افتـــتاح تجــــمع العـــرائس"الجــــزائريات" العـــدد الثاني

اه شهرة يخدمو عندكم كما الحمرا مليح شحال يخدموها ابيبري

الطايور الاول اهبل خسارة حنا ما نديروش في التصديرة
مشكورة شهرة
بنات لي حابت قندورة بطرز الميكرو تشوف خياط راجل ماشي مرة
خدمت الرجال متقونة و ما يطولوش فيها

ايه فريال هدا هو ستيل هاد العام للعراس



مانيش عارفة شحال تسقام بصح شفتي الطرزة هديك لي تحت على الجنب وحدها يطرزوها ب 60 الف حتى ل 80 الف

وزيدي حق القماش والخياطة والتسمسيم

lمشكورة شهرة والله حاجة مليحة

صباح الخير عليكم البنات

جمعة مباركة إن شاء الله للجميع

البنات نسقسيكم، حبيت نغلف السلات بالأورغونزا، و لكن خفت يتحل الخيط دياله، يعني يتنصل، كاين قماش آخر نقدر نغلف بيه؟؟؟؟؟؟؟؟؟

في بالي مكانش وسيلة

لقماشات لخرين مش باهيين كيما لاموسلين تعيف

لارغونزا لي تبريي وباهية وشفافة في نفس الوقت



يجو لبنات كاش ما يفيدونا تاني

مساء لخير وصح فطوركم غلفي بالارغونزا خير كيما قاتلك شهرة ما تلقايش حاجة اخرى خير منها

شهرة انا عجبني الموديل الاول روووووووعة بصح ما نلقاوش كيفو هنا

صح مانلقاوش كيفو سمية بصح شوفي خياط ولا خياطة ملاح وشوفي اذا يقدرو يديروه

سلام لبنات صح فطوركم كامل
وسيلة غلفي بلغقونزا ولا كاين هذاك شغل تيل مثقوب و فيه البريو هذاك تاني مليح كما كاين في النت مغلفين بيه السلل و زيد لغقونزا ماتبينش بزاف بصح هذا التيل يجي مثقوب يبين خير من لغقونزا وزيدي شوفي انت واش يخرج عليك

الاخت لي حطت مودال تاع لي تايور تاع التصديرة كيما هكذاك سواسوا راه يتباع عندنا في لمدية
ب 700الف فيه لقصير او فيه الطويل

بنات مشكورين على الردود انا قريب نهبل نحوس على ساريان تكون مليحة نلبسها كي نكون عروسة عندي 2 شابين مي جابهملي خطيبي يعني ماماه شايفتهم حبيت نشري دياولي ما لقري هذوك انا خيرتهم مي يبقى وليدهم لي جابهم حبيت حاجة جديدة نتاعي ماكانش ما لقيتش حاجة خفيفة
تاني عندي مشكل مع هذوك الجبات تاع السطايفي ما نعرفش نفرق ما بين الشابة والمدرحة جابتلي عمتي وحدة لبارح
دارتهالي في الدوري
راهي سواسوا كيما لي صورتها الاخت هنا في هذا الموضوع
نصورها ونحطهالكم او قولولي رايكم
صح سحوركم حبيباتي

وسيلة نفس راي البنات اورنقزا خير كيما قاع لعرايس يدو فيهم

++++++++++++

شهرة ملاح لي مودال الاول شباب بزاف

++++++++++++++

وئام حوسي وين شريتي الاولين وخيري كاش مودال يعجبك وصح هي م
ليحة كي تشري اوموان باش تقول ماشي غير ديالهم لي شراوهم

وعلى سطايفي خاطيني حطي المودال بالاك اعاونوك البنات

وئام حنونتي انا تان من ولاية المدية ادا تقدري تقوليلي وين على خاطر راني طالعة نهار الاثنين للمدية و حابة نشري واحد

مليح راهي وئام قاتلك بلي كاين في لمدية وان شاء الله تلقايهم سمية وتشري



صح عندك الحق وئام لازم تشري واحد

حطي صورة السطايفي ونشوفو تراه





وسيلة فكرة فريال تاني مليحة تاع التيلو بريونت باهي فيه بزاف الوان وانت كيما تحبي تخيري

SOUMIA كتب:

وئام حنونتي انا تان من ولاية المدية ادا تقدري تقوليلي وين على خاطر راني طالعة نهار الاثنين للمدية و حابة نشري واحد

سلام حنونة
مرحبا بيك بنت ولايتي
المهم راكي سير تعرفي طحطوح
وين كاين سيري هذيك تاع لي بازار
احبطي كامل التحت حتى تقربي للاري تاع ليبيس تلقاي حانوت لتم فيها هذوك لي تايور والشباب فيهم بزاف جاي في الفاغ
وكاينين تاني دي روب سواري بالبوليروا هايلين
المهم لحبيبة روحي تسوقي ان شاء الله تلقاي لي يعجبك
وشنوا رجعيلي خبر اذا دخلت سلعة جديدة قوليلي باش نروح

يعطيكم الصحة على هذا التجمع والله فدتونا بزااف برك حبيت نسقسيكم اذا مافيهش ازعاج

انا راني حايرة في امري خطبتي بعد العيد ان شاء الله لكن ماعرفتش منين
نبدا كامل وانا البنت الوحيدة وجامي زوجنا فالدار يعني انا الاولى
حبيت نسقسيكم الخطبة كيفاش اجوز اسئلتي هي

1- شكون لازم يحضر من جيهتي ومن جيهتو
2- هل يحضرو الرجال تان ويجي هو ولالا؟
واذا درت خطبة وقطيع شرط لازم يحضرو رجال؟

3- اللبسة شريت جبة مليحة اسكو نبدل ولا نلبس جبة برك باسك شفت بنات بيدلو مي انا مانيش حابة نبدل

4- هل نسربي للرجال اذا جاو ولالا باش اشوفني باباه ولا ماندخلش كامل

5- على لي كادو واش نمدلهم ولا مكلاه؟

وحبيت ندير دي بوات فيهم قاطوباش نمدلهم ولا ماجاياش


هههه علابالي هبلتكم مي والله لقيتكم انتم وان شاء الله ماتبخلوش اعليا بالرد شكرا لكم

بالباراكة عليك حنونة ربهي يهنيك و يكملك ان شاء الله

ماكان حتى ازعاج رانا هنا باه نفيدو و نستفادو من بعضانا

جاري الاجابة

وئام ربي يخليك حنونة
راني كي نطلع نردلك خبر ان شاء الله

مرحبا بيك ختي نور الهدى في تجمعنا

لبنات كتر خيرهم راهم جاوبوك و نزيد نمدلك انا رايي

اهلا وسهلا بيك معنا

نور الهدى 22 كتب:

يعطيكم الصحة على هذا التجمع والله فدتونا بزااف برك حبيت نسقسيكم اذا مافيهش ازعاج

انا راني حايرة في امري خطبتي بعد العيد ان شاء الله لكن ماعرفتش منين
نبدا كامل وانا البنت الوحيدة وجامي زوجنا فالدار يعني انا الاولى
حبيت نسقسيكم الخطبة كيفاش اجوز اسئلتي هي

1- شكون لازم يحضر من جيهتي ومن جيهتو

من جيهتك داركم وتقدري تعيطي لخالاتك وعماتك
2- هل يحضرو الرجال تان ويجي هو ولالا؟

ايه يحضرو الرجال وبالنسبة ليه سقسيه هو على خاطر كاين لي يحشمو ومايجوش .......شوفيه هو ممكن غير امو وناناه وخواتاتو يجو يشوفوك
واذا درت خطبة وقطيع شرط لازم يحضرو رجال؟
اكيد اذا فيها قطيع الشرط لازم يحضروا الرجال على خاطر هوما لي يتفاهمو بيناتهم
3- اللبسة شريت جبة مليحة اسكو نبدل ولا نلبس جبة برك باسك شفت بنات بيدلو مي انا مانيش حابة نبدل

ايه البسي هاديك برك وماتبدليش باه تباني سامبل وباهية وديري مكياج سامبل كيما قالت سمسومة وان شاء الله تجي باهية واكيد راح يطيح عليك السر كيما كامل لبنات لي فاتت عليهم هاد المرحلة هههه

4- هل نسربي للرجال اذا جاو ولالا باش اشوفني باباه ولا ماندخلش كامل

هو سقسيه اول شيئ ...وهوما اذا جاو رجال منا ومنا الاحسن انو شيخك كيما قالت سمسومة يخرج للكولوار ولا شومبرة اخرى ويشوفك

اما اذا كان غير هو وباباه وجدو ولا عمو تقدري تدخلي

حتى يتفاهم باباك معاهم راه يعيطلك يا اما تدخلي ليهم يا اما يخرجلك شيخك

5- على لي كادو واش نمدلهم ولا مكلاه؟

باين اول مرة يجو يعني اعطيهم بلا تاع قاطو يبالي خلاص

والا اذا تحبي تمدي حاجة لعجوزتك والا تمديلهم هو كيما تحبي

وحسب عاداتك منطقتكم .... انت من وين؟

وحبيت ندير دي بوات فيهم قاطوباش نمدلهم ولا ماجاياش
والله كيما تحبي قادر ديريلهم دي بوات عروسة خالي كي راحو يخطبوها دارتلهم دي بوات كي جاو مروحين مدتلهم ومدت لعجوزتها صحنة تاني

هههه علابالي هبلتكم مي والله لقيتكم انتم وان شاء الله ماتبخلوش اعليا بالرد شكرا لكم

اهلا بيك نور الهدى راهم لبنات كفاو او وفاو
ربي يوفقك ويقدملك لي فيه الخير ويهنيك يا رب