من اليوم ماتزيديش تحيري في الطياب

رايحة نبدا انا باش تتضح الصورة اكثر



اذا كانت عندك غييييير البطاطا فقط وحرتي وش اطيبي
طبعا اغلبنا تجي في بالها باش تقليها وفرات

رايحة نمدلكم وصفة سهلة وبنينة وخفيفة احسن من المقلي

جيبي حبات البطاطا اغسليهم وقشريهم وقطعيهم دوائر رقيييييييقة
ديري الملح وخلطيهم

من جهة اخرى
في صحن غامق كسري حبة بيض زيديلها مغرف مايزينة
شوية فلفل اسود وشوية ملح وضربي مليح
ومنبعد زيدي حوالي 2 كيسان حليب وخلطي

جيبي plat
ادهنيه بالزبدة
وابداي تحطي في دوائر البطاطا وحدة قدام وحدة حتى تغطي كامل المساحة وزيد طبقة فوق طبقة حتى تخلاصلك كامل البطاطا
جيبي الخليط اللي حضرتيه من قبل وفرغيه على البطاطا

جيبي la chapelure
يعني خبز يابس وسكرفجيه
وديريه ملفوق
دخليه للفرن يطيب ملتحت
ومنبعد حمريه ملفوق

وهكذا تكونو درتو طبق بزززاف خفيف وبنين
غير من البطاطا فقط

وشهية طيبة

[ندعوك للتسجيل في المنتدى أو التعريف بنفسك لمعاينة هذه الصورة]

وااااااااااااااااااااو وصفة هايلة خلاتني نكتبللك قبل مانشكرك على الموضوع.ان شاء الله راح نجربها في اقرب وقت

صح رانا غير نخممو ومكانش الجديد ان شاء الله نستفادو من بعضانا ونتمناو لبنات يشاركونا بوصفاتهم لان دون مشاركات راهو الموضوع بدون قيمة

شكرا هاجر على الموضوع الرائع بارك الله فيك

و يعطيك الصحة على الوصفة كي تكون غير بطاطا نجربها


رايحة نقلكم واش درت غداء باه مانظلش نخمم و لي عودة ان شاء الله

اليوم لقيت الشيفلور داير حالة في لفريجيدار حتى بدا يكحال من فوق مالقينا واش ناكلوه نكرهوه

ايا تفكرت الوصفة تاع حسينة فورتو وهرستو ودرتلو البيض والفرينة و قليتو ودرنالو صوص طوماط جا هاااااااااااااااايل

وماهوش مكلف و بلا مكونات بزاف

و نزيدكم مثلا هذا نهار ماعندكمش القضيان خوكم فنيان كي خويا

و مالقيتيش حتى حاجة تصلح تطيبيها كاش عفسة

راني درتها في المنتدى بالصور الرقاق

بصح الدقيق اكيد عندكم ايا اعجبني الدقيق والماء والملح وادلكيهم مليح من بعد نحي بالكورة وقرصيها رقيييييييييييقة وطيبيها في طاجين حديد من بعد فتيهم كبار و ادهني بالزيت ولا زبدة حسب الاختيار و ديري السكر وشهية طيبة


نموت عليه

يعطيك الصحة ياهاجر موضوع

جا في وقتو وعلى الوصفة حتى أنا غيرما درتها وجات بنينة بزاف تقولي فيها جاج ولا لحم

وهي مكان والو غير بطاطا وحليب مي بنيييييييييينة

+++++++++

بصحتكم الشوفلور سمية زين ماعملتي

وعلى الوصفة تاع الرقاق انا نكره العجين [ندعوك للتسجيل في المنتدى أو التعريف بنفسك لمعاينة هذه الصورة]

نديرو غير فالمناسبات ولا حسنة في سنة هههه
للمحجاب ولا شخشوخة

ان شاء الله نسييهآ

+++++++++
انا اليوم درت كباب وبلا جاج والله جا هايل

كي نديرو بالجاج مايجيش هكاك بلاك كي درت كمية صغيرة

ودرت تان زرودية مشرملة لبابا يحبها

كاش مانتفكر كاش وصفة مليحة نقوللكم

دوك والله ماني شافية

اليوم كنت رايحة نجرب الكاشير ماقعدتش كامل

اني كي نديرو واذا نجحلي نحطلكم الطريقة

++++++++

ايا دوك نروح نقي الجاج على سعدي

[ندعوك للتسجيل في المنتدى أو التعريف بنفسك لمعاينة هذه الصورة]

شكراااااااا بنات على التفاعل فرحتوووني

نقلكم انا اليوم وش درت

من جهة خدمت لاصوص تومات
ومن جهة قطعت البطاطا مكعبات صغار وقليتهم
ومن جهة اخرى غليت شوية روز وكي طاب خلطت معاه شوية زيتون بلا عظام مقطع
كان في الفريجيدار باقي قلت نديرو قبل مايفسد

ومنبعد جبت بلا فرغت فيه الروز وفوقو البطاطا ومنبعد سقيتو كامل بلاصوص تومات
ودخلتو للفور غير شوية قيس مانشفت شوية المرقة

وشهية طيبة

بلا مزية هاجر ان شاء الله برك البنات يتفاعلو مع الموضوع

++++++++++

راكي شاطرة اليوم ههههه

بصحتك ومرسي ع الطريقة الجديدة جامي درت روز مع بطاطا مقلية سور هاذي اختراعاتك




انا بعد مادرت لاباتاي مع الجاجة [ندعوك للتسجيل في المنتدى أو التعريف بنفسك لمعاينة هذه الصورة] (ياحي نندب مكانشها ماما تشوفها تندبلي سعدي) [ندعوك للتسجيل في المنتدى أو التعريف بنفسك لمعاينة هذه الصورة]

درت معاها كينق فو

[ندعوك للتسجيل في المنتدى أو التعريف بنفسك لمعاينة هذه الصورة]

البروبلام مانعرفش نقطع الجناحتين نحصل فيهم والرقبة هاذيك ههههههه نكرازي يماها

مزية الجاجة ميتة سينو تزيد تسويسيدي [ندعوك للتسجيل في المنتدى أو التعريف بنفسك لمعاينة هذه الصورة]

راني نخمم ندير بطااطا مع الماشطو والجاج للعشا

هاذي نورمالمو تعرفوها

[ندعوك للتسجيل في المنتدى أو التعريف بنفسك لمعاينة هذه الصورة]

بصحتكم كااامل وشهيتوني
ههههه

راكم فحلات ونص
انا والطياب


نقلكم حاجة نحبها بزاف وتخرج بنينة ههههه

تقصي البطاطا مربعات وتقليها وتحطيها على جهة
وتجيبي مرقازات تفتتيهم وتحطيهم في الكسرونة وتديري صوص طوماط
وتفوري روز
ومن بعد تلوحي البطاطا والروز داخل الصوص
تجي بنينة تهبل

والا ديرو صوص بالمرقاز (يكون مقصوص دوائر صغار)
وتقليو البطاطا والجزر تحطوهم في الصحن وتصبو عليها الصوص

ههههههههههههههه لالا سارة هاذي اختراعات نسيمة ولا ماما والله ماعلابالي
المهم انا خاطي نتبع برك ههههههههههه
مسكينة الجاجة غاضتني
بصحتكم

مرسي شهرة هاذي وصفة جديدة جامي درتها
اممممممم فكرتيني في المرقاز

هاجر موضوع هايل و مفيد ان شاء الله برك يكونو مشاركات

انا كي ما نلقا ما ندير ندير قرنطيطة ساهلة
نفرغ ساشي تع قرنطيطة بودر في لتر حليب و ندير الملح و الكمون و الفلفل كحل و ندخلها للفور تطيب من التحت و من بعد نخرجها و نربيلها فرماج و نفقس عليها حبة بيض و نعاود ندخلها تحمار من فوق تجي هايلة سيرتو كي تكون سخونة

ههههههه سارة مسكينة هاديك الجاجة
كون نقولك انا حاجة تضحكي انا كي نكون نقطع في الجاجة نحصل غير في ,,,,, راكي تعرفي اللي تخرج منها حاشاك هههه ما نعرفش نحيها حتى تولي يما تعيط هههههههههههه

سارة قوليلي كيفاه ديري الكباب تاعك؟

ههههههههه هكاك انا الجاجة بكري مانعرفلهاش بصح درك الجنحين نقصهم علكيف
5 في عنيا هههههههههههه

مليح هاجر المهم راكي تسلكي راسك خلي هوما يختارعو ونتي تبعي
باش اذا ماجاتش مليحة قوليلهم نتوما ماشي انا ههههههه

[ندعوك للتسجيل في المنتدى أو التعريف بنفسك لمعاينة هذه الصورة]

+++++++++++++

مرسي سمية ع الطريقة تاع القرنيطيطة وجي مليحة بالحليب جامي درتها بالحليب

انا ندير الباكي هذاك + نص كاس زيت نحكهم مليح باليد نبسسها وندير ملح وكمون وفلفل اكحل وزوج حبات بيض وزوج ليترات ماء ونخلط الكل ونحطها طيب ساعة حتى تحجمار نخرجها

[ندعوك للتسجيل في المنتدى أو التعريف بنفسك لمعاينة هذه الصورة]

SOUMIA كتب:

ههههههه سارة مسكينة هاديك الجاجة
كون نقولك انا حاجة تضحكي انا كي نكون نقطع في الجاجة نحصل غير في ,,,,, راكي تعرفي اللي تخرج منها حاشاك هههه ما نعرفش نحيها حتى تولي يما تعيط هههههههههههه

هههههههه ماعلاباليش واش من جيهة راكي تهدري عليها هههههه

اذا على هاذيك لي جي كي شغل كرموصة لي معمرة بالماكلة ولا جيهة اخرى


ههههههه ساعفيني راني جديدة فالميدان ديجا كي راني ندخل يدي فالغار هذاك قاع لاباس

[ندعوك للتسجيل في المنتدى أو التعريف بنفسك لمعاينة هذه الصورة]

شهرة كباب ديالي

ندير حبة بصل وزوج سنينات ثوم مع شوية زيت اذا كاين الجاج قليهم معاهم المهم بصل مسكرفج ماشي مقطع

والثوم تان قليهم مع ملح وفلفل اكحل وانا نحب ندير قرفة نموت عليها فالطياب ونقطع شوية معدنوس

نقلي مليح وندير شوية زعفران (ملون اصفر خخخ) اذا كان مليح سينو مانديرش يتولن وحدو مع الطياب يرجع صفر

ايا سيدي ونمرق بشوية ما ونقلي البطاطا ماعريضة مارقيقة

المهم الملح عسي روحك فيه ماتملحيش بزاف باش اجي نص نص سينو زقات

ايه وكي يطيب الجاج نحيه انا نحب نحي الجاج كي تنقص المرقة قاع باش يبقى بنين ومالح ماشي مسوس

ونزيد شوية ما غير تغلي شوية نرمي البطاطا نقص شوية النار نخليها تتشبع شوية من صور ونكسر زوج بيض مع المعدنوس وونفرغ ونخليها مانحركش حتى تتجمر

وشهية طيبة

شهرة رديلي الدين

غدوة راني معولة على كسكسي ديالكم [ندعوك للتسجيل في المنتدى أو التعريف بنفسك لمعاينة هذه الصورة] لي بالخليع درت فتيتة من اللحم
خلعتلو على طريقيتي انا خلعتلو [ندعوك للتسجيل في المنتدى أو التعريف بنفسك لمعاينة هذه الصورة] ماشي خلعتو ههههههههه


+++++++++

راني شريت فول مدشش مي ماعنديش قرعة نورمال ندير لفت احكيلي كيفاش ديروه نتوما [ندعوك للتسجيل في المنتدى أو التعريف بنفسك لمعاينة هذه الصورة]
ممممممم

سارة نديروه هكا بصح ماعمباليش اسمو كباب ههههههه

بصح على حساب مافهمت تولي طبقة كي القراتان وتنحوها هكا؟
حنا يبقا فيه شوي صوص كي نديرو هاد الاكلة
هههههه

ايه شهرة مي ماشي قرتان هاذيك شغل طبقة تاع البيض غير تسربي يتخسر الشكل

كاين لي يحبو مجمر وكاين لي يديرو بالمرقة انا نحبو في الحالتين باسك امرضولك

راسك يموتو ع التغماس لازم نزيد شوية ما باش اغمسو

[ندعوك للتسجيل في المنتدى أو التعريف بنفسك لمعاينة هذه الصورة]

ايه سارة راني على هاديك الجيهة ههههههه

سارة هادي الوصفة حنا نقولولها بطاطا كوشة

اياه ماشي مشكل حسبت كاشي حاجة هادي نعرفها عادي هههه

ديري في برمة ماء ( الحق لي ديريه كي تمرقي مرقة عادية )

يبدا يسخن لوحي كمشة فول لي شريتيه وزيدي الكليلة و الكصبر وباقي الدواوات هههههه (حنا نخلطوهم كامل مع بعض)
احكمي في المهراس ديري شحمة وسنينات ثوم وملح وفلفلة حمرا يابسة اذا عندك اذا ماعندكش لوحي فلفلة خضرا عادي وهرسيعم مليح ولوحيهم في المرقة (قصدي الماء ههه)
والبطاطا قصيها على 4 ولوحيها واللفت تاني هكاكوشللي لخليع ولوحيه (على خاطر حنا نشيحوه برا يعني فيه الغبار)
وحتى اذا عندك فول اخضر لي يكون هكاك في القشرة تاعو مانعرف كيفاه تسموه ديريه
ومن بعد غطيه وخليه يطيب في راحتو
حتى كي طلي عليه تلقايه نقص رجع مرقة عادي وكلش طاب احكمي لحليب ولوحيه فيه وطفيلو
اذا درتي الكليلة مالازمش تخليه يغلي كون يغلي بالحليب يفسد هههه هو والكليلة مايتحاملوش كي يتغلا
والبربوشة تفوريها عادي كيما موالفين بصح ما تبخيهاش بزاف بالماء على خاطر تشرب مرقتها البيضا تجي خير
كي تحبي تاكلي سقيها عادي كي الكسكسي الاحمر ههههه
هدا مكان
ان شاء الله تخرجلك بنينة
كون جاو يبعثو الماكلة اني بعثتلك ههههههه

ههههههههه
اوك سارة هكاك نديرها ماعندهاش اسم وثرنيتك راهي كباب

ايه انتوما تغمسو حنا هنا لازم المغرفة لي يغمس نقتلو مانحبش

SOUMIA كتب:

ايه سارة راني على هاديك الجيهة ههههههه

سارة هادي الوصفة حنا نقولولها بطاطا كوشة

هههههه انا ماما تزرب كي توريلي تم تم تخلاص الجاجة علابيها ماتعلمتش مليح

هي تشد وانا نحيلها كي تكون فيدها نشوفها صغيرة وتبانلي سهلى انا تقابلني الجاجة نشوفها كبيرة وتتلفلي الرابعة

اذا يماك تساعفك غير اتعلمي ولا يبعتك راجلك لذيك الجيهة



++++++++

لالا سمية هذا كباب يعني فريت مي عريضة شوية باش ماطيحش فالمرقة

بطاطا كوشة ماشي هكا نديرها

صحة اعطينا كبابكم كيفاش ديروه يالالة

ومن بعد نقلك بطاطا كوشة

[ندعوك للتسجيل في المنتدى أو التعريف بنفسك لمعاينة هذه الصورة]

مرسي شهرة انا قريت الموضوع هذاك لي درتو رايحة ندير كيما هي ونجرب

اما ديالك ماعنديش تاويل ههههههه

يعني لاقصر لااكليل لا فول اخضر ههههه

شوفي تمسخير تاع غدوة كيلو طعام رايحة ندير

ليا باسك تشهيتو ولي يحب يسقسي اسقي يدبرو راسهم

اما بابا يموت ع المرقة حمرة

وختي تفطر باللبن ماتحب لاهك لا هك

وماما تنقب من كل حاجة خخخخخ

وسارة طيب

ياخي ياخي

[ندعوك للتسجيل في المنتدى أو التعريف بنفسك لمعاينة هذه الصورة]