افتـــتاح تجــــمع العـــرائس "الجــــزائريات" العـــدد السادس

هههههههههه عينيا قلبك معمّر 

البنات بصحتكم الكل و ربي يسهللكم و الله كلش يفووووووووت

المهم الهنا ء برك

سمسومة ربي يعاونك وينجحك

سارة تامني غير ماتولهت للكواغط حتى قلتيها قاعدة نقول تاع واه هههههههههههههههه
ناس تعس كلش يا جدك

انا مورال راه صفر مع السطر تاع .......... الندبة كرهت حياتي منها ومن الناس لي يزيدو عليك
حابة نروح لبلاصة مانشوف واحد نعرفو مانسمع بيه
نطيش تلفون ونعيش وحدي مقابلة البحر هههههههههههههههههههههه بصح مانعومش نقابل برك
اففففففففففففف كرهة 

وعلى نروح يا سارة والله مافي عيني مانيش خلاص حابة نزوج 

حقاااا نسيت نقلكم ياك رقيت قالي راقي عندك سحر والميكروب تاعو كلالك جسمك كل باقية غير الروح ههههههه
قالي سحر تاع انسان مش جن هيا فهموني واش بغاو عندي مانيش لاتية بيهم خلاص بصح يتبعوك يتبعوك

قالي عليها كرهتي الرجال وماصلحتلك حتى في خدمة

اني غير نحب نجي نشارككم ونحب نضحك برك لا تحسابو صح باغية نزوج رام يجيو يخطبو ندير اي سبة باه مانقبلش والاغلبية طيحلي عليهم الخدمة هههههه
ربي يجيب الخير وخلاص


هنادي والله عارفة الراجل يجي يجي  ربي شايفلنا الخير وين

اوف غلبت من الهدرة هههههههههه

نسيت هنادي هدرتي على الجلفة كل عندنا تم ههههه
انا عندي واقيلا شهرين مادخلتوش عندي موضوع تم ايه كنت ندور بالبيع بصح كاش مايخليوك هدوك لعباد تكوني الاز
راهم بزاف بنات كانوا معانا هنا
راهم يدورو غير تم وكي طل هنا مرة تقوليلها تقلك مانيش قاع نكونكتي ههههههههه

يالطيف شهرة وش هذا
نقلك الصح انا هاذو الرقاة مانديرش فيهم كونفيونس الا من رحم ربك قليل وين تصيبي واحد ثقة
وش هذا كلالك جسمك وبقات غير الروح مالة كيفاش راكي عايشة بففففف
شوفي حنونتي ارقي روحك بروحك وحصني روحك بالاذكار
وكثري من الصلاة سيرتو في جوف الليل والدعاء وقراءة القران والاستغفار
وان شاء الله مايكون لاسحر لاوالو
ممكن عين او حسد ربي يبعدهم عليك
والعين حق وقريب كامل الناس فيهم
انا ثاني قالولي عندك عين صحيحة ورايحة توليلك تابعة بصح مادرت والو ومانحبش نروح عند الرقاة
شادة في صلاتي ونقرا القران وندعي بصح بلا كذب مانيش نرقي روحي عجزت
ياااارب احفظنا

اهلا هجورة عاش من شافك
ايه صح رقاة عادو بزاف وماتانميش
هدا لفامي تاعنا رقاهم والحمد لله ارتاحو جابو خالي للدار رقانا
هو قالهالي تمسخيرة بقات الروح

بصح قالي ميكروب كلالك جسمك وصح يعني عمري ماضعاف جسمي لهد الدرجة هد العام راهو كل مرة يزيد ينقص

هداك هو لازم قراءة القران هي كلش 
ربي يغفرلنا
وتاني العين ماخلاتش

سلااام
شهرة ربي يشفيك حنونة كيما قالت هجورة اقراي القران بزاف وجاي رمضان ادعي ربي يرفع عنك المرض
شهرة ايه عرفت نتي شهرزاد ام لي فالجلفة صح شفتي الجلفة شحال سماطة يقلقو سوغتو في قسم العرايس نندب زهري لتم انا راني فقسم الطبخ ادخلي لتم تلقايني راني نتعلم انا مانكذبش كي ندخل لهيه ندخل لهنا
شكون تاني فالجلفة ااي قلولي ؟
انا هاد السمانة نشري كلش وفي رمضان نبدا نخمل قشي وعععععععععع الفراق والله الخلعة تقتلني كلما نتفكر روحي واااااااااااااااع

قلبت الصفحة ههههههههههههههه

ايه هنادي رمضان فرصة كبيرة

ايه هكاك اتعلمي الطبخ انا خاطيتني الكوزينة مرة دخلت تم تهت من تم مازدتش دخلت ههههههههه

اخطينا منهم راهم بزاف حتى نسيتهم ماعنديش بلاصة في راسي نعمرها بيهم

ايه كملي هد ليام باه رمضان تريحي غير للتزين والتخمال والترتيب

ربي يشفيك شهرة

ايه هنادي هكاك كملي كلش قبل رمضان باش في رمضان ماتخرجيش وتنحرقي في الشمس
يبقالك في رمضان غير التخمال وزيدي تهلاي في روحك وديري لي ماسك
هذا اذا ماكيش خدامة في رمضان
ربي يقدرك

شهرة حنونتي متخمي موالو نقلك مكانش اللي كانت مريضة قدي صدقوني صرا فيا الباطل مخليت حتئ راقي وحتئ طبيب كنت غير قاعدة ونتقيا والخوف حاكمني بصح شوفي بديت نقرا سورة البقرة الحمد لله كنت نقراها كل يوم لازم نكملها والحمد لله وبدا كلش يسهل وربي رحيم 
ايه هنادي حنئ انا نحوس نكمل دوك حوايجي باه في رمضان منخرجش مع رمضان يغلبني نقعد غير للتزيين 
وربي يسهل عل كل وحدة

ربي يشفيك شهرة و الله غدتيني وان شاء الله ربي يقدرك ماعليك غير بقراءة القران هدا ماكان خاصة سورة البقرة و اياك و الاستماع للغنى 
ربي يشفي كل مومن مصاب 
جيتلكم شوية حويجات المرة الجاية لن شاء الله نكمل 

هدا ب 200دج 

[ندعوك للتسجيل في المنتدى أو التعريف بنفسك لمعاينة هذه الصورة]

تريكو 

[ندعوك للتسجيل في المنتدى أو التعريف بنفسك لمعاينة هذه الصورة]

هدي خيطتها واقيل نخليها للعيد  و لبستها نهار العيد تع العام ليفات ادا ماشريتش ندور ليها خخ
[ندعوك للتسجيل في المنتدى أو التعريف بنفسك لمعاينة هذه الصورة]

لي يبوكلي هداك بابيليز صورتو مي مالقيتوش واقيل سوبريميتو معليش المرة الجابة 

[ندعوك للتسجيل في المنتدى أو التعريف بنفسك لمعاينة هذه الصورة]

كارت دانفيتاسيون عجبتني كانت فيها حاشية شاابة ماغون قلت نصورهالكم المرة الجاية نوريلكم الباطة تع القاطو ياك و لاو يديرو هادوك شغل طاجين تع مروك صغير شابين 
[ندعوك للتسجيل في المنتدى أو التعريف بنفسك لمعاينة هذه الصورة]

وشكرا خخ

سلام لبنات واش راكم

الله ابارك قلبكم راه معمر كثر مني 

واش نبدا واش نخلي ههههههههههههههه

شهرة حنونتي ربي يشفيك مي انا رايي من راي هاجر هاذو الرقاة يتوشيك يقلك فيك جن احمر اخضر اصفر  

انا لوكان يجي ليا الراقي يقلي نتي راهم دارو مركز عندك راني القاعدة بالعين والتابعة الخ.. هههههههههههههههههههه  

ربي يحفظك اختي شهرة وراه جاي رمضان ابداي تقراي قران ولا دري فالبيسي يمشي وحدو مليح ليك وللدار وربي يفرج علينا كامل ياختي ناس هاذو مايطلقو واحد 

هنادي بلعقل برك راكي كليتي الكلافي خخخخخخخخخخخخ

انا كانت عندي عضوية مي نسيت اسمها والمود باس وزيد انا منتدى ديالي مانيش ندخل ليه والله ماني ندور عييت مالقيتش روحي 

هاجر واش راكي ان شاء الله راكي مليحة كاش جديد ؟؟ ربي يسهلك اختي ان شاء الله نتي تان ونفرحو بيك

--------------------------------------------

كوكي راني غير بلعقل والله مي ان شاء الله تتخطبي نتي وسمسومة نوصيكم برك وحدة ترفد اختها باسك نتي راكي وحدك ماعندكش خيات مي ربي عوضك باسماء سينو تباصي ومانحبش العقلية لي راهي دور دوكا لي تتخطب تجبد روحها على الناس وعلى صحاباتها وتولي تحسب روحها شغل مانعرف واش ملكت  " longdesc="62" /> 

انا من بكري جابدة روحي على فاميلتي علابيها حصلت ومانحبش لي يحشر نيفو كيما يقولو ولا يسقسيني بزاف نكره العقلية هاذي 

باسك ناس تاع دوكا كلش يديرو بالستر وانا تالمو كنت بنيتي صحاباتي راهم بالذراري تالمو يعسو فيا وقتاش نروح والله دارولي ضغط دوك ناس ترقد كي تنوض ينوضو اونفورم انا نوض مقلقلة ونحسب واش مزالي واذا نلحق ولالا تبا تبا 

خليدة بلعقل برك وتكملي انا اني خايفة نتكحلش قبل العرس علابالي رايحة نحصل لاخر دقيقة وماما تقلي مزال مزال الوقت راني قاعدة 


اسوومة ربي يسهلك نتي تان والله توحشتك فالمنتدى بانت بلاصتك وااااااااااااع مابقاش وتتهناي وقريب لمة رمضان ان شاء الله يولو اليامات الشابين 


امينة خليتك اللخرة باش نعلق على الصور باش ماتقوليليش جزتي رولو على ردي ههههههههههههه

على الكوارط كي ندير نديرلك معايا ههههههههههههه زيديلي نتي انا والله باسبوري مزال ماخدمتوش يعييو يعييو الغاشي هذا تقول الخارج رايحة تهرب ولا هو رايح يهرب ياك راني معاه هنا ولا لهيه ولا فالحبشة واش راحلي انا ... والله ناس طماعين حتى مواليه علابالهم طمعت فيه علاجال الكوارط ياحي ياحي مزية نعرفو من ex temp 

المهم نرجعو للميضوع

بصحتك واش شريتي كلش يهبل تلبسي بالصحة والهنا وحشت التصاور يازح ههههههههههههه

هاذ التجمع برعاية الفقر والسعادة خخخخخخخخخخخخخخ

لعقوبة ليك امينة نفرحو بيك يارب

عييت كي نروبوزي نرجع

 

صارة قريت قريت عييت خخخخ راكي وحدة بزوج ربي يهنيك و الحمد الله راكي تعلمتي حاجة انا تعلمتها غير ما هي انك ماتحكيش كلش سورتو ألافامي 
يطلعولك ميات حساب و حساب ان شاء الله كي اليوم تتهنااااي ياك صبرتي و الصابر ينال
ولعقوبة اللي مزالو 
اكيد كل واحد عندو حكاية انا بكري كنت غير ننوي نهدر كنت مانخليش في قلبي كانو حاجات مايتكتبوليش و نقول علاه اللي كنت نحكيلهم ساكتين حتى تلقايهم خرجولك بخرجة جديدة انا نحير نقول وقتاه هدا و علاش مايحكوش هكاك و سييت مي نحب نهدر مي دكا راني تربيت الناس اللي رباوني
شوفي كي نقول باسم الله مانقولهمش راني قلتها خخ ماشي لهدي الدرجة مي راكم علابالكم 
دكا نحكيلكم غير ليكم  

امونة حوايجك فووووووور تلبسي بالصحة سيرتو الاخير ههههههههههه 
سارة الوقت راه يفوت بالخف راكي تفنيين كثر مني دوك يجري علينا الحال ونولو نحلو فيها باسنانا ربي يجيب الخير

امينة حوايجك باهين
تلبسي بالصحة والهنا
اخر وحدة نفسها تاعي ههههههههههه

بصحتك امينة حوايجك شابين

سلام لبنات

والله امينة كيما قلتي حنابرك لي نية مي الدنيا تعلمك مي انا ماما تقلي شغل دارولي موس في رقبتي وحدي وحدي نهدر ننسى روحي من بعد نندم نقول واش دارني نهدر

مي مرات يطيحولك باسئلة خشان حتى تتقلقي وتولي جاوبي لاارداي 

ربي يجيب الخير ان شاء الله

خليدة اكي تشوفي انا اني نقول مزال الوقت وهاو لحق رمضان ودوك يبدا السيريو انا نقولو مانيش واجدة ديقوتيت تبا

----------------------------

واش تحكو انا ماعندي حتى جديد

وانا تاني ماحبوش يميدولي دراهم كامل رام يقولولي هزيتي الدينا واش راح يفرغو لحوانت بصح انا تبالي شوية وزادت الخياطة درتلي قندورة وانال من قبل قتلها ماديرهاليش هي صح عجبتني بصح جاتني غالية وزدت درت بزاف القنادر وكي قتلها ياخي قتلك ماديريهاش قاتلي لالا قتيلي ودرك اديها وخلاص سلكيني سلكيني والله تشوكيت ياخلااي واشي هدا وكي روحت لدار ماما ظلت تعيط عليا وقاتلي درك والله لا تدي مني دورو واااااااااااع ونزيد نحرش خاوتك فيك واش بيها ماما هادي والله مافهمت راح تهبلني انا راح نهبل وهي عقابي وعععععععععععععععع كيفاش ندير كلاوني بلعوني ربي يجبهالها في راسها هاديك الخياطة وزادت ماما قاتلي درتي ودرتي وزدتي راح تخرلاجي صالون والنحاس وختك مادرتش هكا درك الناس تتوله بيك كاش مايسرالك ماما تخاف العين قتلها نروح نرقي انا وياه باش نردوهالهم انعكاس ضوئي ههههههههههههههه
راني خايفة يقطعو عليا الرحمة وااااااااع
بصحتك امينة واش شريتي حوايجك يهبلو
سارة لا لحقتي الناس تهبلي انا زوجت اختي قبلي وكيانو يلقيوني يمعنيو عليا بصح انا نضربهم بالصماطة وزاد راجلي من لافامي وماشي زين كيما راجلي اختي وتاني هي زينة خيرمني وزيد هو خدام خير من راجلي ارواحي والله يتمعناو عليا مرات نقول نروح نضربهم ونعطيهم طريحة ومام لخوتات يقلقو راي ختي الصغير ة ماتحبش تخرج معايا وماتحبش تروح معايا حتى بلاصة راني كي المكلوبة وحدي نظل نجري بصح اختي لخرى كنت انا نجري معاها والله نمدلها شهريتي ونشريها واش يعجبها مي انا زهري مقود مرات نتهاوشو ويرجعولي كامل ضد اااااااااااااااا يازهري لمقود

ههههههههههه هنادي اختي والله غير ضحكتيني بصح نقلك حاجة متزعفيش مني بلاك انت كثرتي بزاف حوايج وممكن متستغليهمش من بعد 
وزيد الخياطة كون مديتيهاش من عندها لخطرش مقلتيلهاش تخيطهالك بحر عليها كون تكلب ياووو رانا في وقت مزير الدراهم مكانش هههههههه راني حاسة بيك الموقف اللي كنت فيه مع ماماك بصح غير ديرلك هاك وخلاص موالفة تصرالي  
لبنات كاش جديد انا راني عياااااااااااانة وكااااااااااااارهة

سلام بنات وشراكم

اعطوني رايكم في هذا القماش
رايحة نخيطو درا بالمخايد

[ندعوك للتسجيل في المنتدى أو التعريف بنفسك لمعاينة هذه الصورة]

وهاذي جاتني كادو في عيد ميلادي اللي كان نهار الخميس اللي فات

[ندعوك للتسجيل في المنتدى أو التعريف بنفسك لمعاينة هذه الصورة]

هاجر يجي درا و مخايد روعة غير ديريهم نموت على القماشات تع الدوايرات 
و على الكادو فووووور شابة بزااااف بصحتك ختي
وبون انيفاغسااااااغ و الله معلابالي ايا معليش نخلفوهالك فالفرح شحال درتي هجورة اكيد ماشي لام تجاوبي
و هديتي ليك هي ندعيلك ربي يوفقك و ان شاء الله يعطيك و ش راكي متتمنية