افتـــتاح تجــــمع العـــرائس "الجــــزائريات" العـــدد السابع

هاجر خسلرة تسكني بعيد لوكان جبت لك واش تحبي prix de gros كاين واحد importateur يجيب كل خير ويبيعلنا prix de gros كيما البارح شريت des nappes ايديرو 800 الف انا خلصتهم 350 الف شريت ثلاثة انواع فيهم 16 بياسة والله غير خسارة تسكني بعيد
وعلى الجي هنا عندنا يبيعو بزاااااااااااااااااف غالي يعني كاين عرايس ايجو عندكم لبليدة ويشريو بصح كاين سوق دبي الجرف في باب الزوار كاين رويبة بصح غالية بزاف كاين ساحة الشهداء زنيقة لعرايس كاين باش جراح فيها حوايج شابين بزاف سواء في بازار حمزة والا في طيبة كاين بومعطي رخيص شوية يعني ناقص 50 الف على برى كي والو انا موالفة نشري غير من رويبة والا الجرف حاجة غالية بصح شابة

قريت و نسيت   ههههههههههههه 

أميرة القندورة ملييحة و مودال سامبل و مليح تلقايهم هذو الأنواع كي يجيوك الضياف أو عايلة راجلك 

و الفراش ثاني رووووعة سيرتو كي يعود فالوردي يجي أحلى و الفوطة تاني شفتها هنا و عجبتني خلااااه 

هاجر كيما قالت أميرة بما أنك رايحة فالصيف ماتكثريش ياااسر من حوايج الشتا تعودي تسماني و ماتلبسيهمش خلااه 

و لي تابي خاطيني هههههههههه

البنات هاجر أمينة شمس 

وعلاه خاطيكم القنادر ؟؟ يعني كي يجويكم ضياف أو عباد برانية وش تلبسو ؟ 

و المقبلات على الزواج لازمكم القنادر تاع دار. كيفاه يجيك شيخك عزوزتك سلفك تلبسو بيجامة ولا كيفاه ؟؟

السلام عليكم

شكرااا شمس على الرد

هههههههه لالا سمسومة مانقابلوهمش بالبيجاما
نلبسو قدامهم قنادر او كيما نقولو حنا جبات
قصدي حنا مانلبسوهمش بزاف في الدار دايما
كيما انا جامي في حياتي لبست جبة
مي مور الزواج اكيد رايحة نلبس جبات مستورين قدام ناس داري ونزيد حتى الخمار
وفي داري بيجامات والمقطع هههههههه

هههههههههههه هاجر أيا أوكي 

بالصحة و الهنا ان شاء الله

أميرة القندورة لي حطيتيها تهبل عجبني المودال تلبسيها كشما يجيوك ضياف ولا تروحي أنتي ضيفة

بنات أنتم في ألجي عاداتكم مختلفة علينا حنا نلبسو القندورة ولا الجبة كيما تقولو فالدار وفي ساير الأيام

يعني مش لازم في مناسبة برك ولا قدام الضياف

كيما ضرك أنا راني لابسة قندورة وكي نجي نرقد فالليل نلبس بيجاما 

على هاذي أميرة ديري القنادر راهي عاداتنا نلبسو القنادر فالدار وزيد كاين دي مودال تلبسيهم عادي قدام راجلك

يعني مش ممكن رايحة تبقاي لابسة المقطع سيرتو فالشتاء فهمتيني؟؟؟

وحاجة باينة لازم لي بيجاما ولي غوب يعني نوعي من كلش مش ديما ستيل واحد

وأي سؤال رانا هنا نعاونوك أوك؟؟؟

حقا الفراش يهبل والفكرة تاع تكتبي أسمك عجبتني خلالالالالالالالالالالالاه

أي سؤال رانا هنا نعاونو بالشيء لي نقدرو عليه

******

هجورتي واش حوالك؟؟؟ والله توحشتك ياسر 

ربي يعينك إن شاء الله كشما تقعدي بيبيلي نقصرو شوية أوك؟؟

أميرة كتب:

هههههههه هاجر هكاك 

في دارك البسي غير المقطع مي كي يجيوك ضياف لازمك جبات كيما تقولو 

كيما أنا رايحة نسكن مع راجلي برك يعني دايرة حساب اللبسة اللي نلبس معاه و حساب اللبسة كي 

يجيو ماليه و لاّ أي ضيف يعني لازم قنادر و حتى كي تروحي ضيفات أو مناسبات لازمك قنادر باهيين 

و ستيل يعني مش بيجامات كيما قالت سمسومة

أكيد

ان شاء الله كوكي

اميرة لاغوب شابة عجبتني
مي شوية عريانة ملفوق

لبنات راهو الشتاء العروسة يليقلها حجابات خاصين و مونتو كيداير مودال مليح تع حجابات و شحال من حجاب تدو (روب مونتو) و مونتو تدو طويل و لا قصير؟؟

أميرة هو موديل مليييييح صح مي شوية عريانة مالفوق

العروسة يليقلها حاجة مستورة فالتصديرة حنا هك عندنا

كون تقدري تشوفي مع الخياطة كيفاه ادّيرلك للجيهة العريانة هاديك و مالتحت تبقا كيما هكاك تجي رووووووعة

السلام عليكم
عروسة الجزائر ماعنديش فكرة على الحجابات
انا ندير حجاب شرعي
وناوية ان شاء الله نخيط حتى 2 عراض مع خماراتهم الطوال وبس
والمونتو شوفي نتي وش من الستيل راكي تلبسيه وعلى حساب نوع حجابك

شمعة ضياء كتب:

السلام عليكم
عروسة الجزائر ماعنديش فكرة على الحجابات
انا ندير حجاب شرعي
وناوية ان شاء الله نخيط حتى 2 عراض مع خماراتهم الطوال وبس
والمونتو شوفي نتي وش من الستيل راكي تلبسيه وعلى حساب نوع حجابك

شكرا هاجر انت تشري القماش كم من متر؟؟
الله يبارك عليك

عروسة الجزائر أنا تاني ندير حجابات طوال

شوفي أنا نشري بين 2 ميترات و2 ميترات ونص قماش

وعلى المونتو كيما قاتلك هاجر أنتي واش تحبي

أنا منلبسش مونتو مع لاطاي يعني يكون مع الركبة ولا فوق شوية

وهاذي كيما قاتلك هاجر أنتي وحجابك كيفاه زيو

شوفي أدي معاك مونتو خشين يعني تاع البرد القارس 

وواحد خفيف كي تبدا تربع الدنيا يلزمك واحد خفيف

والحجابات أنا رايي 3 حجابات تاع شتاء يكفيوك

سمية والله ماعلابالي شحال من متر جامي خيطت
كي نعول نخيط راني نروح للخياطة وهي تقلي شحال نجيب

kouki ezina كتب:

عروسة الجزائر أنا تاني ندير حجابات طوال

شوفي أنا نشري بين 2 ميترات و2 ميترات ونص قماش

وعلى المونتو كيما قاتلك هاجر أنتي واش تحبي

أنا منلبسش مونتو مع لاطاي يعني يكون مع الركبة ولا فوق شوية

وهاذي كيما قاتلك هاجر أنتي وحجابك كيفاه زيو

شوفي أدي معاك مونتو خشين يعني تاع البرد القارس 

وواحد خفيف كي تبدا تربع الدنيا يلزمك واحد خفيف

والحجابات أنا رايي 3 حجابات تاع شتاء يكفيوك

شكرااا كوكي يه انا راني نخمم نخيط احسن واحدين عراض و طوال السترة مليحة لان حجابات الترك خطيبي مايحبهمش
شكراااا

شمعة ضياء كتب:

سمية والله ماعلابالي شحال من متر جامي خيطت
كي نعول نخيط راني نروح للخياطة وهي تقلي شحال نجيب

شكراااااا هاجر

لبنات واش شريتو في الكوسميتيك و الفوندوتان لازم تدو الاصلية او المقلدة نورمال ؟؟

السلام عليكم
وشراكم بنات

اسمحولي طولت عليكم في التصاور تاع الخطبة
والله ماراني نقعد
شوفو شحال راهي الساعة ههههههههه


المهم بنات هاذو صور شحصية ولا احلل لاي وحدة تنقلهم لموقع اخر او تحفظهم في ميكروها
والله على ما اقول شهيد


نبداو

بسم الله ماشاء الله

هاجر الله يبارك ألف مبروك ان شاء الله
مبارك لك تستاهلي كل خير

الله يبارك هجورتي ما شاء الله ربي يحفظك من العين

الخواتم يهبلو وجاوك في يدك روعة

والقفطان فووووووووووور عجبني خلاه تلبسي بالصحة والهناء 

ربي يبارك ويهنيك في حياتك الجديدة