من اليوم ماتزيديش تحيري في الطياب

وهدي وصفة بطاطا بيري درناها غدا اليوم.المهم المشاركة
نغليو البطاطا كي طيب نحوها وقبل ماتبرد نرحيوها.ونحطوها في كسرونا نزيدولها حليب +زبدة +شويا ملح +شويا فلفل اكحل للي يبغي.ونخلوها طيييب شويا مع التحريك
و النتيجة هكا
[ندعوك للتسجيل في المنتدى أو التعريف بنفسك لمعاينة هذه الصورة]
تاكل ساخنة شية طيبة

بصحتكم اسماء روطار علابالي هههههه

+++++++++++++

اما على الروز انا نطيبو مرات بالخضرة نقلي الخضرة لي عندي سوتو جلبانة زرودية وبطاطا مقطعيين صغار مع بصل وديري توابل ديالك لي تحبيهم مرات نسكرفج اعليهم حبة طوماطيش مرات نحبو يكون صفر ونمرق شوية كي يدخل شوية طياب نرمي اعليهم الروز ونخلي كلش اطيب

مرات نخليه هكاك ومرات ندير صوص بيشامال ونديرلو فرماج وندخلو للفور

++++++++

وتان خطرات نديرو بالفيونداشي صوص وخطرات بجاج مقطع صغير
يعني راكي تعرفي نخلط من راسي ههههه ماعنديش وصفة نتقيد بيها

دوك نروح ندير طعام

اليوم جمعة

[ندعوك للتسجيل في المنتدى أو التعريف بنفسك لمعاينة هذه الصورة]

بصحتكم واش رايحين اطيبو

[ندعوك للتسجيل في المنتدى أو التعريف بنفسك لمعاينة هذه الصورة]

بصحتكم الطعام ياالشاطرة ومرسي على الوصفة
احنا منطيبوش الطعام .واليوم درنا الغرايف بصحتكم معانا

الله اسلمك اسماء الغرايف يعني البغرير؟؟

مليح ديروهم للفطور؟

ايه البغرير هو الغرايف سارة

بصحتكم بنات ماطيبتو حنا ثاني ماشي شرط طعام نهار الجمعة اما على الروز عندي وصفات كي نكون قادرة راني نحطلك

راني نستنا سمية
سقسيتكم على خاطر جبلنا بابا شكارة ههههههه نتاع الروز وتعرفو الا طيبناه مرة زوج بطريقة نكرهو منوا لازم الجديييييييييييييد
راني خايفة برك لا نولو شنااااااااااااوة هههههههههه

حنا بابا لي يحب الطعام كل جمعة لازم نديروه ولا نديرو تكربابين (عصبان تاع قبايل) هاذو زوج كل جمعة

[ندعوك للتسجيل في المنتدى أو التعريف بنفسك لمعاينة هذه الصورة]

-----------

صح اسماء لازم واحد انوع راني شايفتها رايحين تولو شناوة صح مي والله الروز مليح يندار في كلش وطيبي بيه واش تحبي

رانا نستناو سمية

شاف دو كوزين ههههه

-------

بصحتكم البغرير اسماء

[ندعوك للتسجيل في المنتدى أو التعريف بنفسك لمعاينة هذه الصورة]

الله يسلمك سارة
وانا في انتضار سمية واطباقها

جبتلكم اليوم
فقاع مقلي .قليتو مع فلفل اخضر مقصوص دوائر +فلفل اكحل +ثوم +كمون +طماطم مقصوصة رقيق
بشويا زيت والنتيجة هدي
[ندعوك للتسجيل في المنتدى أو التعريف بنفسك لمعاينة هذه الصورة]

ودرنا بالفقايع روز في الفور والمقادير نفس اللي الفوق+فورماج +عضمة خرج يهبل
للاسف مكانش تصويرة على خاطر خرج من الفور كلاوه حشمت نصور البلا ناقص هههههه

واش البنات وين راكم رانا هاملين هادا القسم بزاف ولا خلاصو لي بلا ههههههه

انا اليوم درت وحد الوصفة لقيتها في النت ما علاباليش ادا هنا و لا في بلاصة اخرى

درت مقرون فيضتو وحدو و فيونداشي قليتو مع البصل و الثوم و الزرودية و الجلبانة و العقاقير و درت عليهم طماطم و خدمت البيشاميل و قسمتها على 2
في بلا حطيت الكوش الاولى مقرون مخلط مع صوص بيشاميل و الكوش الزاوجة فيونداشي والكوش الثالثة درت اللي بقالي من البيشاميل خلطتو مع صفار البيض و درتو من الفوق و دخلتها للفور
جات تهبلللللل
ان شاء الله تجربوها

فيدونا البنات بكاش بلاوات جدد و خفاف

واش البنات وينكم؟

ميرسي سمية يعطيك الصحة على الوصفات

انا الفترة هادي راني مع ليكونترول قاعدة ندير غير ف لي بلا المعروفين هدا لاكان دخلت للكوزينة

عندي فكرة ما علاباليش لاكان هدرتو عليها هنا من قبل ولا لا

البوراك تاع المرقاز

يتقلى المرقاز عادي و من بعد يتقص طراف صغار+زيتون مقطع و فرماج لاكان حبيتي
و تديري الحشو هدا في بلاصة البطاطا في البوراك العادي و تقليه و خلااااااص

هادي ما علاباليش بيها تبان بنينة و انا نموت على المرقاز
ان شاء الله نجربها
مرسي نور

الله يسلمك سمية

جربيها تنحي الروتين تاع البوراك العادي
بصحتك