افتـــتاح تجــــمع العـــرائس "الجــــزائريات" العـــدد السادس

شكرا خليدة رايحة ندي بنصيحتك ومانزيدش تابي
واحد يكفي
نسكن معاهم بصح ايتاج وحدي مي عندي غير شمبرتي ودوش وكاينة شمبرة وحدوخرة فارغة بصح بالاك حتى منبعد باش نعمروها ونديرو فيها قعدة
مالة قلت وقيل مانديلهاش شورى دوكا

صحيتي سمسومة والله ماذابيا تحطيلي القوائم باسك ماقدرتش نعاود نخمم
في الانتظار

اميرة زعما درت المينيموم
اديت من كل حاجة حاجة
غير لي درا قلت ندي 4 باسك نحتاجوهم بزاف باش نبدلو
مليح الصالون مام انا جاتني سومتو معقولة
انا حبيت ندي لشمبرتي بونكات يعني فوتاي تاع دو بلاص تاع غرف النوم
لقيتهم يخدموهم عندنا بالبوف وطابلة كلش يستقام زوج ملاين ونص
مي مانعرف اذا الشمبرة تكفي ولا لالا مانحبش نعمر القش وندير الضيق
والمشكل ثاني في البعد وش يديهالي مع الجهاز

اميرة ماخرجتليش الصورة
مليح كي بديتي تخيطي من دوكا التصديرة باسك تشد الوقت بزاف
انا مانديرش تصديرة تهنيت منها
مي لي مودال تاع المناسبات والضيفات كيما قلتي لازملي
اذا كاش مالقيتي دي مودال ملاح حطيلي نشوف معاك بالاك نخيط

وش قصدك بفاليزة الجهاز؟

اه هذا وين خرجتلي الفوتو
اواه اميرة جاني غالي بزاف هذا تقدري تخدميه وحدك اذا كنتي تعرفي
وزيد مافيه والو علاش حتى مليون ونص
بصراحة جاني غالي وشوفي نتي وش يخرج عليك

صباح النور البنات 

شوفوا هاني لقيت موضوع دارتو وحدة كانت معانا 

[ندعوك للتسجيل في المنتدى أو التعريف بنفسك لمعاينة هذا الرابط]


ان شاء الله تديو منو أفكار

و لقيت هذا الموضوع هو ضح مبالغ فيه ياااااااااااااسر 

مي تديو منو الشيء لي يساعدكم 

[ندعوك للتسجيل في المنتدى أو التعريف بنفسك لمعاينة هذا الرابط]

و زيدو هذه الجداول 

[ندعوك للتسجيل في المنتدى أو التعريف بنفسك لمعاينة هذا الرابط]

و مازالو عندي قوائم لكن فالدار 

هذوك ان شاء الله يفيدوكم أكثر

سلام لبنات
هجورة أنا عندي هذه القائمة مخبيتها في البيسي ديالي
بلاك تفيدك

[ندعوك للتسجيل في المنتدى أو التعريف بنفسك لمعاينة هذه الصورة]

أنا كنت دايرة بزااااااااااااااااااااااااف قائمات كي كنت مخطوبة 
بصح والله ما درت عليهم
كنت كي نخرج كي نشوف الحاجة نتفكرها
ورانى هنا نعونوك نفكروك بالحاجة
شوفي اذا تقدري تحبطي لسوق دبي في الجرف في باب الزوار
راهم لي كوفرولي تع الفاليزة هدوك الشابين تع 3 ملايين و 4 لحقو حتى لـ 6 ملايين
راهم صولد بـ مليون ونص ويساعدك
حتى لي درا تع الترك تع مليون ونص تع الباطة واقيلة صارة أدات واحد راهم صولد 800 الف نورمالمو

هاجر قولي لنا كاش ما درتي باش ربي فرج وسهل الخطبة
يعني ما هو السر
بلاك دعاء قيام ليل قريتي صورة خاصة من القرآن
أعطي لنا السر باش نتبعوك

شكراااا سمسومة على المواضيع
جاري الاطلاع

شكرا شمس على القائمة
اممم نشوف اذا لقيت اللي يديني وساعدني الحال راني نروح نضرب دورة ونشوف
كاين غير الفراش ثما؟

وعلى السر رايحة نقلك
شوفي اول حاجة وهي الاهم هي الثقة بالله وحسن الظن به
لازم يكون عندك يقين كبير بربي سبحانو بلي هو اللي رايح يسهلك امورك ويستجيب دعواتك
وثاني حاجة هي الدعااااء راهو اقوى سلاح يملكه الانسان
ادعي في صلاتك في قيام الليل وفي كل وقت
ادعي ونتي متيقنة بربي سبحانو بلي رايح يستجيب دعاءك
وحتى اذا طولت الحالة وتعسرت امورك اعرفي بلي فيها حكمة ويجي نهار ويفرج ربي
ماتمليش وماتيأسيش وماتجهليش وارضاي بواش يعطيك ربي لانو الخيرة فيما اختاره الله مشي اللي نخيروه حنا 
والحمد لله على كل حال

وان شاء الله كل وحدة فيكم يعطيها ربي وش راهي متمنية
ويرزقنا كامل بازواج صالحين

سلام بنات

هجورة وحدة وحدة برك ضرك تبداي تشري وتوجدي متقلقيش روحك فترة وتعدي إن شاء الله

بصراحة عاداتنا مش كيف كيف المهم لحوايج لي كتبتيهم يكفيو إن شاء الله وكشما نتفكر نقلك

أنا بصراحة نحب الفراش كون يجي أي واحد يبات عندي منحبش نمد الغطاء تيعي

وعلى هاذي من ضرك مخبيا كوفيرطات كيما تقولو لكشما ضيف ومخبية تاني وحايد خفاف تاع بلاصة

كون نحب نقيل شوية مش لازم نغطي بتاع السرير كبيرة فهمتيني؟

المهم أنتي ديري واش تقدري وعلى حساب دارك يعني لاكان معندك وين تحطي ماكلاه تكثري

*****

أميرة وين تلقاو فيهم هاذ لي صالون لي ب 5ملاين

ساعات نقول حنا وين عايشين وأنتم وين؟؟؟ ياو عندكم رخا يدهش

حنا عندنا لي prix يطلعو السكر تشوف بعينك وتموت بقلبك

غير أشري هاذ الصالون وتهناي حنا معندناش خلاه  صالون بهاذ السومة

والله لعشية شفت أنا وأمي على لي صالون حابين نبدلو تاعنا

أقل واحد لقيناه ب 8 ملاين وحدو لا طابلة لا ريدو لا والو

شفنا شفنا وروحنا قلوبنا تعمرت

المهم ربي يعينكم والفايدة فالهناء إن شاء الله

*****

أهلا شمس واش حوالك؟؟؟

هاذ اليامات راكي أدوري هنا واش كملتي مشروعك؟؟؟

عبالك ؟؟ ماني فاهمة والو؟؟   

أنتي كنتي مخطوبة؟؟؟ وين كنت أنا؟؟؟ فقدت الذاكرة يظهرلي 

اهلا كوكي وشراكي
صح ممكن العادات مشي كيف كيف
منيش حابة نكثر الفراش ماعنديش وين نحط عندي غير غرفة النوم
والكوفيرطة اللي قلتي تتغطاي بيها كي تقيلي راني كتبتها في القائمة تاعي بالاك مافهمتينيش برك
قلت ندي زوج ديجا راني شارية وحدة ونزيد وحدة برك
كتبت كوفيرطات خفاف

حابة نبدا بالحاجات الكبار
قلت نبدا بالفراش الثقيل انحيه من الطريق
تبقالي غير الخياطة الخفيفة تاع لي درا والكوفرولي ووو
منبعد نروح لحوايج الشتا قبل مايلحق الربيع ويرفدو كلش
وباقي الجهاز ساهل نخليه منبعد
المشكل ماعنديش الوقت كامل
نخدم كل يوم عندي غير الجمعة
بالاك كاش ماندي نهارات ونروح نقضي

عينيا عوارووو  
كنت قاعدة نكتب في قائمة الجهاز
قسمتها لاجزاء مي مزال ماكملتش
لحد الان درت
الفراش
لوازم الحمام
الملابس الداخلية وملابس النوم
وحددت العدد تاع كل حاجة ودرت ميزانية بالتقريب لكل جزء
ومزااال الخير للقدام

دوكا عييت ونعست مانيش قادرة نركز ولا نكتب
غدوا ان شاء الله نشاوركم في وحد الموضوع
تصبحوووو بخير

صباح الخيرلبنات 
كوكي وشمس واش راكم 
هاجر الحوايج تاع الشتا ماتشريش دوك حتئ يحب الشتا يخرج واشري يكونو شوية رخاص 
قد ماتشري تقولي قليل والدراهم قلال الله يسهل

هاجر هاي سبقتني شمس و حطتلك القائمة و مازالو عندي نورمالمون 

و كشما تحتاجي استفسارات نعاونوك 

و كيما قالت خليدة أصبري في أواخر فيفري راهم يديرو الصولد في كلش 

تربحي شوية صوارد و الله تربحي نص الأسعار

سمسومة الحبوبة واش راكي

الحمد لله لاباس درك نبعثلك رسالة

حتى انا خممت نخلي حتى اواخر الشتا يبدا الصولد
مي خفت تخلاص السلعة المليحة ويبقاو يليكيدو غير في الفضلة
وش رايكم؟