۞●●قعدة مع لحباب .... مرحبا بالضيف الكريم .. رمضان يجمعنا 2015 ●●۞

سلااااااااام الانترنت راهي تهبل ماقدرتش ندخل البارح 
سارة مايكون غير الخير ان شاء الله ماكان والو

مساء النور بنات
كيف الحال
انا كنت في دارنا غير كيما رجعت
عندهم النت بصح ماقعدتش خلاص

اهلا سماح واش راكي 
سارة وين راكي مدخلتيش اليوم غير الخير

صباح النور البنات 

ان شااء الله راكم بخير 

على النت كيما قالت سارة تفقطّع كابل تحت البحر عندنا في عنابة 

نورمالمون خدموه مي مازالت ثقيلة شوية 

واش راح نديرو الشعب الكل راهو هابل بلا نت و فايسبوك. عاد كلش بالنت ماتقدرش تتحركي بلا بيها

سلام لبنات ان شاء الله راكم ملاح مانيش ندخ علاجال النت راهي ثقيلة بزاف وتقلقني مرات نقدر ندخل نفرا بصح كي نرد ما يلحقش ان شاء الله يلحق هدا برك كي تتسقم شوية وتخفاف راني نجي اتهلاو بيزووز

سلام بنات وشراكم
رانا كامل نعانيو مع الكوناكسيون هههههه
نورمالمو مابقاش بزاف وترجع كيما كانت
ادا ماهردوهاش ههههههه

صباح النور البنات 

الحمد لله اليوم عندي لاكونيكسيون روووعة 

مانعرف سبون خدموها ولا غير يجربو برك 

واش راكم لبنات ان شاء الله بخير اهلا بعودتك سماح

ايه صح اليوم راهي شوية خفيفة ماشي كيما اليامات لي فاتو والله صح مرض النت هدا البلاد قاع ضاعت كلش رجع بيه

واش تحكو كاش جديد كاش برك كاش ديقوتاج خخخخخخ
اسماء ابعتيلنا شوية الخيط راه من جيهتكم  " longdesc="63" />

صباح النور 

هههههههههههه سارة راهم حاكمينو ناس عنابة الكابل ماحبوش يسيبوه خخخخخخ

حنا صح عندنا مي تكرهي باه تتفتح لاباج مافهمتش من عندي ولا من عندهم 

و هاي راحت هاي جات أووووووووووووف ضربتها بعين يا جدها 

و الله ماكاين حتى جديد سارة بربي غدوة رايحة للعلمة كيما قلتلكم كشما نشري 

و إذا شريت أني نصوّرلكم

سلام اعليكم واش راكم كيما راكم

خخخخخخخخ اسماء خليهم يشدو الخيط ان شاء الله مايزيدوش يقطعوه كي يضاربو عليه هههههه بصحتهم

لالا راهي هكا النت متذبذبة كاين دي سيت تم تم يتحلو وكاين لي ثقال وكل وقت وكيفاش المهم خير من مكانش من بكري رانا نعانو

ان شاء الله تلقاي واش راكي تحوسي اعليه تما ديري ليستا علابالي ماتتقيديش بيها مي رؤوس اقلام تاع واش راكي حابة وماتلقايهش في عنابة ولا تلقايه غالي عليه بزاف

روحي بلعقل برك لوكان جيتي هنا ساحة الشهداء تفري كلش وتتزوجي غد من ذاك هههههههههه

-----------------------

البنات كامل ان شاء الله راكم بخير خليدة وين راكي مابانش حسك واقيل رحتي لداركم

انا والله مايحب يديني راني بالشهر ودوك راني بلي رونديفو تاع طبيبة تبا له يقولي عصفورين بحجر تشوفي داركم وتروحي للطبيبة خير مانقعد رايح جاي لوكان ماعندناش طونوبيل نقول بالاك رانا بزوج تاعو وزيد تاع باباه كي راح ولوكان بعيدة نقول بالاك ياربي 15 دقيقة نكون تم بففففففففف

مزية لي راني وحدي لوكان بالغاشي وهكا لوكان راني هربت هههههههه




-----------------

شمس راني نشوفك دايما مكونيكتيا وماكيش تهدري اك غير الخير ؟؟؟

صباح النوور سرسورة رانا وحدنا ندورو هادو اليومين 

راهي تفركست الروحة تاع العلمة و الله ماهي كاتبة مرة أخرى ان شاااء الله 

في آخر دقيقة أنيلي الحكاية المهم كل عطلة فيها خير ان شاء الله 

ايييه كون جيت نلقى لي يجيبني للعاصمة و الله نجي 

خويا حرت كيفاه قالنا نديكم هادي المرة خليني قرابي خير لا يبطّل ما يدينيش خلاااه ههههه

ايه خليدة لا خبر مانعرف وين تكون ؟ ان شاء الله خير

سلاااااااااااام واش راكم 
توحشتكم كنت عند عمتي هاد اليومين كانت مريضة راكم عارفين لازم الواحد يبين روحو 
المهم كاش جديد 
سارة تاع وجهي دارنا والله مايبغي يديني راني نستنا اختي تولد هاد السمانة ان شاء الله ونروح نقعد يامات والله غيرسماطة كرهت

مسلخير ياوجوه الخير راحتلي الكونيكسون صباح من 11.30 حتى 14.00 باش جات حسيت روحي ضايعة قلت واقيل خلاصت وماقريتش قاع كيفاش كي تخلاص كيفاش نعمر الرصيد واش من سيت نروح ليه لي تعرف تقولي ودوك نحوس فالنت

---------------------------

اسماء اه دوماج ماعليش المهم نتي راكي خدامة كل ماتخرجي دوري واشري بلعقل حتى تكملي الجهاز هداك مايخلاصش خمي ع الدراهم برك لي يخلاصو هههههههه

علابالي بلي ماتقدريش جي مي والله هنا ماشي غير جهزي تدي المارشي معاك سورتو الطوابل يبيعو رخيس خير من الحوانت ماتقلقيش المهم ادا ماشي اليوم رايحة رايحة للعلمة خبي دراهم برك 


-----------------------

ع سلامتك خليدة حتى حنا توحشناك ربي يشفيها ان شاء الله والله حسابتلي رحتي لداركم قلت ماهيش لاتية شفتي رانا فالهوا سوا هو علاش مايديكش بعيدة داركم على وين تسكني ؟؟؟


وربي يعي وقفة ساهلة لختك ان شاء الله ولعقوبة لينا ربي يستر اليامات راهم يجرو وااااااااااع

خلاص راني عرفت وقريت ياخاه الكونيكسيون راهي كي الزمر عندي كي ضربت طلة لقيت بقالي 0 جيغا خخخخخخخخ

مي مزالت الكونيكيسون راهي كي السلحفاة بسيف لتتفتح الباجا يقلك تبقى 512 برك مي قراف وزعمة حتى 10/11 باش تخلاص ياحي ياحي

سلام لبنات وين راكم وحدة مابانت البارح جمعة الراحة والاستجمام اليوم من صباح وانا مع الشغل تبا لي

حبيت نقلك خليدة راني حسيت شوية للبيبي يعني مع الفجر هكاك مانعرف لاراني نتخيل ولا هكا الحركات يبداو كي شغل نبض قلب وموجة ؟؟

سلاااام بنات وشراكم
انا راني في دارنا جيت البارح
وش اخباركم

سارة وجدي روحك دوك تشبعي بونيات ههههههههه

اهلا هاجر واش راكي لاباس مبوك اعليك باسبور الراحة ههههههههه

لعقوبة ليا ولخليدة

واش راكم لاباس انا والله كنت عيانة البارح دوخة وظهري ورجليا دارو فيا حالة نوقف ندوخ كنت غير بالتليفون ندور فالنت وكل مانجي نكتب حاجة يبلوكي كرهلي حياتي

واش الاخبار اليوم راسي وجعني من التلي على امين ياريشان مرضونا بيه الحمد لله لي لقاوه

وعلى البونيات اني واجدة للخرب هههههههههههه

سلام بنات وشراكم

لاباس عليك سارة
ايه شفتي والله كرهت من الصباح وهوما امين امين بالتفصيل الممل
راهم لقاوه راهم جابوه راهم دوشولو راهم ...... ههههههههههه
على كل حال الحمد لله كي رجع بخير بصح علاش البيسطو
زعما كي هذا ماليه ناس كاينلهم دارو عليه حالة وحضر فيها حتى الوزير والوالي وووو
والزوالية لخرين ماكاين والو

ع سلامة هاجر راني غير انا ونتي ندورو وحدة مابانت ان شاء الله بكون المانع خير

اعيشك حبيبتي دوك راني صافا شكيت من رقاد مانيش نرقد مليح فاليل من سطر تاع رجليا غير نتكى يبداوني تبا

--------------------

وعلى امين شفتي نحيتيهالي من فمي سبحان الله قلت هدا كي مرفهين ومعروفين دارولو هيلولة تقول رئيس دولة قرعوها بزاف

ومزال للان يهدرو خلاص رجع مبروك عليهم هدرو عليه قراف 

تبا تبا

--------------

كاش جديد كاش قديم تنا ديقوطآآآآآآآآآآآآآآج قتلني ماني ندير والو راني دايتها راحة برك خخخخخخ كرهت كل يوم نفس الشغل

صباح النووور البنات 

كنت ويكاند مانخدمش و فالدار مانقدرش نكونيكتي 

و البارح ثلاث خطرات نجي ندخل للمنتدى و يتبلوكا الميكرو يالطييييييييييييييييف ما هذا ؟؟ " longdesc="59" /> 

 هاجر واش تحسي كي تجي لداركم ؟ قولي الحق برك تتوحشي راجلك و دارك ولا مادابيك تزيدي تقعدي شويّة في داركم ؟؟

سرسورة واشراكي حبيبتي ؟؟ ربي يعينك و يشفيك تهلاي في صحتك برك ما تعبيش روحك  " longdesc="212" />" longdesc="211" />


خليدة ثاني تهلاي في صحتك أختي 

سلام بنات وشراكم

سمسومة كي نجي لدارنا نحس روحي ضيفة برك ونتوحش بزاف راجلي وداري

ههههههه أيا مليح هجورة كي والفتي ليه ليه في دارك

أنا خايفة  منوالفش في داري ليه ليه مالgري نحب راجلي و حابة نروح 


مرسي طلّعتيلي المورااااال    


أين البقية ؟؟ 

رايحة نقرا الخياطة 

غدوا ان شاااء الله

سلاأأأأأأام عليكم

واش راكم ,,,,,,,,, اني نشوف مكان حتى وحدة 

مرسي سمسومتي راني غير بلعقل مي كي جي جي وحدها والله اليامات هادو راني 00000000 العيا والديقوتاج جا على ضربة وزيد مانرقدش فالليل كل دقيقة رنوح ونجي للتوالات حاشاكم وزيد رجليا وظهري يحكموني فالليل حتى نهبل لا علينا

اشماء شوفي هي قد ماتتوحشي داركم قد ماتكرهي تم تم انا دوك راني نستنى نروح ب10 عينين مي غير نلحق نحي توحاش برك يعني كنت صح نحب نروح كثر علاجال النت ههههههههههههه مي دوكا علابالي نروح نكره نحب نرجع بلخف تولي وحدك تخمي على راجلك ماتقدريش ترقدي بلا بيه اصلا كي نروح بلاصتي فالشمبرتي يعني في دارنا كنت لوكان مانرقدش فيها مايجينيش النعاس دوكا العكس كي نروح نبقى ساهرة مانقدرش نرقد تم خخخخخخخخ

ونزيدلك حاجة يعني نتي دوكا تعرفي تفاصيل قاع تاع داركم مي كي تتزوجي وتباقي مدة كيما انا راني بالشهر باش نروح تبا لزوجي يعني كي تروحي صح تنساي امور وين جايين فالكوزينة ولا اي عفسة مرات جيك بيزار الدار يا تحسيها صغيرة ياتحسي الحس بزاف 

مثلا كيما انا هنا السكاااااااااااات حومة هادي مافيها حتى قط برا وزيد راني براسي برك والفت الكالم كثر من دارنا يعني كي نروح من الهدرة راسي يولي بيدون خخخخخ وتان حنا في دارنا يعني دوزيام اطاج وهنا راني ف5 نشوف طوموبيلات صغار كي نروح للدار نخاف نطل نحسهم كبار بزاف هههههههه حتى يضحكو عليا

واش هاجر مزالتي كونجي ولا رحتي ؟؟