افتـــتاح تجــــمع العـــرائس"الجــــزائريات" العـــدد الثاني

الله يسلمك
امين
ونتي ثاني ربي يكملك
عرسك مزال بعيد شوية كيما قالت شهرة توجدي روحك في غرضك
قولينا وش جهزتي لحد الان

اللهم امين
يعيشك امينة


كيما قالت هاجر اذا تحبي قوليلنا وش وجدتي لحد الان هكا نعرفو وش بقالك

ربي يخليكم خواتاتي .اكيد نقلكم وش وجدت .بالنسبة للذهب عندي .سنسلة خشينة وسنسلة لكل يوم.خواتم عندي 3 واللي يزيدو يجيبوهولي .مناقش لكل يوم ومناقش خشان .قورمات و مسايس.قوليلي وش نزيد وبالنسبة للحوايج معندي والوووووو.عندي 2 بيجامات.نويزات.درا نتاع كل يوم .ليكات مع فيزو .بابوش .صباط.عندي 6 ميترات قماش رايحة نخيطهم كوات مع المخايد..تعيشو عاونوني راني حاصلة .وش نزيد مع العلم اني رايحة نسكن مع عائلة زوجي.اعطيوني لون مليح باش نخدم بيه بساطات ونزيد ننحط قائمة وقولولي وش ناقص فيها

اهلا بيك اختي امينة معانا فالتجمع وربي يكملك ان شاء الله

انا سارة من العاصمة مخطوبة ومزال عرسي مابانش وقتاش




-------------------------

اما على الذهب اختي على حسب مقدورك تحبي تزيدي تحبي هاذوك راهم يكفو
اصلا الذهب راه غالي يادلالي

تحبي تزيدي سنسلة خفيفة لكل يوم ولا مناقش يكونو ملاح لكل يوم انا نحب الخفيف ولي مايقلقنيش

شوفي نتي عوايدكم واش يدو بالاك تدو محزمة ولا سبيعيات وكل منطقة وكيفاش عوايدها


--------------------
شوفي على الجهاز ديالك دوكا اذا عندك اطاج وحدك رايحة يكون مختلف باسك رايحة جهزي لكامل بيتك واذا عندك غير بيت وحدة ماتديش بزاف فراش واشري قش بزاف باش تبدلي

مي لازم تبداي راه صعيب التوجاد سورتو لمعندكش دخل وراكي قلتي قاعدة فالدار

ابداي بالفراش نقصي شوية منهم

اشري لي دار ولي كوفرولي كوفيرطة والخ من لوازم الفراش

وعلى القش ابداي تشري لي بيجاما دوك يصولديوهم الجبب تاع دار يكونو موالمين ومستورين ووحدوخرين يكونو للضياف كي يجوك ناس برانيين ولا يجو ضياف لاهل زوجك



واش تان هاذوك لي سوفاتمو راهم ياكلو دراهم انا راني نشري مابين القش كي يبقالولي نشري حاجة زوج زعمة نويزات واونسومبل باش مانفيقش باسك يدو دراهم بزاف ومايبانوش

وعلى البساطات اللون لي يعجبني انا زرق لي رايحة للاخضر " فروزي" يجي شباب فيهم ونتي وذوقك

دوك نعطيك مودال اذا لقيت

ونتي واش معولة ديري فالفاتحة ديالك؟؟

شوفي هاذ لي مودال تاع بساطات ونتي ادي فكرة

مالقيتش المودال لي نحوس اعليه مي جبتلك شوية لي مودال مي راهم يتباعو واجدين بلا ماتخطي








[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]



وكاين انواع بزاف وموديلات بزاف ديري برك بساطات في قوقل تلقاي الاف الصور انا جبتلك لي عجبوني برك


وحنا فالعاصمة مايديروش البساطات هاذو باش يكون برك في علمك وعلى حساب المنطقة لي رايحة تروحي ليهم

حنا يحبو كي جيبي مطارح تاع صوف مطرحين الله الله خخخخخ


مع فراشهم يعني شورتهم

بارك الله فيك ختي ايه رايحة ندير مطارح ونزيد لبساطات مع انو عجوزتي قاتلي مجيبيش المطارح بصح انا راسي خشين قلتلهم لازم نديهم ههه و راني رايحة نزوج ان شاء الله في العاصمة

اهلا بيك امينة معانا
ربي يكملك على خير
انا نور من قسنطينة نقرى و مش مخطوبة " longdesc="54" />

مرحبا بيك سارة اسمحيلي هذا وين شفت الردود السابقة .انا راني رايحة نسكن مع لعجوزة وعندي غير شمبرة وحدة مشي اطاج .حقا شفتي البيجامات راهم دايرين حالة بالصولد غير ب 60 الف دزاير كاملة معمرة بيهم وش رايك فيهم شابين ولا لالا .بالنسبة للفاتحة والله غير راني حايرة .‏puisque ‎‏ رايحين نديرو فاتحة وخاتم وش رايك وش نلبس قفطان ولا ‏robe de soiree ‎‏.

ألله يسلمك ختي نور خيار الناس .ربي يوفقك في قرايتط ويرزقك بالزوج الصالح.سارة تعيشي يا ريت تقوليلي وش وجدتي من ذهب وحوايج و لبسة وواش درتي في الفاتحة نتاعك باش نستفيد .راهي تالفتلي.واي مكان تسكني في العاصمة .انا من سطيف و عائلة امي من دزاير "بالكور" .ونروح ل القبة ان شاء الله

أمينة السطايفية كتب:

مرحبا بيك سارة اسمحيلي هذا وين شفت الردود السابقة .انا راني رايحة نسكن مع لعجوزة وعندي غير شمبرة وحدة مشي اطاج .حقا شفتي البيجامات راهم دايرين حالة بالصولد غير ب 60 الف دزاير كاملة معمرة بيهم وش رايك فيهم شابين ولا لالا .بالنسبة للفاتحة والله غير راني حايرة .‏puisque ‎‏ رايحين نديرو فاتحة وخاتم وش رايك وش نلبس قفطان ولا ‏robe de soiree ‎‏.

ماعليش اختي امينة مافيها والو السماح ..

ايه مدام عندك شمبرا برك ماتديش قش بزاف واذا ديتي ورويهم من بعد رجعيهم لداركم وكي تحبي تبدلي جيبي وخلاص ولا ادي قيس قيس

يعني فراشك قيسما تبدلي بيه لازم نتي ديري حساباتك

والبيجامات هوما لي راهم مسلكينا بيان سور شابين ورانا كامل نشرو منهم اشري هاذوك من بعد اشري وحدوخرين اكونو ملاح وشابين مي تاع 60 الف راهم فور ماعندهم ماخصهم


ياختي على الفاتحة انا مزال مافتحتش حتى انا ممكن ماشي سور مور رمضان في سبتمر اذا هداه ربي

" longdesc="21" />

ادعيلولي واعععععععع

حتى انا حبيت ندي منك افكار ههههه

دوك شوفي نتي وين رايحة ديري اذا ديري فالدار كاين لي يحب روب سواري وقفطان وكل واحد واش حاب

انا قلت نشري خليجية ونكري قفطان ماحبيتش ندير روب سواري نحسها تبهديلة مع انا ناسهم محافظين وتان باش نحس روحي الاز خير من روب سواري

أمينة السطايفية كتب:

ألله يسلمك ختي نور خيار الناس .ربي يوفقك في قرايتط ويرزقك بالزوج الصالح.سارة تعيشي يا ريت تقوليلي وش وجدتي من ذهب وحوايج و لبسة وواش درتي في الفاتحة نتاعك باش نستفيد .راهي تالفتلي.واي مكان تسكني في العاصمة .انا من سطيف و عائلة امي من دزاير "بالكور" .ونروح ل القبة ان شاء الله

وعلى الذهب انا عندي غير الخفيف وماعندي حاجة فيه من بكري

عندي سنسلة مع خاتمها شابين

وخاتم تاع الخطبة والشوفة وخاتم اخر فيهم ذهب احمر وبيض وصفر جاي كيما صدفة والله مانعرف نشرح ههههه


وعندي سناسل تاع كل يوم 4 وحدة بالمفتاح ولخرا فيها فراشة ووحدة رقيقة فيها بوندونتيف تاع الله

ووحدة هو شارهالي فيها قلب شابة وثقيلة


وعندي كوردون مي ماشي ثقيل مليح مافيه والو قلت نشريلو كتاب


ومناقش عندي تاع 8

وعندي لي كرييول لي مدورين هاذوك ولي راني مدايرتهم مي خاصيني حبيت مودال واحد وخلاص



وعندي قورمات مدتهالي ماما هذا مكان ياحسرا الذهب هذا مانيش قاع دايرتلو حساب غالي بزاف وهاذو مزية شريتهم في وقت الغفلة


-----------------------

خيار الناس اختي ناس القبة ناس ملاح ان شاء الله تربحي اعليهم

انا من سطاوالي لتسمعي بيها

وعلى الحوايج راني اشرية شوية مي مزال بزاف قدما تشري تقولي قليل شريت لي بيجاما شوية لي نوزيات ولي سوفاتمون لي بينوار تاع شتا وتاع الصيف الجبب مزال خاصيني بزاف مانحبهمش ماشريتش منهم غير 4 برك واقيل عندي

مممممم واش تان شريت 3 كوفرولي ولي درا وكاش كوات مممم ستور والله ماعلباالي هههههه
نشري وخلاص والله مانحسب نحب كي نشوف نقول ياه شريت بزاف هههه


شريت شوية صبابط وشوية روايح الخ الحاجة لي تعجبني نشري زعمة دايرة ليستا والله مانتبع مزية ماعنديش دراهم لوكان راني خليتها مي قدما تشري تقولي قليل ياحسراا

الله يبارك راكي درتي .ان شاء الله تزيدي تديري وربي يكون في عون كل عروسة ختي يا ريت تقوليلي شحال راهم يديرو لي كوفرولي و كاش كوات وشحال لازم نشري .قلت نبدى بالفراش .ولي كوات وش رايك نشري ولا نخدمهم .والله غير صح قدما تشري تقولي قليل

اختي سارة راهم كاينين وحد لي درا نتاع كل يوم في ساحة الشهداء يديرو 120 الف 4 بياس شابين هايلين وش رايك نشري منهم

سلام بنات ضك نحط لا ليست اللي درتها وقولولي وش يخصني.بسم الله
الفراش:للصالون.3 مطارح.4 بساطات.3 غلافات نتاع صالون ماروكان.زربية .كاش ريدو. المائدة اللي يخدموها مع الشورة.للغرفة:كوفرولي غالي نتاع اول ليلة مع الكاش ريدو نتاعو.3 كوفرولي نتاع كل يوم.2 كوات.2 كوفيرطة.3 درا نتاع كل يوم.2 درا من لملاح.لي ناب .تعليقات مفاتيح.ديسوندولي.ستور.2 مخايد اورتوبيديك.
الألبسة.5 بيجامات قطن 3 ساتان.5 نويزات.10 أونسومبل.20 لي سليب.ديزابيي لاول ليلة مع صابو نتاعو.10 فساتين صيف.5 فساتين شتاء.طابليات شغل.2 سراول جين.3 ليكات.3 لي بودي.2 جيبات.3 صيكان مع 3 صبابط حشاكم للخرجة .3 صابوات.3 بلايغ نيلو للماء.عباية.
لوازم الحمام.sortie de bain. مناشف كبار وصغار.شومبوان .صابون.ديودوغون .ستيك.جال دوش.لي ماسك .لي قوماج.ماكياج ...........أكسسوارات للشعر.
التصديرة .قفطان.كاراكو.غوب دو سوغي.سطايفي.اونسومبل.برنوس.جبة قبايل.
الذهب 2 سناسل .2 مناقش.قورمات.مسايس.5 خواتم

ماشاء الله لاليست تاعك راهي مليحة خاصة الارقام عجبوني بزاف ارقام ملاح

عندي برك ملاحظة بالنسبة للمائدة قلتي لي يخدموها مع الشورة
اختي اننا من رايي انك تشري مائدة تاع زجاج تكون باهية احسن من تاع الشورة هديك
تحبي تبدلي لون الفراش كيفاه ديريلها هي ؟ تبدليها؟ ماتصلحش
امالا تاع زجاج تتحط مع اي صالون واي لون
وش يظرهلكم؟؟؟


ولي نويزات ادي اكثر من 5 كيما يقولو هدوك هوما لي يفكو الحالة
وزيد راكي تقولي برك 5 كي تخرجي تشري درك تلقاي روحك في 10 والا اكثر هههههههههه

زيد وناقص....... اممممممممم

الفراش :نسيت كيفاه اسمهم هدوك القماش لي يديرولهم حواف كروشي والا قالون يندارو على الرف تاع الخزانة وتحطي فوقهم القش

الالبسة : زيدي لي شورط وبونتاكور روب قصار هادو لي تلبسيهم لراجلك والا ماتصلحلكش كي عاد عندك شومبرة وحدة؟
لي بيستي بلي شورط تاعهم هدوك هايلين
ولي جيب القصار هدوك لي اغلبهم لونهم ابيض لي يتلبسو تحت القندورة تاع القماش ياك شفتي كيفاه يبينو

عجبوني 3 بلايغ تاع الماء تسيقي بيهم تديلو وحدة ليه يسيق معاك؟؟ ههههههههه راني نضحك برك عندك تزعفي مني

نسيتي الخمارات
وعلى الصابوات يبالي 3 قليل
وعندك تدي صبابط الخرجة كامل عاليين وكي تحبي تخرجي مع لعشية تتمشاي يطيبو رجليك من العالي ههههههه

التصديرة : مليحة تصديرتك ومعاهم لي صوندال ولي بوشات تاعهم ( عندك ماتصرفي) خيرتي لي مودال والا مزال؟

الذهب : نظن ماعندك وين تزيدي البراكة
وعلى المحزمة حنا تاع الشرق نديروها بصح انا مانديرهاش ونظن انك انت تاني ماتلبسيهاش مكان علاش ديريها وزيد راهي غالية تقتل
واذا تحتمت اشريها تاع فضة مشللة بالذهب وخلاص راكي ديريها مرة في العام

وماتنسايش بوات فيها الخيوط والابر والنقابيات وهاد الصوالح

كاش مانتفكر راني نزيد نقلك

ولبنات يزيدو يفيدوك

أمينة السطايفية كتب:

اختي سارة راهم كاينين وحد لي درا نتاع كل يوم في ساحة الشهداء يديرو 120 الف 4 بياس شابين هايلين وش رايك نشري منهم

اسمحيلي اختي بهذا التدخل البسيط
هاذو لي درا تاع 120 الف تاع 4 بياس اغلبهم مشي ملاح يطلقو
حنا ماما وختي شراو منهم
ختي فرشاتو ديراكت بدا يطلقلهم على الحوايج والكور
وماما غسلتهم كل ماتغسل تخرج منهم الصبيغة غسلتهم وحد 7 غسلات ههههههههه باش راحت هاذيك الصبيغة الزايدة وزادت دارتهم في لاجافال مع التالي
انا لوكان في بلاصتكم نشري القماش تاع لي درا راهو يدير 17 الف ونخيط كيما نحب ملاح هاذوك القماشات مايطلقوش
وشوفي نتي وش يخرج عليك

شكرا هاجر على النصيحة
انا تاني عجبوني
ياك تحكو على هدوك لي يجو في لابوات بواحد الورد خفيف وطرزة خفيفقة؟

لالا شهرة انا منيش نحكي على هاذوك
هاذوك يكونو من 300 الف واطلع
هاذو اللي رانا نهدرو عليهم جايين درا سامبل تاع رقاد يندارو من تحت

سلام بنات راني جيت اسمحولي .شهرة ايه لازم لبلايغ تاع التسياق هههههههههه هوما اول حاجة.اضحكي على روحك ختي راني مهبولة تاع الصح ههههههههه.وبارك الله فيك راكي فكرتيني في حوايج نسيتهم كامل.التصديرة ما زال ما شفتش لي مودال غير كاراكو قالي مليون و 600 جاني مليح وش رايكم لبنات و قفطان واونسومبل يجيبوهملي هوما.و لي درا رانا نهدرو على هاذوك سامبل نتاع كل يوم بصح عندك الحق كاينين هايلين ب 160 الف بالورد وحاجة روعة.ما شاء الله شهرزاد راكي خبرة نتي والبنات انا اللي راني لا علاقة ههههههههههه.سارة هاذوك اللي درا عندك الحق نشري قماش خير بصح شحال ندي منهم ولي درا شابين شحال راهم يديرو

أمينة السطايفية كتب:

اختي سارة راهم كاينين وحد لي درا نتاع كل يوم في ساحة الشهداء يديرو 120 الف 4 بياس شابين هايلين وش رايك نشري منهم

انا شريت درا واحد مي نسيت شعال خلصتو انا نشري الجاهز مليح ولا ماشي مليح غير الخياطة لي مانخيطش ههههه تحبي تشري زوج منهم وتعاوني روحك بلخرين مخيطين نتي ادي 5 تبديلات وادي الوان يكونو متماشيين مع واش رايحة تشري يعني اشري ولا خيطي بيض وغوز كلار ولا اخضر ولا زرق كلار المهم حاجات سامب وكاين لي فيهم ورد هي على حساب القماش دوك كاين نوعية مليحة وكاين تاع شناوة تلقايهم شابين مي غسلة زوج تخافي يرشاو ولا يحولو يعني اللون تاعهم اروح ولا يشربو هاذي فاش تخافي لي درا مي لعروسة ماعندهاش خيار انها دير من كلش باش تعمر يمات الفاليزات

" longdesc="21" />

يعطيكم الصحة يالفحلات هههههههه شعال نكره كي نجي ونلقى بزاف كتيبة هههههه

راكم تعاقبو فيا

مكفاش التحت وزيد هنا هههههههههه