افتـــتاح تجــــمع العـــرائس"الجــــزائريات" العـــدد الثاني

سمسومة النايلي نتاعك شابة بزاف وجاتك فووووووووور ، بصحتك

اهلا نسيمة هادي غيبة





ان شاء الله راكي بخير

سمسومة النايلي نتاعك شابة الله يبارك
تلبسيها بالهنا

ههههه شهرة ضحكتيني صح مكانش ماعجبونيش هكاك وتان البوايط
يشدو البلاصة كثر ماعليش دوك نصيبلهم حل مرسي

يا صباح الأنوار

أختي صارة الصبابط غير خليهم في البوايط ديالهم ، أنا خليتهم فيهم، صح يشدو بلاصة مي خير ما يبقاو مزربعين، و البلايغ و البنتوفات حاشاكم لميتهم في كابة صغيرة، راه يقولي راسي نديهم هكذاك نهار يدو قشي

البارح فرغت الفاليزات باش أنحي الحوايج تاع الحديد، مالقيت راسي من ساسي، حرت كيفاش نعاود نرجعهم خاطر من قبل كنت غير نلوي و نرمي، مي درك كي راهم محددين لازم يتحطو مليح، و الله غير كرررررررررررررررررررررررررررهت " longdesc="19" />

البنات، المخايد و المسند نغلفهم ولا نخليهم في الأومبلاج ديالهم؟؟؟؟؟؟؟
[center]

هاجر نسيمة الله يسلمك

و بارك الله فيكم

وسيلة في رايي خليهم في لومبلاج تاعهم اذا حبيتيهم يتزينو

وزينتي لحوايج لخرين بالدبلة زينيهم حتى هوما ديريلهم وردة من الدبلة

اهلا وسيلة ان شاء الله تكوني بخير

كيما قالتلك شهرة انا يبالي خليهم خير في لومبالاج نتاعهم بلو براتيك

و زينيهم كيما قاتلك شهرة

نفس راي البنات بلومبلاج خير باسك كي تفتحيهم تحصلي ويدو
بلاصة كثر وديريهم بحاشية من فوق الباكي يجو بيان

يصحتك النايلي سمسومة لعقوبة لحوايج أخرين

سمسومة بصحتك حنونة جاتك روعة
تلبسيها يالصحة و الهنا


سارة كيما راهم قالولك البنات خليهم في بوايطهم معليش يدو بلاصة خير ما يخسرولك سيرتو السواري

وسيلة نورمال ما تقلقيش روحك تهون ان شاء الله و راهم فادوك البنات حتى انا رايي من رايهم

مرسي هبة و سمية

لعقوبة ليكم

اهلا وئام واش راكي هاذي غيبة

لالا صح كاينة فالجبب تلقايهم بزاف مخربشين لازم فيهم عقاقش تقولي رايحين للعرس كل يوم مكانش السامبل كيما لي مودال تاع بكري صح مالقيتش مي ممكن تصيبي نتي وزهرك بوجي شوية من وين راكي اهبطي الجي بالاك تصيبي
الطايورات الله اعلم مزال ماحوستش مي الجبب الموديلات صح يقيو مكانش حاجة تاع كل يوم تلبسيها عادي ماتقلقيش روحك ادي واش كتب الله وخلاص

وئام الروح42 كتب:

بنات شفت قشكم الله ايبارك ربي يهنيكم ويزين سعدكم
حبيباتي عندي الجديد مي الله غالب مشغولة كي نصيب وقت نصور ونحطلكم
مي حاجة محيرتني راني ندور في الاسواق نلقى السلعة منها وعليها وكل حاجة تقول للاخرى لزي لهيه مي السؤال الجبات تاع الدار ماكانش ما تلقايش خلاص جبة تزهيلك خاطرك
انتم راكم تلقاو انا خرج قلبي في الباطل نحوس على ساريان مليحة ولا جبة تزهي الخاطر مكانش اما معقشة بزاف اما الديسان تاعها يوزن قنطار تلبسيها تطيحلك كتافك
نوليو لي تايور تلقاي يا قري يا نوار
باش تصيبي مارون بلالوب
ولي كولور الفاتحين ربنا ولك الحمد ما تصيبيش والوا واذا صبتيه ماشي تاع خرجة مزعوق
راكم تعانيو كيما انا ولا هذا المشكل غير انا لي لقيتوا

اهلا وئام وشراكي
نتي من المدية تقدري تجي للبليدة
شوفي المارشي تاع باب الرحبة راهو معمر بالحوانت نتاع حوايج الدار برك
تلقاي كلش ولي مودال منهم وعليهم
كامل وش تحوسي وسامبل يعني تاع كل يوم
كاين ميامي سروال بونتاكور جبب طوال قصار
والاسعار مليحة بزاااااف
تلقايهم 60 الف 80 الف واطلع
وكاين ثاني في الطوابل لي مودال يهبلو تاع جبب ب 60 الف
روحي وماكيش رايحة تندمي
مي اجري قبل مايرفدو قش الصيف

اهلا نجاة ان شاء الله راكي بخير

وبصحتك لجديد



هنا عندنا شحال من حانوت فيها لي مودال تاع الطايورات باهيين وكاين الالوان الفاتحة مش غير القري



اما الجبب عندك الحق يا اختي يعيفو وين وين باه تلقاي حاجة تتحط على خاطرك

الا اذا عند خياطات ممكن تلقاي مودال يعجبك

أخت وئام ، احبطي للمارشي نتاع البليدة تصيبي بزاف صوالح ، surtou للعروسة ومام لي تايور كاين لي كولار شابين وباهيين ، وتاني باب السبت مليحة بزاف malgre الغلا ، انا شريت تصديرتي من البليدة ، راني حاطتها هنا شوفيها ، صح فطورك

راني حابة نبدا نشري الكوسميتيك بشوية ، دبرو عليا لي ديودوغون واش نشري حاجة مليحة وشابة ، ولي شامبوان وجال دوش وصوالحهم كامل .............، اعطوني دي مارك ملاح ، تعيشو ، وصح فطوركم

نسيمة انا واش نعرف راني قتلك لهيه فالموضوع لي قبل والمرة هاذي شريت ديودورون دوك شوية نصورها هي وفوندوتان

الفوندوتان بزاااااااف هايل مانستغناش اعليه باسك طبيعي وماشي مزيت وزيد مايخليش طاشات بيوضة

وديودورون الخطرة اللولة لي شريتو مي عجبتني ريحتو

سلام بنات

وئام رانا كامل هكاك انا لازم نطلع لباتنة باش نشري

عندك ديفوا نخرج هنا في ورقلة نلقى

لي ميامي كاين غير هوما اشكال و انواع و الوان مي الجبب و لي طايور و الحجابات ماكان ماكان



نسيمة رانا درنا خير ربي في الموضوع نتاع العطور خيري واش تحبي مي جال دوش ما عنديش خبرة معاه ما نعرف شكون اللي دارت استفسار عليه و راهم جاوبو لبنات حوسي ترا

[ندعوك للتسجيل في المنتدى أو التعريف بنفسك لمعاينة هذه الصورة]





لبنات شوفو لي حبت مودال طايور للتصديرة

[ندعوك للتسجيل في المنتدى أو التعريف بنفسك لمعاينة هذه الصورة]شوفو هاد المودال تاني



_
[ندعوك للتسجيل في المنتدى أو التعريف بنفسك لمعاينة هذه الصورة]
_
[ندعوك للتسجيل في المنتدى أو التعريف بنفسك لمعاينة هذه الصورة]

شكرا شهرة عجبني الاول هايل

ايه الاول خير



والربة لحمرا تهبل تدي لعقل رغم اني مانحبش هاد لحمر نحسو يجذب بزااااف الانظار



بصح نفس المودال لي راهم يخدموه هنا بطرز الميكرو نفص القصر ونفس الستيل