افتـــتاح تجــــمع العـــرائس "الجــــزائريات" العـــدد السابع

ايه شمس اشريه هايل هادوك الوسايد تضاربو بيهم ههههههههه

الله يبارك المنتدى راهو يتحرك الحمد لله ربي يدومها

أميرة أختي مرسي والله أنا تاني راجلي قالي ديري القنادر يجيوك ملاح على هاذي ناوية ندير ياسر

شمس الله يبارك حوايج روعة والبانتوفة تهبل تبان صغيرة هههههههه أنا تاني عندي وحدة كبيرة كي نمشي بيها نقتل ضحك

بصح سخوووونة روعة كشما نجبد الفاليزة نصورها إن شاء الله

راني خرجت منعرف وقتاه المهم فاليومين لي فاتو وشريت شوية حوايج برك المهم قلت نصور قبل منخبيهم

ضرك نجي

بسم الله

هذا صباط لقيت صولد   (ربي يكثر منو هاذ اليامات) خاطر راني فقرت

شريتو بـ 180 ألف

[ندعوك للتسجيل في المنتدى أو التعريف بنفسك لمعاينة هذه الصورة]

هذا خمار بـ 35 ألف كل منولي مروحة الصوارد لي يقعدو نجيب بيهم خمار هههههه

[ندعوك للتسجيل في المنتدى أو التعريف بنفسك لمعاينة هذه الصورة]

هاذي شريتها بـ 85 ألف

[ندعوك للتسجيل في المنتدى أو التعريف بنفسك لمعاينة هذه الصورة]

هذا فيزو سخووووون وحنيييييين تاع برد شريتو بـ 50 ألف

[ندعوك للتسجيل في المنتدى أو التعريف بنفسك لمعاينة هذه الصورة]

وهذا شريتو لصاحبتي عيد ميلادها تعرفو تهز في يومين شريتو بـ 80 ألف

[ندعوك للتسجيل في المنتدى أو التعريف بنفسك لمعاينة هذه الصورة]

والحمد لله

وكل منزيد نشري بربي نزيد نحطلكم تشاركوني بآرائكم

في انتظار تفاعل باقي العضوات

بصحتك كوكي واش شريتي ايه كثري القنادر بصح نوعي فلي مودال هادوك اللي تحتاجيهم

شمس البانتوفات هايلين لوكان نلقى نشري وحدة كي غير يطولوهم شوية هههههههههههههه انا يلقلي فيزو هكاك نحس روحي في الاسكا هههههههه

والكوفرولي يووووووو يهبل مليح للسهرات الرومنسية مي والله ماديري مايخيليك ديري هههههههههههه المهم يرقدو وخلاص 

مي انا عجبني شباب خاصة كي تلقاي كوفرولي فيه بزاف مخايد يمد شارم للبونك

مرة قريت هنا سماح قالت على تاع الرفع ولا فالمنتدى مكانش ياختي كاين فالادارة برك وحبيت ندير واحد ماقدرتش انا وراني نطلع بلي سيت هاذوك هبلونا مايجوزوش 6 اسهر تلقاي الصور طارت بفففففف

كوكي اهلا بيك وبالعودة ديالك جامي جي بيديك فارغين


الحوايج هايلين يهبلو والصباط شباب اللون تاعو هايل نحب اللون هذاك بصحتك 

والفيزوات شفت منهم صح دافيين 

وبصحتها صحبتك

المهم كلش روعة كي عادتك وربي يطيح البراكة وتكملي جهازك وتستمعي بيه

مرسي سارة ربي عيشك عينيك لي ملاح أختي

هههههههههه والله التصاور هم لي يديرو تفاعل فالمنتديات عليها راني داخلة عليها صور صور

في انتظار كشما يزيدو عضوات جدد ويتفاعلو معانا

كوكي حوايجك كامل شابين
تلبسيهم بالصحة والهنا

البنتوفة انا عندي اللي تجي ستيل بالغين
نبقى ندور بيها في الشمبرة وفي الدار كي تكون الحالة مسيقة
هايلة خفيفه تحسي روحك رايحة طيري ههههههه

صح كوكي مرات كي ندخل منتديات الخليج ندوخ

صباط من غوشي وصاك من h&m والمكياج من sefora 

قتلهم في قلبي حنا رانا غير بالشنوي ومادرنا والو هههههههههههه

هههههههههههههههه هاجر مرنكــــــــة خخخخخخخخخخخخ

بالاكي برك طيري

اليوم غسلت بانتوفتي راني غير بوحدة وااااااااااااع لخرين قاع رميتهم تقطعولي

ههههههههه
سارة ماتخالطيش الخليجيين والله تكرهي معيشتك هههههه
نحسهم من كوكب اخر
وحد الوقت كنت نظل في المنتديات الخليجيه بصح اصلا منيش مسجلة ندخل غير نقرعج على التصاور قلبي يوجعني حتى قريب تعقدت 
مزية بطلت منهم هههههههه

ههههههههه
سارة ماتخالطيش الخليجيين والله تكرهي معيشتك هههههه
نحسهم من كوكب اخر
وحد الوقت كنت نظل في المنتديات الخليجيه بصح اصلا منيش مسجلة ندخل غير نقرعج على التصاور قلبي يوجعني حتى قريب تعقدت 
مزية بطلت منهم هههههههه

ههههههههههههههه سارة والله يا الخليجيات

وتشوفي جهازهم غير كوسميتيك واكسسوارات يحبسولي قلبي

صح يالبنات تحسيهم من كوكب اخر والله العجب المعجب

وزيد كانو قاع ماشي شابين رجعو فووور فالمكياج والستيل تاع الحوايج خلي ديارهم ااااااااااااه ياقلبي

حتى انا هاجر كي نحب نطلع المورال نروح نقرعج اعليهم واااااااااع

سلام عرايس المنتدى

بصحتك كوكي تلبسي بالصحة
وعلى قد ما تشري تقولي ماشريتس
انا كي نشوف حوايجي دركا نقول هاذو اللي شيبولي راسي ؟
اشري اللي قدرتي عليه اكيد من بعد الزواج تحبي تزيدي تشري

ايه سارة البنتوفات انا ما نشتيهم بزاف عندي و لليوم مازال مالبستهمش و هو ديما يقولي رجليك باردين و رجليا صح ملي كانو حاجة ما تدفيهم ديما باردين

ماديتش معايا بزاف قش شتا رجعت دركا كل مانخرج نشري حاجة

بصحتك كوكي و سااارة و شمس حوايجكم رااااااااااااائعين 

شمس عندي بيجامة كيما تيعك هاديك لي سروالها فيه 3 قطعات في الركبة هههه 

شراتهولي خالتي أم رقية كي تخرّجت 

**************
أنا ثاني عندي حوايج يااسر شاريتهم و مصوّرتم بربي نهبطهم  من الطابليت و نحط درتيولي الحماس هههههه

ههههههههههه والله يا الخليجيات كلشي عندهم فور ورجعو شابين بزاف انا يقتلني شعرهم والمكياج وعلى بيوتهم متهدريش خير

سلااااااام

ههه تحكو على الخليجيات
ايه صح كيما قلتو رجعو مطورين كانو والو
مانشتيش لهجتهم ما نفعم فيها والو
و حتى منتدياتهم مانحبس ندخلهم
بصح ماكياجهم كيما قلتو صح مليح

السلام عليكم 
مع الدخلة لقيتكم تحكو على الخليجيات شوفو أنا جامي شفت حاجة عندهم وسقسيت عليها والا حوست عليها ولقيتها عندنا في الجزائر
شغل هما راهم في عالم واحد آخر
كوكي بصحتك واش شريتي 
أسماء في انتظار الصور رانى نستناو فيك

elhamoul khalida كتب:

صباح الخير 
شموسة وسمية واش راكم 
شمس بصحتك واش شريتي الله يبارك العقوبة للفرحة الكبيرة ان شاء الله انا قتلتني البنتوفة هههههه روعة صح قوليلي هذاك الناب شحال شريتيه عجبني بزاف 
سمية اختي اديري من رايي ماتكثريش التصديرة من بعد غير تكدسيهم وخلاص كي حالتي شوفي قفطان شباب وبلوزة وزيدي حاجة وحد اخرى مثلا قطرية ولا منصورية تكون خفيفة تقدري تخرجي بيها

انا درت عرسي في دارنا غير خفلة بسييطة مالبستش لبست غير قفطان برك بصح عر راجلي مزال شكراا حبيبتي انا اصلا مارايحاش نكثر وانت شجعتيني