۞●●قعدة مع لحباب .... مرحبا بالضيف الكريم .. رمضان يجمعنا 2015 ●●۞

سلااااام بنات وشراكم
توحشتكم بزاف

ريتا و سماح مبرووووووك عليكم 

سارة وخليدة ربي يطلعكم على خير

سارة هذا خبر يفرح كي درتي النت في دارك هكذا نرجعو نتلمو
دوكا كاين انا ونتي وخليدة وسماح و ان شاء الله يرجعو لخرين
بصح انا اسمحولي هاذي الفترة عندي ظروف شوية صعيبة
عجوزتي دارت عملية البارح واليوم تخرج
ودوكا مسؤوليه الدار رايحة تكون عليا ولبنات يقراو
وزيد كي تكون عايلة كبيرة مشي ساهل الحال
الله يكون في العون
مي كي نلقى وقت راني ندخل نضرب طلة اذا ماطحتش كاو ههههههههه

شفتي سارة بالخف فات العام انا والله مادرت حاجة لخطرش كنت فعرس خويا غمضت عيني وفت هههههههههه
هاجر ربي يكون معاك صح مسؤولية كبير

مسلخير عليكم

-------------

هجورتي والله فرحت كي شفتك دخاتي وكتبتي علابالي بيك قاطعة الامل كي تدخلي ماتلقاي حتى وحدة خخخخخخ

واش راكي ربي يعيشك حنونة الحمد لله لوكان كتبت لوكان من رمضان راني معاكم دوماج المودام الاول مامشاليش وزيد مع رمضان وسخانة هبطناهولهم بحروه حتى دوكا باش اعطاولنا واحد جديد خير من وجهم اشرار

الله يجيبلها الشفا يارب ربي يكون معاك ياحنونتي راني نتخيل فالحالة انا راني براسي ومرات مانلحقش ماعليش المهم رانا متزوجين وعندنا النت هههههههههه هادي لي تفرح برك

-------------------------------

سماح والله علابالي بلي لاباس بيهم انا المرة هادي تكلختلي موالفة كي نحب ندير حاجة كي نروح لدارنا نشري كلش وكي نجي هنا ندير برك المرة هادي ماشريت والو ومانحبش نقولو جيبلي عفسة هادي ولا هادي يفيق بلي كاشما رايحة ندير تبا لي ... الله اسلمك ولعقوبة ليك 100 سنة زواج ومع اميرتك ربي يخليهالك

-------------------------------------

خليدة والله يانتي خخخخخخخخ المهم كنتي تزهاي مي العام الاول شغل خاص بزاف ماشي كيما عامين ولا ثلاثة ديجا رجالنا ماعندهم حتى علاقة بالرومانسية

هاد الشات نورمالمو يتغلق تاع رمضان خليه يلحق للصفحة 10 ونغلقو ونهبطو التحت

صباح الخير لبنات كيفاش ثصبحتو السغل يستنى فيا وانا نخلط فالموبيل باش ندخل واخيرا قدرت ندخل ان شاء الله راكم ملاح كش جديد

شكراااا بنات

وشراكي سارة الجديد من عندك
انا ماعندي حتى جديد ناشفة هههههههه

السلام عليكم 
راني ميتة بالحمى درت التلقيح البارح والله ليل كامل مارقدت  " longdesc="73" />
سارة انت درتيها ولا لا انا قاتلي راكي روطار واعطاتني الدفتر الصحي انتبع به

صبااااااااااح النور على الجميع

ريتا و سماح مبروك عليكم و يترباو في عزكم ان شااء الله

سرسووووووووووووورة توحشتك صح و توحشت حكاياتك 

ماتلومونيش أنا ثاني راني مع الخياطات و الخدمة و الدار و الله ماعندي الوقت خلااااص 

و كي نلقى وقت ندخل مانلقى حتى وحدة 

هاي جات سارة درك تتحرك الحالة و يرجع المنتدى كيما كان نشييييييط  " longdesc="69" />


هاجر و خليدة و الله غير توحشتكم ياااااسر و ربي يعينكم 

سارة يا القرعاجة كيما العادة أنا تلقايني فالنهار هنا قوليل نتي وقتاه تكوني فالنهار باه نحكيو

سلام لبنات واش راكم اهلا سمسومتي وانا ندعي ونقول ياربي تضربي طلة كنت رايحة نقول لكوكي حبسلي الفيبر مانيش نقصر واش راكي حنونة حتى انا توحشتك بزاااف والله يعلم ربي كنت في غبينة والحمد لله

ربي يكون معاك وتلتحقي بقافلة العرائس والله كلش خسارة في خسارة مي ماديريش علينا حنا رانا كبرنا خخخخخخخخخ مانخسرولكش فرحتك ديري واش تقدري عليه ماتكلفيش روحك كلش كاين ربي يهنيك حنونتي راني رجعت وان شاء الله بيكم نرجعو المنتدى كيما كان المهم كي شفتكم بخير هداك هو الصح

خخخخخخخخ ايه راني اليوم دخلت روطار للمنتدى هدا وين خرج راجلي يجي يدير سبور انا قلت اليوم البرد والشتا اقيل مايروحش للصالة وزعمة عندنا زوج ماشينات تاع سبور هبلتو مانخليهش يدير ترونكيل هرب ههههههههههههه

المهم انا هكا تحكميني من 14.30 حتى مور العصر بشوية ولا فاليل علابالي ماتكونيش فالنت والله ماني ندخل فاليل ظهري راه يوجع لازم نتكى 


وان شاء الله نتلاقاو ونقصو خير وكاشما تحتاجي مساعدة اطلعي للتجهيزات راكي محظوظة راهم غير المتزوجين يدورو هنا ههههههههه

خخخخخخخخخخخخخ هاجر من داك العام ناشفة حتى كي تزوجتي ههههههههه ربي يهنيك حنونتي واش راكي جايبتها فالطياب ولا والو كاشما شكروك ولاراهم ياكلو ويسكتو خخخخخخخخخخخخخخ

--------------------------

خليدة والله تقول حسيت كيما بانش حسك البارح دخلت مالقيت حتى وحدة لا نتي لا سماح ان شاء الله هي تكون بخير 

واش من vaccin لي درتيه تاع la grippe؟؟

مادرت والو انا راني ندير برك في لي انالاليز تاع toxo و قrubéol برك والشهر الجاي عندي رونديفو ونيت راكي ديري فيهم؟

ربي يكون معاك والله حكمتني الحمة كي كنت فالشهر الثاني والله دارت فيا لي مايندار حتى خفت كاشما يصرا للبيبي مي جاتني من الكولون والله 3 ايام وانا نسوفري مي رحت لدارنا

سمسوووووووووومة واش الاحوال توحشتك بزاف من بعد روحي للتجمع وقولينا واش شريتي 
ساااارة هذا تلقيح ضد الكزاز الحق مانيش عارفة واش هو الكزاز خخخخخخخخخ هاذي لازم تديريها سيتو للبيبي الاول ومن جهة يعطيك الدفتر تاع البيبي سقسي الطبيبة انتاعك اوكي هدا وقتها انا ديجا درتها روطار

صباح النور البنات 

هههههههه سارة تعجبيني تدخلي تكتبي و كأنك تحكي مع عبد راهو بحداك ههههه وش في مخك الكل تكتبيه .... تعجبيني بصح

روحي ديري واش قالتلك خليدة ماتسهزايش على روحك و الله المرض راهو يسبّب بعيد الشر عليكم مي الاحتيياط واجب

خليدة و الله عندي مدة ماشريت والو مي راني ناوية ان شااء الله فيال القريب نروح للعلمة نشري ضربة وحدة من تمّ 

عندهم الرخا يدهش ماشي كيما حنا في عنابة الغلاااااا تحطي يدك على الحاجة تلهب 

كي نشري راني نصورلكم بيان سير 


اليوم عندي نقرا الخياطة العشية من 13.30 إلى 16.30 المستوى الثاني نكملو واش درنا العام لي فات و نتعمقو أكثر 

***************

هيه يا المتزوجات فيدوني بنصائحكم قولولي وش الحاجة لي منكثرش منها ياسر و وش الحوايج لي استعملتيوهم يااسر و كلما نكثر منهم فالفايدة ؟؟؟؟؟

صباح الخير كيف الاحوال اليوم شتآآآآآآآآآآآآآ والبرد تبا تبا الحوايج ماحبوش ينشفولي لوكان عرفت والله مانغسل لا علينآآآ

------------------

خليدة راني قريت اسمو tetanus كيبما تيتانيك خخخخخخخخخخخ خلاص رونديفو لي جاي نقوللها راني قريب ندخل للخامس وكرشي ماحبتش تبان بزاف تبا خليدة ولا بليفيتا وقتاش حسيتو بالبيبي يتحرك ؟؟؟ انا نهار كامل وانا بالسماعة تاع الطبيب حتى ودنيا حشاكم وجعوني منها خخخخخخ نسمع غير لي غاز




بليفيتا مرسي على الشرح ديالك والله بلا بيك نضيعو مزية كاينة نتي عندك خبرة رانا غير نتعلمو ربي يجازيك كل خير هكا كي تسقسيني طبيبة ماشي نروح مبكمة ولا ماشي فاهمة اصلا نكره الشرح تاع عمي قوقل نتي راكي بسطتيه شكرآآآآآآآآآآ ونتي واش راكي صافا مع الاولاد والحمل ربي يكون معاك

--------------------------------

سمسومتي خخخخخخخخخخخخخ ياك علابالي كي نهدر كي جو تقراوه مي صح واش نخمم نحط نحس روحي راني نهدر فالتليفون هههههههههههههه

مرسي ربي يخليك وعيشك وعلى الفاكسان كي نروح طبيبة نسقسيها وهي لي ديسيدي انا خاطيني .. :p

 ايه على الجهاز صح روحي وين رخيس خير تشري بزاف خير من لي تشري حاجة وتفلسي ونتي وقتاش العرس العاام الجاي؟؟؟ من دوك قوليلو يديرلك النت ههههههههههههه شرط من شروط الزواج

دوك نطلع الفوق ونكتبلك اليوم راني روبو كلش مقي فالدار خخخخخخخخخخ وزيد الشتا مرات يقولي راجلي تقول راهي تصب فوق راسك كي تكون شتا مانحب ندير والو هههههههههههه البارح قريب مت من الرعد وزيد غير دخل راجلي باش نتعشاو راحت التريسيتي ايا كلينا الكباب بالشمع جو رومانسي هههههههههههههه

سلاااام بنات وشراكم

اهلاااا سمسومة وشراكي هادي غيبة توحشناك نتي وكوكي
ربي يقدرك وكاش ماستحقيتي رانا هنا


وش نديرو سارة ماحبش يجي الجديد ههههههه
وعلى الطياب راني غير انا نطيب سيرتو كي دارت عجوزتي العملية
وماكلتي راهي تعجبهم ووالفو بيها
مي وش نقلك الابداع مات ههههههههه راكي عارفة كي تكون عايلة كبيرة ماعليك غير تعمري مرميطة بالمراقي وتسكتي هههههههههه

هههههههههههههه سارة كعبة وحدة 

صباح النووووور عليكن جميعكن هيهيهيههيهيهيهي

عرسي مازال ماشي باين بالاك العام الجاي فاللخر و مانعرف 

و على النت الحمد لله راجلي عندو فالدار أول الشروط راهو كاين بعد هههههههه 

كوكي راهي لاباس كيما تعرفوها الدار و فقط

شمعة ضياء كتب:

سلاااام بنات وشراكم

اهلاااا سمسومة وشراكي هادي غيبة توحشناك نتي وكوكي
ربي يقدرك وكاش ماستحقيتي رانا هنا


وش نديرو سارة ماحبش يجي الجديد ههههههه
وعلى الطياب راني غير انا نطيب سيرتو كي دارت عجوزتي العملية
وماكلتي راهي تعجبهم ووالفو بيها
مي وش نقلك الابداع مات ههههههههه راكي عارفة كي تكون عايلة كبيرة ماعليك غير تعمري مرميطة بالمراقي وتسكتي هههههههههه

اهلا هجورتي 

ماعليش رانا قاع فالهوا سوا مكان حتى جديد وزيد مع البرد ديقوتاج واعععععععععع


خخخخخخخخخخخخ والله يالابداع حتى انا كي يروح شيخي باش نبدى نبدع باسك هو يحب المراقي هبلني باللوبيا ماشطو هههههه

صح المهم عمريلهم كرشهم يسكتو 

belavita كتب:

ahlan sara 

choufi  3la harakat le bébé kol wahad w kifach 

le 1er 3 mois bda yatharrak

le 2éme hata le 4éme  

w hada 4 mois + chwia bessah yatharrak  ktar mali 9ablah 

ya3ni kol wahad w tbé3to mata9adrich t3ammi 

w l'écho hia li ta3ték ssah  lmohim ykoun en bonne santé

اهلا اختي واش راكي لاباس..

انا كي درت النت زدت اهبلت كل مرة واش نقرا مافهمتش تلفتلي ايه هكاك قريت اصلا هو راه يتحرك من السمانة 9 مي مانحسوهش برك لازم كي يكبر مليح باش نحسو والله صح كي درت ايكو الخطرة لي فاتت كي شفتو يتحرك هكاك حتى قلت للطبيبة راكي سور راه في كرشي قاتلي لالا راه في راسك هههههههههه 

مرسي حنونتي ع الرد والشرح ربي يجازيك

semsouma d'or كتب:

هههههههههههههه سارة كعبة وحدة 

صباح النووووور عليكن جميعكن هيهيهيههيهيهيهي

عرسي مازال ماشي باين بالاك العام الجاي فاللخر و مانعرف 

و على النت الحمد لله راجلي عندو فالدار أول الشروط راهو كاين بعد هههههههه 

كوكي راهي لاباس كيما تعرفوها الدار و فقط

صباح النور سمسومتي   هههههههه ربي يخليك حنونة 

ماعليش المهم فالاخر رايحة تتزوجي شفتي واش قاسينا حنا وتزوجنا والحمد لله المهم على راحتكم كي يوجد روحو وتوجد الدار هداك هو الصح تروحي الازم ماشي كيما لي يزربوك تبقاي غير تجري 

ايا مليح كي عندو النت هههههههههه والله مزيرية ماتقدريش تتصوري بلا نت 

دوك كي نروح ضيفة لدارنا يشوفو وجهي فالصالون موالفة من النت مانبوجيش ههههههههه قتلهم كي نديرو عندي ونشبع نجي نقصر معاكم

سالي عليها ماحبش يمشيلي viber مانيش نقصر معاها 

قوليلها راهي حالفة فيك مادخلتيش هنا استناي نحكمك " longdesc="61" />

خليدة ان شاء الله ريحتي شوية

وسماح ان شاء الله راكي مليحة مابنتيش هاد اليومين 

اليوم النت راهي كي الزمر هبلتني تروح وجي بففففف

خوشو

https://kaserchooe.yoo7.com/t7519-topic#111573

اهلا لبنات 
ههههههههه سارة راكي مقلقة وقتاش يتحرك ماتخافيش قريب انشاء الله انا والله غير حسيت بيه قبل الثالث وفي الاواخر انتاع الرابع رجع يتحرك كل وقت شوفي هي كل وحدة وكيفاه ماشي كامل كيف كيف 
سرسورة ممكن عندك بنوتة ان شاء الله يقولو هي ماتتحركش بكري

ياخاه من البارح وانا نسيي ندخل وااااااااااااااااالو الكونيكسيون راهي ثقيلة قراف ومكانش قاع ساعات على حساب اخر اخبار قالك تقطع الخيط تحت البحر تبا لهم دوك تقعد هكا وحد السمانة وياربي لايفروها ان شاء الله راكم ملاح

----------------------

خليدة والله ماعلابالي مع النت زادلي التوسويس الشهر الجاي نروح نورمالمو يبان ادا طفل ولا طفلة المهم يكون مليح برك مرسي على الاجابة شكراا