عروستنا الجميلة كيف تطلبين من زوجك....

السلام عليكم ورحمة الله تعالى وبركاته

[ندعوك للتسجيل في المنتدى أو التعريف بنفسك لمعاينة هذه الصورة]

سؤال لكل مقبلة على الزواج كيف تطلبين مصروفك من زوجك بعد الزواج؟؟

من المعروف انا العروس في الشهور الاولى من زواجها تكون خجولة خاصة في موضوع طلب المصروف او النقود من الزوج

اذا كانت لاتملك مدخولها الخاص كيف تطلب منه النقود عندما تحتاج؟؟

كيف تتصرفين في هذا الموقف؟؟

كيف ستكون طريقتك لتتخلصي من الخجل خاصة في بداية الزواج؟؟

سؤال اخر
هل تفضلين ان تطلبي منه نقودا كلما احتجت لشراء شيء ما؟؟؟؟
ام تتفقين معه ان يكون لك مصروف معين يعطيه اياك كل شهر؟؟؟

ارجو مشاركة الجميع
سواء كنت مقبلة على الزواج ام متزوجة ام عازبة

[ندعوك للتسجيل في المنتدى أو التعريف بنفسك لمعاينة هذه الصورة]

موضوع هايل هاجر
انا الحمد لله عندي شهريتي مي كون ماكانش عندي نفضل يديرلي مصروف نتفاهمو عليه خير ما كل مرة نطلب منو علابالكم مصاريف المراة مايخلاصوش
اما بالنسبة للخجل نظن هو اصلا النهارات الاولى ما يخليك تحتاجي اي حاجة و يدلك و مبعد غير يفوتو ايامات يروح الدلال و تروح معاه الحشمة و يولي كل واحد يحاسب في الاخر هههه

تهنيتي سمية
شكرااا على ابداء رأيك
في انتظار بقية العرائس

عندك الحق سمية اليامات اللولة يشبعك دلال و من بعد يزير
أنا هدي تاع المصروف مزال ما خممتش فيها و تبالي ما نقدرش نطلب منو دراهم

سمية تهنيتي والله غير انا مادرت هاد الموضوع في بالي مي كي قريت هاد الموضوع جاتني في بالي مع أنا نحشم من خطيبي راني خايفه انديرها و نعيط لدارنا و نطلبها منهم " longdesc="19" />

عروس الأوراس كتب:

عندك الحق سمية اليامات اللولة يشبعك دلال و من بعد يزير
أنا هدي تاع المصروف مزال ما خممتش فيها و تبالي ما نقدرش نطلب منو دراهم

مالة ابداي خمي فيها من دوك ههههههههه

مريام 16 كتب:

سمية تهنيتي والله غير انا مادرت هاد الموضوع في بالي مي كي قريت هاد الموضوع جاتني في بالي مع أنا نحشم من خطيبي راني خايفه انديرها و نعيط لدارنا و نطلبها منهم " longdesc="19" />

لوكان صح ديريها ويعرف رايح يزعف منك بزاااااااف

انا نسمع بلي الراجل كي تطلب منو مرتو دراهم يفرح بزاااااااف
يحس بمسؤوليتو من جيهتها ويحس روحو راجل

بلاك يفرح أول مرة برك مي مبعد ماشكيتش

hadjer كتب:

انا نسمع بلي الراجل كي تطلب منو مرتو دراهم يفرح بزاااااااف
يحس بمسؤوليتو من جيهتها ويحس روحو راجل

واللع يا يفرح
اديها من عندي ماكاش اللي يفرح هادا الوقت هادوك ناس بكري مين كانت الرجلة و النيف درك يخليها تطلب من دارهم يعطيك تخطي راسو برك

خوفتونا الله يستر هههههههه
بصح هذا الشي يختلف على حساب شخصية الرجل

شكرا اختي هاجر على هدا الموضوع
انا خطيبي نعرفو هدي مدة 8 سنوات ونحشم بزاف منو مانقدرش نطلب منو حاجة تاع مادة ولا نقولو شريلي ولا هكا جامي عندي بابا غير كيما توفى ربي يرحمو ويوسع عليه عارف بلي خدمتي قليلة وماكاش اللي يصرف عليا ديما يقولي واش يخصك وواش تتستحقي نعاونك فالجهاز مي انا نقولو لا لا الحمد لله
بصح بعد الزواج لازم يديرلي مصروفي بجهة مع هو قاللي حبسي الخدمة رانا متفاهمين .

warda02 كتب:

شكرا اختي هاجر على هدا الموضوع
انا خطيبي نعرفو هدي مدة 8 سنوات ونحشم بزاف منو مانقدرش نطلب منو حاجة تاع مادة ولا نقولو شريلي ولا هكا جامي عندي بابا غير كيما توفى ربي يرحمو ويوسع عليه عارف بلي خدمتي قليلة وماكاش اللي يصرف عليا ديما يقولي واش يخصك وواش تتستحقي نعاونك فالجهاز مي انا نقولو لا لا الحمد لله
بصح بعد الزواج لازم يديرلي مصروفي بجهة مع هو قاللي حبسي الخدمة رانا متفاهمين .

ان شاء الله تكونو دايما متفاهمين وربي يخليكم لبعضاكم
ويرحم الوالد نتاعك ويوسع عليه

نسقسيكم، الشهرية تاع الراجل شكون يحكمها؟؟؟؟؟؟؟


إذا كانت في يد المرأة، تبانلي تصرف منها على روحها و لكن بالمعقول، بالنسبة ليا لوكان نضييييييييع مانمدش يدي " longdesc="27" /> ، يمال ربي يستر كيفاش ندير، غير إذا فهم روحه، مي على حساب كلامه قالي الشهرية في يدك ، غير إذا راه يبلعط فيا

ههههههههه مليح وسيلة كي تكون الشهرية في يدك
تبانلي بلي المرا تعرف تتصرف خير من الراجل وتدير الاقتصاد
اي دورو يخرج يكون تحت اشرافها

les filles hada un sujet trés sensible w lazem kol wahda tahadr fih m3a radjélha kbal le mariage béh tkoune labaleha ana pour moi rayha nkoun khadama tséma j'aurais pas besoin ngoulou bsah hata f hwayedj okhrine lazem nétfahmou 3lihoum ta3 masrouf kima masrourf dar w les projets liyhabou ydirouhoum ana manhabch had l3aklia ta3 chahria f yadi wela f yadou hna tfahemna les premiers temps nlammou les deuux paix kifkif w nkasmouhoum 3la masrouf dar w ta3 lbéniane ( béh nkamlou mlih dar ) w lkach li ykoun khasna w masropufna fi 2 de tous les jours haka nchalah hata ki nkamlou kamel dar mén kolch twali la paie diali wahdi w dialou nasarfou ménha w diali nasraf ménha w nkhabiw lézmane hadi hia hkitélkoum hiati hahahahaha rabi yhanikoum kamel

طرح رائع كالعادة

والله كيما قلتو موضوع حساس بزااف وانا تان ماشكيتكش نقولو اعطيني نحسها
طايحة غير اذا فهم روحو مي مع الباقاج لي رايحين ندوه فالتروسو رايح اشدنا الدهر ماشكيتش امدولنا دورو

ربي يستر برك

ولي معولة تشد الشهرية في يدها ماشكيتش هذا سيستام تاع بكري

[ندعوك للتسجيل في المنتدى أو التعريف بنفسك لمعاينة هذه الصورة]

شكرا اختي هاجر على الموضوع المهم
انا نحشم باش نطلب من خطيبي الدراهم
هوا وحدو مرات يمدلي دراهم ولا يشريلي كاش حاجة
اما بعد الزواج والله ماعلابالي كيفاش ندير
نورمالمو راهو عارفني نحشم يمدلي وحدو [ندعوك للتسجيل في المنتدى أو التعريف بنفسك لمعاينة هذه الصورة]

شكراااا لك دلال على ابداء رأيك
وان شاء الله يبقى يمدلك بعد الزواج بلا ماتقوليلو

انا خدامة مي في نفس الوقت تفاهمنا يحسب شهريتي كي شغل ما كانش و هنا قلت نفهم روحي ساعات ندي من عندو وساعات لا

الحمد لله انا خدامة دراهمي في يدي و حتى الشهرية تاعو نخبيها عندي يتسمى انا الي نمدلو

لكن نخلطو الشهريات مع بعض ونصرفو كيف كيف

شكرااا لكن على المشاركة