاوي يااالهي

  


مرسي سمسومة على المشاركة ديالك وعلى الفقرة الجميلة لي حطيتيها   " longdesc="204" />

شمعة ضياء كتب:

ااااااااه على يامات زمان
بالرغم من بساطتها بصح كنا عايشين مليح وكلش كان حلو وعندو طعم خاص
دوكا كل حاجة سماطت كثر الهم والتنوفيق وكل واحد عايش لروحو برك وكثرو الامراض والمصايب
ممكن كيما قالت سمسومة هذا كامل بسبة التكنولوجيا والتقليد الاعمى اللي جردنا من مبادئنا وقيمنا ونحى الحرمة والحشمة من مجتمعنا
ياربي احفظنا واسترنا

صح رغم البساطة لكن الايام كانت حلوة وكانت النية وكيما تحبي لروحك تحبي لغيرك

 لكن الان رجع كل واحد يقول نفسي نفسي والانانية والتنوفيق الخ 


لو جينا نقلدو الحاجات المفيدة شوية قلدنا الغرب لكن راهم خير منا فالتربية والتطور

امين ربي يهدينا كامل ان شاء الله ويرجع ايمانا كيما بكري 


شكرا هجوورة  

موضوع روعة

لي عودة للموضوع

نشرب حليب ونرجع

شكرا سارة على الموضوع المهم لي طرحتيه

يا حسرااااااااااا على بكري الأيام الزينة لي عقبناها

والله شبعنا لعب صيف كاملة وحنا نلعبو لامارا ولكرود ونحكيو نكت ووووو

والله تيلي عرفتو هنا هنا كي كبرت جامي تبعت فيلم ولا مسلسل وأنا صغيرة وضرك تلقايهم فالابتدائي متبعين التركيين كل

وكي يلعب البطل بوقوس يعودو دايخين ويقولو يهبل يهبل حاجة باينة هاذي يولي عندها صاحبها وهي 10 سنين برك

وقت لقرايا نعدي على متوسطة بحدانا جوايه 12 تعرفي نلقا الذكورا هاملين خلاه واقفين يسناو في صحاباتهم يخرجو

وكل وحدة عندها صاحبها يدها في يدو وماشيين وهذا كل بسبب التكنولوجيا والوالدين لي مهملين ولادهم ومش متبعينهم

يعني واحد ولادو صغار يدخللهم النت وميشوفهمش خلاه واش يديرو فيه وش يتفرجو مع من يهدرو

كيما تعرفو كاين حوايج ياسر مش ملاح فالنت والصغار مزال ميعرفوش صلاحم يشوفو كلش وهذا ينعت لصاحبو وهكا تنتشر بيناتهم

ربي يسترنا برك 

وثاني بكري المرا كانت حاكمة دارها ومتولهة ببناتها وولادها لي تنقص شعرة من حاجبها خلات عليها وضرك يلقطو حواجبهم خيط 

وقدام أماتهم وعادي خلاه

والمرا ضرك ولات تخدم وتقلك لازم نبني شخصيتي وناسيا بلي عندها ولاد ومهمتها فالحياة هي تربيهم وتتوله بيهم

والله أمي ديما تحكي على جداتي كيفاه رباتهم مالغري جاهلة وجامي قرات بصح كانت مدايرتلهم صراط مستقيم

تحكي عليها قاتلي كي نروحو لعشية من لقرايا تحكمهم كل تشوفلهم أدواتهم وكراساتهم وكون نتقص حاجة وحدة تفيق بيها وتندبلهم

هاذوك بكري عرفو يربيو وصانو جيوب رجالهم مش كيما ضرك كل يوم الصباح يقولولهم ولادهم أعطيني نشري قلم يمدولهم وميحيروش خلاه

ضرك المرا تروح تخدم على صباح ربي وتفرق ولادها كل واحد في بلاصة لايخليوهم يشبعو رقاد لاوالو فالبرد فالثلج خارجين خارجين مساكن

إيييييييييييه كاين حوايج ياسر وصلتنا لهاذ الحالة

بكري الراجل كان راجل مرتو متهزش عينها معاه وباينة ولادو تاني يتبعو أمهم

ضرك الراجل مرخوف ومرتو نادبتلو وولادو مسودينلو والله نصهم طحنو إلا من رحم ربي

أنا نحير فالجامعة راجل يوصل بنتو قريب عريانة ومكياج تقول في عرس وصدرها على برا وهو ميتحرك فيه والو؟؟؟؟؟؟

وزيد تحيري الطفلة تروح فالليل وخوها وباباها فالدار وعادي خلالالالالالالالالالاه

ياختي العجب راهو صاير فالدنيا

والله يا سارة الموضوع هاذا راهو كبيييييييييير وكون نبقا نهدر من ضرك لغدوة منفضش

المهم لي عودة للموضوع بربي

نتمنى يشاركو البنات كل ونشوفو آراءهم

و الله يا أميرة و كوكي قلبكم معمّر 

شكرا على الإضافات و الله صح موضوح فيه عدّة جوانب للنقاش 

ربي يصلح الأمور و يهدينا أجمعين

أميرة السنيورة كتب:

راني رجعت نكمل عجبني الموضوع لانو هام هام هام جدا و شكرا سارة على الطرح و على فتح النقاش ان شاء الله كل وحدة تمدلنا وجهة النظر تاعها وواش الحلول اللي تقترحها .

الاستاذ اليوم ماعندو حتى قيمة بالرغم من انو مربي الاجيال على اعتبار اننا نقضي اغلب اوقاتنا في المدرسة مع المعلمين اليوم تسمعي تلميذ تعدى على استاذو و الله تقعدي حايرة انا نشفى كي كنت نقرا و الله يخزر فيا الاستاذ برك نموووووووت في جلدي و اليوم الحمد لله قريت و تخرجت و لقيت بلي الضرب اللي ضربوني الاساتذة كامل رجع عليا انا بالنفع و يكثر خيرهم .

و الوالدين اليوم ماعادوش قادرين يتحكموا في ولادهم يستناو غير النهار اللي يرجعوا فيه يقراو باه يتهناو منهم.

الطفلة تقرا فالابتدائي و لاّ المتوسط دايرة حبيبها و تحكيه معاه فالتلفون تخرج معاه تركب معاه فالطوموبيل نورمال و امها علابالها و تتستر عليها - صح كاين غريزة الاعجاب و الحب في كل انسان لكن الطريقة اللي يعبروا بيها هي الغالطة - 

و يقولولك مازالت صغيرة خليها تزهى و تعيش حياتها كيما لبنات كامل و كي تكبر راهي تعرف صلاحها وحدها و لاّ تقولك خلي باه تعرف و ما يكلحوهاش 

الطفلة اللي يشوفوها جابدة و حاكمة قدرها و ساكتة يضحكوا عليها و يقولولها جايحة و القط ياكل عشاها معقدة و الخ .... 

و هذا الشي كامل انا بالنسبة ليا راجع بالدرجة الأولى إلى غفلة الوالدين و تركهم لولادهم يضيعو في وسط هاذ المتاهة، صح مليح نعرفوا كل ما يتعلق بالتكنولوجيا هاذي باه ما يكلحوناش الغرب و يلعبوها بينا و لكن نستغلوها برك من الجانب الايجابي و في كل ما هو مفيد 

المهم راني درت مقالة كبييييييييييرة  ههههههه   و الله بزاف افكار في راسي و لكن ساعة على ساعة يهربوا 

و ان شاء الله رانا هنا نتفاعلوا كامل مع الموضوع. 

ههههههههههههه كيما قالت سمسومة قلبكم راه معمر

والله طرقتو لعدة جوانب لانو الموضوع بحد ذاته راه بسيط لكن فيه بزاف افكار يعطيكم الصحة


فكرتيني فالاستاذ والله صح ضربونا وسبونا في مصلحتنا شوفي جيل تاع دوك ماشي متربي لأنو التعليم اصبح دون المستوى ومنحط الاستاذ رجع يقري باش يقري وخلاص لي فهم فهم ولي مافهمش ربي يسهل اعليه عكس الاساتذة تاع بكري كانو لوكان ماتخرجش فاهم من القسم يبقى يعاودلك يالوكان راسك فيه البيطون والاحترام لي مخلاش بكري كيما قلتي الاستاذ كي نشوفوه نباتو فاليل مانرقدوش باسك يقلولنا واش كنتي ديري برا شفتك تلعبي تاع دوك والله ماسامعين بيهم ياااااحسرآآآآآآآآآآه كي نتفكر والله تغيضك عمرك

  

وعلى البنات يقلك لي عندها طفلة عندها بومبة يعني قابلة للانفجار في اي لحظة وزيد كيما قلتي تهاون الوالدين راه داير حالة تاع هنيني نهنيك هاكي كولي البسي واخرجي المهم مكانش تكسار الراس


يااختي اميرة واش نقلك ربي يجيب الخير لينا وللجزائر والامة العربية وان شاء الله بناتنا والادنا نربوهم على تقاليدنا مهما تطور العصر لازم يترباو على قيم اخلاقية هذاك هو الصح وعلى الحشمة خاصة لأنها راحت من البلآد بدون رجعة

شكرا اميرة على المشاركة ديالك بارك الله فيك

kouki ezina كتب:

شكرا سارة على الموضوع المهم لي طرحتيه

يا حسرااااااااااا على بكري الأيام الزينة لي عقبناها

والله شبعنا لعب صيف كاملة وحنا نلعبو لامارا ولكرود ونحكيو نكت ووووو

والله تيلي عرفتو هنا هنا كي كبرت جامي تبعت فيلم ولا مسلسل وأنا صغيرة وضرك تلقايهم فالابتدائي متبعين التركيين كل

وكي يلعب البطل بوقوس يعودو دايخين ويقولو يهبل يهبل حاجة باينة هاذي يولي عندها صاحبها وهي 10 سنين برك

وقت لقرايا نعدي على متوسطة بحدانا جوايه 12 تعرفي نلقا الذكورا هاملين خلاه واقفين يسناو في صحاباتهم يخرجو

وكل وحدة عندها صاحبها يدها في يدو وماشيين وهذا كل بسبب التكنولوجيا والوالدين لي مهملين ولادهم ومش متبعينهم

يعني واحد ولادو صغار يدخللهم النت وميشوفهمش خلاه واش يديرو فيه وش يتفرجو مع من يهدرو

كيما تعرفو كاين حوايج ياسر مش ملاح فالنت والصغار مزال ميعرفوش صلاحم يشوفو كلش وهذا ينعت لصاحبو وهكا تنتشر بيناتهم

ربي يسترنا برك 

وثاني بكري المرا كانت حاكمة دارها ومتولهة ببناتها وولادها لي تنقص شعرة من حاجبها خلات عليها وضرك يلقطو حواجبهم خيط 

وقدام أماتهم وعادي خلاه

والمرا ضرك ولات تخدم وتقلك لازم نبني شخصيتي وناسيا بلي عندها ولاد ومهمتها فالحياة هي تربيهم وتتوله بيهم

والله أمي ديما تحكي على جداتي كيفاه رباتهم مالغري جاهلة وجامي قرات بصح كانت مدايرتلهم صراط مستقيم

تحكي عليها قاتلي كي نروحو لعشية من لقرايا تحكمهم كل تشوفلهم أدواتهم وكراساتهم وكون نتقص حاجة وحدة تفيق بيها وتندبلهم

هاذوك بكري عرفو يربيو وصانو جيوب رجالهم مش كيما ضرك كل يوم الصباح يقولولهم ولادهم أعطيني نشري قلم يمدولهم وميحيروش خلاه

ضرك المرا تروح تخدم على صباح ربي وتفرق ولادها كل واحد في بلاصة لايخليوهم يشبعو رقاد لاوالو فالبرد فالثلج خارجين خارجين مساكن

إيييييييييييه كاين حوايج ياسر وصلتنا لهاذ الحالة

بكري الراجل كان راجل مرتو متهزش عينها معاه وباينة ولادو تاني يتبعو أمهم

ضرك الراجل مرخوف ومرتو نادبتلو وولادو مسودينلو والله نصهم طحنو إلا من رحم ربي

أنا نحير فالجامعة راجل يوصل بنتو قريب عريانة ومكياج تقول في عرس وصدرها على برا وهو ميتحرك فيه والو؟؟؟؟؟؟

وزيد تحيري الطفلة تروح فالليل وخوها وباباها فالدار وعادي خلالالالالالالالالالاه

ياختي العجب راهو صاير فالدنيا

والله يا سارة الموضوع هاذا راهو كبيييييييييير وكون نبقا نهدر من ضرك لغدوة منفضش

المهم لي عودة للموضوع بربي

نتمنى يشاركو البنات كل ونشوفو آراءهم

ههههههههههه اي اي كوكي فرغي قلبك

صح ياكوكي والله يامسلسلات من غير كاسندار وقودالوبي ماشفنا والو هههههههههههه


والله ضحكتيني صح تحكيمها تقرا سنة 4 ابتدائي تعرف كلش بلي سيري تاع القور ولي سيري تاع هنا

تامني بربي لحد الان مانشوفوش القور فالدار من غير بابا وماما لي يتفرجو برك وكي نروحو دار ماني هوما يديرو هوت بيرد ويخليوه والله يبداو يضحكو عليا انا وختي يقولولي مزالتو تحشمو ماتشوفوش لاتيلي تاع فرنسا قدام يماك

جيهم عيب كي مانشوفوش شوفي العجب

  


وكي نقولولهم نبدلو يقلك نتوما كوافا وحابسين ويزيدو يديرولنا M6   


والله ياجيل تاع خرطي

  



وعلى الجامعة واللبسة والمكياج لي دايرين حالة انا مافهمتش نقول راهم يخرجو صباح بكري يايسدي مايشوفوهمش وكي يرجعو للدار كيفاش ؟؟؟

انا مافهمتش لي جان تاع دوكا يقلك بناتكم ماشي متربيين وهوما ماعندهمش خواتات ؟؟ يعني لي راهم يخرجو ويلبسو وووو الخ منين راهم يجو ولا قاع ماعندهمش رجال فالدار؟؟؟؟


وزيد كيما قلتي كاينين لي يوصلوهم مواليهم وهي لابسة سروال هابط وبودي مزير ووو خلي برك والله عجب المعجب

  


صح الموضوع راه كبير وقدما نهدرو قليل 

المهم الجوانب هاذو هوما ربي يصلح الاحوال ان شاء الله ويرجعو الايام الزينين يارب

شكرا كوكي على النقاش ديالك وعلى المشاركة بارك الله فيك

لبنات نشكركم على التجاوب ديالكم وعلى النقاش وعلى ابرز النقاش لي طرحتوهم ربي يجيب الخير وربي يهدينا ويهدي جيمع المسلمين
 ويرجع المحبة لقلوب الناس في انتظار مشاركات اخرى

عفوا سارة هذا واجب علينا

هههههههههه على فيلمات تاع لقور والله لحد الآن جامي نحطوهم فالدار

خويا لكبير برك يتفرج ساعات بصح كي يكون وحدو 

تمني بربي التيتانيك لي الناس كل تفرجوه عندي بالاك عامين ملي شفتو هههههههههههه

ربي يهدي من خلق ويجيب لي فيه الخير

ياااااااااااااااااااااااه ياسارة واش جبتيلنا
منقدرش نزيد نقول واش قالو لبنات راه شمل كامل الجوانب
صدقيني والله غير الدمعة طاحت من عيني الله غالب انا حساسة بزاف من هاد الجانب
نتفكر كنا عايشين فبيت جدي مع عمي صدقوني كنا تقريب عشرين نفس ولا اكثر وكانت البراكة في كلش فالماكلة فالدار كامل مكناش نحسو بالضيق

ودوك نبقئ نتعجب رانا غير ربعة ونقولو الضيق ربي رفع البراكة ولاكيفاش
الله يجيب الخير والله يستر الدعوة والله متعجب
يابنات كثروا من الاستغفار