۞●●قعدة مع لحباب .... مرحبا بالضيف الكريم .. رمضان يجمعنا 2015 ●●۞

صح هجورة والله عندك حق كلنا مقصرين

وبربي المنتدى يرجع كيما قبل وأحسن

واش راكي مدايرة فيها؟ والله توحشتك ياااااااسر

كاش نهار نقصرو شوية توحشت الهدرة معاك 

سرسورة مبانتش منعرف وين راحت؟؟؟

سمسومة أنا متفرجتش الماتش نسمع غير فالناس يعيطو

اليوم لي خدمت ناضت على تانزانيا ونص 

دوك نجي تبا لكم كي تتلاقاو تهدرو بزاف

ههههههههههههههه سارة ضرك سقسيت عليك لقيتك بعد

واش راكي؟؟؟ توحشتك

المهم لي حبو يعرفو اخبار البيبي """""""""""""""""""" تبا له ولي ولزوجي """""""""""

ماحبش يبان اني خايفة نعرف كي نزيد المهم راه الحمد لله بصحتو وربي يكمل على كل حال مي الفضول قتلني وهو يدير السكارة حتى الطبيبة قاتلي راسو خشين وليدك قتلها كي باباه خخخخخخخخخ

والله ضربت 20 دقيقة ايكو وهي تشوف والو غالق رجليه واعطاها بظهرو خخخخخخخخ

والله مايحشم صح البارح هبطلي المورال مي كي تعرفي بلي راه بيان الدنيا ومافيها وكيما قالي راجلي ماتزيديش تحوسي يبان وحدو حتى الطبيبة قاتلي علابالي بيك باش تشري حوايج ههههههههههههه والله غيروني حوايج لي بيبي وحابة نشري بلعقل والله غاليين ومانيش حابة نكون ثقيلة بزاف يعني كرشي تخرج كثر نولي نمشي كي البطريق 

اهلا كوكي واش راكي نتي حتى انا توحشتك راهي مهبلتني الكونيكسيون تبا قالك 4 جي 

4 خرطي ونتي صافا كاش جديد رحتي البارح للخياطة؟

البنات ربي يفرحني ويفرحكم بالذرية وبالزوج الصالح ان شاء الله

------------------------------

البارح نسمع النسا يهدرو على الزيادة والله خوفوني الحق تاع ربي خخخخخخخ ربي يجيب الخير

---------------------------------------


هاجر عروسة الجزائر شمس اسماء واش راكم ان شاء الله بخير


اسماء راكي تعرفي بلي لي ماتش مانراطيهمش ماعنديش وين نشوف مي شفت بالنت المرة هاذي كنت نسمعهم فالبوسط كي تاع بكري ندير فالديمو مي المرة هاذي شفتهم ماما قاتلي ماتشوفيش يقلقوك برك قتلها ماعليش مي كي شفت لي بوت خصينا غير حنا ماماركيناش هههههههههههههه

مي ماتش شباب لوكان يكملو هكا نتكاليفو للكوب دي موند

--------------------

ربي يكون معاك والله صح صعيبة الخدمة انا البارح خرجت طبت قلت رحمتها القعدة فالدار ونتي تخدمي مور الزواج ؟؟؟؟؟؟؟؟؟

 وعلى الخياطة ان شاء الله يكملوهملك فالوقت ماتقلقيش روحك

هههههههههههههههههه سارة البيبي تيعك حشام مش مخليكم تشوفوه

ربي يعطيك واش متمنية والحمد لله كي صحتو مليحة هذا هو المهم

********

هههههههه كي قتيلي رحتي للخياطة حرت

معرفتش واش من خياطة تفصدي؟؟؟

قصدي القرايا؟؟؟ والخياطات لي حاطة عندهم قنادري؟؟؟

المهم لاكان على القرايا الحمد لله رانا تقدم مستمر

والله أحسن حاجة درتها في حياتي أني تعلمت نخيط

بربي ضرك نصور وندير موضوع في غرفة الخياطة نحطلكم تشوفو واش خيطت

وعلى الخياطات راني كل يوم نروح عند وحدة هبلوني قبل الوقت

حنا عاداتنا نديرو القنادر والله مرض ندير فيهم فوق قلبي

كون منديرش نخاف نندم يجيني عرس وأنا عروسة جديدة ومنلقاش واش نلبس؟؟؟

المهم ربي يقدرنا ماديا ومعنويا

تخيلو أرخس قندورة بـ 3 ملاين آآآآآآآه تبا للعادات والتقاليد

سلام بنات كيف الحال
سارة معليش اختي المهم كي يكون بخير
و على الحوايج اشري الالوان لي يكونو مشتركين بين الجنسين
مثلا الابيض الاخضر الموف...
و في هاد الوقت ركزي على الملابس الداخلية تاع البيبي في انتظار ظهور القمر تاعك
بعدها اشري الحوايج تاع اللبسة

مرسي بنات ان شاء الله يكون كاين تفاعل

ساره البيبي تاعك حاب يديرلكم مفاجعة ههههههه
الحمد لله كي صحتو مليحة هذاك هو الصح
وعلى البسة انا رايي من راي ريتا

كريمة الكوناكسيون والله رانا كامل نعانو منها انا كرهتلي النت
والصور نورمالمو كاين موضوع دايراتو ساره دوك نشوفلك

كريمه شوفي هاذو المواضيع يفيدوك

https://kaserchooe.yoo7.com/t1536-topic

https://kaserchooe.yoo7.com/t1537-topic


https://kaserchooe.yoo7.com/t3803-topic


https://kaserchooe.yoo7.com/t1684-topic

البنات مساء الخير والله اخيرا قدرت ندخل للمنتدى
عندي مدة من الي ندخل اقولي غير مسموح
حتى فقدت الامل وحبيت نسجل بعضوية اخرى
المهم راكم لاباس

choukran hajar  dok nssayé surtout m3a had net rahi mkarhatni 
choukran moujadadan

صباح الخير جميييييييعا

وجمعة مباركة إن شاء الله

أهلا سماح نورتي من جديد

كريمة تبعي واش عطاتلك هاجر برك وضرك تقدري تحطي الصور خاطر ساااااهلة

اهلا سماح وشراكي
وشراهي بنتك

كريمة عفوا 
ان شاء الله يفيدوك

كوكي وشراكي

سلام البنات واش راكم كيما راكم ان شاء الله بخير

صحيتي هاجر على حساب راني شفت كريمة حطت تصاور يعني فادوها المواضيع 

واش راكي ريتا ان شاء الله بخير دوماج ماعندكش النت 

مرسي على النصائح وصح كيما قلتي هاذوك الالوان راهم يمشو مع كل الطفلة والطفل واش رايحة ندير نزيد نصبر 

بالاك يبان خخخخخخخ


هههههههههههههههه هاجر والله يالمفاجعة هههههههه راه يدر السكارة وي

والله اني نعسانة وعينيا راهم يتغمضو اني نكتب بالسيف هههههههههههههه

كنت فتجمع الصور تاع الكوسميتيك راني درت شوية صور من بعد شوفوهم

https://kaserchooe.yoo7.com/t7523-topic



ايا غدوة ان شاء الله

كنت رايحة نغلق شفت حاجة حمرة وليت قتلكم راني مغمضة عسلامتك سماح واش راكي هاذي غيبة مزية لي قدرتي تدخلي لوكان بعتي برك رسالة للادارة نبعتلك مود باس جديد للايميل ديالك

ماعليش مزية لي قدرتي تدخلي ان شاء الله راكي مليحة

ŔεÐ ρЄǻŘζ كتب:

كنت رايحة نغلق شفت حاجة حمرة وليت قتلكم راني مغمضة عسلامتك سماح واش راكي هاذي غيبة مزية لي قدرتي تدخلي لوكان بعتي برك رسالة للادارة نبعتلك مود باس جديد للايميل ديالك

ماعليش مزية لي قدرتي تدخلي ان شاء الله راكي مليح

تعيشي سارة والله توحشتكم وتوحشت المنتدى
ماعمباليش اذا نقدر نبعث رسالة للادارة
مرة اخرى
واش راكي مع لحمل
انشاء الله لاباس

سلالالالام

واش راكم بنات؟ لاباس؟

سارة بدلتينا اللوك والله توووووب عجبني خلاه

رااااااااااااااااااااااااااااااني جيييييييييييت  " longdesc="54" /> " longdesc="52" />
السلاام عليكم واش الاحوال 
كنت في دارنا راني قلت من قبل اختي ولدت ورحت شفتها قعدت يامات وجيت صبت الانترنت مكاش هادا وين 
المهم واش احوالكم توحشششششششششتكم بزاف  كاش جديد 
سارة وهاجر وسمسومة وكوكي والبقية واش ركم حباباتي 
دوك نروح نقرا واش فاتني ونرجع

هههههههههههه سرسورة مبانلكش علئ بالي راكي محروقة عليه ههههههههههه   
معليش حبيبتي المهم راه بخير هداك هو الصح وعلى الحوايج اشري حوايج خفاف حتى تقدري تعرفي انا والله غير شريتلو حوايج فالابيض 
ايه المنتدى راه هايل مليح بدلتي كلش

ااااااااااااه وحدة ماسقسات عليا  " longdesc="50" /> تقول ماكنتش غايبة تبا لكم

صباااااااااااح الخير يا وجوه الخير واش راكم 
حتى وحدة مادخلت وين راكم

اهلا خليدة واش راكي والله توحشتك وقلت واقيل ولدتي وخليتينا هههههههههههههههه

والله سقسيت اعليك والبارح كنت في شمبرتي ندور ونقول خليدة راهي فالسابع برك اواه مازل باش تولد من بعد قلت واقيل النت تقطعت هههههههه

نهدري وحدي عليك

مزية لي راكي لاباس والله توحشناك وبانت بلاصتك

كلشي مبروك على ختك يتربى في عزهآآآآآآآآآ واش جابت نورمالمو دوكا راكي شفتي الحوايج وواش شرات الخ نتي لي تفيدينا خخخخخخخخ

ولدت نومال ولا سيزاريان بريفي ولا حكومة ههههههههههههههههههه

تقول راكي في دار الشرع خخخخخخخخخ

----------------------------

شفتي على البيبي والله ياختي ماحب يبان خلاص مانزيد نكسر راسي قاع نسناه يبان بالاك المهم ماشي حتى نزيد برك ههههههههه

وعلى الحوزايج على حساب الشوف رايحة نخلي للشهر الثامن ونشري منها سبة باش ديني لدارنا وزيد باش نمشي راهم يخوفو فيا يقولولي امشي برا لازم ماشي فالدار وانا نقول مزال الحال وانا نولد منا لمارس ياحسراه