افتـــتاح تجــــمع العـــرائس"الجــــزائريات" العـــدد الثاني

يعطيكم الصحة يالبنات والله راكم لاحقين هههههه وين نروح نلقاكم ماشاء الله

اسما علابالي وين تكوني تكون دبزة خخخخخ


امينة ياك قتلك مانيش نحسب والله ماعلابالي واش شريت وزيدي تسقسي فيا في رمضان خخخخخ راني مدوخة كامل مور رمضان نكتب

الصور مالقيتهمش تاع الكوفرولي مانعرف واش من دوسيي حطيتو اللخر ودوكا راه مخبي
مي عندي واحد شريتو من مدة وهاذي صورتو تاع الدوم

ومزال نزيد نشري باش نبدل

لحد الان عندي ربعة هاذو شفيتلهم واحد قري بالنوار اللخر لي شريتو وهذا قرونا وعندي موف مطروز وعندي ابيض بالنوار غوز حطيتو من قبل فالعدد الاول وكاين واحد ماما اعطاتهولي بيض بالطرز شباب ومزال كل مرة يخرج مودال مانعرف مور رمضان نزيد نشوف



[ندعوك للتسجيل في المنتدى أو التعريف بنفسك لمعاينة هذه الصورة]

بصحتك سارة يعجبني هد اللون

امينة الفاليزا يجيبو فيها
تبديلة نتاع الخرجة و2 تبديلات عراسي بكلشي نتاعهم ابداي بدوبياس اللى سبابط والبوشات

والسوغتي دو بان+بيجاما +هادوك اللي ميتسموش ههه والمناشف والكوستميك
الا نسيت حاجة فكروني المهم فيها حوايج تنقص علينا شوي

بصحتك سارة شحال شريتيه

اسلمكم والله نسيت شعال شريتو المهم مافيه والو زوج مخايد برك والكوفورلي اذا ماكذبنيش ربي 260 واقيل

سارة بصحتك الكوفرولي هايل

اسلمك مرسي هاجر

هيا بنات اجبدولنا كاش موضوع نتناقشو فيه

امينة حبيبتي راكي معروضة هنا اتفضلي اضربي طلة
[ندعوك للتسجيل في المنتدى أو التعريف بنفسك لمعاينة هذا الرابط]

تعيشو لبنات اعطوني ليستا نتاع الكوستميك باش نبدى نشري
والماركات اللي تنصحوني بيهم
راح نهبل وتخلطلي كلش

هيا امينة تفضلي انتى الاولة

راني جيت اسماء بسم الله نبداو بالماكياج (فون دو تان liquide.poudre--فاغا بوبياغ.فاغاجو.ماسكارا.eye liner.anti cernes,أحمر شفاه اشري الغوز والغوج.طلاء الأظافر اشري غوز فوشيا والغوج.ديسولفون.ديماكيون.lingettes..فون دو تان بغيون لنهار العرس .والماركات bourjois.max factor
ضك نوليو للروايح.ديودوغون اشري bourjois.rexona.ushwaia.
والبارفان richy richy.nina richy
ستيك اشري nivea.rexona
الصابون اشري dermo viva.dove.life buoy.protex.palmolive
الشومبوان والابري شومبوان والماسك على حساب شعرك.كاين elseve.dove.glatt.جال دوش.
والقوماج ولي ماسك انا ندير touch me
كريم مرطب olay
كريم الليل والنهار garnier.pounds
اشري brosse a dent .dentifrice.اشري سانسوداين بصح غالي شوية يدير 50 الف.معطر للفم.غسول المنطقة الحساسة .saforelle..كريم واقي الشمس uriage.سيروم للشعر.حمام الشعر فاتيكا. هذا وش تفكرت اسماء كي نتفكر نزيدلك ان شاء الله نكون افدتك.ادعيلي تعيشي.ربي يعطيلي وش نتمنى.وان شاء البنات يزيدو يفيدوك

اسماء راني رديت عليك في الموضوع تاع المنتجات الجمالية مي معليش نعاود هنا


شوفي هذا الموضوع رايح يفيدك بزاف
[ندعوك للتسجيل في المنتدى أو التعريف بنفسك لمعاينة هذا الرابط]

وزيدي شوفي الردود في هذا الموضوع
[ندعوك للتسجيل في المنتدى أو التعريف بنفسك لمعاينة هذا الرابط]

اولا امينة روووووووووووووووحي الله يحققللك متمنيتي ويهنيك يارب مع زوجك

touch me وهدا مليح
والصابون تعجبني هده بكل انواعو palmolive

يعطيك الصحة هاجر على الروابط اكيد راح يفيدوني
روحي الله ينورللك حياتك ويلاقيك بولد الحلال اللي يقدرك
قريت شويا وغدوا نكمل
شكرا ليكم تعبتكم معايا

ربي يخليك اسماء تعبك راحة اختي ايه ‏touch me ‎‏ مليح انا نستعمل الماسك نتاعو بالخيار .وpalmolive ‎‏ هايل وdove ‎‏ تاني هايل ادي بزاف انواع ليك نتيا واللي تمديهم تاني لأهل زوجك .اسماء نسقسيك كي درتي الفاتحة مديتيلهم كادوات ولا لالا .احكيلي تعيشي وش لبستي وكيفاش درتي .اسمحيلي هبلتك يالأسئلة

شوفو بنات شريت 2 بيجامات وش رأيكم ‎[ندعوك للتسجيل في المنتدى أو التعريف بنفسك لمعاينة هذه الصورة]‎

وهادي غوز‎[ندعوك للتسجيل في المنتدى أو التعريف بنفسك لمعاينة هذه الصورة]‎

-------

[ندعوك للتسجيل في المنتدى أو التعريف بنفسك لمعاينة هذا الرابط]