افتتــــاح التجمــــــــــــع الخـــــاص بالحـــوامل و الأمهـــات 2016

صح هجورة على هادي قلت نتفرّج و ندّي أفكار من عند أصحاب الخبرات هههههه

و إذا كانت عندي معلومة تهمّكم مانبخلش على خواتاتي 

بدات تتخلطلي نقصد أميرة ماش هاجر 

هاجر توحشتك على هادي راني نحكي عليك

يتوحشك الخير سمسومة تعيشي

السلام عليكم يا أمهات المنتدى
واش راكم لاباس والله غير غيرتوني
ربي يكمل لكل واحدة ان شاء الله 
ان شاء الله وقفة ساهلة لخليدة ولصارة
ولعقوبة ليك هاجر انت وأميرة

أنا نعرف حاجة ممكن نفيدك بيها خياتي يديروها ويولدو نورمال 
تدهني كرشك مليح بزيت زيتون كل يوم وأديري كومبراس فيها زيت زيتون من التحت والا في بروتاج سليب كيما تحبي المهم خياتي في زوج ولادتهم كانت عادية في ولادهم كامل حتة عندي مرت خالي ولدت توام ولادة عادية ومن نهارها ناضت خطش كانت أدير هذه الطريقة
وان شاء الله تفيدكم

خليدة كي تروحي تولدي أتفكريني وأدعي لي معاك

صح شمس سمعت بهاذي الطريقة 
بصح وقتاش يبداو يديرو فيها

كي تتلاقاو شعال تهدرو هههههههههه

والله تحسي عذاب في الرد

ع سلامتك اسماء مرحبا بيك معانا

اقعدي تفرجي وحلي عينيك مليح هههههههههه دوك تلحقي ماتخافيش العوام راهم يجرو خلي اليامات

**********************

اهلا بيك شمس ماتقلقيش كي اليوم ان شاء الله وتولي كي حنا وتقولي اش داني ههههههههه

يعطيك الصحة شمس على الافادة والله انا كرشي بدات تاكلني شوية مرات ندير زيت جونسون برك مي ماخرجوليش الخطوط لســــــة

خليدة يعطيك الصحة على الاجوبة ديالك

كي يروحلي التعب نزيدلكم كاش اسئلة باش يبقاو للذكرى هههههه

نسيت قاع واش رايحة نهدر تبا راني عيانة كي يروحلي العيا نولي ههههه

شكرا ساره هادوك الخطوط حتى للسابع باه خرجولي امالا غير ماتفرحيش دوك تولي كما انا ههههه 
شموسه مرسي دوك ندير الزيت ان شاء. الله نسلكعلى خير وبربي ندعيلك معايا ان شاء. الله

انا اليوم زدت درت تاست وخرجلي سااالب
واليوم عندي 15 يوم روطار
وش رايكم نشوف طبيبة باش نعرف علاش هذا البلوكاج
شاكة في هرمون الحليب يكون طالع باسك صراتلي قبل مانتزوج بلوكاتلي شهرين وكي درت لي زاناليز لقيت هرمون الحليب طالع

خليدة راني ندير جونسون والله مانحبش زيت الزيتون ياختي يريح ونقعد ندوش انآآآآآآىى واااااع؟؟؟؟؟؟؟

نخلي الاشهر اللخرة من الثامن ندير واش قالت شمس

------------------------

هاجر بالاك مابانش فالبول نقلك روحي للطبيبة خير باش تنحي الشك وزيد خير مايصراو des complication

اهلا لبنات 
صح ساره ريحة الزيت لاتطاق بصح هو فيه فايدة كبيره انا نديرو المهم يفيدني 
ايه هاهر لازم تروحي للطبيبه لخطرش الى كان عندك هرمون الحليب طالع ماتحمليش حتى تعالجيه ربي يشافيك حبيبتي او ممكن راكي بالحمل وماكيش عارفة المهم الطبيبه هي اللي تبينلك

شكرا بنات
ايه معوله هاذي السمانه ان شاء الله نروح

هاجر كيما قالولك روحي للطبيبة أحسن و ان شااء الله ما يكون غير الخير

سلااااااام واش الاحوال 
راني حابة نعرف في اي اسبوع اغلب النساء. تولد يعني اللي ولدو من قبل الى كملو التاسع ولا فالبداية معليش كل وحدة تقولنا الىاختها ولا امها ولا اي وحدة تعرفها ولدت ممن قبل 
سؤال للجميييييع " longdesc="28" />

اهلا خليدة والله ماعندي حتى فكرة كل وحدة وكيفاه مي مليح كي تكملي قاع الاسابيع باش الطفل يخرج كامل ان شاء الله

انا على ماما على حساب واش قاتلي كملت 40 سمانة وماولدتش غير بسيزاريان انا وختي لزوج ومانعرف 


--------------------------

خليدة نسقسيك كي راكي هنا اسمعي الثدي ديالي رجع يقرصني بزاف وياكلني وزيد مرات نلقى كي شغل ماء transparent بلا لون  يعني مايهبطش وحدو حتى نعصر باش نقرعج ونشوف واش هذا خخخخخخخخ نورمال  هذاك الماء؟؟؟؟؟؟؟؟؟؟

خليدة وعلى الزيادة واش قررتي تولدي فالسبيطار ؟؟؟؟؟؟

انا والله من الخلعة قلت للطبيبة ديالي نولد عندك شافتني خوااااااافة هههههههه هي تخدم في كلينيك تان وكي رحت المرة لي فاتت وطولت باش جزت سمعت النسا قاع يشكرو فالكلينيك هاذيك والسعر يختلف بين السيزاريان والولادة نورمال 

وحدة خوفتني تحكي على زيادة للولة قالتك قطعوها من التحت حتى l'anus حشاكم قاتلي سوفريت ومن بعد بروقرامات تولد سيزاريان وولدتها طبيبة تاعي قاتلك واللخ ارحم ميات مرة على الولادة الاولى وتحكي بلي البيبي يتهلاو فيه والماكلة جيك سخونة قتلها ايه باسك راكي بدراهمك ماشي عند الحكومة

وراجلي تان قالي اولدي بريفي مسكين عطل كلش علاجالي باش يروح للخارج راه يستنى فيا باش نولد

ربي يهنيكم لبنات ويسهللكم ولعقوبة لي مزالو وليا يااارب

ŔεÐ ρЄǻŘζ كتب:

اهلا خليدة والله ماعندي حتى فكرة كل وحدة وكيفاه مي مليح كي تكملي قاع الاسابيع باش الطفل يخرج كامل ان شاء الله

انا على ماما على حساب واش قاتلي كملت 40 سمانة وماولدتش غير بسيزاريان انا وختي لزوج ومانعرف 


--------------------------

خليدة نسقسيك كي راكي هنا اسمعي الثدي ديالي رجع يقرصني بزاف وياكلني وزيد مرات نلقى كي شغل ماء transparent بلا لون  يعني مايهبطش وحدو حتى نعصر باش نقرعج ونشوف واش هذا خخخخخخخخ نورمال  هذاك الماء؟؟؟؟؟؟؟؟؟؟

اهلا سارة 
هي صح منقدرش نعرف وقتاه غير حبيت نعرف وخلاص 
هههههههه صدرك نورمال حتى انا هكاك بصح مايخرجلي منو والو انت هذاك الما الحليب نورمالمو عادي ماتتقلقيش انا رجعو الريسان نتاعو كحولا ههههه خلعوني رانا غير نزيدو نكتاشفو فالعجب 
يقلك ما يحس بالام غير بنتها تعرف واش فات على امها من قبل

ايه وعلى الزياده والله ماعرفت وين انا نهار السبت نروح لدارنا نقعد فما الى للزيادة ان شاء الله