افتتــــاح التجمــــــــــــع الخـــــاص بالحـــوامل و الأمهـــات 2016

ان شاء الله سارة
شكراااا

شكرا خديجة على مشاركتك معانا ربي يخليلك ولادك ويحفظهم

هجورة ياااااااااااااارب تكوني حامل هكا نكملو نفرحو معاك أنتي تاني

ربي يخليييييكم سارة وكوكي

ربي يفرحك ختي شمعة ضيااء وتكوني بالحمل ان شاء الله يااااااااارب

وقيلا راني وحديي في المنتدى

سارة واش من شهر راكي

اهلا بيكم لبنات شكرااا على التفاعل
ان شاء الله نفيدو بعضانا

سارة واش جا في بالك سقسي علابالي تشتي تسقسي
و هكذا نستفادو الكل

أنا حاليا مازال ماعنديش حمل راني 3شهور زواج
العادة تاعي كانت تفوتلي شهر ساعات شهرين و تجي
كي تزوجت رجعت دارتلي بروبلام تجي قبل موعدها يعني كل 15 يوم تجي قلقت رحت للطبيبة قاتلي عندي شوي تكيس فالمبيض قاتلي هاد المشكل يعرقل شوية الحمل مي بنات ياسر عندهم هاد المشكل و يحملو عادي ، اعطاتلي دوا duphaston و راني نشرب فيه قاتلي يفيدك فالحمل وفي تنظيم الدورة

وقريت بلي يعاون بزاف على الحمل

سارة ماتقوليليش بلي ملي رفدتي بالحمل و الام الدورة كاينة ومام السطر في صدرك
انا مانحملش

خليدة ربي يسهلك ان شاء الله
الشهر اللخر يقولو لازم تمشي فيه المرا الحامل و تدوش بزاف باش تسهل الولادة

شكراااا حبيباتي ربي يخليكم

اميرة ربي يشافيك وان شاء الله تحملي في القريب

اللهم ارزقني عفة مريم كتب:

سارة واش من شهر راكي

اهلا خديجة غدوة نقفل 24 سمانة نورمالمو بقاولي 2 سمانات ونكمل السادس 

ع سلالمتك اميرة خخخخخخ

شفتي خربتلك قاع الموضوع هههههههههه

------------

ربي يشافيك اميرتي وماتقلقيش ان شاء الله كي اليوم وتفرحينا

 مي ماتباقيش تبعي عند وحدة برك زيدي شوفي عند كاش وحدة معروفة وتكون قديمة فالمهنة وشاكرين فيها وكلش على ربي 


والله يالحبيبة من لي رفدت وانا بالسطر تاع لي غاقل حاشاك كل مرة نروح نشوف روحي فالتوالات نقول واقيل هبطولي اصلا الاسبوعين اللولين كانو عندي شوية مارون وانا اونسانت ومن بعد حبسو وحدهم

مي السطر قتلك قعدلي حتى اواخر الرابع باش تهنيت والله توالفيهم كي مايوجعوكش تولي تشكي مي وجع خفيف ومرات تحسيه شوية قاوي تقولي مانوضش من فراش وينقص بلعقل برك وكل وحدة وكيفاش

صح المشية مليحة للحامل والمناج في الايام اللخرة والجماع وتان خليدة لوكان عندك بينوار خير من دوش 

مي ماشي من دوك مزالكي فالثامن خلي حتى التاسع كثري من الدوش و ووو راكي علبالك  خخخخ

اميرة ماتقلقيش روحك كل حاجة بوقتها ان شاء الله نفرحو بيك انت وهاجر

ايه مرسي البنات انا و الله ماني. مقلقة على الحمل
هو اللي مقلق انا حاسة روحي هكذا مليحة
يعني هكذا راني غير نتعرف على عقلية الراجل مليح من بعد و نرجعو للبيبي هههههه
انا اللي مقلقني الدورة الشهرية تاعي من نهار تزوجت رجعت تخرط برك كل ما نقول تهنيت نلقاها زادت جاتني حاليا راني مع traitement من بعد و نشوف واش دعوتها

ايه سارة الوحم صعيب سيرتو مع اللول
مازال ما تعرفيش مليح و كل وحدة وكيفاه يجيها
و كاين اللي مايقلقهاش الوحم بزاف
خليدة انا سمعت و شفتها مرة فالتلفزيون قال هاذاك الدكتور
اللي وسمو جميل القدسي بلي الزنجبيل يفيد بزاف المرا
اللي حاشاك تتقيا بزاف فالحمل تاعها قالك ينقص بزااااف
القيا حاشاك

نسقسيكم انتم اللي حوامل خابدة وسارة
اسكو تستعملو كاش حاجة ولا تعرفو حاجة تنحي هاذوك الخطوط االي يبانو فالكرش بعد الزيادة

اسمحولي على الاخطاء الاملاءية خاطر الموبيل
يكتب زي الجاجة لازم تبقاي تركزي في كل حرف
يقلق مش كيما الميكرو

صباح النووووووووووووووووووور
ربي يكملك سارة ويسهلكم كاملييييين لبناااات

مبرووك الافتتاح  " longdesc="52" />

كيما قالت كوكي أنا راني متفرجو من بعيييييييد هههههه 

نستفيد برك و الله المواضيع هذاي ماعندي بيها حتى علاقة ..

ندعيلكم ربي يسهللكم و ربي يرزق أميرة و هاجر و كل وحدة 

سلام بنات
اميرة فكرتنيني في الخطوط تاع الكرش اللي يجو مع الحمل
هاذوك لازم تدهنيهم بزيت اللوز يوميا اثناء الحمل مشي حتى يبانوا على خاطر اذا فاتوا جاو طفرت صعيب بزاف باش يروحوا واذا راحوا يخلوا اثار
هو اثناء الحمل كي يبدا يتمدد الجلد ويكون ناشف يتشقق علاذاك لازملو ترطيب يومي
وكل وحدة على حساب طبيعة جسمها كاين اللي مادير والو ومايخرجلها حتى خط

ايه صح هاجر هادوك الخطوط انا راهم دايرين حالة فكرشي قلت ورا الزيادة يروحو والله ماعرفت راه عندي زيت اللوز انديرلهم خير شكرا على المعلومة

شكرا هاجر

اهلا سمسومة
شفتي مام انا راني نسقسي لوكان نحمل نلقى روحي شوي هههههه
بصح كل ما تدخلي مرحلة في حياتك راح تتعلمي كلشي مام تكوني من قبل لا علاقة
راكي تشوفي أغلبية البنات اللي فالمنتدى تزوجو و كاين اللي رجعو امهات
و كاين اللي راهم يوجدو في رواحهم يتزوجو
و حنا هنا ديما نتعلمو من بعضانا و كل وحدة تفيدنا بتجربتها