يوميات فتاة جامعية جزائرية، مضحكة ،جميلة- حتى الادمان نهاية القصة

♥♥ عدد المساهمات : 21453 تاريخ التسجيل : 08/11/2010

السلام عليكم

وصلت للدار ميتة بالعيا وقلبي يدور وراسي يوجع طحت في بلاصتي وماقدرتش نوض
منها وحتى الظهر نضت بالسيف صليتو ماما مسكينة راحت بلخف وقبل ماتحوس تفهم
غلاتلي نعناع وجابتولي والحمد لله غير شربتو ريحت ورقدت حتى للمغرب نوضني
برك صوت التلفون فيكس يصوني كي رفدت لقيتها فتيحة تعيطلي باش تسقسي عليا
ايلا بريت
. قلتلكم تبغيني .

وفي الليل درت سهرة طويلة مع العايلة حكيتلهم واش صرالي اليوم و bien sur
ماقلتلهمش بلي فاطيمة قفزت وفاتت من جيهة المعوقين ودات فطورها بلا ماتدير
لاشان خاطر على بالي بابا يديرلي محاضرة على لبنات الساجيات ولي يعرفو
يعيشو. mais هو كي حكيتلو غضتو قالي هذي المرة نعطيك تاكلي برا فرحت بزاف
وقعدت نستنى وقتاش يلحق الشهر الجديد باش تلحقني الزيادة في المصروف.[ندعوك للتسجيل في المنتدى أو التعريف بنفسك لمعاينة هذه الصورة]

بعد السهرة الطويلة ماقدرتش نوض بكري الصباح ولحقت للجامعة روطار قعدت برا
ندور حتى خلاص الcoure اللول خرجوا لبنات فتيحة ولطيفة ماعدا فاطيمة طبعا
هذيك تجي على ال 11 وتخرج على 3 وكي نقولولها تقلنا مانقدرش نوض بكري هذي
هي القرايا في الجامعة انا بيناتنا ماكنتش نبغي نعطل الدروس ماشي خاطر
قرَايا بصح نكره نتسلف cahier ونعاود نكتب في الدار.

البروف تع الكيمياء مدلنا بحث عن الهيدروكربونات وكنا احنا اربعة فيه
بانتلي حاجة صعيبة بزاااااف وماعرفتش كامل كيفاش نسلك من هذي الورطة ربي
يجيب الخير برك. قررنا نروحو للمكتبة لأول مرة ونشوفو كيفاش تمشي الحالة كي
دخلنا لقينا وحد تم تقدمت انا وسقسيتو ايلا يقدر يمدلنا كتاب تع الكيمياء
العضوية قالي كيفاش يسموك وكي قلتلو لقى روحو يعرف خويا راح بلخف جابلي
كتاب وجا وقالنا ادخلو للمكتبة الداخل واقراو فيه ومن بعد...
وقبل مايكمل هدرتو رحنا احنا للمكتبة

انا ديت الكتاب ورحت انا ولبنات لداخل المكتبة وبدينا نقلبو في الصفحات
واحنا مانا فاهمين والو وفوتنا قريب ساعة واحنا نضحكو على روحنا كي لحقت
الوحدة رحنا باش ندخلو للكوغ درت الكتاب في الساك ورحت كي بديت خارجة قدام
هذاك لي مدلي الكتاب شفتو بدا يخزر فيا ويتبع فيا بعينيه بديت نقول في قلبي
هذا مالو مايحشمش[ندعوك للتسجيل في المنتدى أو التعريف بنفسك لمعاينة هذه الصورة] كيفاش يخزر فيا هاكة هذي لي زعما يعرف خويا. ماديتهاش فيه وفت عليه بلا مانخزر ليه[ندعوك للتسجيل في المنتدى أو التعريف بنفسك لمعاينة هذه الصورة]

البروف تع الفيزياء ماجاش فرحت بزااااف خاطر كنت عيانة ومديقوتيا من روحي كي مافهمت والو في البحث.

كي رحت للدار جبدت الكتاب وبديت نقرا فيه وحدي وجبدت هذاك dictionnair
scientifiq وسييت نعاون بيه روحي وبالفعل والله فهمت بزاف دروس كنت حابسة
فيهم ولقيت مقدمة وبعض المفاهيم للبحث تاعي وعيطت لفتيحة تزيد تحوس في
الانترنت خاطر هي عندهم في الدار. وفي اليوم التالي جابتلنا فتيحة تقريبا
البحث واجد بصح انا أصريت باش نحط المقدمة تاعي والمفاهيم لي لقيتها في
الكتاب وكتبنا البحث وحطيناه في الموعد وانا استفدت بزاف من الكتاب bien
sur بعد ماقعد عندي اسبوعين كاملين قلت نرجعو لمولاه يمكن يستحقو؟؟؟ وغير
شافني قالي ارواحي هنا ارواحي عندي سمانتين وانا نحوس عليك[ندعوك للتسجيل في المنتدى أو التعريف بنفسك لمعاينة هذه الصورة] وين كنتي انا بانتلي كلي راه حاب يداسر قلتلو: واش بيني وبينك حتى تحوس عليا

قالي: ماكان والو غير الخير برك راكي داية كتاب تع الجامعة وناسياتو عندك
وهذاك الكتاب المفروض كامل مايخرجش تقراي بيه داخل المكتبة وترجعيه قبل
ماتخرجي خاطر كاين منو نسخة وحدة برك تماك فهمت وعلااه كان يخزر فيا هذاك
اليوم[ندعوك للتسجيل في المنتدى أو التعريف بنفسك لمعاينة هذه الصورة]
وحتى للعام الثاني كي راح هو من المكتبة وجا واحد أخر باش عرفت بلي ممنوع
يمدو الكتب بلا la carte وتماك وين عرفت صح بلي صاحب خويا وناس ملاح[ندعوك للتسجيل في المنتدى أو التعريف بنفسك لمعاينة هذه الصورة]

وصلى اللهم وسلم على سيدنا محمد

♥♥ عدد المساهمات : 8891 تاريخ التسجيل : 08/11/2010

ههههههههههههه

والطفلة تقول وش بيه يخزر

خخخخخخخخخخخ بدات توالف

والله صح قصة واقعية نقول راكي تحكي علينا
ايييييييييييييييه ايامات الجامعة صح كامل السوفرونس و الديقوتاج هاداك بصح كي تتخرجي تتوحشي هادوك الايامات
مشكورة حنونة

♥♥ عدد المساهمات : 21453 تاريخ التسجيل : 08/11/2010

بلا مزية بنات

يتبع غدا ان شاء الله

[ندعوك للتسجيل في المنتدى أو التعريف بنفسك لمعاينة هذه الصورة]

♥♥ عدد المساهمات : 21453 تاريخ التسجيل : 08/11/2010

السلام عليكم

جاء اول الشهر وبابا كان عند الوعد تاعو و زادلي في المصروف الشهري[ندعوك للتسجيل في المنتدى أو التعريف بنفسك لمعاينة هذه الصورة]
فرحت بزاااف بهذيك الزيادة الصباح نضت بكري وطيبت القهوة وشربتها مع ابي
(نقلو ابي برك كي نبغي نطلب منو حاجة ولا نكون فرحانة) وماما.

أما اختي فكان يلزملها خمس جولات حربية [ندعوك للتسجيل في المنتدى أو التعريف بنفسك لمعاينة هذه الصورة]باش تنوض من الرقاد ودايما نخلي ماما معاها في الجولة الثالثة ونروح للجامعة الحمد لله الثانوية نتاعها ماشي بعيدة بزاف على الدار.

في station تلاقيت بوحدة تقرى معايا نعرفها غير من بعيد لبعيد اسمها نجاة
كانت ملتزمة وجامي شفتها تضحك او tsirculer مع لبنات كنت نشوفها يا إما في
المدرج او في المكتبة وكل ما نتلاقى بيها نقلها السلاااام عليكم ورحمة الله
وبركاته.

اليوم ركبت معاها في transport وقلت هذه فرصة بما اني زادولي في الشهرية
نخلص عليها ال buss والله تستاهل هي فرحت بزاااف وقالتلي بارك الله فيكِ
اختي في الله، عجبتني بزاااف هذي اختي في الله ومن بعد قالتلي يالله ننزلوا
في l'arét اللولة ونركبوا قي النقل الجامعي راه يفوت منا وانا نستناه
دايما ونروح فيه حتى للجامعة.

بغيت نروح بصح كي تفكرت واش صرالي مع الريسطو قلت jamais وبيناتنا غروني
دراهمي في جيبي قلتلها لالا اسمحيلي انا نروح كيما موالفة من transport ل
trannsport حتى نوصل وزيد اليوم ماعنديش coure بكري معليش نوصل rotard.

كي وصلت لقيت فتيحة لتم هي دايما توصل بكري وقبلنا كامل خاطر باباها يوصلها
بالطوموبيل وقعدت معاها شوية وصلت لطيفة وفي الاخير كامل كالعادة وصلت
فاطيمة وبعد ماقرينا حتى لل 12.30 خرجنا ميتين بالجوع وانا زعمة بغيت نتكرم
وقلتلهم اليوم نروحوا نفطروا برا والحساب عليا انا .[ندعوك للتسجيل في المنتدى أو التعريف بنفسك لمعاينة هذه الصورة]
دخلنا لل pizzeria تع عمي صادق قالك يصنع بيتزا تهبل دمونديت 1 pizza و 4
soufli و4 قازوز كلينا حتى شبعنا وما درنا لا لاشان لا والو.

كي جيت خارجة قلتلو شحال نخلصك؟؟ قالي 500 دج وليت نعرق بصح كلي مابغيتش نبين [ندعوك للتسجيل في المنتدى أو التعريف بنفسك لمعاينة هذه الصورة]قلتلو برك!!! وخلصتو وخرجت وطريق كاملة وانا نخمم[ندعوك للتسجيل في المنتدى أو التعريف بنفسك لمعاينة هذه الصورة] كيفاش رح نكمل باقي الشهر (اواااااه بابا كلخلي والمصروف اللي عطالي مايكملش حتى اسبوع[ندعوك للتسجيل في المنتدى أو التعريف بنفسك لمعاينة هذه الصورة]) وهذا كامل وانا نضحك مع لبنات باش مايحسوش بلي خلصت عليهم وندمت.

ثاني يوم كي ركبت في ال bus تلاقيت تان مع نجاة راكبة طلبت مني مرة اخرى
باش نروحو في النقل الجامعي وبما انو حسيت بالخطر على المصروف الشهري
قلتلها معليش ياسيدي نروحو ، نزلنا في l'arét اللولة وبقينا نستناو حتى فات
علينا الbus اللول وماحبسش كي سقسيتها وعلاش ماحبسش؟؟ لقيتها كلي بدات
تحكمها الحشمة وقالتلي ماتخافيش ضروك يجي وحد آخر وبالفعل بعد خمس دقايق جا
الثاني والحمد لله حبسلنا وكي رحنا باش نركبوا السائق حبسنا وقالنا لازم
تمدو les cartesَََ!!! انا
رجعت للوراء شوية وقلت لنجاة مانروحش ماعنديش كارطة
خاطر ماكنتش رافدة معايا كارطة تاع النقل الجامعي وهي مسكينة حست بالذنب
وقالتلي انا تان مانروحش مانقدرش نخليك وحدك هذاك الوقت بديت نخمم بلي رجعت
فأل شؤم عليها خاطر هي موالفة دايما تركب وبلا اي مشاكل ماعلاباليش اليوم
علاه كلش تعفس في وجهنا.[ندعوك للتسجيل في المنتدى أو التعريف بنفسك لمعاينة هذه الصورة]

السائق كي شافنا في هذاك الموقف غضناه وقاللنا يالله اركبو هذي المره
نسامحكم بصح اللي كامل ماتوقعتهاش انو النقل الجامعي بعد ماقطع بينا نصف
الطريق يحبس خاطر الموتور خسر يالطيف زهري دخل حتى للموتور تاع النقل
وحبسو.

واظطرينا نكملو مسافة طويييلة مشيا على الاقدام و bien sur نجاة كانت تقول في قلبها يادرى على من صبحت اليوم؟؟؟[ندعوك للتسجيل في المنتدى أو التعريف بنفسك لمعاينة هذه الصورة]

اليوم اللي بعدو عاودت تان تلاقيت بيها وكي جيت نازلة معاها كيما البارح
حلفتلي والله ماننزل قالتلي نخلص عليك ركبة حتى للجامعة وخلي الناس مساكين
يروحوا في النقل الجامعي كيما موالفين وطبعا من هذاك اليوم ماعاودتش جربت
زهري وركبت في النقل الجامعي .

يتبع...

وصلى اللهم وسلم على سيدنا محمد

خخخخخخخ مرات صح تصرا حاجة تقول انا سباب واش صرا
في انتظار الحلقات القادمة

♥♥ عدد المساهمات : 21453 تاريخ التسجيل : 08/11/2010

مرسي نهاد ع المروور ومشاركاتك

صح واحد مرات يشوف روحو وجه النحس Crying or Very sad

انتظري باقي الحلقات

♥♥ عدد المساهمات : 21453 تاريخ التسجيل : 08/11/2010

[ندعوك للتسجيل في المنتدى أو التعريف بنفسك لمعاينة هذه الصورة]

صحيتي سارة على التشويق و الدراما اللي راكي دايرتهم [ندعوك للتسجيل في المنتدى أو التعريف بنفسك لمعاينة هذه الصورة]

♥♥ عدد المساهمات : 21453 تاريخ التسجيل : 08/11/2010

ههههههههه العفو

♥♥ عدد المساهمات : 21453 تاريخ التسجيل : 08/11/2010

السلام عليكم

في هذي الأيام حسيت بلي القرايا بدات تصعاب تع الصح [ندعوك للتسجيل في المنتدى أو التعريف بنفسك لمعاينة هذه الصورة] وكامل لبنات بداو يشكو
منها ويقولو بلي صعيبة علينا ماعدا أنا بالطبع لي ماجاتنيش كااااامل صعيبة
كانت بالنسبة ليا مستحيلة تماما

وعلى هذاك قررت بلي ما نراطي حتى coure من
الصباح للعشية و اليوم بالذات كان عندنا الrpogramme حتى لل 4.30 وفتيحة
ولطيفة ماحبوش يبقاو معايا قالك عيينا [ندعوك للتسجيل في المنتدى أو التعريف بنفسك لمعاينة هذه الصورة] ولازم نروحو للدار وانا شكيت كي
مافطرتهمش اليوم ماشي خاطر عياو[ندعوك للتسجيل في المنتدى أو التعريف بنفسك لمعاينة هذه الصورة]

قعدت وحدي حتى كملت كامل المحاضرات تع اليوم وكي خرجنا مالقتيش الtransport استنيت ساعة باش ركبت والشتا تطيح عليا [ندعوك للتسجيل في المنتدى أو التعريف بنفسك لمعاينة هذه الصورة]وكنت نقول في قلبي معليش في سبيل العلم

كي وصلت للمنطقة لي نسكن فيها كان المغرب أذن وراكم عارفين يامات الشتا
بلخف تبدا تظلام الدنيا, من l'arèt للدار لقيت الطريق فاااااارغة حتى واحد
ماكان يدور قلت الحمد لله هكة مايشوفوني غاشي مايقعدو يدو ويجيبو ويقلك
كيفاش هذا وين راهي راجعة [ندعوك للتسجيل في المنتدى أو التعريف بنفسك لمعاينة هذه الصورة] ووين كانت هذي راني نعرف عقليات غاشي تاعنا دايما
عندهم تفسير خاص ببنات الجامعة مستحيل يبدلوه مهما كانت البنت. [ندعوك للتسجيل في المنتدى أو التعريف بنفسك لمعاينة هذه الصورة]

وبعد ماتنفست وقلت ريحت لقيتلك قدام الباب جمع غفييييييييير affraid

من كل أهل
القرية قلت انا اكيد كاينة جفنة ولا عرس و ماسمعتش بيه بديت نسب في زهري [ندعوك للتسجيل في المنتدى أو التعريف بنفسك لمعاينة هذه الصورة]
زعما انا لي كنت نقول وين راحو الناس كامل اختفاو من الشوارع وهوما تلايمو
بالظبط قدام باب دارنا وراهم يستناو فيا بديت نخمم وقيلة بابا دار [ندعوك للتسجيل في المنتدى أو التعريف بنفسك لمعاينة هذه الصورة] شكو بلي
خطفوني وانا لاخبر وكي لحقت لقيت بلي قناة صرف المياه لي قدام الباب خسرت
وتلايمو كل رجال الحارة باش يصنعوها وبابا كان معاهم أكيد وكي شافني خزرني
خزرة نعرفها مليح مليح حتى ماما لقيتها مقلقة بزااف عليا وحتى كي شافتني
باش ريحت بصح ماريحتنيش قالتلي وين كنتي حتى لضروك باباك من الصباح وهو
مقلق عليك ومن وقتها وانا نخمم واش نقلو[ندعوك للتسجيل في المنتدى أو التعريف بنفسك لمعاينة هذه الصورة] وكيفاش نفهمو وغير دخل بدا يزقي عليا [ندعوك للتسجيل في المنتدى أو التعريف بنفسك لمعاينة هذه الصورة]كيفاش؟ووعلاش؟....
مانيش عارفة كيفاش جات في بالي باش نقلو لوكان راك شاريلي بورتابل كنت
عيطتلكم وماخليتكمش تقلقتوا وهذي الكلمة لي sovatni لقى بلي كان عندي الحق
وبدا يفكر جديا باش يشريلي portabl.[ندعوك للتسجيل في المنتدى أو التعريف بنفسك لمعاينة هذه الصورة]
ونهار الجمعة جابلي واحد ماشي من الغاليين بصح انا عجبني بزاااااااااف [ندعوك للتسجيل في المنتدى أو التعريف بنفسك لمعاينة هذه الصورة]وفرحت
بيه وقعدت كامل اليوم وانا نبيبي للغاشي [ندعوك للتسجيل في المنتدى أو التعريف بنفسك لمعاينة هذه الصورة] لي نعرف ارقامهم خوالي وعمامي
وصحاباتي فتيحة ولطيفة أما فاطيمة كانت مازال ماشراتش وماعلاباليش وعلاه
كامل لي بيبتلهم أكثر من خمس مرات كنت كي نجي نزيد نبيبي نلقى الكاسات ترد
عليا (إن جهاز مراسلكم مغلق أو خارج مجال التغطية...) [ندعوك للتسجيل في المنتدى أو التعريف بنفسك لمعاينة هذه الصورة]إلا
لطيفة مسكينة الوحيدة لي بقيت نبيبيلها وتردلي lol!

حتى لليل حبيت نبيبيلها آخر
مرة ردت عليا الكاسات ( إن جهاز مراسلكم معطل مؤقتا) قلت انا تع الréseau
راحو يرقدو[ندعوك للتسجيل في المنتدى أو التعريف بنفسك لمعاينة هذه الصورة]

قبل مانرقد قلت nrigule réveil باش نوض بكري وحطيتو تحت المخدة تاعي وغير
دخل خويا لقا الضو تاعو شاعل عندبالو كنت نهدر فيه بدا يسقسي فيا مع من كنت
نهدر قلتلو بلي حتى واحد كنت برك nrigule بصح ماصدقنيش ودارلي حالة[ندعوك للتسجيل في المنتدى أو التعريف بنفسك لمعاينة هذه الصورة] وحب
ينحيهلي ولوكان ماشي ابي مسكين [ندعوك للتسجيل في المنتدى أو التعريف بنفسك لمعاينة هذه الصورة] تدخل في الوقت المناسب وقالو ماكان مارحلك
انا نوثق في بنتي وراني عارفها كيفاش تمشي ربيتها صح ورح تتصرف صح ونهار
تغلط انا برك لي نهدر معاها. [ندعوك للتسجيل في المنتدى أو التعريف بنفسك لمعاينة هذه الصورة]

الحمد لله لي عندي أب حنون ومتفهم . [ندعوك للتسجيل في المنتدى أو التعريف بنفسك لمعاينة هذه الصورة]

وصلى اللهم وسلم على سيدنا محمد

مشكورة

[ندعوك للتسجيل في المنتدى أو التعريف بنفسك لمعاينة هذه الصورة] عائلة جزائرية
100%

هههههههههه ، يعطيك الصحة على القصة ،(بيناتنا :afro: :afro: قريتها من قبل ) بصح هايلة ولازم يقراوها كامل study

♥♥ عدد المساهمات : 21453 تاريخ التسجيل : 08/11/2010

هههههههه مليح نسيمة كي قريتيها

شوية هك نحط حلقة

♥♥ عدد المساهمات : 21453 تاريخ التسجيل : 08/11/2010

السلام عليكم

بعد ماقرينا تقريبا شهر أو أكثر قسموناdes groupes ومن زهري طحت انا
وفاطيمة في نفس الفوج اما فتيحة ولطيفة كل وحدة طاحت في فوج وحدها وبدينا
les TD et les TP كان عندنا TD 2 واحد الصباح على 8.00 تع الفيزياء وواحد
العشية على 3.00 تع الرياضيات وكان يخلاص على 4.30 بصح انا وفاطيمة ماكناش
نقدرو نكملو حتى لل [ندعوك للتسجيل في المنتدى أو التعريف بنفسك لمعاينة هذه الصورة]4.30
كنا نعياو الله غالب على هذاك قلنا للبروف احنا نسكنو بعاد ومايقدناش
الوقت كي نخرجو على ال4.30 ايلا تقدر تخلينا نخرجو على 4.00 والبروف كان
عااااااااااقل بزااااااف قالنا ايه معليش كيما تبغو ومن هذاك اليوم واحنا
بلا مايقلنا كي تلحق الربعة نرفدو قشنا ونخرجوا.[ندعوك للتسجيل في المنتدى أو التعريف بنفسك لمعاينة هذه الصورة]

اما les TP كانو دايما مع الصباح من 11.00 لل 12.30 في الأول عجبني الحال كي لبست الطابلية البيضة ودخلت للمخبر حسيت روحي طبيبة [ندعوك للتسجيل في المنتدى أو التعريف بنفسك لمعاينة هذه الصورة]بصح
كي بدينا نقراوهم ماعجبنيش كامل الحال وخصوصا كنا نقراو غير على النباتات
ولا الحشرات ونرسموهم في آخر الحصة ومرة برك لي قرينا على جسم الإنسان بصح
كان درس يحشم[ندعوك للتسجيل في المنتدى أو التعريف بنفسك لمعاينة هذه الصورة]
أما لي بروف لي يقروهملنا صعااااب والغلطة تخلصها غالية معاهم بغينا مرة
نسيو مع البروف تع الفيجيتال الخطة تع الخرجة على 12 اخرجنا بلا مانقولولها
قلنا رانا قاويين ومش رح تفيقلنا ماكناش عارفين بلي أخر الحصة نمدو كامل
رسم تخطيطي للنبتة لي قرينا عليها وهي كامل ماعياتش راسها مدتلنا 0 وخلاص .[ندعوك للتسجيل في المنتدى أو التعريف بنفسك لمعاينة هذه الصورة]

باقي أسبوعين للإختبارات وانا كنت ضاااااايعة مع الدروس قررت أني نبدا
نراجع ونلخص كامل الدروس وكل ليلة إمتحان نراجع ملخص المادة لي عندي غدوة
من ذاك و ليلة الإمتحان الأول قررت ندير nuit blanche وقلت نشرب كاس قهوة
قاطعة وماشي مسكرة باش مانرقدتش بصح غير شديت le cahier حكمني نعاس
غريييييييب وماقدرتش نقاوم [ندعوك للتسجيل في المنتدى أو التعريف بنفسك لمعاينة هذه الصورة]رقدت
وقلت الصباح nrigul portabl و نوض بكري والصباح غير بدا يصوني البورتابل
طفيتو ورقدت وكي لحقت 7 فطنت وانا مذعورة وقلت تهدرت عليا بقيت نلبس ونقرا
ونشرب في قهوتي ونقرا وراكبة في الترنسبور ووافقة وتان نقرا

وكي بدا الامتحان وقسمو علينا les sujet قلت دعاء الإمتحان اللهم لا سهل
إلا ماجعلته سهلا وأنت تجعل الصعب إذا شئت سهلا زعما باش يجيني ساهل وبديت
نقرا في الأسئلة كانو 20 سؤال وكل واحد نجاوبو عليه ياإما بـ صح أو خطأ قلت
الحمد لله والله أسهل sujet رح ندي 20 من 20 أكيد [ندعوك للتسجيل في المنتدى أو التعريف بنفسك لمعاينة هذه الصورة]
وبديت نجاوب السؤال الأول قلت هذا الإجابة تاعو باينة بلي صح ومن بعد قلت
أواه خطأ وبعد رجعت في رايي وقلت ماكانش منها الشيخة تحط السؤال اللأول
وتكون إجابتو خطا نظن بلي صح وحطيتها صح وخلاص
والسؤال الثاني قلت مدام الجواب الأول كان صح نظن الجواب الثاني رح يكون مخالف وحطيت خطأ
وبديت نجاوب على باقي الأسئلة نظن وما نظن ونسيت بأن بعض الظن إثم

وكانت كل أسئلة الإمتحانات الأخرى يا إما تع صح او خطا أو يعطولنا 3
إختيارات وإحنا نخيروا الجواب الصح بيناتهم وفي هذاك النوع من الإمتحانات
كنت نعد للعشرة ولي تطيح فيه عشرة نحطو هو الجواب[ندعوك للتسجيل في المنتدى أو التعريف بنفسك لمعاينة هذه الصورة]
ونهار لي أفيشاولنا كنت كارثة بيولوجية عظيييييييمة نادرة وغير متتكررة
الحدوث بشهادة الجميع والمشكل ماكنتش وحدي كانت معايا فتيحة ولطيفة وفاطيمة
الوحيدة لي ماتخيلتش انها تخرج بنقاط احسن منا بزااااااف وهي لي كانت
نادرا ماتحضر الدروس........ يتبع

والحقلة الجاية نقلكم كيفاش جاز العام الأول ويلا طلعت أو لا وخاصة خاصة كيفاش تحصلت فاطيمة على النقاط المليحة
كونوا في الإنتظار

رانا في الانتظار

♥♥ عدد المساهمات : 21453 تاريخ التسجيل : 08/11/2010

نور+ شهرة وينكم يالفنيانات

[ندعوك للتسجيل في المنتدى أو التعريف بنفسك لمعاينة هذه الصورة]

♥♥ عدد المساهمات : 21453 تاريخ التسجيل : 08/11/2010

مرسي سامو عشية نحط وحدة والا نقلك نحطها دوك نخاف نكون مديموراليزيا

lol!

♥♥ عدد المساهمات : 21453 تاريخ التسجيل : 08/11/2010

السلام عليكم

قعدت حرقة في قلبي وقلت يبقى اخر يوم من عمري ونعرف لالة فاطيمة كيفاش جابت
غير 10 و11 في كامل المواد ماعدا الرياضيات لي كنا كااااامل تحت العشرة
وماعدا انا كي العادة لي ماكنتش تحت العشرة طبعا إنما كنت تحت الخمسة.

ووحد اليوم قعدت انا وفاطيمة الطابلة التالية في TD تع الرياضيات وتماك
بانتلي باش نسقسيها كيفاش دارت الجنية وهي ماكان عندها حتى مشكل فتحتلي
قلبها وحكاتلي بكل روح رياضية
قالتلي انا كنت شاطرة لخصت كاامل الدروس قلت في قلبي حتى انا كنت نلخص
الدروس بصح لي كانت هي فايتتني بيه هو أنها كانت تلخصهم في وريقات صغار
وكيما قالت هي system تع الحجابات و وراتلي ساعتها العجيبة وخاتمها السحرية
الساعة كانت كبيرة بزااااف تقول تع الحيط وكانت هي تحط تحتها الورقات
الصغار تع الغش وتان في الخاتم لي يتحل ويتبلع كيما الـ cofre
قلتلها ولوكان يفيقو بيك علابالك بلي يمنعوك عامين ماتقرايش حسيتها بلي
ماعمرتش راسها بهدرتي بصح أنا من هذاك الوقت وانا نفكر في هدرتها ومرة نقول
ندير كيما هي ومرة نقول الله يلعنك يابليس [ندعوك للتسجيل في المنتدى أو التعريف بنفسك لمعاينة هذه الصورة]
وجاء بسرعة امتحان الفصل الثاني وأنا مازلت ما إتخذتش القرار المناسب ندير
حجابات ولا لالا كنت نراجع ونكتب الملخص في ورقات صغار ونطويهم باش نديرهم
حجابات كيما تع فاطيمة ونهار الإمتحان الصباح وقبل دقيقة مانخرج من الدار
خليتهم وخرجت وتوكلت على ربي.

دخلت للإمتحان وقلت ندير جهدي ولي عليا ولي فاجئني أنو حتى فاطيمة فكرت
مليح في هدرتي وبطلت حكاية الحجابات وفاتت كل الإمتحانات على خير والحمد
لله
ونهار ال affichage كانت نقاطنا في الفصل الثاني أحسن من الأول بصح الكوارث
لي ديناها في الفصل الأول ما قدرتش تمحيها النقاط المتواضعة تع الفصل
الثاني.
ودخلنا للمعركة الثانية وهي synthèse وتماك كانت عندنا فرصة نكونو احنا
الأربعة فاطيمة ولطيفة وفتيحة في نفس القسم لعبلنا الشيطان في راسنا وقلنا
ماراحش نصنعو حجابات أكيد بصح رح نتعانو على الحفظ كل وحدة تحفظ محوروهكة
نكونو احنا الأربعة واحد و نضمنو اننا راجعنا كل المحاور
وكي دخلنا للإمتحان قعدنا أنا وفاطيمة ولطيفة وراء بعض وفتيحة مقابلتنا
وبدينا كل مانلقاو سؤال من محور نخزرو كامل في لي حفظاتو ونقولولها هاتي
الجواب.[ندعوك للتسجيل في المنتدى أو التعريف بنفسك لمعاينة هذه الصورة]

فاطيمة كانت أكثر وحدة شجاعة فينا وماتخافش كامل من البروف تهدر وبصوت
مرتفع عاااادي والبروف يسمع الهدرة بصح يحير من وين راهي تصدر ودايما يحصلو
فيا انا المخلوقة الضعيفة ونقعد ساعة وانا نحلف بلي مانيش نهدر[ندعوك للتسجيل في المنتدى أو التعريف بنفسك لمعاينة هذه الصورة] وما يأمنونيش وفي هذا الوقت طبعا فاطيمة وفتيحة يكونو يتبادلو[ندعوك للتسجيل في المنتدى أو التعريف بنفسك لمعاينة هذه الصورة] في الورق بما أنو البروف يكون لاهي معايا
وفي مرة من المرات عاود عسنا نفس البروف وغير دخل قالي نوضي وقعدي في طابلة
اللولة حسيت روحي ضعت خلاص ومن بعد سلمت أمري لله وقلت كيما جات تجي خصوصا
بعد ماقعد البروف كامل الوقت وهو يحكي على الغش والغشاشين وقال أنو أكثر
حاجة يكرها في حياتو هي الغش.
بصح فاطيمة عمرها ماتتخلى على حلفائها كتبتلي أكثر الإجابات في ممحاة وقالت
للبروف اديهالها هذي ممحاتها خلاتها عندي البروف مسكين حنين جابهالي حتى
لعندي انا ماعرفتش وعلاه بعثولي ممحاة بلا مانطلب وغير خزرت في فاطيمة زعما
باش نفهم غمزتلي عرفت بلي الممحاة كانت فيها اجابات قلتلو صحيت أستاذ وأنا
نقول في قلبي هذا وأنت من الصباح وانت تقلنا انا ضد الغش عشيت انت بروحك
تجيبلي في الإجابات وبلا ماتحس والله فاطيمة هذي خرجت حاجة من الكبار.[ندعوك للتسجيل في المنتدى أو التعريف بنفسك لمعاينة هذه الصورة]

كنا نتوقعو أننا رح نخرجو العام ونتهناو بعد ما درنا كامل هذيك المغامرات
بصح النتائج كانت مخالفة لكل توقعاتنا وخاصة بعد ما الأساتذة الكرام كانوا
مايصحوش الإمتحان ويحطو نقطة الإمتحان الثاني وخلاص والحمد لله كان بقيلنا
آخر فرصة ratrapage بصح أنا كان معدلي قريب من عشرة والمشكل كل المواد
غلقتها بعشرة يعني مانقدرش ندخل فيها الإمتحان الإستداركي إلا المادة لي
كااااااااامل مانبغيهاش وهي الرياضيات والبنات كامل طلعوها يعني فوت
كاااامل الصيف وانا نراجع ودخلت لهذاك الامتحان وانا شادة برك في ربي
والحمد لله ربي كان معايا وخرجت الموديل والعام ونجحت في أول وأصعب عام
جامعي
واصحبت سنة ثانية بيولوجي[ندعوك للتسجيل في المنتدى أو التعريف بنفسك لمعاينة هذه الصورة]....

وصلى اللهم وسلم على سيدنا محمد

♥♥ عدد المساهمات : 21453 تاريخ التسجيل : 08/11/2010

السلام عليكم
أصبحت في السنة الثانية جامعي هذا الإنتقال كان بعد تعب وجهد كبير حسيت
روحي كامل ماريحتش من الباك للجامعة وحتى الصيف فوتو نقرا في matheكي كانو
يقولولي بلي المكان لي يعلقونا فيه نقاطنا يسموه حائط المبكى كنت نضحك
عليهم بصح بعد المعاناة لي عشتها مع النقاط الهابطة صدقت بلي صح يسموه حائط
المبكى.
في بداية السنة الثانية قررت انا وفاطيمة ندو عطلة نرتاحو فيها من تعب السنة الأولى[ندعوك للتسجيل في المنتدى أو التعريف بنفسك لمعاينة هذه الصورة] ياختي من حقنا احنا تعبنا تعب مضاعف وبعد شهر تع راحة لقينا القرايا بدات بصح مزال les TP وles TD على هذاك ماهمناش الأمر
أنا بديت نغير تفكيري بعد لي شفتو من فاطيمة وبزااااف ناس كانو كيما هي
يعني مايحضروش الدروس بصح يدو علامات مليحة قلت انا هذي ممكن هي الطريقة
الصحيحة للدراسة في الجامعة [ندعوك للتسجيل في المنتدى أو التعريف بنفسك لمعاينة هذه الصورة]
وبديت مانروحش بكري للجامعة ومرات كي نكره من القرايا نخرج ونقعد ندور مع فاطيمة ولاكليك تعها
وهي تان قامت بيا تع الصح عرفتني كاااااااامل عليهم وكانو بطبيعة الحال
مختلطين بنات وولاد وانا اكيد ماكانش عندي مانع حسيت روحي كبيرة وعادي يكون
عندي أصدقاء من الجنسين.
في أول لقاء هدروا في بزاف مواضيع كانت هادفة ومفيدة حكاو على كلش على نظام
الحكم في الجزائر وعلى فلسطين وعلى حالة الشباب لي في الخارج كلها مواضيع
كنت نسكت فيها كامل صحاباتي كي ننحط معاهم في نقاش بصح هذاك اليوم حكمتني
الحشمة وسكت كامل لاحظو عليا هذا الشيئ
وفجأة وانا في هذاك الموقف سقساني كريم احد أفراد الشلة
!!!!!! Tu es timide
وانا بطيبعة الحال مافهمتوش كامل واش قصد وحرت اذا نقولو ايه وتكون إجابة
السؤال في الحقيقة لالا أو نقولو لالا وتكون الإجابة الصحية هي ايه وجاوبتو
كي عادتي في مثل هذه المواقف : ممممممم شوية مرات ايه ومرات لالاا[ندعوك للتسجيل في المنتدى أو التعريف بنفسك لمعاينة هذه الصورة]
وكي رجعت للدار لقيت خالتي عندنا مسكينة كلما تشوفني تقلي كنتي وانا دايما
نغلطها ونقلها كيفاش وك انتي رضعتيني وتقعد هي تحلفلي بلي عمرها مارضعتني
وانا نقلها اوااااااااااه انتي ماراكيش تحصي انا راني حاصية عليك
وفي الأخير تقلي غير انتي لي مانقدرش عليك [ندعوك للتسجيل في المنتدى أو التعريف بنفسك لمعاينة هذه الصورة] .
كي شافت عندي البورتابل دات رقم تاعي وقالتلي باش نولي نعيط لاختي ونسقسي عليها
وبعد يومين كنت في الجامعة قرينا أول كوووغ وخرجنا انا وفاطيمة نشموا شوية
هواء صونا التلفون تاعي ولقيت رقم غريب في الأول ماردتيش ماحبيتش يكون كاش
واحد غالط ومن بعد نحصل معاه
والعشية كي رجعت للدار وصلني مساج من هذاك الرقم وقالي انا سليم وليد خالتك
ارفدي عليا التلفون أما باغية تهدر مع خالتي وغير رفدت عليه قالي واش بيك
يا المخلوعة درتي تلفون وليتي تتكبري على الغاشي وماترفديش
وبعدها جوزتلو ماما
ثاني يوم كي رحت للجامعة وعلى 12.30 بدا يعطلي مرة ثانية قلت انا كاش ما
استحق باينة رفدت عليه وقلتلو واش يالمخلوع انت لي تدي رقمو راك تندمو كل
وقت تعيط
حسيتو كشغل شوية حشم على روحو وبعد قالي والله بغيت برك نسقسك كيفاش راكي
مع القريا وهذا مكان وبعد ماهدرنا شوية قالي معليش نولي مرة على مرة
ونعيطلك انا مافهمتش وعلاش سقساني هذا السؤال الغريب وجاوبتو اكيد هذي
محتاجة سؤال وفي قلبي قلت ياخي مهبول
وبدا مرة على مرة يعطلي حتى لهذاك اليوم بدا يصونيلي البورتابل على 12 تع
الليل انا انخلعت وقلت أكيد خالتي راهي مريضة بزااااف وراه يعيط باش يقلنا
وغير رفدت قلتلو خير ان شاء الله مالها خالتي
قالي ماتتقلقيش خالتك راهي راقدة على روحها مابيها والو
انا برك راني نعيط
وقتها زقيت في وجهو وقلتلو ماتعاودهاش راك خلعتني وزيد انا نرقد بكري هذا ماشي وقت تلفون[ندعوك للتسجيل في المنتدى أو التعريف بنفسك لمعاينة هذه الصورة]
حسيتو كشغل زعف بصح tellement كنت نعسانة بزااف ماكانش عندي وقت باش نفكر في واش صرا رقدت تم تم
والصباح كي نضت نسيت كامل الحادثة هذيك.
بعد يومين جات لعندنا خالتي وهذي المرة جات ماشي كي موالف لقيتها قاعدة في
الصالون مع ماما ويهدرو surieux وغير شافوني دخلت عيطولي بدات خالتي تشكر
فيا قلتلها ماتقوليليش راكي معولة عليا كاش مانقضيلك صالحة ماما موالف كي
تبغيني كاش مانديلها تولي تشكر فيا هاكة
ضحكت وقالتلي لالا بصح انا جيت نخطبك لوليدي سليم هو حبك وقالي عليك
وهذاك الوقت تفكرت حكاية التلفون تع نص الليل قلت في قلبي يعني كان لازم يعيط بعد ال12 باش يبينلي بلي ......[ندعوك للتسجيل في المنتدى أو التعريف بنفسك لمعاينة هذه الصورة]
انا أكيد كان الزواج أخر شيئ نفكر فيه وزيد سليم دايما نحسو خويا وعمري مافكرت فيه غير هكذا
والحاجة لي عمري مانقدر ننساها انو كي كنا صغار كنت كي نجي انا الثانية وهو
الأول في القسم نحكمو ونشبعو هراوة خاطر ماكنتش نحب لي يجي خيرمني .[ندعوك للتسجيل في المنتدى أو التعريف بنفسك لمعاينة هذه الصورة]
قلت مستحيل نتزوج مع انسان عندي معاه ذكريات مثل هذي وخالتي باتت الليل
كامل وهي تحاول معايا خاصة بعد ما ماما وبابا قالولها شوفي هي ايلا قبلت
احنا ماعندنا حتى مانع سليم عاقل ومربي وأكيد قالو هذا الكلام لأنهم
ماسمعوش بحكاية التلفون تع نص الليل وإلا كان عندهم رأي ثاني
بصح انا كان مستحيل نوافق وبعد ما اصرت خالتي عليا وهي تقلي اعطيني سبب واحد وعلاه ماكيش قابلة
قلتلها خاطر هو يحب غنا تع الشاب حسني ونصروو وانا نحب نسمع غير الشرقي
أكيد ماكانش هذا السبب بصح كان لازم نلقهالها عفسة باش نسكتها.
قالتلي تع الصح غير انتي لي مانقدرش عليك.
خالتي مسكينة فشلت معايا وعرفت وتأكدت بلي مستحيل نوافق على واش راهي تطلب وقالتلي بلي ماتزيدتش تجي عندنا وزعفت بزاااااااااف علينا
بصح ماما مابغاتش تخسرها وبقات هي دايما تروح ليها وبعد شهرين كاملين رضات
علينا ورجعت الأمور عادي خلاص ورجعت انا نروح لعندهم كيما موالف و جامي
ويلا يلقاني سليم
بصح حاجة وحدة مافهمتاش وعلاه كل مانروح نلقاه غالق على روحو في شمبرتو وويسمع في الغنية تع
نسياااااااااانك صعب أكيد؟؟؟؟ [ندعوك للتسجيل في المنتدى أو التعريف بنفسك لمعاينة هذه الصورة]. زعما دورها شرقي...........
وصلى اللهم وسلم على سيدنا محمد

♥♥ عدد المساهمات : 21453 تاريخ التسجيل : 08/11/2010

هاذو حلقتين

ويتبع..

شكرا شكرا
في انتظار البقية

RÈÐ PËÃRŁ كتب:: نور+ شهرة وينكم يالفنيانات

[ندعوك للتسجيل في المنتدى أو التعريف بنفسك لمعاينة هذه الصورة]

راني هنا سارة قريت القصة هادي من قبل و نتمنالكم متابعة شيقة لباقي لبنات اللي ما يعرفوهاش <img src=

" longdesc="28" />

» فتاة جزائرية في أمريكا
» يوميات هو وهي في رمضان
» قصة مضحكة جدا جدا جدا