افتتــــاح التجمــــــــــــع الخـــــاص بالحـــوامل و الأمهـــات 2016

 
 




 
 
 
 
 




 
 
 

مبروك التجمع والله غير فكره هايله ان شاء. الله يكون تفاعل من الجميع والعقوبه للي مزالوا

الف مبروك الافتتاح ،،،،،،شكرا على المقدمة الجميلة ،،،،،لي عودة لبنات .......

تجمع رائع
شكراااا اميرة
ان شاء الله ننظم ليكم عن قريبببب
ادعولي

الف مبروك الافتتاح فكرة هايلة
ربي يوفقكم

صباح الخير للجميع 
انا دوك راني فالثامن والحمد لله بصح معرفتش اذا نولد فاوائل التاسع ولا حتى نكمل الشهر لخطرش نروح نولد في دارنا ان شاء الله على  هذا قلت مانروحش حتى نتاكد وقتاه كاش وحدة عندها معلومات تقلي اللي ولدو من قبل كيما سماح وهل الطبيبة تقلي وقتاه

صباح الخير اعليكم

هاجر ربي يرزقك ان شاء الله يارب وتلحقي بيا نتي واميرة قبل مانولد نتونسو خليدة وكريمة قريب يولدو وااع

------------------------------

واش راكم البنات خليدة والله ماعلابالي على الؤال ديالك مي نورمالمو على حساب واش سمعت من نساء اذا كنت رايحة تولدي بريفي قادرة فالسمانة الاولى تاع التاسع يولدوك يعني ماشي شرط تلحقي 40 سمانة وفالحكومة يستناوك حتى تتفتحي وتدخلي اليامات لخرين تاعك ويجيك السطر باش يولدوك وربي يسهلك يارب

البنات حبيت نطرح شوية اسئلة اذا سمحت صاحبة الموضوع  "" انا راني رايحة نهدر خخخخخخخخ قبل ماتجي وتحبسيني """"""ي

عني باش يستفادو لي رايحين يجو مورانا ومايتخلعوش شوية من العوارض تاع الحمل باسك كل وحدة وتجربتها الشخصية يعني من اول يوم تاع الحمل حتى هاد 

الساعة ،،،،،،، دوك نجيكم بشوية اسئلة وكل وحدة ترد على حسابها هي واش عاشت... " longdesc="68" />

الاسئلة : 


1) شحال الايام لي تاخرت عليك الدورة وحسيتي بلي ممكن تكوني حامل ودرتي تاست؟؟؟



2) هل الستات من اول مرة خرجولك خطين او خط الثاني خفيف؟؟


3) واش هي اول حاجة درتيها مور التاست هل رحتي للطبيبة ديركت او درتي اناليز الدم ؟؟


4) في اول ايام حملك يعني تقريبا اول اسبوع واش هي العوارض لي حسيتي بيها؟؟؟ 


5) كل وحدة تمد حوصلة للشهور الثلاث الاولى كيفاش عاشتهم ؟؟؟

_______________________________________


نجاوبو على هاذو ومن بعد نزيدلكم كي يجوني في راسي 
 


خخخخ

نبدا الاولى ولي جي تجاوب من بعد حتى ولي حملت وولدت ممكن تفيدنا بتجرتها اذا مانساتش ...


1) شحال الايام لي تاخرت عليك الدورة وحسيتي بلي ممكن تكوني حامل ودرتي تاست؟؟؟

انا عندي دورة منتظمة تاع 28 يوم من لي تزوجت تبدلت شوية عليا ورجعت جيني حاشاكم كي شغل 3 ايام من قبل بنية باش يهبط الدم بعدها وكي رحت للطبيبة المرة الاولى قاتلي ممكن عندك تكيس مبايض مي ماشي مشكل يروحو في كل دورة ماشي لي ثابتينولازملهم الدوا 

وبما تاخرت باش رفدت مدة 7 اشهر من الزواج يعني قبل العيد الصغير بثلاث ايام ممكن ؟؟ المهم قبل اسبوع مايخلاص رمضان لقيت بقعة بنية حشاكم فالملابس الداخلية ومن ثم خرجت نبكي شبعت بكآآآآآآآآآآآآآآآآآآ حسابتلي رايحين يجوني وللان نتفكر واش بيكيت وااااااااع وانا ماكنتش علابالي بلي تلقحت البويضة المهم بعده تاخر الدورة 3 ايام وقلت ندير تاست.


2) هل الستات من اول مرة خرجولك خطين او خط الثاني خفيف؟؟
انا درتو خرجو خطين حمورة دم وااااااااع مت بالسعادة ربي مايحرم اي وحدة من هاذ الفرحة ومن قوة الفرحة وقلت اواه مكانش منها زدت شريت زوج 

ههههههههه وقعدت نجرب قلت بالاك اباراي خاسرة ومن الفرحة رحت صليت ركعتين وقلت يارب لك الحمد وان شاء الله تصدق وكنت في دارنا ةعيط لراجلي وهو يقلي ماتفرحيش بواف مسكين خاف نفرحو في باطل خخخخخخ

3) واش هي اول حاجة درتيها مور التاست هل رحتي للطبيبة ديركت او درتي اناليز الدم ؟؟

موراها درت تاست تاع الدم وخرج positive وكنت فالاسبوع الاول نظن والله ماشفيت مليح تم تأكدت بعدها رحت للجنيكولوغ ودارتلي ايكو وشافت بلي تلقحت البويضة """"""""""" انا حسابتلي نلقى بيبي """""""""ههههههههههههههه

4) في اول ايام حملك يعني تقريبا اول اسبوع واش هي العوارض لي حسيتي بيها؟؟؟ 

انا كنت في الفترة الاخيرة تاع رمضان وطاح عليا التعب وحسابتلي من السخانة وعيا تاع رمضان حتى وليت نخدم بالكرسي ونحرك الطنيجرة بالكرسي من العيا وحاشاكم حكمتني لادياري والام الدورة بزاف 

5) كل وحدة تمد حوصلة للشهور الثلاث الاولى كيفاش عاشتهم ؟؟؟


انا الحمد لله ماكانش عندي عوارض من غير الام الظهر والصدر بزاف يوجعني لحد الساعة وتنفخ وتبدل لون الحلمات من بعد نجو ليها

وكان عندي فشل بزاف نعيا بلخف من خفقان القلب والعطش نعطش بزاف قرعة نكملها في نص ساعة وشوية دوخة ورجليا الام بزاف وزيد الام الدورة لي رافقتني من اايامي الاولى لحد اواخر الشهر الرابع كاني رايحين يجوني،،،،،،،،،، مع الام اللثة والضرس والصدااااااااااع راسي قتلني بالسطر وشوية لعاب فالفم الايام الاولى

مبروووك الافتتاح موضوع هايل

ربي يكتبلنا كل نكونو أمهات صالحة ونربيو ولادنا ملييييييح

سرسورتي منقدر نجاوب على والو راني متفرجة برك ههههههههههه

أنا مزلت خايفة من ليلة الدخلة ، المرحلة لي وصلوتلها مزالت بعيدة عليا هههههههههههههه

ربي يسهللكم كل إن شاء الله

ولي مزالت مرفدتش ربي يرزقها في أقرب وقت ممكن

اهلا بيك كوكيتا الجميلة ،،،

ان شاء الله كي اليوم وتلحقي ويكون عندك معلومات كافية ماشي كي حنا رانا كل نهار نكتشفو حاجة خخخخخ


و كيما قلتي استناي جوزي هاذيك امبعد ساهل هههههههه

المهم النساء كلش فينا يخوف مكاش حاجة ماتخوفش ربي يكون معانا برك

قبل ماننسى حبيت نقلك كاين وحد aplication للموبيل

اسمها grossesse + مليحة وتحسبلك بالسمانات والشهر وكلش المهم فيها معلومات بصح يعني مانعرف شعال تشد وتولي لازم تشري باش تقراي المعلومات مي تقعد تحسبلك راني مدايرتها فالموبيل 

تلقاوها ف play stor

الف مبروك اختي ممكن تمدلنا اسمك هكا باش نتعرفو اعليك اكثر

شكرا على افادتك لينا وربي يخليلك مزيودك ويشدهولك يارب وان شاء الله تبقاي معانا راكي جربتي وممكن تفيدينا من خلالك 

ربي يقويك ان شاء الله ويقدرك على التربية

انا خديجة 

ان شا الله ونتي تاني ربي يكملك ويسلك وحلك

السلام علبكم
انا دورتي في العادة تكون طوبلة يعني تفوت شهر باش تجي
وملي تزوجت ولات الدورة تاعي شهر بالتمام وبديت نحسب على هدا الاساس
المهم هذا الشهر دارتلي روطار وبعد اربع ايام من موعد الدورة درت التاست وخرجلب سالب وااااع ومزال لحد الان مزال ماجاتش قلت نزيد يامات ونعاود التاست بالاك مابانش درتو بكري
راني نصبر في روحي هههههههه
ادعولي

اهلا بيك خديجة معانا مرسي اختي ربي يخليك

------------------------------

هاجر ع سلامتك ياربيييييييييييييييي تصدق ان شاء الله وتفرحينا معاك اميييييييييين

 زيدي اصبري يومين ولا 3 وجربي بالاك مزال مابانش مليح