يا بنات تفضلو بنصائحكم انا محتاجة افكاركم الراقية

سلام يا بنات انا بحاااااجةماسة ليكم انا خطيبي ماشفتوش من شهر مارس الفارط لظروف المهم هو جاي في اواخر نوفمبر او بداية شهر ديسمبر حاااابة نجهز نفسي على خاطرش كي يجي نهار كامل نفوتوه مع بعض المهم انا باغية تعطوني افكاااار الله يخليكم اولا اعطوني ماركة فوندوتان للبشرة الدهنية و تكون مليحة و مجربينها مشي بودر انا باغية كريم اساس و حتى لوكان عندكم اسم فوندوتان اعطوني قابلة للاستهلاك و راني هادو ليام نعاني من الهالات السوداء اعطوني اسم لماركة كريم للهالات السوداء طبعا تكونو مجربينه اعطوني افكار عن ماكياج طبيعي و محتاجة تعطوني افكار وااااش نلبس شوفو انا عندي ثلاث افكار و انتوما قولولي واش الافضل و لا اعطوني فكرة الفكرة الاولى تنورة شتوية لاننا نكونو في فصل الشتاء او سروال كلاسيك مع جاكيت شتوية بيضاء او جلابة مغربية او ملاية سوداء او حجاب تركي ؟؟؟؟اعطوني رايكم و افكاركم و اعطوني اقتراحات جديدة في اللبس ثالث شيء حاااااااااااابة تساعدوني فيها هدية اللي اهديها له اعطوني افكار عن هدايا انتوما مثلا واش موالفين تهدواا للشريك خخخخخخ نستنى تعطوني افكاااركم و ماتسمحوش فيا

اييييييييييييييييه مبروك ياسيدي ان شاء الله تتلاقاو وجوز جورنيا شابة

شوفي نبدالك بالهدية اصبري نلقى رابط ونرجع

من قوة نسيت وين حاطين الموضوع رحت لعمي قوقل ههههههههههه 

نحوس اعليه هاكي شوفي هذا الموضوع اقرايه مليح راه فيه كلش

وغدوة نزيد نردلك على الباقي راني شوية مشغولة

[ندعوك للتسجيل في المنتدى أو التعريف بنفسك لمعاينة هذا الرابط]

شكرااااااااااااااااااااا سارة و الله فرحتيني كنت محتاجة لهذا الرابط ربي يحفظك و يكملك ما رااااكي متمنية و ماتنساينيش غدوة ان شاء زيديني نصائح المهم كي تكوني مرتاحة و ماشي مشغولة ساعديني بافكارك الرااائعة اكرر شكري لك حبيبتي

والله موضوعك لازملو قعدة وأنا راني عيانة ميتة قرااااااااااااف

بربي غدوة إن شاء الله نردلك على واش نعرف من أسئلتك

وربي يهنيك أنتي وخطيبك وتعقبو نهار ملييييييييييييييح وعندك تتعاركي معاه نقتلك " longdesc="60" />

اوكي حبيبتي نستنااااااااااااااااااااااك غدوة ان شاء الله مانتعاركش يااااااااااا ستي غير ماتتنارفيش غدا ان شااااء الله احذرواا تنسوني شكرا و تصبحو بخير

شوفي أوّل حاجة ربي يلاقيك بيه على خير و عافية و ربي يهنّيكم 

ثانيا و الله الماكياج خاطيني المهمّ ننصحك ماتكثريش ديري سااامبل 

ثالثا على اللباس شوفي نتي واش يخرج عليك و واش اللبسة لي تليقلك أكثر 

و إذا حبيتي صوريلنا الأفكار لي قلتيهم و حنا نخيّرو معاك 

و رابعا على الهدية راهي سارة كفّات و وفّات الأفكار لي كانت عندي الكلّ راهي كاينة فالموضوع لي عطاتلك

نزيدك تريكو تاع ربيع باليدين طوال و نزيدك مصحف هاذا أحسن كادو في رايي 

و ان شاء الله يفوت نهار ملييييييييييييح و قرعجيلنا كي تروحي ههههههههههههه 

بالتوفيق

عندك الزهر كنت ندور فالفايس لقيت هذي الفكرة 


يا لبنات نمدلكم فكرة ولا اروع إحترتي وش تشري هدية لخطيبك أو زوجك

إشتريت علبة على شكل قلب من عند حانوت يبيع لوازم الأفراح grosiste حبيت اللون الأحمر مالقيت إشتريت الأبيض ب 7000 دج وإشتريت 20 حبة شوكولا تع 5 دج =10.000 دج نوعت الألوان والنكهات وإشتريت خاتم فضة ب 45.000 دج كتبت فيه إسمي وإسمو ب20.000 بصح صاحب المحل عملي تخفيض بدل 65.000 قالي 55.000 دج أكلت حبة الشوكولا هههههههههه وحطيت الخاتم في غلاف هادي الحبة حتى مايبان وكتبت بطاقة في الهدية من برا تقول ادا حبيتي تاخد هدية مني لازم تبحث عليها وسط الهدية
وكل حبة شوكولا كتبت فيها كلمة حب أو عبارة رومانسية ولصقتها = 72.000 دج فرح كتير بالهدية 

[ندعوك للتسجيل في المنتدى أو التعريف بنفسك لمعاينة هذه الصورة]

شكراااا سمسومة ياللي تموتي في تقرعييجنقرعج لحبيبتي كوووووووووونك هااااااااااااااانية انتوما تاني ربي يهنيكم و يوفقكم و شكرااااااااااااا

صباح الخير يا بنات وااااااااااش نسيتوني انا في انتظار اجابتكم لعلمكم ذرك راني خارجة نشوفلو هدية بسيطة و انتوما نصحوني واش نلبس اناراني نخمم نشري جلابة مغربية ببليغة مغربية واشرايكم نشريوكي نجي نقوللكم وااش شريت نهار موفق

سلام صباح شريتلو ساعة عجبتني و نخمم نزيدلو حاجة معها و سقسيت على لاموس قالولي 30الف بصح مليحة للبشرة الدهنية و لا لا ؟؟؟اللي مجربينها قولولي

سمية على اللبسة نظن ماتبالغيش يعني واش موالفة تلبسي ويخرج اعليك البسيه يعني اصلا مايعرفش حوايجك يعني الحاجة لي تشوفيها شابة فيك البسيها 
واذا حبيتي تشري جلابة مغربية تان مليحة نتي وواش اساعدك

والمكايج تان كيف كيف ديري حاجة بسيطة مكانش خير من البساطة باسك كي ديري حاجة جديدة فيك ماتحسيش روحك الاز يعني كوني على طبيعتك وربي يسهلك ان شاء الله

عروسة الجزائر كتب:

سلام صباح شريتلو ساعة عجبتني و نخمم نزيدلو حاجة معها و سقسيت على لاموس قالولي 30الف بصح مليحة للبشرة الدهنية و لا لا ؟؟؟اللي مجربينها قولولي

كلشي مبروك بصحتو يستاهل  

اذا حبيتي موس الحلاقة اشري نيفيا مكانش احسن منها يعني على حساب الاشهار 

خخخخخخخخخخخخ مي كيفاش لي مجربينها تبا لكي 
 

ايييييييييييييه سارة و الله فكرة شابة دوك نشوف و نسقسي السعر قبل ههههههههههههههههههههه

شكراااااااااااا ساااااااااارة ربي يكملك ماراكي متمنية

راني نخمم نشريله محفظة الدراهمخخخخخخخخخخخخخخ باش تكون معاه تووجور

اييييييييييه سميّة الساعة حاجة مليحة 

و كون تزيديلو محفظة الدراهم أحسن من الموس تاع الحفافة

أنا نحبّ الهديّة لي تبقة دائما ماشي لي تنتهي صلاحيتها و تتنسى

ماشفتش الموضوع قبل اسمحيلي

لبنات راهم كفاو ووفاو الله يبارك
كيما قالت اسما محفظة دراهم احسن من موس
محفظة وساعة حاجة مليحة وكون تدمجيها مع الفكرة لي جابتها اسما روعة اشري بواط وحطي المحفظة والساعة ودوريلهم حبات شكولا تجي روعة 

وعلى اللبسة كون تصوريلنا يكون احسن نقدرو نعرفو اكثر
والمكياج حاجة خفيفة وباهية يعني انت تعرفي لاعنيك صغار مثلا ديري عفسة يبانو شوي كبار فراجو لون خفيف قلوس والا غوج حسب واش موالفة ماسكارا 
المهم حاجة خفيفة لانو الرجال مايحبوش المكياج وكون تروحيلو مطلسة راي تبقالو في راسو

نورمالمو مانسيت والو 

شكراا ليكم لبنات ايه سمسومة فكرة رااائعة شكرا حبيبتي اللي نصيحتك و مبسووووطة جدا بااهتماماتكم و اميرة شهرزاد اشكرك حبيبتي على افكارك شوفو انا منعرفش نحمل الصور لكن راني بين اثنين وفو في قوقل الحجاب التركي كيفاش داير و لا جلابة مغربية ثاني و بليغتها و كرا على نصائحك الرائعة حول طريقة وضع الماكياج البروبلام في عينيا و الله يا بنات هوما كبار بصح كي ندير الكحل يطيح بعد ساعة نولي كي المشعوذة خخخخخخخخخخخخخخخ و بشرتي من الفوندوتان تزيت انا فت البنات بشكرو في لاموس هي متزيتش البشرة؟؟و الله اسمحولي لبنات راني تعبتكم معايا ما ننساكمش بالدعء وحدة وحدة في هادو العواشير شكرااا

هذا الرابط فيه الماكياج اللي حابة نديره مي مانكثرش الكحل كيما هي مي حابة ندير اي لانر مي البروبلام نحسو ما يجينيش بالرغم كل عينيا كيما هاذي اللي في الصورة الفرق ان عينيا عسليتين http://www.yasmina.com/sites/default/files/imagecache/652x652/slideshow_main_images/2013/10/29/103839-1383051351.jpg و انا حابة هاكذا ماكياجي يكون[ندعوك للتسجيل في المنتدى أو التعريف بنفسك لمعاينة هذه الصورة]

و هاذ اللباس اللي حابة نلبس كيفو واش مليح و لا لا https://fbcdn-sphotos-d-a.akamaihd.net/hphotos-ak-frc3/p480x480/484511_179288435562797_1352941855_n.jpg او https://fbcdn-sphotos-h-a.akamaihd.net/hphotos-ak-frc3/p480x480/293832_178772018947772_789329449_n.jpg او جلابة مغربيةhttp://nissae.kifache.com/wp-content/uploads/2013/07/1171.jpg و http://nissae.kifache.com/wp-content/uploads/2013/07/1041.jpg

شكراااااااااا عزيزة على تفاعلك و نصائحك الراقية ايه حابة ندير اي لاينر ان شاء الله و اما فكرة خاتم فضة فكرة شابة بصح مانيش متاكة لكان هومن هواة الخواتم فكرتك رائعة شكرا جزيللااااا

شوفو يا بنات هاذو الصور و الاقتراحات و لا نلبس جاكيت شتوية و سروال كلاسيك وااااسع