افتـــتاح تجــــمع العـــرائس "الجــــزائريات" العـــدد السادس

السلام عليكم البنات، هذه مدة و سنين ما دخلتش هنا، و الله غير راسي ماراني نحكه من الشغل و التربية ، راني بزوج دراري درك العاقبة ليكم إن شاء الله

عندي سمانتين كان  عرس بنت خالي ، و هي جاية بابيشة و حطة سينورمال عندها 20سنة، المهم عرسها فات فوووووووووووووووووووووووور، خرجت من دار باباها بكراكو و برنوس و دخلت بيه للصالة و قعدت بيه و لبست بعده قفطان و جبة قبايل حرة ماشي كيما تاع درك مودارن و كي كانت أدور بين الضياف كانت تمدلهم التمر، و من بعد قفطان سامبل دومي مونش و روب سواري و خص قفطان آخر راح الحال ما لبساتوش لبست ديراكت الروبة البيضاء، دخل راجلها و جابو البياس مونتي و قطعوها كي العادة خاطر هي ما دارتش الفيونصاي خلات كلش مع العرس، و واش لاحظت أنها ما لبستش كااااااااااااااامل الذهب غير الإكسسوار، كيما الكوليي تاع الجوهر مع الكراركو و لي بارير تاع حريم السلطان مع القفاطن و دارت حااااااااااااااااااااااااااالة بالشطيح تقول ما هي العروسة حتى ولات عجوزتها تحوس عليها في لابيست و تقعدها.

في الأول سيرباو الجي في الطيسان كل واحد يحط لروحه مع طبسي معمر بلي صالي واقيل 5 أنواع كل نوع 3 حبات من بعد القهوة في لي تارموس بطبسي قاطو ثاني معمر و من بعد جازو علينا البنات بليزاسيات تاع القاطو تاع اللوز و كي قرب المغرب سيرباو لاتاي بالمقروط و القطايف في لي بوات صغار و كي لبست الروبة البيطاء مدت لي دراجي دارتهم في سليلات مخدومين بالكريات السحرية، خدمتهوملها لوستي 100دج للسليلة، و الأخير سيرباو من لابياس مونتي ، و خلاص العرررررررررررررس، و ربي يهني سعيد بسعيدة.

المهم البنات نوصيكم على زوج صوالح، إذا حبيتوا الراجل يولي كي الخاتم في صبعكم، شبعوله كريشته و شبعوه في الفراش، ألي تطلبوها حاضرة

راني نولي كاش عام ههههههههه