افتـــتاح تجــــمع العـــرائس"الجــــزائريات" العـــدد الثاني

امينة لي درا كان من 200 الى 350 الف كامل شابن وكاليتي مليحة ونتي ودراهمك مي ماتقدريش نتي تشريه بهاذ كامل لي درا نتي نوعي ادي زوج نوعية رفيعة من بعد نوعية متوسطة من بعد نوعية تاع الزوالية

والله غير عندكم الحق لبنات ليوم رحت شفت لي نويزات فوووووووووور يطيرو لعقل واقيلا رايحة ندي 50 وربي يكفيوني ههههههههه سورتو انا نموت على الرقاد والنويزات والبيجامات ههه ايه سارة عندك الحق لمطارح ندي غير زوج اصلا عندي شمبرة وحدة منعرف وين نحطهم. سارة لي درا نديرهم في فاليزات ولا نخليهم في العلب نتاعهم.رانا شاطرين الله يبارك عمرناها بالردود باش كل وحدة تقرعج على ختها.ايه هاذوك هوما المائدات منعرف بلاك نديرها بيضة ولا نشري تاع زجاج

راهم زادو فادوك لبنات بافكارهم
ومانا لا خبرة لا والو والله كي نتفكر لبنات هنا نزوجو فيهم بالوحدة هههههههههه
على بيها والفنا

وعلى لي درا كيما قاتلك سارة 2 غاليين 2 متوسطين و2 اشري القماش هداك الرخيس وخيطيهم

والكراكو ب مليون و600 نورمالمو يكون هايل

وكيما قالت سارة على الارقامشوي شوي منا للعرس تلقاي روحك شريتي دوبل والا تريبل ههههه
على بيها قتلك العدد مليح هداك هو مع تزيدي تجي نورمال

الله يبارك زوجتو لبنات كامل يا ربي ان شاء نفرحو بيك في القريب العاجل ونخمو معاك على حوايجك يا رب العالمين

بنات عندي سؤال .في الفاتحة ان شاء الله ندير لراجلي كادو ولا لالا واعطولي من فضلكم بعض الاقتراحات وش نديرلو

أمينة السطايفية كتب:

بنات عندي سؤال .في الفاتحة ان شاء الله ندير لراجلي كادو ولا لالا واعطولي من فضلكم بعض الاقتراحات وش نديرلو

انا من رايي ديريلو
بصح قولينا قبل اذا درتيلو كادو من قبل ووش درتيلو
باش نعطوك اقتراحات اخرى

أمينة السطايفية كتب:

والله غير عندكم الحق لبنات ليوم رحت شفت لي نويزات فوووووووووور يطيرو لعقل واقيلا رايحة ندي 50 وربي يكفيوني ههههههههه سورتو انا نموت على الرقاد والنويزات والبيجامات ههه ايه سارة عندك الحق لمطارح ندي غير زوج اصلا عندي شمبرة وحدة منعرف وين نحطهم. سارة لي درا نديرهم في فاليزات ولا نخليهم في العلب نتاعهم.رانا شاطرين الله يبارك عمرناها بالردود باش كل وحدة تقرعج على ختها.ايه هاذوك هوما المائدات منعرف بلاك نديرها بيضة ولا نشري تاع زجاج

صباح الخير امينة ان شاء الله راكي مليحة

شفتي قتلك دوك تشوفي دوخي وزيد اسعارهم مليحة 60 الف تلقايهم شابين مرات انا نطيح في دي مودال شابين ورخاس ومرات نشري من الغاليين 100 الى 150 الف

وماتنسايش تشريديزابيي راهم كاينينعلى راسهم انا قلت مع اللخر نشريه باسك لي مودال راهم غير يتبدلو ودوكا كاين كلش والله دراهمك برك حنا رانا محظوظين ماشي كيما عرايس بكري قليل وين يلقاو الغفايس هاذو

ايه المطارح ادي زوج برك باش شورة تدي قيس زوج خاطرش مكانش بيت لي تحطيهم فيها ديالك وزيد عجوزتك عندها من قبل تخسري دراهمك برك


شوفي لي درا حاليا خليهم في صاشياتهم اذا شريتيهم هكاك من بعد نحيهم وطبقيهم وستفيهم في فاليزة سبيسيال تاع لي درا بلاك تخلطي معاها سرابت والله ماعلابالي

مي زعمة لي كوفرولي ولي كوات يدوهم هكاك بلى فاليزة


والمائدة شعال راهي تتباع عندكم ؟

أمينة السطايفية كتب:

بنات عندي سؤال .في الفاتحة ان شاء الله ندير لراجلي كادو ولا لالا واعطولي من فضلكم بعض الاقتراحات وش نديرلو

هي فالاصل واقيل مايديروش اديرو نهار العرس برك كادو

ونتيا اذا رايحة تتلقاي بيه مور الفاتحة وحابة ديريلو حاجة ماعليش

وكيما قاتلك هاجر واش درتيلو من قبل باش نعاونوك وكاين موضوع درناه مي نسيت وين راه

السلام عليكم

امينة لي درا خليهم هكاك في لي بواط تاعهم
سارة حتى لي كوفرلي يخلوهم يديروهم في تغليفات هدوك كيما الكوات
مايلوحوهمش في الفاليزات

هاذوك المائدات والله معلابالي يديرو واقيلا 600 الف .و لي نويزات صح راهم روعة انا اليوم شريت وحدة ب 40 الف هايلة غوز انا نمووووت على الغوز.و خطيبي جامي درتلو كادو شفتو غير زوج مرات مرة خطبة و مرة نظرة شرعية و مارانيش نهدر معاه في التلفون حتى نفتحو ان شاء الله.يعني وش نديرلو كادو.نديرلو خاتم في الفيونصاي ولا لالا.وش نديرلو معاه .سارة لي كوفرولي خليهم في صاشياتهم هكذا راهم يديرو

سلااام

قريت الصفحة الاخيرة برك لقيتكم هدرتو على الهدايا

هدا هو موضوع الهدايا

[ندعوك للتسجيل في المنتدى أو التعريف بنفسك لمعاينة هذا الرابط]

نتمنى الافادة للجميييييع

مليح امينة ماشاء الله
هكا بعد الفاتحة واهدري معاه

وعلى الكادو ايه ديريلو الخاتم وعندك تنساي مصحف من الافضل يكون اول شيء بيناتكم كلام الله

ولبنات يزيدو يفيدوك

بارك الله فيك نور على الرابط .ايه شهرة والله غير المصحف فكرة هايلة نديرولو صحيتي ختي لعزيزة هبلتك معايا نرجعهالك في فرحك ان شاء الله يا ربي

عادي اخيتي رانا هنا لبعضانا
وان شاء الله ماشي غير نهبلك

المشكل تكوني اتزوجتي وهربتي علينا كيفاه ندير باه نهبلك ههههههه

متخافيش انا نقولو المهر متاعي ميكرو وانترنات ههههههههذا ما نطلب

هههههههههه كامل نقولو هكاك من بعد مانديرو والو
ان شاء الله تبقاي ديما معانا حتى تجيبي لولاد جيبي نتعاونو في تربيتهم
نديرو هنا في القصر حضانة لوليدات اميراتنا

مرسي البنات ايه قصدي لي درا لي نحوهم مي لي كوفرولي يدوهم هكاك

مممممممم ماشاء الله راكم عاجبني ىشعال عندي ماشفتش حركة فالتجمع ياحسراه هههههه



--------------

اختي امينية الله اباركلكم في زواجكم وتتعرفي اعليه اكثر ويعطيها الصحة نور والله حوست اعليه نسيت كامل واش من قسم داراتو

راهي تم كامل الافكار لي عندنا حطيناها تم على لي كادو ونتي خيري واختاري وكيما قلتلك شهرة لازم المصحف تبداي بيه من بعد ديري واش حبيتي


وبصحتك النويزات

ممممممم على المائدة انا هنا يخدموهالك ب2 ملاين امالا ماشي المودال لي راني نهدر اعليه

اذا لقيت صورة فالنت نحطهالك

انا اني رايي من راي لبنات مصحف وزيدي معاه كاش حاجة ممكن عطر

الله يسلمك سارة .امين ونتي تاني يا ربي .هاذوك المائدات والله معلابالي بصح مشكيتش يوصلو لمليون يكونو وحد 600 .هوما يخدموهم بنفس لقماش نتاع الشورة ويجو مبليسيين و فيهم زجاج .ايه شفتي راهي ولات حركة للتجمع الله يبارك متخافيش انا عندي شحال من سؤال ضك نهبلكم بلاكو تكرهو برك

انا عندي سؤال راهو محيرني .شوفو انا راني رايحة للعاصمة ونهار يجو يدوني ان شاء الله نروح في الطيارة راني حايرة وش نلبس و باش نخرج من دارنا.

مممممم نفس المودال لي راني نهدر اعليه

شفتي حنا راهم اغلو اعلينا فاالجزائر


------------------------------------


وعلى سؤالك انا صحبتي نهار تزوجت راحت لعنابة بالطيارة تاني مي ماشفيتش واش لبست واقيل لبست الطايور لي تصدرت بيه والله نسيت

مي هذا السؤال صح يحير خخخخخخخ والله ماعلباالي نخمملك ونقلك


نتي كي تلحقي هنا ديرو العرس في نهار هذاك ولا كيفاش ؟؟

ايه سارة يديرو العرس في هذاك النهار حبو يدوني في الطيارة باش ما نعياش .هوما يجيبو غير طونوبيل وحدة هنا لسطيف .وفي المطار يجو كورتاج .يا ربي كي نتفكر نعيا .السفر وزيد التصديرة و ........ والله غير بزاف نروح ليه ميتة هههه .ايه سارة نروح بالطايور وخلاص وهو شرطلي جلباب و ستار نلبسهم فوق الطايور بصح كيفاش عروسة ونخرج بجلباب كحل والله غير راني رايحة نهبل

ربي يسرللك امينة
راكي منشطة التجمع هههه الله يبارك تروح عروسة تجي خلافها عروسة اخرى


شوفو حوايجي اللي خدمتهم اللي قتلكم عليهم في الشات والمرة الجاية نحطهم في موضوع منفصل بطريقة خدمتهم

ان شاء الله يعجبوكم
نروح نقرى واش راكم تقصرو في غيابي ونرجع[img][ندعوك للتسجيل في المنتدى أو التعريف بنفسك لمعاينة هذه الصورة][/img]

[img][ندعوك للتسجيل في المنتدى أو التعريف بنفسك لمعاينة هذه الصورة][/img]

[img][ندعوك للتسجيل في المنتدى أو التعريف بنفسك لمعاينة هذه الصورة][/img]


[img][ندعوك للتسجيل في المنتدى أو التعريف بنفسك لمعاينة هذه الصورة][/img]

[img][ندعوك للتسجيل في المنتدى أو التعريف بنفسك لمعاينة هذه الصورة][/img]

معرفتش واش نقرعجلكم هههههههه

مي سارة ردي باللك تتوحمي هنا هكاك متخلينيش حتى انا


خصارة راحت سمية ومتلقيتهاش

امينة راهي عروس ان شاء الله تفيدنا ونفيدوها
وعلى الطابلة يضهرلي نتاع الزجاج احسن حل كيما قالت شهرة وراهم غاليين واحد نهار لقيت وحدة بمليون بصح طير العقل

والمخاد سمعت بلي كاينين كي الماطلة يتبونباو قالولي افضل واش رايكم زعما ملاح