۞●●قعدة مع لحباب .... مرحبا بالضيف الكريم .. رمضان يجمعنا 2015 ●●۞

السلام عليكم
وشراكم بنات

خليدة كيفاش راكي ريحتي شوية؟

كوكي شكراا على النصيحة
نشوف على حساب الظروف ونقرر ان شاء الله

واش راكي هاجر انا راني الحمد لله ريحت شوية

الجمد لله كي ريحتي خليدة
انا راني بخير الحمد لله

صباح الخير كاش جديد سارة وين راكي

صباح النوور البنات الكل 

ان شااء الله تكونو مرتاحين الكل 

عياااااااااااااااااااااااااااانة 

سلام لبنات واش راكم

خلييدة راني هنا ياك قتلكم البارح رحت لعرس ياختي عييت واااااااااي مي المهم خرجت تبا راني ميتة

خخخخخخخخخخخ

من بعد نرجع ونحكي بالتفاصيل

سمسومتي واش راكي لاباس ربي يكون معاك ماعليش الشقا هذا مور الزواج تنسايه قاع

كوكي هاجر واش راكم

صباح النور 

سارة بصحتك العرس أختي و الله مليح العبد يبدل الجو شوية ساعة على ساعة 

كاش جديد ؟؟

اهلا اسما واش راكي راني من 14.30 وانا لاصقة فالكرسي والبرد ياخذ فيا والكونيكسيون هبلتني تبا لها 

اليوم راهي غير تروح وجي مانعرف اذا قاع ولا غير عندي ماما في دارنا مكانش وعندهم فوري


صح اسماء واحد مليح كي يبدل جو مي طاح عليا وحد التعب من عرسي مارحت حتى عرس ههههههههههه


صورتلكم القاطووو



قلت ندخل كاشما ندير شوية مواضيع كحستها عليا وراح الحال وظهري وجعني 

المهم ان شاء الله راكم كااااااامل ملاح

اتهلاو

هاجر نورمالمو 40 اسبوع بالتمام كاين لي يكملهم وكاين لي تولد قبل 

خخخخخخخخ هذا وين شفت سؤالك

قلت نجاوب قبل ماتروح كونيكسيون ايا اتهلاووووووووو نعسسسسسسسسسسست البرددددددددددد

سلااااااام شوفو شحال راهي الساعة 2و30 تبا النوم راه يروحلي واععععععععع وهداك راه يتقلب تقول راه راقد فالقطن ولا على بالو بحالي والصباح يقلي قاع مارقتش راني موجدتلو هدرة كبيرة " longdesc="50" />" longdesc="62" />

ايه سارة بصحتك العرس وقاطو شباب بصحتك

صباح الخير اعليكم كي صبحتو جميعآآآآآآآآآآ

خليدة هههههههههههههه راني حاسة بيك والله حتى انا هكاك راني مانرقدش قاع مليح فالليل ،،،،،، وكي نوض يقلي ليل كامل ونتي راقدة ودوك تلعبيها انا كي يبداني سطر تاع رجليا وظهري نبقى غير نتقلب

ربي يعينا برك مابقالكش وتتهناي

صباح الخير بنات وشراكم

سارة بصحتك العرس 

خليدة بالاك راكي مقلقة شوية وتخمي علاذاك مايجيكس النعاس
ننصحك تشربي كاس حليب قبل النوم يساعد على تهدئة الاعصاب والاسترخاء

ربي يعينكم ياكروشات 

سلام بنات

واش راكم؟؟؟؟

أنا هاذ اليومين مقعدتش عندي حوايج في راسي مشني هانية خلالالالالالالالالالالاه

المهم أي على ربي سبحانو

خليدة أختي بالعقل على روحك وإن شاء الله يجي البيبي على خير وصحة مليحة وأشبعي حكايات معاه

سارة والله كي نلقاك تشكي من ظهرك قلبي يضرب كيفاه راح يصرالي أنا مالا؟؟؟    " longdesc="27" />

المهم ربي يشفيكم إن شاء الله

هجورة أختي واش حوالك؟؟؟ والله توحشت نقصرو شوية

مسلاني اليوم في حالة راني بالسيف قاعدة فالكرسي

سلام بنات وشراكم

اهلا كوكي وشراكي حتى انا توحشت القصرة معاك
ربي يشافيك ويسهل امورك

السلام عليكن يا أميرات القصر
واش راكم لاباس ليكم وحشة كامل
خليدة ربي معاك وربي يعطيك وقفة ساهلة ان شاء الله 
كوكي بالشفاء عليك حنونة وربي معاك وربي يسهلك أمورك ان شاء الله يا رب
هاجر صارة أميرة أسماء الجميع ان شاء الله تكونو بخير
كوكي والله غير كامل توحشنا القصرة مع بعض
ان شاء الله نديرو نهار ونقصرو مليح

يا جدكم يا جدكم توحششششششششششششششششتكمممممممممممممممممممممممممممممممممم

صباح الخير بنات وشراكم

شمس راني بخير الحمد لله ونتي؟

اهلاااااا امينة على سلامتك
وش كامل هاذي الغيبة
حتى حنا توحشناك
ماعنديش بزاف ملي سقسيت عليك هنا في التجمع
ان شاء الله يكون المانع خير

صباح الخير عليكم هاجر طحتي من الفراش جامي نضت هدا الوقت وكي شفت رد تاع مينة طار النعاس والله توحشناك بزااف خصيتي وبانت بلااااصتك الحمد لله لي راكي عايشة  خخخخخخخ من بعد نرجع

ع سلامتك امونة

صباح النوووور عليكم الكل 

كل وحدة تشكي في همها و الله واحد ماهو هاني و مرتاح 

المرض التعب القلقة ضيييييييييييييق الوقت 

تعرفو دك يطلع النهار درك يطيح الليل و الله النهار ماني ندير فيه والو 

عندي قماشات تاع قطيفة و كل يوم نقول نخيّط شوية قنادر و الله مانقعد 

يا ربي نروّح من الخدمة نصلي نغسل القرابج نتعشى نلمّ الكوزينة سيبون نلقاها 22.00 تاع الليل و نلقى روحي ميّتة بالعيا

و الله واحد الروتين خلّيوها لربي برك و مانيش لاحقة خلااااه 


جيت نفرّغ في قلبي ههههههه و الله معمّر 


أهلا بيك أمينة عاش من شافك وين غيبتي ؟؟ ان شاء الله ماجيتيش بيديك فارغي؟؟؟ كاش خاتم تاع خطبة ؟؟

السلام عليكم مرة اخرى هاذي تاع 12.00 خخخخخخخخخخ

والله جعت اليوم نضت بكري راجلي خرج بكري مارجعتش نرقد دخلت للمنتدى ديركت 

هاجر والله راكي نشيطة واش نوضك بكري ههههههههههه

كوكي بالشفا اعليك حنونة وماتخميش على من بعد ربي يجيب الخير وخلاص والله لوكان خدمتي خير من قعاد فالدار بالاك مليحة لظهرك المشية

واش نديرو المرا عظمها عظم الشقا كيما يقولو من لي تنزاد وهي تعاني في كلش جامي تجوز حاجة بلا وجع ههههههههههه

الراجل من الختانة مايشوف حتى وجع ههههههههههه

شمس واش راكي ان شاء الله راكي مليحة والله اليامات لولين كنت نقول لي تحب تطلع للشات راني ندخل فالساعة الفلانية كانت كرشي ماشي كي دوك وكان الحال ماشي بارد هكا والله البيت تاع الميكرو فيها الجليد تحسي روحك في موسكو نجي غير كي نحب نكتب بزاف سينو نكون بالموبيل اغلب الاوقات يبلوكيلي داير كي الزمر والنهار رجع قصصصصصصصصصييييييييير بزاف تتعشاي خلاص الوقت

خخخخخخخخخخخخخ اسما فرغي فرغي راهم معمرة صفحات بيوضة اكتبي وعاودي هههههههههه

ماتقلقيش كلش يجوز والله العظيم كي تتزوجو تعرفو واش راني نهدر صح حنا التقاليد لازم نديرو هاذ الجهاز تاع الزمر مي والله غير تشري موراه العجب ومرات واش تدي قاع وماتلاقيش واش تلبسي تحيري في روحك وين راحو الدراهم والجهاز ياكل الدراهم لازم قرون ونتي تخبي وتشري وياربي لا تكملي مع كلش غالي مايسلكها غير الشنوي