السلام عليكم
هاني جبتلكم الوصفة تاع هادي التحلية و سامحيني أميرة طوّلت عليك
[ندعوك للتسجيل في المنتدى أو التعريف بنفسك لمعاينة هذه الصورة]أوّلّا:
نطيبو جينواز سامبل: 3 بيض + 5 مغارف سكر + فاني نضربوهم بالباتور + 5 مغاف فرينة و 1 خميرة القاطو
و نحطوها في أي مول (مربع، مستطيل، دائري، ... لي كاين) و ندخلوها للفرن اطّيب
ثانيا:
كي اطّيب نخرجوها و نقسموها قطع قطع صغار و نحطوهم في لي كوب
ثالثا:
نخدمو السيرو: كاس سكر + كاس و نصف ماء و شوية فاني
و نحصلو على شربات أو سيرو. نسقيو بيه الجينواز لي في لي كوب باه ماتجيش شااايحة
رابعا: نطيبو كرام باتيسيار (فاني من الأحسن)
أنا نستعمل هادي راهي متواجدة فالسوق
[ندعوك للتسجيل في المنتدى أو التعريف بنفسك لمعاينة هذه الصورة]كرام باتيسيار ساهلة: نصبو المحتوى في نصف لتر حليب و نحطوها اطّيب على النار( طريقة الاستعمال في الغلاف تاع العلبة)
كي اطّيب نبقاو نحركو فيها باه تبرد شوية
رابعا:
نصبو لاكرام باتيسيار فوق الجينواز شوية شوية في لي كوب حتى نفضو الكمية
خامسا:
فالأخير قطعي الفاكهة لي عندك (فراولة، موز، عنب، كيوي،تفاح، خوخ، ....) و زيني بيها لي كوب تيعك
و شهية طيّبة للجميع
[ندعوك للتسجيل في المنتدى أو التعريف بنفسك لمعاينة هذه الصورة]نورمالمون راني شرحت بالتفصيل و إذا كان أي استفسار راني هنا
ان شاء الله تجربوها و تعجبكم
