۞●●قعدة مع لحباب .... مرحبا بالضيف الكريم .. رمضان يجمعنا 2015 ●●۞

سلام بنات وشراكم
انا رجعت لداري بالخميس
اليامات يفوتو يجروووو

سمسومه ماتخافيش توالفي ثم ثم سيرتو اذا كنتي تحبي راجلك ياحسىرااااااه

ساره هههههههههه ضحكتيني والله صح انا كي نروح لدارنا كاين حاجات نسيتهم كي نسقسي ختي هاذيك الحاجه وين راهي ولا هاذي كيفاش راكم ديروها تحسابني راني نتمسخر هههههه

السلام عليكن لبنات واش راكم والله توحشتكم كامل
أنا راني بلا نات التليفون ماعباليش واش بيه راني غير بالويفي تع الجيران 
المهم اتهلاو في روحكم كي تكون النت نكون معاها ان شاء الله سلام

اهلا هاجر بصحتك الرجعة مي مليح تريحي شوية في داركم انا ملي نروح زعمة كي نكون في داري نقول كي نروح لدارنا ندير ونديرلهم كلش غير نروح تم يجيني وحد التفنيين ماتتصوريش حتى ماما لي طيبلي وتخدملي خخخخخخخخخخخخ تقولي عندهم الحق لي قالو المرا كي تتزوج جي تتفشش في دارهم ههههههه

ولا كي نروح نكون مريضة يعني جامي مساكن لادرتلهم وكي نجي لهنا ماما تقلي بيتزا يازحي ماقدرتيش تنوضي ديريهالنا هههههههههه نقول خلاص المرة الجاية نديرلكم خخخخخخخخخ

وعلى البلايص والله صح تنساي تشوفي انا المرة الاولى قاع طولت باش رحت ضربت ياك وحد الشهرين ولا كثر والله نسيت كلش قعدت برك فالصالون ماما تقلي واش بيك وانا نقلها والو جاني كلش بيزار هههههههههههههه خلي الكوزينة حدث ولا حرج

------------------------------

ع سلامتك شمس واش راكي وانا نقول واش بيك تكونيكتي وماتهدريش ان شاء الله راكي مليحة نتيا؟

------------------------------

والله اليامات هادو مانيش بيان قاع الدوخة هادي ماحبتش تروحلي كي مانبانش اعرفو بلي راني صح عيانة ومورال هابط نحب ندخل كي يكون مورالي طالع

ان شاء الله البقية راهم ملاح

سلام بناااااااات

واش حوالكم؟

هجورة أختي واش راكي دايرة فيها؟ والله كي دخلت ولقيتك فرحت

عندي ياااااااااااسر مدخلتش خاطر كنت كل ما ندخل منلقا والووووووووووو حتى كرهت

ومدام رجعتيو هاني رجعت معاكم 

سرسورتي واش حوالك حنونتي توحشتك عندنا مدة مقصرناش

واش مداير معاك لبيبي صافا؟؟؟؟

تهلاي في روحك برك

هجورة وأنتي واش راكي عاملة في حياتك؟ عجبك الزواج؟؟؟؟ هههههههههههه

توحشتكم يااااااااااااااااااااااااااااسر 

أنا راني مع الجهاز راني تعباااااااااااااانة غير مالتخمام ساعات منقدرش نرقد  " longdesc="59" />

السلام عليكم
اهلا شمس ان شاء الله ترجعلك النت وترجعي معانا

ساره لاباس عليك
ريحي الماكسيموم وماتعبيش روحك بزاف

كوكي عاش من شافك وس هادي الغيبه
انا نقلك ماتكثريش التخمام بزاف والله كلش يفوت استمتعي بايامك الاخيره تاع العزوبيه
ديري اللي قدرتي عليه برك والاهم
والله كاين حاجات غير خساره في خساره

السلام عليكم،،،،،،،،

واش راكم كيما راكم

واش كوكي طل علينا القمر تبا لكي هدا وين هههههههههه مزية هدرت معاك البارح سينو نشبعك هدرة خخخخخخخخ

اسلمك حنونتي راني غير بلعقل والبيب نحسو يضرب شوية مانعرف لادماغ ولا كوتبيات ويجيه اللعب غير كي نروح نرقد هدا مازال ماكبرش زعمة كنت نحوس على الحركة قالي اشبعي ههههههههههههه

بالاربعاء نروح للطبيبة ادعولي يكون بخير برك وادا بان واش الجنس نقللكم اكيد ولعقوبة ليكم 

----------------------

اليوم تتكوبالي الكونيكسيون ولا غدوة الثلاثاء واناغدوة نكون في دارنا  حتى ............................... نهار الاربعاء ههههههههه اووووووو شعال طويلة العطلة تاعي نهار ونص تبا تبا بففففففففففففففففففففف


-------------------------

كوكي والله تمرضي روحك برك على الجهاز اشري واش تقدري وعلى حساب وين رايحة تسكني وراكي تعرفي واش جوزنا وواش شرينا كاش ماتحتاجي روحي للتجهيزات نعونوك الصح فالهنا برك

-----------------------------

هجورة اسلمك حنونتي راني بيان اليوم ظهري ولا الدوخة هاديك نولي نشوف الدوبل ونتي صافا الحالة

معليش سارة كل عطلة فبها خير ان شاء الله

ان شاء الله

صبااح النووووور 

سارة المهم كي تكوني نتي مليحة و مرتاحة و يكون البيبي بخيير و عافية 

و الجنس كيما يجيب ربي مرحبا الصح فالخلقة التامة و ربي يعطيك واش متمنية ان شاااء الله 

كوكي عاش من شافك هنا ههههههههههه راح تهبلي عابالك ؟؟؟ طيشي عليك كيفي و لي جابها ربي أديك هي 

هجورة راكي لاباس ؟؟؟

اهلا اسماء هادي غيبة وين كنتي ؟؟؟؟؟؟؟؟؟؟؟ ياك غير الخير

الحمد لله هاد الساعة مي والله كي تكوني دايرة في راسك حاجة يعني جي مقهورة خخخخخخخ ماعليش كيما قالت هاجر كل عطلة فيها خير والله ماشي الا ولد ولا طفلة كلش اذا راه بيان فالوزن والحجم والله مرات تتوسوسي وحدك ومن النت تان

ربي يجيب الخير وخلاص

السلام عليكم لبنات واش راكم لاباس
كوكي كيما قالو لك لبنات ما ديري والو في بالك الصح في الهناء واشري واش قدرتي لوكان راكي قدامي نعطيك كامل القش لي شريتو
صارة كل عطلة فيها خير وما ديري والو في بالك المهم يزيد بصحتو والمهم الخلقة التامة ولعقوبة لهاجر وأميرة ان شاء الله يا رب
هاجر وين راكي تسكني نسيت

سلام بنات

سرسورتي متقلقيش روحك إن شاء الله يجيك واش متمنية وبصحة جيدة

سمسومة أهلا بيييييك، يا بنتي مشني مقلقة روحي بصح نخمم برك

شمس مرسي أختي ربي عيشك راني قادرة نشري الحمد لله مستورة مي راني نخمم واش يلزم وبواش نبدا

والقش عندي خييييير ربي مشني رايحة نزيد شريت بكري ضرك تخمامي كامل فالفراشات وفالقنادر الثقال

المهم ربي يعينا برك

اهلا لبنات واش راكم لاباس مرسي شمس وكوكي

ان شاء الله ربي يجيب ساعة الخير..

--------------

كوكي هههههههههههه ماتقلقيش روحك  



ان شاء الله كي اليوم تكوني في دارك وتاكلهم غير الخزانة

سلام
سارة حنونة ما  تقلقيش كامل روحك كلش يفوت
دوك تعرفي واش عندك و تطمني عليه و تفرحي بيه و كي تولي تشري و تجهزي يروحلك كامل التوسويس حبيبتي
خممي كي ترفدي البيبي تاعك بين يديك[size=30] طفل كان ولا طفلة و الله الدنيا و ما فيها[/size]

سلام بنات

واش مدايرين فيها؟؟؟

صح عندك حق أختي ريتا الفايدة كي تحكمي ولدك ولا بنتك بين يديك

حنا نحكمو ولاد الناس ونفرحو منعرف كيفاه يكون الشعور كي يكونو ولادك أنت؟؟؟؟

ربي يرزقنا كل الذرية الصالحة

سلام بنات وشراكم

سارة ان شاء الله مايكون غير الخير

صح كوكي حتى انا دايما نتساءل هذا السؤال ههههههه

شمس راني في الجلفة

البارح جات في بالي امينه
كاش خبار عليها
عندها مده مابانتش

صبااحو 

واش الأحواااال ؟ 

7-0 وااااااااااااااااااااااااااااااااي مبروووك للخضر مانيش مصدقة ههههههه

شكون تفرّجت الماتش ؟؟؟ 

سرسورة و الله راني مع الخدمة شوية مزيّرة هادي اليامات و مع الخياطات 

أكي تعرفي كون مانجريش على قنادري و نعيطلهم كل يوم و نروحلهم و الله يخلّيوني للدقيقة الأخيرة و أنا نجري 

حابة نكمّل عليّا على بكري و نتهنى 

ربي يعطيكم ماتتمنااو الكل البنات و ربي يهنيكم

صباح النور سمسومه وشراكي
انا خاطيني لي ماتش يربحوا ولا يخسروا عندي كيف كيف هههههههه

ربي يقدرك ان شاء الله

أاهلا حبيباااااااااتيي

اهلاااا عروسه الجزائر وشراكي ريحتي شوية

اهلا سمية واش راكي
اسماء ربي معاك ان شاء الله
هاجر الجلفة ناسها هايلين ويرحبو بالضيف عجب كاش زفيطي والا والو
كوكي أنا عندي بنت أختي أنا لي ربيتها تعيطلي ماما واحد الاحساس كي نسمعها خلي لوكان بنتك من كرشك
ربي يرزقنا ان شاء الله ذرية صالحة ان شاء الله يا رب

لالا شمس الزفيطي مشي تاع الجلفه مايديروهش هنا