افتـــتاح تجــــمع العـــرائس "الجــــزائريات" العـــدد السابع

ايه الله ابارك ربي يكمل ان شاء الله  " longdesc="53" />

سلاااااام بنات واش اخباركم بالرغم من انو كاينين شوية برك فالمنتدى اللي راهم يطلو توحشتكمممم
راني نكونكتي بالويفي تاع الجارة و ان شاء الله تصلح و انديرو النت فالدار
سمسومة وين راكي واصلة بيها قولينا واقتاش العرس
الاخت سمية يقولو كل عطلة فيها خير و حتى انا قبل ما نتزوج تاجل عرسي و فتلاخير تزوجت و الحمد لله

سارة وينك ؟؟!

توحشت هاجر و خليدة ساعات تكون و ساعات ما تبانش خلاص
كوكي لا خبر عليها
امينة !!!

ان شاء الله يكونوا كامل بخير

اهلا ببك اميره
وشراكي
انا راني غير هنا مره على مره نطل

اهلا اميرة راني غير هنا حتى انا وليت نديقوتي كي ندخل الاف يسجلو ووحدة تهدر برك ربي يجيب الخير تقول ماعجبناهمش خخخخخخ


وانا عييت نجمع فالغاشي لي تحب جي مرحبا ولي ماتحبش ماعندي مانديرلها 



ونتي واش راكي لاباس دوماج والله مكانش كيما النت فالدار مزية لي تزوجنا ومزالنا نتلاقاو هداك هو الصح وربي يفتح اعليك بالسكنة والنت تتهناي على ضربة

اهلا بيك هاجر على سلامتك واش اخبارك

سارة حنونتي مرسي على دعواتك ان شاء يا ربي تتحقق

والله الدار هي الصح من بعد كل شي يجي غير بلعقل

أهلاا أميرة على سلامتك يا لالة 

و الله عرسي ماباين عليه حتى خبر راي نوجد بالعقل و ندير شي لي نقدر عليه 

ربي يهنينا برك

أسماء روحي بلعقل برك وربي يهنيك ان شاء الله ديري واش تقدري 
ولعقوبة لي مازالو ان شاء الله يا رب وأنا واحدة منهم
خليدة ما بانتش ان شاء الله المانع خير

سلالالالالالالام

راني هنا 

الحمد لله كي دخلت ولقيت لبنات هنا

كنت مدايرة إضراب خاطر منين ندخل منلقا حتى وحدة حتى كرهت

ومدام لبنات هنا ويطلو ساعة على ساعة أنا تاني ضرك نرجع ندخل

سارة بربي ضرك يرجع النشاط للمنتدى كي نوقفو عليه يرجع كيما كان

*******

أميرة أختي ربي يهنيك إن شاء الله ويعطيك ما تتمناي ويرزقكم ربي السكنة والذرية والصالحة

*******

أنا راني مع الجهاز كل مرة نشري حاجة بربي نصور ونحطلكم

البارح شريت حوايج خفاف ضرك نصور ونحط

بربي نولي كل منشري حاجة نحطها

اهلا اميرة ان شاء الله ربي يفتح اعليك عاجلا غير اجل 


سمسومتي ربي يجيب الخير ماتقلقيش مكانش لي سوفرات وستنات قدي والحمد لله ماستنيتش باطل 

شمس ان شاء الله تتخطبي وربي يفتح اعليك بوليد الحلال يارب وتتهناي معاه 

كوكيتا بصحتك المشتريات حتى انا شريت مي كل مانجي نصور نكره نقول ليمن رايحة نوريهم شكون راه يدخل باش نحط في اي موضوع نحب نشطو مكانش تجاوب والله البارح ديسيديت باش نروح من المنتدى باسك كرهت حياتي قالك يد وحدة ماتسفق  

وحتى في هدرتي راني باينة بلي مديقوتيا مافهمتش العباد لي راهم يسجلو علاش يسجلو


كل مانخمم نحير علاش المنتديات لخرين مخلطين نسا ورجال وبنات ونساء متزوجات ويدخلو ويهدرو ويقصرو وكل مرة تكبر الحالة 

وحنا لي تتخطب ماتبانش ولي تولد تروح ولي تتزوج تولي تتقوعر على الغاشي   


 ماعندهاش نت مانيش عليهم باسك انا ضاع المنتدى بسبة النت ومام رجعت راني نشوف الحالة راهي غير تموت اكثر واكثر


المنتدى عندو اكثر من 5 سنين وتقول فتح جديد ونشوف المديرات جامي يقيمو العضوات غير التشناف بيهم بالمشرفات ويغلوقهم العضويات ويغلقولهم المواضيع وخلي وخلي 

وانا هنا حبيت ندير عائلة وخيات نقصرو ونضحكو مابيناتنا وماتكونش فروقات وهاذو غير شكليات مي والو والله نحير 


 ربي يجب ساعة الخير


قلبي كان معمر وفرغتو 

بنات شكرا على النصائح والله فدتيوني يااااااااااااسر

راني محتاجة هاذ النصائح أنا نموت على القش تاع الدار وأمي تقلي بركاك عندك ياسر   

" longdesc="59" /> هبلتني بصح منين نخرج نزيد نشري وهي لي تخلص  " longdesc="51" />

منحبش نبقى نلبس في نفس لحوايج أنا نكره منهم وهو يكره مني

نحب التجديد وربي يقدرنا برك

أنا ثاني هاديك النهار فرزت فاليزاتي لقيت قش الصيف عندي يااااااااااااسر والشتاء أقل منو خلاص

بصح هو قالي منحبكش تلكمتي روحك ياسر نديرلك الدار سخونة تغلي وألبسي غير الخفيف   حيرني

المهم أنا لي قدرت عليه نديرو وكي يبدا يكره من قشي يزيد يشريلي هو 

خاطر مهما ندي راح يقدامو 

شكرا على النصيحة سارة هاذيك مكنتش نعرفها 

بصح مفهمتش نبقا هكاك ملعبزة حتى تعدي ساعة؟؟؟

سرسورتي عندك الحق

أنا تاني رحت هاذ المدة لي فاتت كل خاطر كرهت ندخل ومنلقا والو

بصح معليش هاو كاين شوية تحراك ضرك نحاولو أنشطو الحالة

ضرك نصور ونجي

kouki ezina كتب:

بنات شكرا على النصائح والله فدتيوني يااااااااااااسر

راني محتاجة هاذ النصائح أنا نموت على القش تاع الدار وأمي تقلي بركاك عندك ياسر   

" longdesc="59" /> هبلتني بصح منين نخرج نزيد نشري وهي لي تخلص  " longdesc="51" />

منحبش نبقى نلبس في نفس لحوايج أنا نكره منهم وهو يكره مني

نحب التجديد وربي يقدرنا برك

أنا ثاني هاديك النهار فرزت فاليزاتي لقيت قش الصيف عندي يااااااااااااسر والشتاء أقل منو خلاص

بصح هو قالي منحبكش تلكمتي روحك ياسر نديرلك الدار سخونة تغلي وألبسي غير الخفيف   حيرني

المهم أنا لي قدرت عليه نديرو وكي يبدا يكره من قشي يزيد يشريلي هو 

خاطر مهما ندي راح يقدامو 

شكرا على النصيحة سارة هاذيك مكنتش نعرفها 

بصح مفهمتش نبقا هكاك ملعبزة حتى تعدي ساعة؟؟؟

هي التجديد قدما تدي تكرهي منو انا واش ديت بوديات ياك شفتيهم مانعرف شكون مرة قاتلي الحوانت يخلاص فيهم وتاعك مايخلاصوش وكي وجدهم فالفاليزة ماما قاتلي ديتي بزاف ولبستهم وكرهت منهم وخلاصو وزدت شريت موراها ياحسرا الخزانة رايحة تطرطق مسكين راجلي زاحمتو في كل بلاصة هههههههههه


والله كل ماتخرجي تلقاي حاجة جديدة تشريها وكاين امور والله ماتلبسيهم نتي تحيري في روحك كيفاش شريتيها مرات نشوف عفايس نقول امبوسيبل انا شريتهم خخخخخخخ


روحي بلعقل برك وكلش راه متوفر كي تكرهي اخرجي اشري انا والله ماكثرت ديت واش رايحة نلبس صح وماندمتش اعليهم ندمت على البينوارات تاع شتا لحد الان مالبستهمش بالاك كي نزيد نلبسهم


مي نقلك كيما لي سوتيان ولي سليب صح كي تدي ماتندميش وادي شوية لي طاي تان كبار تحسي روحك منفوخة من كل بلاصة خخخخخخخخخخ
--------------------------

وعلى العفسة هاذيك راكي متكية فالفراش مكان حتى حاجة تلعبزك خخخخخخخخ كلش يكون الداخل كي توقفي تم تم كلش يهبط العكس كي تتكاي خير وكي جوز ماكسيموم 20 دقية ولا المهم ماشي تنوضي بلخف وتغسلي 

حتى لانجات عيانة اغسلي نورمال بالما وغد من داك كي دوشي ديري واش حبيتي

kouki ezina كتب:

سرسورتي عندك الحق

أنا تاني رحت هاذ المدة لي فاتت كل خاطر كرهت ندخل ومنلقا والو

بصح معليش هاو كاين شوية تحراك ضرك نحاولو أنشطو الحالة

ضرك نصور ونجي

والله من تقلاق قريب سبيت الفوق يازحي علاه يسجلو ويعيوني ماتسجلوش 

ان شاء الله كوكي انا والله راني بالسطر عالم بيه ربي " longdesc="212" />" longdesc="211" />" longdesc="210" /> 


 وهكاك لوكان كاين شوية نشاط والله مانحبس ياك تعرفوني 

مي مع من تهدري

معليش أختي وحدة وحدة

والله أنا تاني ضرك مسلاني أو في حااااااالة راني بسيف نتحرك

وزيد جاتني هاذيك المصيبة أني في حالة

بصح كي لقيت شوية لبنات تحركو نورمال هاني رحت صورت واش لقيت مجبود

وبربي كل منشري حاجات نصورلكم

******

بسم الله نبدا

هاذي مخدة من فراش الذهب مزال يتخيط بصح الطرز صايي كمل

[ندعوك للتسجيل في المنتدى أو التعريف بنفسك لمعاينة هذه الصورة]

هذا فيزو شريتو بـ 85 ألف بصح حنييييييييين روعة

[ندعوك للتسجيل في المنتدى أو التعريف بنفسك لمعاينة هذه الصورة]

هاذي شريتها بـ 95 ألف

[ندعوك للتسجيل في المنتدى أو التعريف بنفسك لمعاينة هذه الصورة]

هاذي شريتها البارح برك بـ 95 ألف قماشها حنييييييين روعة

[ندعوك للتسجيل في المنتدى أو التعريف بنفسك لمعاينة هذه الصورة]

هذا شراتهولي صحبتي في عيد ميلادي

[ندعوك للتسجيل في المنتدى أو التعريف بنفسك لمعاينة هذه الصورة]

وهاذي شراتهالي سمسومة في عيد ميلادي جهة نورمال وجهة زووووووم روعة نحتاجها للمكياج

[ندعوك للتسجيل في المنتدى أو التعريف بنفسك لمعاينة هذه الصورة]

هذا قماش تاع حجاب شريت المتر بـ 70 ألف

[ندعوك للتسجيل في المنتدى أو التعريف بنفسك لمعاينة هذه الصورة]

هاذي ناب تاع سينية شراتهالي خالتي في عيد ميلادي

[ندعوك للتسجيل في المنتدى أو التعريف بنفسك لمعاينة هذه الصورة]

هاذي ديودورون روعة ننصحكم تستعملوها والله تبقاي صح يومين شايحة وناعمة وريحتها تهبل

[ندعوك للتسجيل في المنتدى أو التعريف بنفسك لمعاينة هذه الصورة]

هاذي لاكرام تاع اليدين روعة فيها نكهات يااااسر فاني كرامال فواكه كيما تحبي بـ 35 ألف

وفيها تاني كرام تاع الرجلين وللجسم وجال دوش أنا نحب هاذ لامارك استعملتها قبل وعجبتني

[ندعوك للتسجيل في المنتدى أو التعريف بنفسك لمعاينة هذه الصورة]

وهذا صباط دوغي للمناسبات الخفاف  بالاك بـ 220 ألف نسيت بالضبط قداه

[ندعوك للتسجيل في المنتدى أو التعريف بنفسك لمعاينة هذه الصورة]

وبرك

هذا واش عندي ضرك كشما نزيد نشري نحطلكم

متنساوش تعطيوني رايكم

الله ابارك كوكي كي العادة ذوقك هايل سامبل وشيك

لي نويزات شابين كيما انا عندي زوج مفتوحين والله للان مالبستهمش ههههههه حمرة وبالنمر مي يجي نهارهم خخخخخ

والحمرة تان شابة

وهاذي الذيودورون فكرتني بنهار الكورتاج ولقيت فيها اسمي تاع المنتدى هههههههه

وفكرتيني في حاجة ماديروش كيما انا نسيت قاع كي البهلولة بعت كلش لداري مام الريحة ونسيت بلي نهار نروح واش ندير كي جيت من الحفافة بقيت حاصلة ومالقيت حتى ريحة فالدار ومانحبهمش اصلا ايا مزية كانت وحدة فاميلتي بعتها تشريلي قتلها جيبي برك نيفيا المهم جابتهالي وعجبتني وصح شدتلي بزاف ومام ديتها فالتصديرة ودوك راهي خلاصتلي بصح خبيت القرعة سوفونير ههههههههه



-----------------------------

وهاذيك المخدة تان شابة فكرتيني في جهاز بنت خالتك قلتيلي لازم ندوها مي والله تهبل تقول عليها فرقاني 

بصحتك والصباط تان شباب ماشي عالي والبوشات ستيل ومرسي لاسما المرايا صح تسحقيها

نقلك برك اذا ماكيش رايحة تخرجي بزاف مع راجلك ولا تحوسي بالاكي تشري بزاف صبابط حتى الصيكان اذا كثرتي 4 يشدو البلاصة وماتلبسيهمش 

اشري البلا برك صح ملاح مي الطالون والله ماتلبسيه 

وبصحتك وغدوة كاشما نحطلكم

وبالشفا اعليك كوكيتا

السلام عليكم
كوكي بصحتك واش شريتي روعة ان شاء الله ربي يهنيك ان شاء الله يا رب
أنا شريت وشريت وشريت بصح كل ما تقول نصور كيما الجميع نقول لمن نصور 
بصح ان شاء الله في أقرب وقت نصور ونحط واش شريت
وماما نهار كامل وهي تعيط عليا علاش راكي تشري وما قبلتي بحتى واحد
وأنا نقول لها مازال المكتوب ما بعتوش ربي

صارة والله غير عندك الحق في كامل الهدرة لي هدرتيها 
ماكاش تفاعل كبير بين البنات لا مواضيع والو اذا كنت انت ايجو تروحي انت يروحو معاك
نعطيك مثال برك في رمضان لقيت روحي وحدي نصور ونحط حتى كرهت وليت نقول لمن راني نصور ونحط وكاين صور صورتهم وما حطيتهمش من قوة المورال يحبطلي كي نلقى روحي وحدي 
وكيما قلتي كل واحدة راهي بشغالتها واغلب البنات تزوجو وراحو ربي يهنيهم 
ان شاء الله يولي المنتدى كيما كان بكري وخير

مرسي شمس ربي عيشك

سرسورتي مرسيييي عينيك لي ملاح

وكي تعجبك حاجة أنتي صايي معناها سووووور مليحة خاطر عندي ثقة في ذوقك

إيه مشني ناوية نكثر صبابط قلت نشري واحد مليح يكون طالون خفيف تاع كشما نروح ضيفة لبلاصة

وبوتس تاع شتاء رجليا يبردو وواحد تاع كشما نروح نقضي و2 خفاف تاع صيف

والصيكان كيف كيف نشري 3 ألوان يخرجو مع قشي وبرك 

أنا نحب حوايج الدار برك تاع الخرجة ميهمونيش ياسر وزيد منخدمش يعني مش رايحة نخرج ياسر

*****

شمس في انتظار مشترياتك وماماك عندها حق متبقايش لي يجيك تقولي لا

خاطر العرسان أم يجيو يجيو ومباعد متفيقيش حتى تلقاي روحك كبرتي والباب مبقاش يطبطب

مالا غير خمي مليح وكي يجيك راجل متربي وولد أصل متقوليش لا

ssalam ya banat 
kouki bssahtak wach chriti tathanay bihom nchallah 
chams matogo3dich ghi tachri kolchi rah tademoda w tal9i rohak chriti bezzaf w batal ghi lakan raki nawya tssad9i kolchi l familia ta3 rajlak li tadkhol 3andak la chambre thotelha fi yadha  hhhhh
w ki lyoum yjik maktoubek nti tani nchallah lmouhim matatchartich bezzaf yji wa9t win tgouli ghi rajal w ma3lich
sara , khalida kifach m3a lhamle 
rabi ya3téna sa3a sahla nchallah w 3o9bal hajar inchaa allah

سلام بنات ان شاء الله راكم كامل بخير
سارة عزيزتي والله ما تقلقي روحك حاجة ما تستهل اصلا الزعاف ماشي مليح ليك بالاكي على روحك
انا و الله ربي يشهد ما عنديش النت في داري يعني مام نحب نشارك باي شيء طياب مثلا ماكانش كيفاش 
النت كاينة في دارنا صح مي راكي تعرفي الرجال تاع الهم عام باش  يديك لداركم و زيد ليه ليه يردك تقولي حنا هوما البيلي تاع الدار تبا
كوكي بصحتك واش شريتي ربيةيهنيك

من بعد ولا غير غدوة نرجع نرد خخخخ

راني مشغولة اليوم وغدوة نروح للطبيبة ادعولي معاكم

راني صورت شوية والله ماشكيت نحطهم اليوم باسك كاين ماتش وزيد قريب وقت العشا تبا لي ولحياتي  

كنت رايحة نجي مور الظهر ونحطهم ونقصر جا راجلي حكملي الميكرو وهذا وين خرج 
" longdesc="50" />

صارة ربي يوفقك حنونة وان شاء الله غدوى تفرحك الطبية وتقول لك عندك قمر كيماانت
وعلى الماتش رانة رابحين 7 - 0 جامي صرات لوكان غير ايكملو هكذا
وكيفاش أجواء الماتش مع راجلك كيما في داركم ولا مبدلة