افتـــتاح تجــــمع العـــرائس "الجــــزائريات" العـــدد الخامس

هجورة بصحتك القورمات مسبقا

إييييييييه يا الدنيا شفتي واش صعيبة تمشي مهبطة راسك بسبب الفقر؟؟؟؟

تبا للفقر لي راني فيه هاذ اليامات

الدورو لي نلمو تقلي أمي خبيه والله مشريتي حاجة

هههههههههههه صحيتي شهرة ايه كنت نسنى فيها 
مالا هكا يالستايت شفتو بعضاكم معليش

اهلا كوكيتا توحشناك ياسيدي هاذا قاع خوك تبا له

مرسي حنونتي عينيك لي شابين ربي يخليك لينا ويحفظ يالعزيزة ديالنا

*******************

اليوم زعمة قلت نشري كاش عفسة ذهب لقيت الغرام ب520 الف بوندونتيف داير قد وذني بمليون وشي ايا قلت فيف البلاكي راني في ذاشقة مالية زعمة قلت كاشما نشري عفسة بدراهمو حاجة ذهب ههههههههههه ياي ياويلي يغيضوني نخسر عفسة كبيرة على حاجة صغيرة  

الله يسلمك كوكي
ربي يقدرنا ونكملو الدين اللي علينا

سارة عندك الحق فيف البلاكي
انا ماعندي حاجة في الذهب يغيضني بزاف نصرف شحال من مليون على حاجة صغيرة
نفضل نشريهم حوايج ونتمتع بيهم

واش دورتوها دهب خخخخخ
اما لا نحكيلكم 
انا معندي حاجة قع فالدهب مي فالحقيقة كي تلبسيه يبان مع البلاكي ولا الجباجق ولا القربج خخخخ حاجة واقفة 
امالا بنت عمي قاتلي غير ادي الدهب باسكو هي كي راحت عروسة قاتلي يكيلو فيك مالفوق للتحت بصح هي عندها مادات يعني
سوا كي تصدرت  ولا لبست الحق يكدب عليك دهب دهب
وكل واحد و مقدورو 
وكيما يقولو الدهب مايحول مايزول و الحدايد للشدايد  خخخخ

امينة خليهم يكيلو حتى يشبعو
كل واحد ومقدورو والفايدة في الهنا مشي في الحدايد

اكيد ياهجورة مي ادا عندك علاش ماديريش الدهب 
كيما تقولي ماما تشريهم جوالق من بعد ترميهم انا نهار كامل غير لحوايج لوكان ماشي ماما اللي توصيتي عالدهب ماندير وااالووووو 
لحوايج تروح لامود و حنا نجرو مورها من ليسة لبسة نسمانو يغيضونا 
شتي علاش مليح تخبي شوية دهب و نهار تتصدري قوليلي تروحي تسلفي خخخخ

سرسورة بصحتك حوايجك يهبلوو كيما نتي 

ربي يحفظك من العين 

هجورة بصحتك القورمات مسبقا 

أنا ثاني راني في سياسة أمشي و غمّض عينيك 

أني رايحة نبكي جات لافوار لي عندي عام نسنّى فيها و محرّقة دورو لااا  " longdesc="19" /> 


ربي يرزقنا برك

ع سلامتك اسما واخيرا بان حسك وين هملتي نتي تان رامكي كيما كوكي تبا لكما

مرسي ليك نتي لي تهبلي ربي يخليك ويرزقك شوية باش دوري في لافوار

انا اليوم شريت sortie de bain ليا الحق ماعجبنيش بزاف مي الله غالب    
واش ندير كليت الدراهم قاع لوكان ماشريتوش علابالي مانشريهش كي نصور راني نحطلكم

 

---------------------

وعلى الذهب هي صح واحد مايقولش مكانش خير من ذهب مي ذهب بكري صحيح على تاع دوك

دوماج لي مودال عيانين .. تاع دوك شابين لي مودال مي تقول بلاكي خفيف وزيد غالي والله مايسوا دورو

وهاذي هي لي عندو يشري ولي ماعندوش سلاكها البلاكي ولي يحب يضحك يضحك على بينتو وختو ههههههههههههههه دوك نبدا نسب خلوني ترونكيل   

كي نريح نطرح شوية اسئلة عليكم 

علابالكم بلي ماعندي غيركم تبا لكم كم احبكم ههههههههههه 

amina alg كتب:

اكيد ياهجورة مي ادا عندك علاش ماديريش الدهب 
كيما تقولي ماما تشريهم جوالق من بعد ترميهم انا نهار كامل غير لحوايج لوكان ماشي ماما اللي توصيتي عالدهب ماندير وااالووووو 
لحوايج تروح لامود و حنا نجرو مورها من ليسة لبسة نسمانو يغيضونا 
شتي علاش مليح تخبي شوية دهب و نهار تتصدري قوليلي تروحي تسلفي خخخخ

هاذي حاجة مفروغ منها الذهب خير من الحوايج مي كيما قالت سارة وش جاب دوك لبكري
تاع بكري صحيح وكان في مقدور الجميع اما دوك غالي يشوي ومافيه والو

وعلى التصديرة انا اصلا ضدها ومانيش رايحة نديرها
يعني مهنية من هاذي الناحية مانخمم في الذهب مانسلف

وعلى التسلاف وعلاش تضحكي عادي كاين بزاف ناس في تصدريتهم تسلفو الذهب من الناس القراب ليهم
باسك ماهمش قادرين يديرو الذهب
لازم مانكونوش معقدين

اسماء الله يسلمك
ربي يرزقك وتشري كامل وش راكي حابة ان شاء الله

سارة بصحتك السورتي دبان
لالا علابالي بلي شباب نتي ماتشري غير الشباب جاية تحشيلنا ههههههههههههه
في انتظار الصور
وعلى الاسئلة ابداي تحطي رانا هنا
وحنا ورانا ايه خخخخخ

انا مانحبش ذهب والله ماعندي حاجة فيه
كرهتو من صغري بالذهب وكون ندير بلاكي نتشوط على زهري

بصح دهب درك مانشريهش
كون نلقا حاجة قديمة وراح تتباع نشريها
اما نشري جديد لالالالالا
نصو نحاس

وعلى تسلاف ايه عادي للتصديرة
حنا ماتسلفش  حتى يوصلو ويمدولها
كيما اختي وصلو عماماتي لي تنحي خواتم من يدها تركب ولي سنسلة ولي مناقش ولي قورمات ومقياس ماتجي تخرج لعروسة تكون معمرة هههههههههههههههه وكي تكمل تلقايها تنحي وتردلهم

بنات خوالي كي يزوجو انا نلبسهم نروح ندور على خلااتي وبنات خوالي اخرين كل وحدة وش نحيلها ههههههههههه


سارة بالصحة والهنا

شهرة معناها الذهب تاع دوكا كامل مدغول 

بنات بما انو رانا نهدرو على الذهب حبيت نسقسيكم
شكون تستقاملك خير
كي تشري بارير كومبلي واجد
ولا كي تشري كل بياسة وحدها وتمونطيهم مع بعض يعني سنسلة + قورمات او براسلي+مناقش من نفس المودال (هذا اذا لقيتي نفس المودال)

وحبيت نعرف ثاني شحال راهم يديرو بالتقريب لي بارير يكونو متوسطين مشي ثقال بزاف

جاوبوني على هاذو قبل ومنبعد نزيد نسقسيكم على البلاكيور ههههههه

ا وووو صارة بصحتك بالعروسة 
نولي لهاجر عمري ولا ضحكت عالناش وش فيها كي يسلفو مي نهدر على روحي نخاف نسلف الدهب نهار التصديرة وحدة ماشي تبحرتلها
قومات تع وحدة مانعرف عمتها ولا المهم دارتلها حالة عشات يمات لعروسة تغرم ماشي تقولي نعل بوها تسلاف نمشي عريانة و مانسلفش
الناس واعرين الا من رحم ربي
تهنيتي ياختي مالعرس مام انا فيونساي هو العرس نلم على خطرة ي اما عشا برك  
نولي لسؤالك شوفي هي كي تشري باغوغ واجدة تكون متحوفة و شابة تخرج خير 
لي تشري بالحاجة و تركبي مي جيك غالية على تشري بالبياسة يعني يبقى السؤال مطروح وش نشرو خخخ
بصح ادا طحتي في واحد يعرف يركب تقدري تقوليلو اخدملي متلا خاتم كيما مناقش و هيا رايحة اجيك خير و اقتصادية

هاجر حاجة ما مضمونة تاع الخارج ممكن ايطاليا مليح
اما المحلي كون ماتعرفيش واحد ثقة ومن العائلة وتعرفيه مليح

بصح لخرين كل خرطي راني نعرغهم هنا كامل
بابا راه كان صايغي وحبس لان بزاف صحابو يخلطو  قالي مانحرقش اخرتي حبس

عندك الح شهرة والله غير صح وحدة من لاقامي دارولها باغوغ نهببببببببببببل تسكت الصغير كيمايقولو
زعة البابات دارها كادو لوليدو سوغبغيز كيشافوه راجل شوية كبير درحوه اتخيلي نصها نحاس مخلطة 
 دك تزوجت و خلاص  كي داتها للصياغ ايماجيني وش جابتلها خاتم و مناقش خفاااااف سنساة صح شابة و قورمات خقييييقة
هدا وش خدمت ببارور 
دك لازم كيما قالت شهرة واحد كونفيونس هكا مايخدعكش

مرسي لبنات لعقوبة ليكم 

هاجر مرسي حنونتي ..من بعد شوفي واحكمي تبا لي خخخخخخخخخ

اليوم رايحة نغسل حوايج لاماكنتش عيانة نصورو ونحط عشية

----------------------

هاجر على الذهب شوفي البارح كنت عند وحدة ضيفة وهي خاوتها يخدمو ذهب وصائغين في باتنة 

قاتلي كاين ذهب تاع 24 كارا تاع السعودية والترك واقيل

قاتلي ذهبهم صافي بزاف مايقدروش يخدمو بيه يعني كي يجو يشكلوه ماييبسش زعمة كيما خواتم كي تكوني حابة مودال مشكل بزاف مايقدروش يخدمو بيه

غير اذا زادولو نحاس باش يوقف

وقاتلي تقريبا الذهب كالم راهم يزيدو فيه نحاس

خوها مرة صياغ وشرا ذهب وزعمة يعرف راح باش يطبعو كسرولو السلعة تم وين يطبع قالولو هاذا نصو نحاس 

وديجا شوفي اللون ديالو راه يبان كيما البااكي رجع مافيهش الفرق بين الذهب والبلاكي والله اعلم كل صياغ كيفاش يخدم وضميرهم مايانبهم ماوالو مايقولش راني ناكل فالحرام يعني لازم وحدة تروح مع كاش واحد ولا كاش واحد من العايلة باش مايحشولوش

اما على لي بارور يالالة 

لي خفيفة قاع راهي ب24 مليون يعني واطلع قادرة تلحق ب100 مليون الخ الخ

والله تحيري ماتقدريش تشري عفسة صحيحة ولا شابة سلاكها تخلطي وخلاص

يعني هي تستقام كيف كيف اني قتلك بوندونتيف صغير بمليون وشي فيه 1.5 خلاص مانشري ماوالو ههههههههه

انا نوافق امينة في نقطة الذهب المسلف يعني كي قالت يتبحر صح حضرت شعال من وحدة سورتو لي قورمات يطيحولهم ومسلف والله يبهدلوهم مساكن وزيد مايسمحوش يقلك تغرميه ماشي مليح مي هوما تقلك دبري راسك اغرميلي 

انا راني نشوف هاذوك لي راهم يكريو تاع لوكاسيون راهم يكريو الشباشق والله تقولي ذهب مع وحدة تكون شوية شابة تغطي على الحاجة

انا يعجبوني القور يازحي كي غير جيت ساكنة تم ماعندهم حاجة لا فالذهب لامكياج لايديك لايجيبك
 تدي سليب وتتزوج حنا داينين لي باقاج والله كرهت حياتي يازح

كملو مع الذهب ومن بعد نحطلكم سؤال سؤال باش نشوف باسك راني بديت نتبحر وسلاكها نتوما خخخخخ

ههههههههههههه شفتي سارة والله مايعييو رواحهم مكياج خفيف الربة كابة صغيرة تسريحة سامبل والى الزواج
ههههههههههههه حنا يا لهوييييي

انا ما نكذبش عليك نموت على التصديرة وعلى التلمساني رغم اني نتشة نلبس تلمساني يعود تلمساني يمشي مانبانش انا هههههههههههههه
بصح نحب التقليدي تاعنا من كل بلاصة
عندك النايلي مانحبوش والسطايفي 
الوهراني تاني بصح شفت موديلات جدد باهيين بزاف


نحب بزاف الكراكو الملحفة والقبايلي والتلمساني هدو فور  خاصة الكلااكو كي نلبسو حطة يعجبني

موضوع شيق عندكم الحق شتي صارة عالنحاس يخااااه الله يهديهم 
ةوعلى التصديرة شتي الخارج غوب بلونش وقوو    خخخخ 
معليش تقاليدنا وش تحبي كيما قالت شهرة مي نشوفو السواغي و الكاراكو و القفطان و البدرون نتشهاو 
نعليش المهم لهنا وخلاص

سلام لبنات

شوفو بصحتكم كامل واش شريتو ان شاء الله لي مخطوبة ربي يكملها بالفرح والهناء

ولي مازال ربي يبعثلها وليد لحلال ان شاء الله

شفت كامل واش شريتو بصح نسيت 

المهم ان شاء الله ربي يهني كل واحدة ان شاء الله