افتـــتاح تجــــمع العـــرائس "الجــــزائريات" العـــدد الخامس

بصحتكم لبنات تلبسو وتقطعو صارة السيشوار ديالك شفتو البارح في فوردلو خوه عجبني سورتو كي جا غوز

انا غير دخلت هنا قلت ااو ديجا شراوه خخخ ماتراطيو والو خخخ 

مام عندي وش نصورلكم مكاش الوقت برك

هههههههههههههههه مرسي لبنات خخخخخ

امينة شفتي والله تشوفي ناس كيفاش يشرو غير تغيضني عمري يازح

شهرة كثري من نمر انا حتى زربية شريتها نمر هههههههههه ونطلق روحي كيما لبــة خخخخخخ

كوكي بصتك نتي تان وفي انتظار الصور اني صورت ونحطلكم اصبرو يطلعو برك

هاذو لي ديصوندولي لي شريتهم يوالمو مع الفراش لي ديتو وهذا ستيل لي نحب مزية لي لقتيهم تهنيت





شريت تابي باش نديرو برا فالباب



وهاذي نوزيات ولا قمجة المهم سموها كيما تحبو ستان تهبل ومفتوحة فالوسط كيما بورتفاي هع هع للدلع  

اني شايفتها رايحة نبدل اسمي ونديرو misspink   

ههههههههه





اعطوني رايكم " longdesc="58" />

الله الله سارة روووووعة الديسوندلي و التابي 

و النويزات تهبلللللللللللللللللللللللل الله يبارك 

و الله فرحت كي شريتي حاجة طويلة و مستورة نوعا ما هههههههه

ربي يهنيك و تلبسيها في أقرب وقت يااا رب

ربي يخليك اسومتني ويفرحك نتي تان يارب  

------------------------
ههههههههههههههههههههههههههه ماما تان قاتلي يااااااااا فرحي بنتي شرات حاجة طويلة ههههههههههههههه

        

كاين فالgris وال blanc مي لي طاي كبار بزاف 

ايا كي شفت هاذي قلت انا عندي بوف وسشوار غوز وبزاف عفسات غوز وبنوار ساتان قصير غوز 
 
مي كلش قصير ومقطع .. قلت ايا نشريها وخلاص    

سارة بصحتك حنونة 
قوليلي الديسوندلي شحال خلصتيهم 
هاذيك النويزات تهبل تلبسي بالصحة

ههههههههههه سارة وحدك عجبتني اللبة اني نتخيل فيك مع شعر صفر هههه

بالصحة لي صوندلي باهيين يهبلو

والنويزات تهبببل حتى انا عجبتني لقيتهم هنا حنين ستان تاعها 
راهم يعيطولها مودل سمر هههه يبالي لبساتو في العشق الممنوع
ياخي ماخلات حتى نويزات في هداك المسلسل غير تبهدايل

سلام لبنات واش حوالكم راكم مع الشريات بصحتكم كامل
شمس بصحتك الحوايج والطايور يهبل والفراشات كيما لي عندي
سارة بصحتك الكوفيرطا شابة حنا عندنا كاين لي حاطهم ب 80الف وكاين 100الف ونفس الكاليتي

خليدة راكي مع الذهب نستعرف بيك الخاتم شباب

وشهرةالبيجامة نتاعك تشبه لنتاعي البونتاكور هو بالذات المايو يختلف شريتها ب150الف عجبتني بزاااف

سارة هاذا وين شفت لي صوندولي رووووووعة شحال خلصتيهم؟
انا شريتهم مع تابي نتاع شومبرا خلصتهم ب 1مليون ومئة

النويزات الروز تهبل بصح ماديريش كيما انا شريت بزاف منهم محلولين  وقاصفين ياربي شبر هههههههههه حتى الطوال عندهم شارم

اهلا اسيل ان شاء الله راكي لباس

بيجامتي سروال مش بونتاكور
لقيت تاع بونتاكور تهبل اسود فيها دوائر داخل بعض ازرق واحمر بصح بونتاكور وانا عندي قبل 2 بونتاكور جبت تاع سروال زدت شفتها نمر عنيا خرجو ههههههههه

سرسورتي بصحتك يهبلو يهبلو حوايجك وذوقك روعة الله يبارك

راني نجري قبل ميجي خويا نزرب نحط التصاور تاعي

[ندعوك للتسجيل في المنتدى أو التعريف بنفسك لمعاينة هذه الصورة]

من الخلف   

[ندعوك للتسجيل في المنتدى أو التعريف بنفسك لمعاينة هذه الصورة]

وبرك واش رايكم؟

هاذ اليامات راني مركزة غير مع هاذ لحوايج حتى نكمل منهم عدد محترم باه ندور لحوايج أخرى 

بصح شبعت بخص من أمي مي نورمال تهدر تهدر ومباعد تشريلي وهي تضحك     شريرة أنا هههههههه

حتى هي هبلتني بكلمة وهاذي واش معناها؟ وقتاه تتلبس هاذي؟ ونولي أنا نفهم فيها بالحرف تولي تسكت وتحشم في بلاصتي

سلام بنات

سارة بصحتك كامل وش شريتي
لي ديسوندلي شابين بزاف شحال خلصتيهم؟
والنويزات هايلة صح حتى الطوال عندهم سحر خاص

كوكي حوايجك هايلين سيرتو النويزات روووووعة
بصحتك

امممم غيرتوني والله راني حابة نشري شوية نويزات مي مكاش كيفاه   

المهم بصحتكم كامل وش شريتو ولعقوبة لحوايج اخرين

صباح الخير اعليكم كيفاش صبحتو

مرسي لبنات كامل ربي يخليكم عينيكم لي شابين وعلى ديسوندولي قريب نبكي باش باعهملي قالي يتباع بالتابي مانقدرش نبعهولك وحدو بقيت نحلل مي جبتهم خخخخخ خلصتهم ب420 الف واقيل مع تابي يديرو مليون وميتين واقيل

**************************

كوكيتا بصحتك اختي كلش هاااااااااااااايل الله ابارك فيزو يهبل والنوزيات تان 

والشموع هايلين شعال خصلتيهم يرحم باباك وين يتباعو جامي في حياتي تلاقيت بيهم ؟؟  

*******************

هجوورة انا كل ما نشري كي نزيد نشوف نزيد نهبل والله لي مودال تاع لي نوزيات كل يوم كاين جديد مي الحاجة لي تروح ماتوليش مرات نقول مزية لي شريت ومرات كي نشوف عفسات لي راهم يخرجو نقول تسرعت مي والله مرات على حساب الدارهم يعني واحد اذا ماقدرش يخبي يشري وخلاص

مرسي بنات ربي عيشكم والله كي نشري حاجة وتعجبكم يطلعلي المورال

هههههههههه سارة والله هاذوك الشموع كي لقيتهم قريب نضت نبكي من الفرحة

عندي قرن وأنا نفركت عليهم خلصتهم بـ 40 ألف ولقيت قلوب أخرين يهبلو

أمي قاتلي مرة أخرى زيدي أشري هبلتني قاتلي دارك تحرقيها بالشموع

هجورة أشري وخبي والله لي نويزات غير قاعدين يغلاو

عينياااااااااا الله يبارك كلش رووووعة تلبسي بالصحة و الهناء

ان شاء الله يطبطب الباب برك و تلبسيهم عن قريب 

بربّي كاش نهار نجي و نشوفهم وجها لوجه و تقوليلي منين شريتيهم

صح النويزات راهم غير يغلاو وكل مرة يخرج مودال جديد تحيري اذا تشري ولا لالا
انا اليوم شريت شوية حوايج حبيت نشري نويزات مي مالقيت حتى مودال لفت انتباهي
سارة لقيت النويزات تاعك الغوز الطويلة فوتو كوبي قعدت نضحك قلت ياااه سارة ههههههههههه
هي صح شابة وفيها بزاف لي كولار
لقيتها ب 130 وتخليهالك 120

كوكي حتى انا عينيا خرجو في الشموع ههههههههههه هايلين

سارة فاميلي شوب تلقاي فيه وحد الشموع عينيك يدورو
هوما صح غاليين مي حاجة فور بزاف

بنات اليوم دخلت لحانوت تاع الملابس الداخلية تبيع فيه طفلة
قعدت نشوف حتى دخلت وحدة مع خطيبها وقاعدين يخيرو في لي نويزات
قاعد هو يخير على ذوقو ههههههههههه راح ديراكت لوحد النويزات من غير هدوم خخخخخخخخ
ومنبعد لي دوبياس يحي يحي
قولولي نتوما عندكم نورمال تخرجي مع خطيبك وتشري معاه لي سوفاتمون ولي نويزات
انا بصراحة مانحبش لعدة اسباب
من جيهة باش تبقى شوية حشمة ومن جيهة باش نخليهم مفاجأة مشي يعرف وش راني نشري ومنبعد تجيه نورمال مشي كيما نخلعو وانا لابستهم خخخخخخخخ
ونتوما وش رايكم؟

في الليل نحطلكم وش شريت

ههههههههههههههه هاجر أنا ثاني مانديرهاش للسببين لي ذكرتيهم

يسماطو كون يشوفهم من قبل خخخخخخخخخ

في انتظار الصور تيعك هجورة و بصحتك مسبقا

الله يسلمك سمسومة

اميرة يودي غير ابداي تشري من دوك
والله كي يجي فارس الاحلام ونتي ماراكي موجدة والو تهبلي ماتلقايش كامل روحك
وماتنسايش الحالة راهي غير تزيد تغلى وقائمة الجهاز طويلة عريضة حتى وتقولي ندير غير شوي شوي مي فيها جبدة
ونظن اي وحدة فاتت بتجربة التجهيزات رايحة تنصحك نفس النصيحة

مرسي بنات

وبصحتك هجورة في انتظار الصور

أنا تاني منحبش نشري مع خطيبي بصح ورا الزواج نولي نخرج نخير نعاه

أميرة والله كيما قالو لبنات لازمك توجدي روحك من ضرك ويا ربي تلحقي

أنا شريت حوايج ياسر بصح كي نشوف واش مزال يخصني نلقا روحي مشريت والو

راني غير مع القش تاع الدار نويزات بيجاما غوب شورت، المهم وحدة وحدة برك وربي يهنينا كل

بسم الله
هاذو بوديات ب 80 الف للواحد



وبسسسسسس








بنات انا دايما كي نحط حوايجي نحط الاسعار تاع كل حاجة
ونتوما ماتحطوش الاسعار حتى نسقسو


 " longdesc="60" /> " longdesc="50" />

بصحتك هجوورة كللللللللش هايل والروبة تهبل باينة شابة كي تتلبس مبروووووك عليك

 هاجر على الاسعار والله ياختي تالمو نسقسي بزاف فالحوانت حتى ننسى شعال شريت الحاجة ههههههههههههههه

تالمو كلش يعجبني نبقى غير نسقسي خلاص المرة الجاية نولي نحط والله مرات نكون مديقوتيا 

وعلى النويزات شريتها ب120 الف زعمة قالي صولد يحرق شلاغمو

--------------------------

ايه على قضية ونقاش لي طرحتيه انا كي نهبط لاجي سونتر نلقى وحد لي كوبل تقريبا رجالهم شابين على نسا ويمشو يد بيد ويدخلوهم للحوانت انا والله مانقدر نديرها يالوكان مداسراتو مانقدرش نقولو اشريلي ولا نروحو للبلاصة الفلانية والله تبانلي عيب

خلي لي يدخلو للسوفاتمون انا الحق نحسو ماشي راجل شغل 106 ههههههههههههههه

والله تبهديلة وكيما قلتي مكانش كيما المفاجآة وحاجة كي تتلبس ويشوفها جديدة يتشهى فيك

انا لوكان زعمة نسيي نقولو برك بالقصبرة يغزر فيا غزرة نذوب في بلاصتي مايحبش هاذ العفسات

وحتى انا مهما نكون جريئة مانقدرش نروح معاه لهكاك بلايص

ايماجيني نتي تروحي معاه ومول الحانوت ياك فيهم طبيعة تاع يجيك مليح ويوالمك ولاي قلك لاطاي شعال تلبسي قدام راجل واش معنتها طحين فالصحين   

انا مرات نوريلو عفسات تاع دار هكا لي تابي ونتفاهمو عفسات تاع الالوان وواش نديرو باش ماشي نخلطو برك

مي باش نوريلو عفسات هاذوك مانقدرش

ياي نندب هاجر على فاميلي شوب كي تروحي يرحم باباك صوريلي وين جاي ولا قوليلي وين جاي مزال غير انا مارحتش ليه قاع الغاشي قالي فيه حوايج ملاح مي مانعرفش بليدة مليح هبطت مرة برك لباب الرحبة مغسي ليك