افتـــتاح تجــــمع العـــرائس "الجــــزائريات" العـــدد الخامس

و الله غير هذا وين كنت نشوف فيهم 
كاشما نصيد    

مارسي شهرة حنونة على الاجابة
مي دوماج ما نقدرش ندخل للفايس بوك
راني نكونيكتي بالايباد نتاع خويا و ما حبنيش ندخل للفايس بوك
تعيشي رايحة نزيد نكثر عليك ماكاش الكاراكو في باتنة

صباح الخير لبنات نتمنى تكونو بخير من بعد نقرا ونرجع

ريتا كتب:

يعطيك الصحة يا اجمل سارة
و عندي سؤال تان وحداخر 
على نويزات تاع ليلة الذخلة يعني اسك لازم نشري نويزات سبيسيال راهم يتباعو
ولا اي نويزات تكون شابة و خلاض
و على عرسي راني كي حالتك راهو يقول مور رمضان و ما تعرف
رانا نصبرو في روحنا بهاذ الجهاز تبا لهم 
كلاياتهم كلاياتهم  

هههههههههههههههه وراهم والزمن طويل   

شوفي هي شارم تاع عروسة يكون عندها ديزابيي تاع ليلة الدخلة يكون شباب ومتحوف تخليه سوفونير لاجمل يوم في حياتك وممكن تجبديه كل دات تاع عرسك مثلا

مي راني نشوف فيهم راهم غير يزيدو يغلاو انا مرة شفتهم ب300 الف يهبلو

دوكا المرة هاذي شفت نفس لي مودال ب700 الف والله بزاف راهم يبروفيتيو فالعرايس sans pitié 


يعني باش نقلك نتي ودراهم تحبي تشري من دوك اشري وخبيه سينو قادرة تشري غير قمجة وتلقايلها بينوار يخرج معاها والله مايستقام قد ماتشريه كومبلي

imili كتب:

ŔεÐ ρЄǻŘζ كتب:

ايميلي كلشي مبروك ان شاء الله

اعطينا سؤالك بالتحديد حابة دي مودال للخياطة ولا باش تشري ولا كيفاش 

يعني نتي واش من منطقة وواش موالفين ديرو في تصديرتكم هكا نعرفو كيفاش نعاونوك

مارسي سارة اختي على الرد
انا من ضواحي باتنة حبيت نشري كلش واجد
من باتنة حبيت نشري كوكتال  و جبة سطايفي و ملحفة
و من دزاير نشري بدرون و كاراكو و قفطان
مي ما نعرفش لبلايس و ين يتباعو

مرحبا بيك وبناس باتنة شوفي راهي جاوباتك شهرة واش كاين في باتنة اما على الجزائر

عندك زنيقة لعرايس راهي فيها كلش جيبي دراهم برك القفاطن على راسهم والكراكوات والبدرون الخ يعني مكانش حاجة تقولي مكانش

ريتا كتب:

حبيت نسقسي تاني يا بنات على المخايد
قصدي لي نرقدو فيهم انا و الزوج شحال ندي من وحدة 
ما رانيش نهدر على لي نديهم زيادة للضياف و ماشي الوسايد لي نشبح بيهم
merci d'avance

شوفي ادي زوج ملاح انا لقيت وحد النوع يتباع ب100 الف للوحدة يعني زويجة ب200 الف مي شابين بزاف على لي راهم يتباعو ب35 الف

ولا حبيتي تاع نورمال راهم ب25 الف الى 35 للوحدة

انا جابلي ربي ادي زوج يكفو لكثرتي ادي 4 

ديجا اذا عندك مخايد تاع لي كوفرولي كل وحدة بنوع رايحة ديري باطيما تاع مخايد هكاك رايح يصرالي كل حاجة بنوع مخدة مختلف ولحد الان ماشريت حتى مخدة

   

ايميلي اذا راكي هابطة لالجي سونتر شوفي قبل هنا كراكوات بالاك تساعدك السومة والنوعية باسك كاين على راسسسسسسسهم

والسومة في المتناول يعني على حساب المودال لي تديه راهم من 3 ملاين وطلع

البنات نسقسيكم من بعد نصورلكم وحد الtissu والله ماعلابالي واش اسمو خخخخخخخخخخ

المهم بالاك كي تشوفوه تعطوني اسمو واذا يليق نخيطو بدرون ولالا اوك كي نريح نحطهولكم

مي البروبلام كي جبدتو لقيت فيه شوية بقع صفورة يروحو زعمة ؟؟؟؟؟؟؟؟؟؟؟ تبا للخزانــة لي يخبي قماش طابت فيه

اهههههههههه و الله
غير انت قدامي وانا موراك و ما نتلقش ههههه
ام على النويزات المشكل يا سارة اختي لقيتهم ب 900 الف بصح ما عجبونيش كامل 
فيهم بزاف التغنجيق  وانا نحب السامبل بزاف
و على المخايد صح رايحة نشؤي هادوك تاع الترك يديرو 155 الف بصح قالي فور يتواساو حساب الرقبة
ياختي كي هكذا غالين ندي زوج برك و نفورميهم حساب الشكل تاع الكوفرولي 
يتبربر بالبروره و ينقشع بالحراراة ههههه
ماما ما راهيش مرت بيل قايتس 

هذاك ديباردار و هاذوك ساربت صغار كبار شريتهم 20الف و السغار 15الف و الديباردار شريته 40الف

و هاذي جلابة ياك تعرفونا حنا في الغرب نديرو الجلابة واش رايكم فيها مانيش عارفة لا تبانلكم مليح

و هذه ملاية سوداء بالبني بيها بسروالها و خمارها دوك نحط سروالها تشوفوه


[ندعوك للتسجيل في المنتدى أو التعريف بنفسك لمعاينة هذه الصورة]

هذا سرواها على خاطرش ما ظهرش مليح في الصورة الاولى

سلام 
ماشفتش اسئلتكم قبل
على ديزاببي مام انا ماعجبونيش هدو لي راهم هنا يعيفو وفوق 500الف كامل وكاين اخرين يشكو هههههههههه برودي يابس
الشهر لي فات جبت للعرايس من مصر موديلات تهبل تهبل وستان تاعهم خير من تاعنا 10 مرات حرير ولافينيسيون تهبل


على المخاد اشريو 2 مخاد هدوك لي يتنفخو تاع الحساسية ليك ولزوجك والضياف هام باين 
وصح يديو بزاف مخاد بلا تاع الصالون برك راهم عرام هههههههه

بصحتك عروسة الجزائر كلش باهي
مام الجلابة باهية بزاف بالصحة


اميلي ايه الكراكو راهم كاينين بزاااف لارياش ومقابل سوق عبود من 2 ملاين ونص وطلع

مارسي لبنات على الاجابة
انا نتاع حبيت نشري كلش من باتنة باش ما نطلعش لدزاير ما عنديش الوقت
مي خفت ما نلقاش حوايج ملاح فيها
درك نروح لباتنة قبل و لحوايج لي يقعدوا سي اوبليجي باش نروح لدزاير
شهرة لكاراكو لي في لاري اش كيما لي مودال لي كاينين هنا في المنتدى
يعني نتاع حطا و الا ماكان ماكان

لبنات عجبني الكاراكو نتاع مرت سمير عبدون هههه
راني شفتو هنا في المنتدى روووووووووعة
واش رايكم نتوما

سلام بنات بصحتكم واش شريتو

وربي يعين كل وحدة حاصلة 

الله غالب منقدرش نقرا كلش فاتني بصح منا وجاي نقدر نعاون

اهلا كوكي عاش من شافك
ان شاء الله تكوني مليحة


اميلي وريلي الكراكو لي تحكي عليه

كاين يا اختي والله حطة انت ودراهمك
كاين الحانوت لي قتلك عليها برا لارياش ادا تعرفي زين الاثاث راهم تتم الحانوت اسمها دار الهناء عندو كراكوات ولي قاط وكوكتيل روعة ماشاء الله من كل نوع
انت حبيتي قطيفة والا ستان؟

[ندعوك للتسجيل في المنتدى أو التعريف بنفسك لمعاينة هذه الصورة]
شهرة هادا هو الكاراكو انا حبيت نديرو ساتان ماشي قطيفة

شهرة الحانوت قلتيلي عندو الكاراكوات و الكوكتيل و زيدي الكلمة لخرى ما فهمتهاش

اه لي نحكيلك عندو غير تاع القطيفة بالفتلة بصح باهيين بزاف

قتلك القاط 
والكوكتيل
كاين حانوت مقابلاتو تبيع حوايج بزاف بالساتان بصح ماتلقايش لافينيسيون مليحة

عمباليماعرفتيش القاط
[ندعوك للتسجيل في المنتدى أو التعريف بنفسك لمعاينة هذا الرابط]

زعمة قلت نصور
النت راهييييي قراف تقيلة هدا وش قدرت و غدوة اتشوفو مشترياتي 
[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذه الصورة]

أمينة بصحتك الصباط مليح

هذاك واش شفت

في انتظار الصور الباقية

صباح الخير لبنات عندي مدة ماطليتش هنا نقرعج ونجي

عروسة الجزائر بصحتك واش رشتي كلش مليح ومرسي على الصور تتهناي بيهم ولعقوبة لما كثر ان شاء الله

--------------------------

ايميلي هذاك تاع مرت سمير عبدون راه بدرون اوريجينال بالفيستا الكاركو العاصيمي يجي فيستا وسروال شلقة اما هذاك راه بدرون يعني قطعة واحدة + فيستا