افتـــتاح تجــــمع العـــرائس"الجــــزائريات" العـــدد الثاني

هههههههههههه

نسيت ماقلتش علىتفريشة اخرى سامبل مادارتش لي زاكودوار والطابلة

درك نكملكم وش دارت

ودات كيما هاذا
بالصح بالاسود والاحمر هااااااايل عمرتلو لمخاد باينين ودارتلو زربية خفييييفة خلاص تاني اسود واحمر
ومعاه 2 مخاد مربعات احمر
و2 مستطيلات اسود وفيهم وردة حمراء في النص
نورمالمو شفتوهم في السوق

[ندعوك للتسجيل في المنتدى أو التعريف بنفسك لمعاينة هذه الصورة]

بالنسبة للقفف

دارت فقة للي بابوش وبشامق

قفة للصبابط حشاكم والبالغينات

قفة للطالون تاع لعراس

قفة للصابون والشومبوان

قفة للروايح والديدوران

قفة للماكياج

وباقي الصبابط والصيكان دارتهم في كاتون وغلفاتو

والماعن دارت شحال من كرتونة

نسقسيلكم اختي ونقلكم وش دارت ماعن

مليح راهي ما خلات والو
حنا ماشي لازم نديرو لماعن
يا اختي هو يجي غير بلطاي
هو لي يدير لماعن

هههههههههههه
هكا قاتلي اختي
بصح راهم راح يتعاونو مدامهم نصفين ويكمالو باه يديرو عايلة

حتى هو راه يشري الشومبرة والبريزيدون هههه

والثلاجة والغسالة والكوزينيار
واذا راح يبني الدار

والمابل والتليفيزيون
ولا هادو قليل
على الاقل هي دي لحوايج الخفاف لي يكملو وش يدير هو

واش لعرايس مكانش لي قرب عرسها باه تعرضنا
هههههههه

ايا زعما وحدة مازادت شرات حتى حاجة

ولا خيطت حاجة
ولا لقات حاجة هنا عجبتها تشاركنا بيها باه حتى حنا نشوفو موديلات جدد

شفتي شهرة عرايسنا انقرضوا

اسمحولي البنات مارانيش ندخل بزاف هاد الايامات راني مع الخدمة كل يوم راني كارهة حياتي و مانيش نخرج بزاف باه نقضي قلت نلم دراهم و كي ندي كونجي نطلع لبليدة و نشري

هههههه الهدرة بالدراهم والله التشومير والزلط داير حالة

انا البارح خرجت شريت بيوار ساتان غوز اونسوبل سوتيان سليب

الأميرة شهرزاد كتب:

لبنات اليوم جاو داو شورة جارتنا
ورحت صورتهالها وقرجعتلكم هههههه



الفراش:
دارت صالون ماروكان من كلش لونها موف كلار ( تفريشة تاع 3 كنابيات . 6 مخاد . 6ازاكودوار .كاش ريدو .ريدو تاعو .لي بوف . وطابلة كامل من نفس القماش)

3 كنابيات

زربية كبيرة ووحدة صغيرة . لي سوندلي

3 كوات
3كوفرلي
3 دراوات
3 زور
حنبلة وحصير (هادو مخدومين باليد تاع تقاليدنا)
فراش تاني كيما تاع الترك هادوك الغاليين
بساط تاع 2 بلايص بالصوف مخدوم باليد
3 بساطات من هدوك المقطعين (2 الوان) ب 6مخاد

6مطارح صوف

هدا لفراش نروح نصلي نرجع نكمللكم الباقي

انتظروووووني ههههههههههههه

الله ابارك لاه تزوجت لوكان كرات دار وسكنت وحدها وخلاص خخخخخخ

imili كتب:

سلام و شراكم لبنات
شهرة بصحتها جارتكم ربي يهنيها انشاء الله
مي حبيت نسقسيك كيفاش دارت تفريشة الصالون ماروكان 3 و هي دات 6 مطارح
و لخرين باش تغطيهم ههههههههههه
نحب نقرعج

ههههههههه باباباابابا ماتراطيش

RÈÐ PËÃRŁ كتب:

imili كتب:

سلام و شراكم لبنات
شهرة بصحتها جارتكم ربي يهنيها انشاء الله
مي حبيت نسقسيك كيفاش دارت تفريشة الصالون ماروكان 3 و هي دات 6 مطارح
و لخرين باش تغطيهم ههههههههههه
نحب نقرعج

ههههههههه باباباابابا ماتراطيش

ههههههههه لازم سارة و شبيك رانا لعبوا ؟
تقرعيج 100 في الساعة

ههههههه علابالي راكي تاوعنا مي انا ماجاتنيش في راسي يعني نتي راكي ديشيفري خخخخخ فتينا ههههه

ههههه سارة ماتصلحش تسكن وحدها
هدا هو المشكل
اليوم دارهم كامل يبكو مساكن ان شاء الله توصل بخير
تكون في هاد الساعة في دار راجلها ولا قريب توصل تكون تفوتات من الطريق

اووووووووووو نسيتووووووووووه هاد التجمع

الله يبارك شهرة كي عندكم جارة دات هكا

مي 6 مطارح صوف كون درات 3 للصالون ماركان نتاع الصوف و 3 بونج ديرهم في شومبرا اخرى و ديرلو تلبيسة من هادوك اللي يتباعو للمطرح واحد فراشو و زوج مخايد ب 80 الف

(انا هكا رايحة ندير )

علابالك كاين زوج مواضيع نحكيو فيهم على التجهيزات هدا و نتاع سمية سيبور صا تلفتلي

مي جو بونص هدا نصورو فيه و لوخر نحكيو واش جهزنا برك

علابالك راني رتبتهم و طبقتهم في الفاليزات عجزززززززززان نخرجهم والله شقية ههههه و زيد ما عنديش بورطابل يصور غير بالكام نتاع الميكرو تعيي بزااااااف

ماعليش سمسومة بلا ما تشقاي كي تكوني قاعدة ولا الحاجة قدامك صوريلنا

وعلى الموضوع لوخر تاع استفسارات لبنات كاش استفسار على اي حاجة للمخطوبات يحطو تم
اما هنا الجهاز برك

سمسومة رايحة تسكني وحدك ولا مع اهل زوجك؟



نسيمة غدوا يدوها

رايحة نسكن وحدي هاجر

اوووووووو الله يبارك ربي يسهللها ان شاء الله

باركيلها باسم كامل لبنات عندك لا تنساي

و هي رايحة تسكن وحدها؟

صباح الخير البنات واش راكم تواحشتكم سامحوني عندي بزاف ماطليتش عليكم الأنترنيت كانت مقطوعة سامحوني ان شاء الله تكونو لباس كامل بلا ما ندكر الأسماء .

من فضلكم اللي تسكن في العاصمة و تعرف واحدة خياطة مليحة و ماتغليش بزاف تمدلي العنوان تاعها حابة نبد نخيط حوايج الدار و الجبب بصح مالقيتش واحدة مليحة تعيشو عاونوني .

اهلا ياسمين عاش من شافك الحمد لله لراكي بخير

انا من العاضمة مي مانعرفش الخياطات خاطيني جامي درت من جيهتهم ولا سمعت اعليهم

علاش ماتشريش طالع راه كلش يتباع الخياطة برك للتصديرة

اهلا ياسمين واش راكي مليحة واش راكي حابة تخيطي على خاطر نعرف في العاصمة مايخيطوش جبب يشروهم طالعين غير عفايس تع تصديرة باراقزمبل بدرون قفطان انسمبل الخ وانت واش حبيتي باه نسقسيلك خوالتي على خياطة مليحة
مع العلم اليوم شفت في تلفزيون في صباح الخير في دزاير وراو ورشة سميرة لي عندها مجلات واو راح نهبل روعة دوخ في كلش تقنة وموديل وكلش قفطان وكاراكوات وبزاف مودلات جديدة توب

أهلا بيكم البنات شكرا صارة الله لا يغيبك حنونة و الله الميكرو ما يصحلي في الدار بصح كي نلقى الفرصة ندخل نجري .
ريم يعطيك الصحة حنونة راني حابة نبدا نخيط قنادر تاع دار تاع صيف و شوية تاع شتاء بصح دي مودال عندي في راسي كيما هدوك اللي كاين في مجلات تاع شهيناز و ايناس فهمتيني مانلقاش كيما هوما برا واجدين حبيت نبدا نخيطهم و مام حجابات تاع برا باه نخبيهم و كاش مودال سواري خاطر عندي عرس بنت عمي قريب في قسنطينة تسمى كي نروح نلقى عجوزتي و لواساتي في العرس على هدي حبيت نلبس حاجة مليحة و مستورة شوية فهمتيني تعيشي سقسيلي و قوليلي وين جاية اوكي ربي يهنيك ان شاء الله رمرومة.

و كيما قلتي على القفطان و الكاراكو و تاع التصديرة راني معولة ان شاء الله نشريهم طالعين باه يجو متقونين خير من الخياطة غير القطيفة رايحة نديرها ان شاء الله في قسنطينة .

[ندعوك للتسجيل في المنتدى أو التعريف بنفسك لمعاينة هذه الصورة]





لبنات شوفو هاد الفراش عجبني بزااااف وراني نخمم ندير كيفو

وش رايكم؟