افتـــتاح تجــــمع العـــرائس "الجــــزائريات" العـــدد الخامس

هنادي كيفاش داير لفراش نتاع الترك لي شريتيه

ايميلي وسرسورة  واسماااء لا لحقتلهم نقعد عام اخر باش نكمل خخخخخخخخ رام يديو زوج زوج والله عيييييت انا الصح راني درت التصديرة مليحة وتاني قنادر المناسبات كثرت يعني حوايجي كثرت بصح لفراش مانيش حابة نكثر من بعد يزيد هو انا الصح الخياطات ندبولي
ايميلي لعشية نصور ونحط الكراكو معاه
انا هاد ليامات راي النت هبلت وليامات لي فاتو سرسورة راني كنت نطل ونهرب ههههه ماكنتش مليحة شوية مقلقة عليها مدخلتش 
ااي لعشية ان شاء الله كي نولي من الخدمة
باي

مساء الخير هنادي انا العكس نتاعك الفراش درت واااااااااااااااااااااااد
شريت 5 كوفرطات و 3 دراوات نتاع صيف و 5 كاش كوات
 و كاش كوات نتاع ساتان و فراش كروشي نتاع 200 الف هادوك الطالعين
و درت درا كروشي غوز و واحد ابيض بلورونج
و درا شبيكة موف و درا مسلول كروفات
و شريت هادوك الدراوات نتاع الشتاء لي كشغل كوفرطات رقاق ب 120 الف للواحد درت منهم6
2 في النوار وفيهم دواور حمورا و بيوضا و 2 بيوضا و فيهم وردات كبار موف و 2 فبوغوز

مازال كوفرولي ماشريتش و كوات مليحة برك

هنادي قوليلي واش درتي حوايج انا راني حاصلة ما درت والو لي مودال الانترنت بزاف و عييت واش نخير
دبري عليا واش ندير

ايميلي نت منيين
حنونة حطيلي صورة على كوفريطات الرقاق ماشفتوهومش خلاص
حبيبتي فواش ندبر عليك مافهمتش
انا راني درك نحمل النت راي معوجة

الصور ماحبوش يتحملو
غدوة ان شاء الله
بون نوي

مرسي لبنات ايه صح احنا عندنا لي بري شابين 
وانا هاذوك كلشي من عند الخياطة انا مامديتلهاش القماش رحت عبرتهم وخلاص 
بصحتكم كامل واش شريتو

اسوومة الله لايغيبك راني هنا برك شوية مشغولة فالدار والخرجة مانيش نقعد برك ومكان حتى جديد علابيها مانيش نطل مام عندي الاف الاسئلة قلت خلي كي نفتح التجمع الجديد كاشما نطرح شوية باش يتعمر هههههههههههههه

----------------------

هنادي يالهرابة صح انا تان مرات نطل ونهرب ههههههههه والله مرات واحد عيان ومايقدرش يهدر ولا مورالو هابط يحسو بيه غير لعرايس من تخمام بزاف

انا نقلك لوكان تعاندي لفراش ماتفراش 

انا بابا زاد شرلي زربية موف كبيرة وعندي لخرا لي صورتلكم بس 

واش ندير بيهم انا اصلا كرهت الضيق وكرهت الفراش والدار راهي غولة قدما تدي ماتشبعش ياختي مارحش يغلقو الحوانت واحد كي يانسطالي في دارو تم يعرف واش خصو وواش ماخصوش مي تدي عفسات بزاف وماتلقيش وين ديريهم ولا يخرجو دي مودال ماخير من بعد تندمي 

ناس راهي ف20 سنة ومزالت تشري ومخصوصة عفايس واحد يدي قيس دراهمو والبراكة فالهنا ياختي 

كي ندي 2 كوفيرطات ولا 7 واش الفرق المهم ندي 2 كاليتي مليحة خير من 7 مايشبهو لوالو ونخسر دراهمي فيهم

ايميلي وهنادي وخليدة تسكنو وحدكم ولا مع دار العجوزة ؟؟؟

ديجا كي قصرت مع نهال قاتلي نص الحوايج مزال ماجبتدهش راني ندور ب2 ولا 3 عفسات 

كي الفراش كي لي نويزات قاتلي ماتحتاجوهمش قاع الراجل كي يكون مايضويش احم احم ياو ماعلابلو لا لبستي احمر ولا ازرق ولا دونتال ههههههههههههه

وصحبتي تاني قاتلي والله ماني ندير قاع واش ديت وهي عرسها كان مزروب ماشرات والو يعني دات شوية برك وواش عطاتلها ختها باسك كانت رايحة تتزوج وبطلت يعني دات واش جهزت ختها برك

لي عندها شبمرا برك ياو ماتكثروش القش عليكم 

انا رايحة نعيش وحدي وكل بيت ديتلها قيسها برك والباقي هو يشريه ياك دارو ولا واش قالو تبا لي هدرت بزاف ههههههه

بصحتكمممم

سلام لبنات
هنادي انا و الله ما عندي باش نصور مي ضرك نشوف في النت و نحطلك الصورة
سرسورة هادي غيبة حنونة انا رايحة نعيش في دار شيخي مي مع لوستي برك و راجلها
باسكو الشيخ و العجوزة الله يرحمهم متوفيين بين زوج

هنادي حبيت دي مودال نتاع قنادر خرجة
انا طحت غير في الفراش اشري اشري و مبعد حصلت اغوزمن عرسي اتاجل حتان مور رمضان
مي اللبسا ما شريت والوووووووووووووووو

سرسورة راكي تخممي كيفي انا تاني قولت ندي لي نحتاجو برك والباقي من بعد وزيد راو الغلا والله بزززااااف علينا
ايميلي  حابة لي مودال قنادر دار ولا مناسبات مافهمتكش
حقة راني عيييييت نحمل الصور من مركز الخليج اعطيوني مركز تجميل مليح

افففففففففففف عيييت نحملهم واااااااااااعع

ايه بزاف لبنات ماتكثروش من الفراش كل وحدة تدي قدها وخلاص 
ههههههههه سارة عندك الحق علئ النويزات ديجا انا قالي غير متغبنيش روحك بيهم هههههه ابليس

لبنات راني نحوس على لي مودال نتاع قنادر الخرجة

والله ملقيت واش نقرا

لاكان شريتو حوايج ربي يهنيكم وبصحتكم

هههههههههههه أنا ثاني و الله ماقدرت نقرا كلش 

ربي يعينكم يا العرايس و يهنّيكم

و بصحتكم كلشي  

لبنات اليوم برك لي قدرت نحمل الصور هاو ليكم كراكو نتاعي جبتو من عند الخياطة بقالي القفطان والجبة مازال
[ندعوك للتسجيل في المنتدى أو التعريف بنفسك لمعاينة هذه الصورة]

ايميالي تقصدي قنادر مناسبات ولا لي نتاع برا مافهمتكش ؟؟؟؟؟؟؟؟؟؟؟

الله يبارك هنادي ما شاء الله 

روووووعة الكاراكو خرج عليك رووووووووووعة الله يبارك

العقوبة للقفطان و لجهازك كامل

بصحتك هنادي جاك رووووووووعة
راني نحوس على قنادر لي نلبسهم كي يعرضوني لافامي
و الا كي نروح نبارك

يبارك فيك سمسومة ولعقوبة ليك وبربي ان شاءا للله نشووفو جهازك كي اليوم
ايميلي اشري خليحية كيما اشريت انا وزيدي ديري قنادر نتا ع طرز رام كايننن مودالات يهبلو على شكل غوب رووعة شوفي فالصفحات الاولى راكي تلقايني حطيت وحدة كي حيت شوية من جهازي

ايميلي شوفي كيما هادي راي نتاعي
[ندعوك للتسجيل في المنتدى أو التعريف بنفسك لمعاينة هذه الصورة]
وهادا فراش نتا ع الترك 
[ندعوك للتسجيل في المنتدى أو التعريف بنفسك لمعاينة هذه الصورة]

مارسي هنادي الله يحفظك
روبتك شابة مام لفراش رووووووووعة
تتهناي بيهم انشاء الله
كيفاش دايرة الخليجية لي قولتيلي
ههههههههه نقولك الصح تفنيت باش نشوف كامل الصفحات بزااااااااف