افتـــتاح تجــــمع العـــرائس "الجــــزائريات" العـــدد الخامس

لقيتكم تهدرو على الذهب
شوفو أنا شخصيا ما نحبش الذهب وهي ماشي حكاية دراهم والله غير أذواق عندي بنت عمي خدامة تخلص واحد 12 مليون ما تحبش الذهب كي يقولو لها اشري تقول خليني منو ونهار عرسها درنالها تضامن كل واحدة واش نحات هكداك وتبحرتلها قورمات تع بنت عمي أخرى
ونورمال ما قالت لها والو حلتها باش تغرمهالها ما حبتش

المهم أنا لا احب الذهب ما نسيبورتيهش

وعلى الأسئلة يا سرسورة رانى كامل معمرين أسئلة بصح لازم لنا واحدة مزوجة نسقسوها

تعرفي كنت مرة في واحد المنتدى ندور قريت واحد الموضوع قالت لازم لك درا ابيض تفرشيه ونويزات تفرشيها فوقو وديزابيي تلبسيه ما فهمت والو علاش هادو قاع

بصح لازم نتلاقاو في الدردشة ونقصرو مليح

هيا ديرو نهار نسأل ونجيب بعضنا البعض

امورة بصحتك و على اللولة ماشي نويزات بيجامة هديك ياك مانيش غالطة 
المهم بصحتك 
ياعمريييي شمس هناااااااااااااااااااا
نروح للشات

امورة بصحتك و على اللولة ماشي نويزات بيجامة هديك ياك مانيش غالطة 
المهم بصحتك 
ياعمريييي شمس هناااااااااااااااااااا
نروح للشات
قبل نجاوبك شمس صح ادواق مي مزية لي محبتش تغرمها بويسك كاين ناس و الله و تكوني وش تكوني يقلك اغرميها 
علابيها ولينا نخافو

يا بابا واش تهدرو؟؟؟؟؟

المهم الموضوع لي راكم فيه هو الذهب

أنا بصراحة معنديش حاجة فالذهب بصح حابة نشري حوايج

يعني حاجة في رقبتي وحاجة في يدي ومحزمة ومناقش والحمد لله

خاطر منحبش نسلف ومادابيا كي تجيني مناسبة نلبس حوايجي ومنبقاش هكاك 

المهم الذهب أنا نشري واش نقدر وكون يجي نهار نحتاج نبيعو ونحل الأزمة على هاذي مليح الذهب

نعرف وحدة كان عندها الذهب من التاج للخلخال حتى بناتها مدايرتلهم المهم ياسر خلاه

وصراتلهم أزمة بعت ذهبها كل وحلت المشكل زالحمد لله فرج عليهم ربي وبدات ترجع في حوايج جدد

******

هجورة على البارير حنا راح نشريو لمرت خويا واحد بربي تحني عليه

والله كاين حوايج روعة بصح غاليييييين يقتلو

المهم كاين حوايج ملاح من 20 وأطلع أنتي وصواردك وزيد يعطيك في يدك 4 أشهر هكاك باه تسلكي

******

هيا سرسورتي واش هم الأسئلة تيعك؟؟؟؟

ايه المهم يكون عندك خاتم مناقش وقورمات وسنسلة هدا مانبغي ذهب الباقي الله يسهل بلاك هو المفيد ههههه يغطي والله

وبالصحة لمرت خوك
مزالو في عنابة وسوق اهراس وتبسة والطارف يحنيو على حاجة كبيرة تاع ذهب حنا راحت علينا
ههههههههههههههههه

شكراااا بنات على الاجابة
يبانلي رانا كامل كيف كيف ماعندنا حاجة في الذهب
مي انا في رايي اللي عندها مدخول كبير بزاف من الاحسن تشري الذهب قد ماتقدر باسك راهو راس مال وتلقاه في وقت الشدة كيما يقولو الحدايد للشدايد
اما كيما حنا على قد الحال مالازمش نكلفو رواحنا
انا سقسيت على البارير باش ندي فكرة على خاطر علابالي مستحيل نقدر نديرو
راني دايرة كامل حاجة حاجة كيما قالت شهرة سنسلة وقورمات ومناقش وخاتم فيهم البركة
والبارير نشوف حاجة بلاكي مليحة وهي فرات
ياك كاين بلاكي كاليتي مليحة بارير يلحق مليون


اميرة بصحتك وش شريتي كلش شباب
ولاروب هايلة

صباح الخير لبنات طار نعاس صليت وجيت هنا هههههههههه

شمس عسلامتك حنونة هاذي غيبة الحمد لله لراكي بخير مرسي ليك ولعقوبة ليك نفرحو بيك


---------------------

نكملو على سيرة الذهب صح هاجر الحدايد للشدايد انا برك نحير في هاذوك لي يشرو عفسة ب120 مليون والله نشريها طوموبيل خخخخخخخ

مي كاين مناطق لازم يشرو عفسات هكاك كيما المحزمة عندهم اوبليجي يعني المرا لي معندهاش محزمة ماشي مرا تبا للعقليات

مانهدروش على تلمسانيات واالوهرانيات تقول بيجوتري راه يمشي 

هي مكانش كيما واحد سامبل يشري قيسو باسك لوكان تعاندي الغاشي ماتفراش عندك يهدرو ماعندكش يهدرو يعني ماناش سالكين من فمهم

هاجر والله لي بارور تاع بلاكي غير شابين بزاف وزيد غلى شانهم الغاشي طايح اعليهم مي ماتشريش من دوك انا مام يقلك قارونتي مي نخاف يتبدل لونو فالدار وزيد لي مودال راهم يتبدلو خلي مع اللخر واشري باسك لوكان تشري وحدة دوك يخرجو دي مودال تقولي كيغير ماشريتش

ربي يقدرنا برك

والله ياشمس هههههههههه  

على القمجة ماقمجة والله ماني مبرونشية مع هاذوك الصوالح نظن تقاليد تاع بكري تاع دوك ماعندوش الوقت باش تفرشي يدخل عليك ديركت هههههههه

-------------------------
 باين كي نضت بكري راني كيما يمات الفيونصي راسي راه يخدم بزاف

يالالة كوكي والله ماعرفت بواش نبدا نطرح علابالي معظم الاسئلة غبية خخخخخخخخخخخخ  

ممممم استناو نتفكر   

ايه نبدا بالعاصميات قبل يسلكوني  

انا لحد الان مابانش العرس راه يقول مور رمضان وكل مرة واش تضربلو في راسو يعني لحد الان ماعلاباليش لادات

راني خايفة نحصل ويزربني ومانكونش كريت لاصال يعني زعمة نلقى دي صال disponible ولا لا؟؟

هجوورة لي صال فالبليدة ملاح يعني نسمع عندكم بزاف لي صال وزيد شابين وكبار وواسعين لوكان تقوليلي هذا اذا تعرفي قبل خخخخ علابالي راكي كي حالتي تعطيني واش اسمهم يعني لي شفتيهم ويكونو ملاح وشعال les prix اذا علابالك يعني ولا دبري راسك سقسيلي هههههههههههه

علابالي بليدة بعيدة مي والله راهي ضاربتلي ندير تم باش جيك قريبة وجي لعرسي خخخخخخخ

مرة رحت عرس تم صالة شابة والله ماعلابالي اسمها جاية في l’autoroute 

المهم هاذو لهاجر 

وامينة وشمس تان هيا ابداو تزرعو على لي صال لي تعرفوهم يكونو ملاح وركزولي على السومــة تبا تبا


البنات ماما نتوما عاونوني زعمة شعال لازم نكري لاصال من قبل علابالي راهم يكروها بالعام وشي مي لي ماتكونش عندها لادات كيفاش دير كل وحدة تقولي رايها

كوكي كيفاش درات بنت خالتك لاشفيتي وشهرة ختك وين دارت العرس 

هههههههههههههههه تبا لي فقدت الذاكرة وراني نجبد فالارشيف

شكرا لكم  

اووووووو اميرة هذا وين خرجولي الصور بصحتك اختي كلش هايل والاولى تهبل بصحتك لعقوبة للمزيد ياك باش تخبيهم؟؟؟؟؟؟

بالصحة والهنآآ اختي

اميرة بالصحة والهنا

سارة كيف حنا عندنا المحزمة تحزم لعروسة بصح انا ماشي من النوع لي يحزم 
درك عندي وحدة تاع فضة مخدومة بالفتلة لانو نحب الفتلة بزاف مشللة بالذهب مخبيتها غير لداك النهار زينة فرات ههههههههههههههههه 

على لي صال يا اختي حنا جبايلية نديرو في ديارنا هههههه
درنا في دارنا عرس هدى  لانو كبيرة بزاف تكفي

لي صال والله ماعمبالي بشحال اقل سومة ههههههه عمبالي غير ب 15 مليون هههههههههه

نورمالمو تكريها قبل ب 3 ولا 4 شهر

صباح الهدرة يا وجوه الخير هههههههههه مالصباح و أنا نقرا

المهمّ نبدا بالذهب: أنا نشوف بلّي تكذب لي تقول الذهب ماشي مليح و ماعندو حتى معنى و ديمودي

على خاطر الذهب راهو صوارد مخبييّن لوقت الشدّة. هذا بالنسبة للّي عندها صوارد و تخدم و تقدر تشري

ماشي لازم تشري حاجة كبيرة و باشعة.لي عندها تشري حاجة سامبل و ثقيلة 

أنا ولّيت نحب الذهب و مادابيا نشري ماشي لازم ب 100 مليون و لكن على قديّ خير من القش و الصبابط و السيكان 

و زيد واش جاب البلاكيور للذهب ؟؟ أنا خلاصي قليل لكن لمّيت و شريت سنسلة على قدي و تيعي نكره التسلاف

و بربّي نويت كل شهر نعود نشري كعبة ويز و كل مرة نشري حاجة على قد صواردي و مابقيتش نسلّف نهائيا

خير من يروحو فالقش و الشيفون لي ماعندو معنى خاطر يجي نهار لي نندم على هادوك الصوارد

شمس عجبتك بنت عمك  ؟؟ تخدم و عندها لاباس بيها و في الاخير ريّحت قورمات خاطيتها؟؟ 

هذا رايي و متقنّعة بيه

أميرة بصحتك والله حوايجك رووووعة 

تلبسيهم بالصحة ان شاء الله

صارة حصلت خخخخخ مي مدانما هنا الاجابات عندنا لي عودة ليك بالجديد عن لي صال شابييين اوكيتو
سمسومة نستعرف بيك صواب ماقلتي نوافقك في كلش برك قالوبز خخخخ

صح راني معاك اسما حاجة مليحة للشدايد
لكن راكي ضامنة تشري ذهب صافي؟
راكي ضامنة وقت شدتك يكون بسومة لي شرتيها والا اعلى ؟؟؟ خلينا من هد الاحتمال يقلك الذهب للشدايد صحيحة
لكن انا من واه شفت تخلاط نخاف الحق تاع ربي

وكيما قلت كون يكونو عندي دراهم وننفح للذهب نروح نشري القديم حاجة من لكاص تكون مليحة ونعاود غير نشببها تجي فور
مام شرطي ادا كتبلنا ربيء وراح نزوجو ههههههههههههههه
نشريه من لكاص ونشببو مانشريش جديد الا الخاتم

يخلاص دك كل واحد يشري وش يحب واللي يحوس عالنصيحة رانا هنا خلونا من موضوع الدهب ياك ادواق
نرجعو لموضوع صارة طلبت سؤال جاوبو عليه اااااااو خخ
صارة ماما تقول هكا في عرس خويا ان شاء الله في صالة تع بليدة بويسك رخاص تم وحد الوقت قالونا 7 ملاين انا تشوكيت حطى
مي قاتلي دك وحدة فاقولهم ولاو يغلو يعني دك الله اعلم خلى هاجر تقولنا 

اما هنا فل الجي كاين بزززززاف و كاين لاكلاص يعني نتي وش تحبي رخيصة كبيرة صغيرة يعني عليك و على دراهمك
لي عودة

سلام بنات

شهرة على موضوع الذهب أشري تاع الخارج وتهناي

وزيد ياخي الذهب المطبوع مضمون أشريه مطبوع وبرك

المهم حنا اليوم رحنا لقسنطينة شرينا بارير لمرت خويا سقاملنا 30 مليون

غدوة بربي نحطهولكم تشوفوه

تعرفو الحانوت لي ندخلوه يحسابو ليا أنا إيييييييييييييييييييييه يا الدنيا وأنا في قلبي نقول خاطيني

تاع وجهي 30 مليون كون نبقى عمري كامل نلم والله منقدر

حنا حبينا نشريو حاجة أقل وخويا هو لي حب هك محبيناش نفهمو ياسر
 
يعني بينو بين مرتو يشريلها واش يحب وربي يهنيها إن شاء الله وتكون فحلة برك وناس ملاح كي خويا

حنا الحق كاين حوانت هنا عندنا ذهبهم غالي يقتل بصح مضمون 100%

********

سارة وخذي عليك النتشة تاع القرمود لي كينة بدات أطير هههههههههههه

المهم بنت خالتي كرات لاصال قبل 4 أشهر ظهرتلي وكراتها بـ 16 مليون

بصح هي برك حبت تتفندق كاين دي صال أرخس يعني 7 و8 ملاين وملاح يهبلو وكبار

يعني لازم قبل وقت خاطر كون تبقاي للدقيقة الأخيرة تلقاي كلش كومبلي

*********

حقا شهرة على الحاجة تاع الذهب لي نحنيو عليها

هنا عندنا معظمهم يديرو مقياس وكاين لي يشرطو حوايج أخرين

بصح والله مؤخرا ولاو لبنات يقبلو بكلش يعني ميشرطوش خاطر الزواج غلا ياسر 

والرجال مساكن مكاين لاخدمة باينة لا والو مش كي بكري

وعلى المحزمة حنا معندناش وحدة متزوجة وتلبس قندورة بلا متحزم مزلنا فالتقاليد

أصلا لي متزوجين ميلبسوش لي غوب فالعراس غير فالليل كاين لي يلبسو

يعني هاذي عاداتنا مزلنا محافظين عليها

وحتى لي معندهاش محزمة تسلف ولا تكري المهم مكانش لي تلبس قندورة بلا محزمة

إيييييييييييه يا الدنيا الحياة صعيبة وحنا زايدين على رواحنا

راني هدرت جرنااااااااااااان

إيه صح شريت زاورة عجبتني لقيتها بـ 450 ألف حنا عندنا بـ 600 ألف شريتها

وشريت بيجاما تاع صيف بربي غدوة نصور ونحطلكم تشوفو باه تعطيوني رايكم

رأيكم يهمنا

[size=30]Salle Des Fetes Hamza[/size]
14, Rue Ahmed ouaked , Dely brahim , Alger


Mobile ادا حبيتي
[ندعوك للتسجيل في المنتدى أو التعريف بنفسك لمعاينة هذه الصورة]

راني مزروبة فالليل نحطلك كامل وش عندي معلومات راهم يسناو فيا باش انوض

يحي سارة جيتي ليا انا هههههههههههههه
انا خاطي كامل هذا الدومان
حنا اعراسنا يديروهم غير في لي صال اللي عندنا
ياك انا مانسكنش في بليدة سونتر
كاين دي صال برك نسمع بيهم والوحيدة اللي رحت ليها هي لاصال حليل
المهم منبعد نسقسيلك ونرجعلك الخبر

هههه امينة وحدك عمبالنا اذواق
ه خلينا نهدرو الهدرة باطل هههههه

كوكي بصحتها البارير ايه مزالو يحنيو على حاجة تقيلة حنا نحنيو ب 2 ويزات ههههههههههه

امينة نسناو لي صال باه نتفرجو
انا ماعنديش فكرة عليهم

الأميرة شهرزاد كتب:

اميرة بالصحة والهنا

سارة كيف حنا عندنا المحزمة تحزم لعروسة بصح انا ماشي من النوع لي يحزم 
درك عندي وحدة تاع فضة مخدومة بالفتلة لانو نحب الفتلة بزاف مشللة بالذهب مخبيتها غير لداك النهار زينة فرات ههههههههههههههههه 

على لي صال يا اختي حنا جبايلية نديرو في ديارنا هههههه
درنا في دارنا عرس هدى  لانو كبيرة بزاف تكفي

لي صال والله ماعمبالي بشحال اقل سومة ههههههه عمبالي غير ب 15 مليون هههههههههه

نورمالمو تكريها قبل ب 3 ولا 4 شهر

شفتي كيغير جات دارنا واسعة زعمة عاصمة حطونا قاع في باطيمات وراهم يطولو فيهم ههههههههههه حتى لاطيراس تسوبريما بالسيتيرنات    


ياويلي ب15 والله ندير عشا ونبطل ماندير والو خخخخخخخخ

اسكتي برك هاذيك لي راني خايفتها اني شايفة نعيط كاش صالة نقلهم شوفو نورمالمو رايحة نتزوج خلولي نهار يرحم باباكم ههههههههههه

   

amina alg كتب:

يخلاص دك كل واحد يشري وش يحب واللي يحوس عالنصيحة رانا هنا خلونا من موضوع الدهب ياك ادواق
نرجعو لموضوع صارة طلبت سؤال جاوبو عليه اااااااو خخ
صارة ماما تقول هكا في عرس خويا ان شاء الله في صالة تع بليدة بويسك رخاص تم وحد الوقت قالونا 7 ملاين انا تشوكيت حطى
مي قاتلي دك وحدة فاقولهم ولاو يغلو يعني دك الله اعلم خلى هاجر تقولنا 

اما هنا فل الجي كاين بزززززاف و كاين لاكلاص يعني نتي وش تحبي رخيصة كبيرة صغيرة يعني عليك و على دراهمك
لي عودة

خوك وقتاش رايح يتزوج ؟؟؟؟؟؟؟؟ هههههههههههه يعني كي تبداو ديرو رحلة البحث اكتبي ورقة وستيلو راني هنا للاستماع شعال لقيتهم 

لالا تاع بليدة قالك تالمو كاين la concurrence بيناتهم راهم يهبطو فالسومة ماشي يغلو فيها باش ناس جي ليهم

وزيد كباااااااااااااااااار وتقدري تعشي تم وكلش يعني مايجي حتى واحد للدار موراك تبا لهم



كيما قلتي هاجر هي لي تعطيلنا الصحيح  

شمعة ضياء كتب:

يحي سارة جيتي ليا انا هههههههههههههه
انا خاطي كامل هذا الدومان
حنا اعراسنا يديروهم غير في لي صال اللي عندنا
ياك انا مانسكنش في بليدة سونتر
كاين دي صال برك نسمع بيهم والوحيدة اللي رحت ليها هي لاصال حليل
المهم منبعد نسقسيلك ونرجعلك الخبر

هههههههههههههههههههههه تبا لكي وانا ماشفتش ردك ونقول هاجر لي تسلكني خخخخخخخ

مام ماكيش فالسونتر مي نورمالمو تعرفي تبا لكي ياك راكي تخدمي سقسي لي تخدمي معاهم بالاك يعرفو

    

اوك سمعت بيها هاذي حليل نستنى الخبر العاجل هههههههه

تبا لي بدأت رحلة البحث الطويلة

 

semsouma d'or كتب:

صباح الهدرة يا وجوه الخير هههههههههه مالصباح و أنا نقرا

المهمّ نبدا بالذهب: أنا نشوف بلّي تكذب لي تقول الذهب ماشي مليح و ماعندو حتى معنى و ديمودي

على خاطر الذهب راهو صوارد مخبييّن لوقت الشدّة. هذا بالنسبة للّي عندها صوارد و تخدم و تقدر تشري

ماشي لازم تشري حاجة كبيرة و باشعة.لي عندها تشري حاجة سامبل و ثقيلة 

أنا ولّيت نحب الذهب و مادابيا نشري ماشي لازم ب 100 مليون و لكن على قديّ خير من القش و الصبابط و السيكان 

و زيد واش جاب البلاكيور للذهب ؟؟ أنا خلاصي قليل لكن لمّيت و شريت سنسلة على قدي و تيعي نكره التسلاف

و بربّي نويت كل شهر نعود نشري كعبة ويز و كل مرة نشري حاجة على قد صواردي و مابقيتش نسلّف نهائيا

خير من يروحو فالقش و الشيفون لي ماعندو معنى خاطر يجي نهار لي نندم على هادوك الصوارد

شمس عجبتك بنت عمك  ؟؟ تخدم و عندها لاباس بيها و في الاخير ريّحت قورمات خاطيتها؟؟ 

هذا رايي و متقنّعة بيه

صح اسما عندك الحق مدام عندك مدخول خبي واشري رانا نهدرو على لي مشومرين ماناش عليكم هههههههههههه

يعني وحدة ماعندهاش نحير فيهم كيفاش يحبو يشرو حاجة غالية برك باش يزوخو هذا هو بيت القصيد وربي يرزقنا باش نشورو كامل مكانش لي مايحبش ذهب مي الله غالب ظروف واحد كي يكون مزير مايخممش فيه كاين حاجات اهم بزاف وصحاب الشرق ماشي كيما تاع العاصمة والله ماعندهم حاجة من غير لكبار برك لي يحبو اما البنات يديرو مي ماشي كيما نتوما

ربي يسهلك وديري واش راكي ناوية