افتـــتاح تجــــمع العـــرائس "الجــــزائريات" العـــدد الخامس

بصحتك هاجر واش شريتي هادوك يهبلو روعة عندك الصح نحيتيهم من الطريق موديل هايل

بصحتكم كوكي يهبلو نويزات فور وطبعا المنتجات فوووور جربتي كريم الخوخ؟   
ولي شراتهملك امك تاني فور

هاجر قالت لقطة كيما نقولو حية هههههههه سارة تموت على الحية 

نابرون يهبببل نموت على كروشي بالصحة

صباح الخير
لبارح خرجت تشريت شوي حجات طبعا نصهم تشوفهم يما نص يتخباو لانو كون نوريلها كلش تنوض القيامة هههههههه
شريت 2 بوديات صوف خفااااف تاع ربيع رمادي واسود هدو ماصورتهمش للاسف 60الف للواحد

وشريت 2 بوشات واحد نهز فيه درك وواحد نخبيه واحد 80الف وواحد 60 الف
و2 سلسلة الرجل يهبلو ب 15 الف
وسوتيان عجبني باهي ورخيس ههههه 20 الف
الصور راهم يعيفو كالعادة هههههه ضلمة في الليل

[ندعوك للتسجيل في المنتدى أو التعريف بنفسك لمعاينة هذه الصورة]

هدا راح نهز فيه ضرك
[ندعوك للتسجيل في المنتدى أو التعريف بنفسك لمعاينة هذه الصورة]

وهدو السلسلتين مصورتهم فوق حاجة تضحك هههههههه
[ندعوك للتسجيل في المنتدى أو التعريف بنفسك لمعاينة هذه الصورة]

وهدو حجات شريتهم واحد المرة صحبتي جابت حوايج من انجلترا قش وصبابط وصيكان وغيرو 

هدا صاك ب 250 الف بصح هايل
[ندعوك للتسجيل في المنتدى أو التعريف بنفسك لمعاينة هذه الصورة]

وهدي سليب قطن مليحة وعجبني لونهاههههههه ب 20الف
[ندعوك للتسجيل في المنتدى أو التعريف بنفسك لمعاينة هذه الصورة]

وهدي تصلح ليكات وربة في نفس الوقت تهبل ي اللبسة تاني ب 250 الف
[ندعوك للتسجيل في المنتدى أو التعريف بنفسك لمعاينة هذه الصورة]

وهدا فيزو لقيتهم ب 20 الف جبت 2 واحد نلبس فيه وهدا خبيتو
[ندعوك للتسجيل في المنتدى أو التعريف بنفسك لمعاينة هذه الصورة]

الله يسلمكم بنات

شهرة حوايجك كاااامل شابين
بصحتك ولعقوبة لما اكثر

مرسي بنات ربي عيشكم الحمد لله كي عجبوكم

هاجر لاناب تيعك تهبل بصحتك

شهرة بصحتك حوايجك روعة تتهناي بيهم إن شاء الله

بصح وعلاه ماماك متخليكش تشري؟ 

سرسورتي هاذوك شراتهملي من فرنسا كي راحت معاباليش بقداه يتباعو؟؟؟

بصح ريحتهم تهبل تهبل كان عندي قبل تاع الفاني والمشمش والورد وفاني وقارس مع بعضهم

هاذو كل ريحتكهم فووووووووووور أشري ومتخافيش وكاين حتى حجم صغير 

يعني تقدري تشري 4 ولا 5 أذواق مختلفة وهما صغار برك فهمتيني؟

ممممممممم الله يبارك بصحتك شهرة واش شريتي 

عجبني السليب ههههههههههههههه و الله يهبلو الكل

هاجر بصحتك لاناب مليحة شكلها 

أنا ثاني راني نحوّس على وحدة تخيّط الكروشي مليح

تالمون شفت ليموديل يااااسر فالنت عجبوني 

هاني لقيت وحدة تخيّط مليح رايحة نخيّط فراش كامل بربّي

بصحتك شهرة واش شريتي كلش هايل ماشاء الله

وعجبوني اكسسوارات يهبلو والله ياسليب هذاك هههههه

هجوورة نابرون هااااايل انا نحب الستيل لي فارغ كيما هكاك مانحبش لي شارجي مي كي كنت ندور فالفايس لقيت وحد المودال شباب نسيت مارفدتش التصويرة ديالو ماشي بالكروشي واقيل مودال يتباع عند الشناوة

لحد الان مزال مادرتش لي نابرو اصلا نكرهم يارب نكره اي حاجة تقليدية هوا لي كوفرولي تاع الشبيكة ولا مانعرف وهاذوك العلاقات تاع المفاتيح ماندير منهم باسك خزانة لي رايحة يديرهالي porte glissante تهنيييييييييييييييت خخخخخخخ اصلا تبانلي جياحة هاذوك وكل واحد وذوقو

-----------------------

كوكيتا مرسي على الرد ديالك انا قلت نشري كيما ديالك framboise نحب الريحة ديالهم قلت كي نهبط yves rocher نشري evidance وكوفري هكاك يعني راهي تالفة وخلاص

 

الله يسلمكم

كوكي ماتخلنيش لانو عندي دين ماسلكتوش للان مسلفة دراهم من عند جدي
بصح نشوف حجات نعمى عليها ماحبيتش نخرج هههههههههههههه

كون ماجاوش ديون بالعكس ماتقولش تقلي اشري حاجة تنفع ماتفسديش في الماكلة والسقايط ههههههههه

سارة حتى انا مانحبش العلاقات يجوني تجغبيلات فرات بصح نابرون نموت عليهم

نديروهم مظهر برك بعدا مجموعة تاع مفاتح نمدها لعجوزتي ومجموعة ليما وانا تهنيت منهم ههههههههههه
صح الخزاين تاع درك تقريبا كل ماتحتاجش لعالاقات

عينيا بتزاكري من ورايا؟

وين لقيتي لي تخيط لكروشي؟ أنا تاني حابة ندير فراش كروشي

المهم خيطي ولاكان تخيط مليح نزيد نخيط انا 

عندي فراش شفتو فالنت عجبني ياسر حابة نديرو

عينيا ماتخافيش و الله أديك نهار قلت لأمّي كون تعجبني الخياطة نقول لرقية تخيّط فراش كروشي

أني مازلت ماشفتش خياطتها لاكان مليحة و لاّ لا 

كي تعجبني بلا ماتوصي نديّك ليها برجليّا

شكرااا بنات

سمسومة بصحتك مسبقا الفراش وان شاء الله يخرجلك كيما راكي حابة

سارة والله راكي كيما انا مانحبش كامل التقليدي
كيما الكروشي وغرزة الحساب والبرودري وووو هاذو مانيش مخمة كامل نديرهم
غير لي نابرون قلت من هذا المودال مانزيد والو
وعلى علاقات المفاتح مانهدروش نكرهم تاع الصح
مزية كيما قلتو تاع دوك اغلبية ماهمش يجو فيهم المفاتح

مرسي عينيا عبالي بلي متبخلينيش مش كيما خالتك

سارة وهاجر كاين صح حوايج تقليدية مش مليحة بصح والله كاين حوايج روعة

أنا لفراشات درت تاع البرودي وناوية ندير كروشي وبرك والباقي كلش نشريه

بصح لي ناب نحبهم قاعدة ندير في وحدة حساب وبربي ندير كروشي وبرودي هاذ لحوايج نحتاجوهم بربي

بصح هاذيك علاقة المفاتح وهاذوك لي يلعبو في سميرة تاع الساتان والشبيكة ومنعرف واش ميعجبونيش خلاه

وكل وحدة وذوقها كاين لي يحبوهم

لااا أنا التقليدي يعجبني يبقى عندو ميزة خاصة فالفراش تاع العروسة

كميا أنا بربّي رايحة ندير فراش البرودي و الكروشي و الحساب 

الحساب أنا لي نخيطو. و فراش الذهب يعني بالفتلة هاذاك لازم و غير هو لي تلقاه العروسة فالمناسبات

روحو شوفو لي فرونسي يموتو على خدمة اليد و لي موديل فالنت الكل تيعهم يهبلو يهبلو 

طبعا وكل وحدة و رايها الشخصي

إيه صح فراش الذهب روعة بربي رايحة نديرو تاني شريت لقماش وبربي نحطو يتخيط

أنا بربي رايحة نديرو أزرق غامق شريت القطيفة عندي ياسر 

وأنتي عينيا واش حابة تعملي لونو؟؟؟؟؟ رايحة تخيطيه عند لي خيطت عندها سارة؟

مازال ماخمّمتش فيه ههههههههه راني انّحي عليّا فالساهلين

و الله حرت فاللون لدرك ماقرّرتش نتي رايحة تعملي الازرق و سارة عملت الأخضر هادم الالوان لي نحبهم

و القرونا مانحبووووووووش مالا واش ندير؟؟؟

و على الخياطة  نورمالمون هي لاكان بقات تخيّط

عينيا أنا في داري وأنتي في دارك ديري نفس اللون عادي 

واو فراش الذهب يهبل حتى انا عجبني بزااااف
جاباتو عروستنا تبسية ومداتو لاختي كي حنات فرشاتو
لونو ازرق ملكي يدي العقل خلااااه ههههههههه

بصحتكم
قولي شحال يسقام بالقريب؟

لبنات واش هو فراش الذهب قولولي ممكن نخدم واحد قبل العرس

شهرة بصحتك حوايجك شابين 
هذا قتلني بالضحك 
[ندعوك للتسجيل في المنتدى أو التعريف بنفسك لمعاينة هذه الصورة]

والدعسوقة اللي فيه رووووووووعة ههههههههههههههههه

خليدة فراش الذهب عبارة عن قماشو قطيفة ويتطرز بالفتلة

أسناي درك نحطلك تاع بنت خالتي

[ندعوك للتسجيل في المنتدى أو التعريف بنفسك لمعاينة هذه الصورة]

هذا تاع بنت خالتي لي تزوجت فالصيف أني حطيت فراشها كامل ياخي شفتيه ولا لا؟

خسارة تاع أخت أسماء معنديش فالميكرو

شهرة السليب نتاعك راهو شايع ههههههههههههههه

كوكي الفراش شباب
حنا ماعندناش هذا
بصحتها وان شاء الله تخدموا كامل وش راكم حابين